【卡西進軍豪門！？】《誤上了黑幫老大的情婦，我只好躲在中環的職場胡混》- 第七季：紫式篇

Teresa 沉思了一會，再以試探的口吻，道：「派你嚟嘅．．．．係咪大少奶王禹伊？」

雖然這個答案在我揭開我的身分時已經變得呼之欲出，但我亦未料及，不能算是醒目的 Teresa 竟然可以一猜便中，不禁脫口叫道：「吓，你點會一估就估到架！？」

「雖然我係有時天真啲啫，但係我未至於係傻嘅，大姐一早過咗身，二姐從來都不問世事，三姐打理咁大盤生意已經夠晒忙，其他人就真係不值一提，你喺『三期一會』時都有眼見架啦，仲會肯花心機去守護朱家嘅人，數落除咗大少奶之外仲有邊個啦？」Teresa 頓了一頓，眼珠突然轉一個圈，再拍案叫道：「係喎，既然我哋目標係一致，其實我哋可以合作喎，只要我幫到你完成任務，就即係幫到我自己完成任務啫，咁你哋個計劃實際上要做啲咩架？」

「我哋嚟到呢度，就梗係想將七姨太搞嘅呢個『Cooking Party』入面啲罪証拍低晒啦。」我指一指眼鏡框的偷拍鏡道。

「咁 so far 拍咗啲乜呢？」Teresa 又問。

「咪當眾搞嘢同吸毒嗰啲囉，不過最重要朱家嘅人一個都見唔到，行晒成個場，淨係撞到你呢隻醉貓咋。」我說到這裡，忽然好像想起了些甚麼，便問：「蝦，你頭先講你嚟到呢度所發生嘅事時，係咪有提過有班 high 晒嘅人叫你哋落樓下個泳池度搞嘢呀？話時話，嗰度我仲未去過，可能真係嗰度係有料到架喎！」

Teresa 吐了一個「好」字，隨即拉著我站起來，一邊往外面衝去，一邊道：「事不宜遲，我記得嗰班人好似係向住呢個方向行咗去架！」

接下來，我跟著 Teresa 回到派對場的人群中，在大廳舞池的另一邊，找到一條通往下層的樓梯，沿梯級走了好一會，其間都沒有其他出口直至到達樓梯的盡頭，便來到了一個廣闊的地庫空間，一排羅馬式柱子頂著近六米高的樓底，中間果然有一個巨大的長方形泳池，又見這裡的人們比起上層更為豪放，大部分已是脫得一乾二淨，並紛紛在池邊或浮床上以最荒淫放肆的方式尋歡作樂，盡情地沉淪在肉體與肉體之間所帶來最原始的快感。

加油， 加甜

係正喎

Teresa 當然被當場嚇呆了，因為連身經百戰的我亦覺得太淫亂，吞一吞口水過後，才記得把這裡一幕一幕比「四仔」更觸目的情景拍進偷拍鏡中。

忽然響起「噗通」一下，緊接著是一把女聲尖叫出斷斷續續的「救命呀！救命呀！」，我和 Teresa 就立即朝向聲音傳來的方向一望，原來遠方有一個少女失足掉進水裡，儘管她拼命地求救，肢體又奮力地掙扎弄得水花四濺，但四周的人們不是視而不見、便是見溺不救，有些還站在一旁，望著那垂死的少女高興地拍著手，當作是助興節目。

唔夠你嗰故正
卡西加油

到了一個廣闊的地庫空間，一排羅馬式柱子頂著近六米高的樓底，中間果然有一個巨大的長方形泳池，又見這裡的人們比起上層更為豪放

我們則二說不說便向著少女遇溺的地點跑去，走到半路，Teresa 已指著水中的她，叫道：「係．．．．係 June 呀！」

「June？你係話朱家四小姐嗰個 June！？」我驚訝地反問。

Teresa 大力地連點幾下頭。

雖然小紅魔一直對我都充滿敵意，她又曾經重創我心愛的 911 跑車，可是在這個危急的關頭，我仍然是想也沒想便推開圍觀的人群便跳進水裡去，花了幾番功夫，終於都將她救起，並平放在池邊的陸上，但她已經是奄奄一息了。

（待續）

第二百五十三話　擁有驕人上圍的尼姑

我見 June 動也不動，連呼吸的氣息也好像沒有了，當堂大嚇一驚，便一邊伸手到褲袋想把手機拿出來，一邊慌忙地道：「報．．．．報警呀．．．．」

「唔好呀！」Teresa 急急阻止我，再道：「你報警咪會將呢度啲嘢都爆晒出嚟？到時朱家實名譽掃地呀！！」

「我知道朱家嘅聲譽緊要，但係家陣搞出人命喎，咁點可以唔報警呀？」我加重語氣的反問。

Teresa 沒有回答我，卻一個箭步蹲到 June 的旁邊，檢查了半晌後，叫了一句：「邊個話搞出人命？」就立即俯首將自己的嘴巴對準她的嘴巴進行人工呼吸，連續換了幾口氣，又純熟地雙手重疊，往她的胸口一下一下按壓下去，如此手口交替的施展了一會，June 突然「噗嚇」一聲，把堵在氣管的池水吐出來，之後，便見她那張如死灰的臉蛋逐漸恢復血色。

非常感謝呀

好開心經歷咗七季，大家都對我不離不棄，我一定會好努力咁繼續寫落去

Teresa 的急救法簡直對 June 有起死回生之效，不禁令我嘖嘖稱奇，脫口讚道：「你．．．．你好勁呀！」

「乜你唔記得咗我係私家看護嚟咩？」Teresa 笑道。

「係喎！」我亦笑了一笑，但又見 June 仍是不省人事，便再問：「不過佢仲未醒喎，咁係咪已經真係無事架？」

Teresa 想了一會，道：「以我所認識嘅 June 平時曳就係曳啲，但係未至於係道友，相信佢頭先貪玩 take 咗少少嘢，就同體內嘅酒精撞埋一齊至搞到冧咗啫，我哋將佢送返屋企休息下，瞓醒佢就無事架啦。」

小雲？後樓梯？

「佢屋企喺邊架？」我又問。

「June 都未嫁人，就梗係同佢媽媽，即係我二姐一齊住啦。」Teresa 答。

Teresa 口中的二姐就是二姨太承沐綾，也是我在朱家中還未見過的唯一家庭成員，她連「白髮太后」三姨太和「夜神月」七姨太亦不敢不出席的「三期一會」都可以缺席，我感覺到她應該是一個絕不簡單的人物！

二姨太所住的地方是「七殿」之一的「弘徽」，在我抱著 June 前往那裡的途中，我忍不住問 Teresa 有關二姨太的事，道：「上次『三期一會』，朱家上上下下就算係幾咁唔願意、又或者出緊差幾忙都好都會趕返嚟，唯獨係呢個二姨太無 show up 到，查實佢係咩人嚟架？」

「我同二姐都唔係好熟，我淨係知道佢嫁畀老爺之前有個好好嘅男朋友，去到談婚論嫁嘅地步，因唔知啲咩原因而散咗，跟住老爺就乘虛而入．．．．」說到這裡，Teresa 自覺自己一說便說得太直接，便伸一伸舌頭，尷尬地笑道：「一個係我老爺，一個係我阿姐，我喺你面前講埋呢啲咁嘅嘢，好似唔係好方便呀呵？」

幾時入戲肉
你個標題咁吸引 真係令人期待
嬌人上圍

各位今晚賞月愉快

「我同你今晚喺得『Cooking Party』度出現，就係為咗朱家好，你唔對我坦白，我又點可以全力咁完成任務呢？你頭先唔係講過話你幫我即係幫自己架嘛？」我理直氣壯地反問。

Teresa 猶豫了半晌，點一點頭，還是繼續道：「正正係因為咁，個個都話二姐其實唔鍾意老爺，所以同老爺有關嘅人佢都唔會想見，喺『紫式苑』深居簡出過住好似隱居嘅生活。」

「咁唔怪之得佢不屑去『三期一會』啦。」我思索了半晌，又道：「蝦，不過我見朱家嘅其他人雖然好似唔多願意咁，但係都仍然會盡力咁出席，又謹遵朱建東所訂下嘅傳統，就算佢已經處於昏迷狀態，每次都仲同佢影全家福，都算係唔話得啦。」

Teresa 好像想說些甚麼，卻欲言又止似的，接著便指向不遠處的一間大屋，叫道：「呢度就係『弘徽』啦！」

我朝往 Teresa 指著的方向一望，再一邊走近一邊打量，這「弘徽」地下基座是一氣呵成的拱形柱廊，紅磚牆的立面整齊排列著一扇一扇威尼斯式窗戶，兩者均展現出新古典主義的建築風格之優美，不計早已荒廢的「承香」，跟「紫式苑」中其他仿歐式的新型建築相比，多了的是一種被歲月洗練過的質感和經歷史沉澱過的底蘊。

不經不覺來到了一道大閘前，我雙手抱著 June 所以只能靠 Teresa 按門鈴，但她卻久久沒有動作，更流露出若有所思的神情。

「做乜發呆呀?」我問。

Teresa 苦笑了一下，道：「無，諗諗下，我都唔記得咗對上一次見二姐係幾時咯，所以有啲緊張啫。」

「話晒都一家人，緊咩張啫？」我奇道。

「唉，你唔明架啦，二姐一出世就生於大富之家，同朱家其他姨太太好唔同，自小就嬌生慣養萬千寵愛在一身，聽聞結唔成婚嗰次係佢自出娘胎以來受到最大亦都係唯一嘅打擊，所以至令到老爺佢有機可乘，而本身係千金之軀嘅二姐階級觀念極重，一般下人或外人一律不見，就算係平時有關朱家嘅家事，都係靠 June、或者佢一個叫彌姨姨嘅近身隨從傳話。」Teresa 又歎了一口氣，再反問：「所以今次我哋失驚無神抱住 June 摸上門，我係咪應該緊張先？」

幾時有甜

嚟緊啦

想問部針孔攝影機浸咗水仲用唔用得？

聽到 Teresa 的形容，我相信這個二姨太應該是一個相當難頂的人，更令我想起連身為「亞索克斯曼」王子的哈爾仔都把我當成最好的朋友，區區一個香港四大富豪的次女，如果她真的看我不起，我也會毫不客氣地不將她放在眼內呢！

Teresa 見我當了機沒有回應，便轉頭望一望向我，隨即「呀」的怪叫了一下，再顫聲道：「你．．．．你個樣呀！」

「我個樣咩呀？」我奇怪地問。

Teresa 拿出鏡子，並舉高放在我面前，道：「你自己睇下！」