【卡西進軍豪門！？】《誤上了黑幫老大的情婦，我只好躲在中環的職場胡混》- 第七季：紫式篇

第二百四十七話　三期一會的飯局

Siri 興奮了一會，冷靜下來之後，又問：「不過點至可以入到去呢？」

男男苦笑道：「如果真係有度暗門通去入面嘅暗格，學卡西話齋，總會有個可以打開道門嘅機關掣收埋喺度嘅。」

看到男男的反應，我亦再環顧一下四周，可見這地下酒窖佔地真的很廣，四通八達的拱形廊道兩旁全是頂上天花的酒架，每個酒架都插有數之不盡的紅酒，我真的不敢想像這裡的總存酒量究竟會有多少，便想到如果打開暗門的機關掣是其中一枝、或幾枝酒，要找出來確實也絕不簡單，才明白為何男男會即時擺出一臉愁容。

Siri 當然已明白我們在煩甚麼，沉思了一會，便提議道：「既然我哋都知道暗格就係喺嗰幅磚牆嘅後面，不如我哋索性爆入去咪得囉！」

支持卡西食女

「嘿，你估好似你頭先剪啲鐵絲網咁簡單咩？」我失笑了一下，再道：「整得個暗格同暗門就梗係想收埋啲秘密啦，如果強行爆入去嘅話，好可能就會郁到裡面啲機關，到時搞到一鑊熟咁點算呀？」

「今次卡西就講得有道理喇！」男男點一點頭，又道：「再睇呢度個酒窖仲擺咗咁多枝酒，能夠成功打開道暗門嘅正確方法好可能只得一個，仲要涉及唔知幾多、唔知次序、同唔知點嘅方式去郁啲酒，而其餘嘅除咗用嚟做煙幕之外，甚至有啲一郁錯咗就會啓動其他嘅保安裝置，以防止有入侵者亂試亂撞，所以喺未搵到進一步嘅線索之前，我哋而家最好乜都唔好搞住。」

雖然此刻我們沒法把暗門打開，但既然已確定了黃金的收藏位置就在「承香」地牢，所以這次探險總算不是無功而還。

而為了方便作更深入的調查，男男和 Siri 亦暗地裡已搬了進來我和 Rionna 的新居。

幾天之後，王禹伊終於從新加坡回港，我們在中午時分已收到她的通知，邀請我們晚上跟朱家一起吃頓飯，地點是「常寧」。

說到底，這是與整個朱家的首次見面，所以我還忍痛準備了一個平時不捨得買的日本溫室果籃作為見面禮，才去到王禹伊和她老公朱祖杭所住的「宣耀」會合，再一同前往「常寧」赴約。

「Hello，你哋叫我 Peter 得架啦，Elaina 嘅屋企人亦即係我嘅屋企人，記得當正呢度係自己屋企啦！」朱祖杭一見我們便友善地道，我雖然知道他的年紀若三十中，但外貌上卻像五十歲的老翁，個子不高，擁有酒桶一樣的身形，五官亦是肥腫難分，我想如果不是他雄厚的家底，根本就不可能可以娶得「主播 E 神」這種級數的美女為妻。

「晨晨，家姐唔喺度嘅呢幾日，住成點呀？」王禹伊問。

「好好呀，呢度環境好舒服，空氣又好喎，我直頭 feel 到肚入面嘅 BB 都健康咗呀！」Rionna 眉飛色舞地道，我知道她又在展示她的演技。

王禹伊笑道：「咁就好喇。」

「係呢，一陣食飯嗰度叫『常寧』，就係三姨太住嘅嗰間屋？」Rionna 又問。

嘩！有新一季

潛水系列

而家落街就可以潛了

水浸系列

王禹伊搖一搖頭，再道：「老爺出事之前一直就同三姨太住喺『貞觀』度嘅，患病之後，為咗方便養病就自己搬咗去『常寧』，再請咗一個叫 Teresa 嘅私家看護照顧佢，而嗰個私家看護後來就變成咗六姨太啦。」

「咁即係『常寧』而家係六姨太住緊？」我追問。

「都唔係啫，直到七姨太入咗門之後，老爺嘅病情就不斷惡化，跟住仲癱埋添，無幾耐，六姨太就自己搬咗去『梨屋』度。」王禹伊頓了一頓，又道：「雖然而家老爺嘅情況同植物人無乜大分別，不過每三個星期，我哋一家人都一定要坐埋一齊食餐飯，我哋叫做『三期一會』，而『三期一會』亦都一定要喺『常寧』度搞，因為老爺佢都可以藉住『三期一會』嚟親近一下我哋啲屋企人嘛。」

我又問：「今晚嘅飯局，就係『三期一會』？」

王禹伊點頭一下。

其實可能已經屌咗

Rionna 伸一伸舌頭，打趣地道：「乜好似講到唔用『三期一會』嚟逼大家，一家人都唔會坐埋一齊食餐飯咁嘅？」

王禹伊尷尬地笑了一笑，再道：「個別 close 啲嘅 Family Members 就梗係會自己約啦，例如我同三姨太咁，至於全家人大圍嗰啲，大家都咁忙，就真係只能夠靠『三期一會』架咋。」

同住在一起的一家人竟要透過一個名為「三期一會」的飯局，每三星期才可以勉強聚首一堂，可見朱建東雖然有七個老婆，盡享所有男人都趨之若鶩的齊人之福，但當他晚年患病的期間，一家人卻不能齊齊整整，身邊亦沒有一個親人照顧。

屌咗點會唔通知大家？

係呀，記得多多支持呀

「好啦，時候都唔早，我哋要出發架啦，遲到就唔係咁好啦。」王禹伊說罷，便請我們到外面，再登上一輛早已準備好的名貴房車，我不禁一忖，心想：「去同一個屋苑嘅另一間屋都要坐車？你哋啲有錢人係咪真係行多步都唔撚得架？」

車子拐了兩個彎很快就到達「常寧」，一個看來比昌哥年紀更大的老管家開門，笑道：「歡迎大少、大少奶，咦，呢兩位一定就係大少奶嘅妹妹同妹夫喇？你哋好呀，我姓孫，喺『紫式苑』入面個個都叫我做孫管家架，請入嚟啦！」

這個孫管家雖然年紀很老，又自稱為「管家」，但雙目炯炯有神，一點也不像一般的下人。

我禮貌地向孫管家點一點頭，之後，就被帶到一個宮廷式的大廳之內，可見巨型的水晶吊燈下一張長枱，鋪著長長的絲質枱布，上面放有華麗的燭台和整齊的餐具，並已坐得密密麻麻，只留下六個空位當中有四個應該是給我們。

已就坐的面孔可分為「認識」、「見過但不認識」和「完全未見過」三種，「認識」的除了坐頭位的三姨太外，還有四小姐、四姨太丹丹和五姨太 Scarlet 幾天前都已經「交過手」。

「見過但不認識」的有朱家二少朱祖材 Ivan 和三少朱祖權 Gordon，他們都經常在新聞或財經台上露面，真人的長相跟大少朱祖杭 Peter 猶如餅印一樣，一看便清楚是三兄弟，令我有點兒始料不及的是，坐我對面竟就是在婷熙醫務所的照片中有見過的那個「D 奶妹」鞏佳蕙，才猛然醒起她也是朱家的二少奶，記得相中的她連陪奶奶三姨太看醫生也穿成拋胸露臂，這刻她的一件緊身洋裝裙，露出約兩寸的乳溝來出席「三期一會」已不算是太過分了。

還有坐一左一右兩端的陌生美女，驟眼看來一個冶豔如花、一個清純若水，兩者打扮南轅北轍，均屬於「完全未見過」之列 。

安頓下來後，三姨太便向我笑了一下，道：「真係估唔到原來你就係 Rionna 嘅未婚夫，我哋喺『拔道』嘅校董會上有過數面之緣架啦，証明呢個世界真係好細！」

聽三姨太的語氣，似乎未知道我就是當天在「薔薇莊」參加哈爾仔婚宴的那個黃先生。

「今次好多謝朱家嘅幫忙，等我有個咁好嘅地方養胎。」Rionna 再拿著我帶來的果籃站起身，道：「首次同大家同枱食飯，呢度小小意思。」

三姨太向孫管家打個色眼，孫管家便走過來把果籃收起，三姨太又道：「我當正 Elaina 係我個女，而你又係 Elaina 嘅親妹妹，所以即係我嘅細女啦，既然大家都係自己人，說話就唔駛咁客氣架啦！」

「喺咯，下次食飯就千祈唔好再拎啲乜嘢嚟啦，唔通我哋朱家會同你哋計咩？真係同你計嘅話，你成個果欄送嚟條數都計唔掂啦！哈哈！」四小姐笑道，她說話時的表情雖然很和善，跟那朝早有極大的分別，但說話的內容卻是字字有骨。

三姨太斜斜望向對面那空位一眼，再問四小姐：「係呢，June，你媽咪今晚嚟唔嚟呀？」

原來四小姐的洋名叫 June，而剩餘兩個空位中有一個是她媽媽的。

那還有放在主席位置的空位又是留給誰呢？

「三媽，你都知我媽咪永遠都只活喺自己嘅世界入面，其他嘢乜鬼都唔理架啦，咪睇我係佢個女，其實我從來都唔知佢想點架。」June 苦笑了一下，再擺出一副愛莫能助的表情，道：「總之夠鐘就開飯，唔駛等佢架啦。」

三姨太望一望手錶，道：「都仲有時間嘅，我哋可以再等多陣。」頓了一頓，又向我們道：「咦，你哋未識得晒朱家啲人架嘛？不如大家趁呢個空檔自己介紹一下啦？」

接下來，每一個在席的人便輪著跟我們打聲招呼，各人座位和稱呼如下：

經一一介紹之後，連「完全未見過」的二人都知道是誰了。

原來冶豔女就是最後一個入朱家門的七姨太 Moon，我忍不住再細心打量她一番，瓜子臉蛋上是一張豐盈的紅唇和一雙深邃的媚目，堆出一副甚麼也不放在心上的神情、又或者是她早已練得把一切看破的覺悟罷了，留有一把金棕色的頭髮又長又捲，每次撥弄髮絲都把勾魂蝕骨的香水味道隔空傳到我鼻子裡去，這個處處散發著不應在家庭飯局中會出現的風塵氣息之女人，我當然未猜得透她的來歷，只能肯定她的姿色和霸氣都直逼「白髮太后」三姨太。

至於剩下來那個裝扮簡樸的清純女，就是王禹伊之前有提起過的六姨太 Teresa，我亦感到她應該是這裡眾人當中最平易近人的一個，因為由我們踏入「常寧」以來，她算是對著我們展露得最多親切笑容的人。

這個朱建東的口味真是雜得很，甚麼也愛！

「老爺嚟啦！老爺嚟啦！！」孫管家忽然喊道。

沒有文睇的我
決定由第一季開始重睇多次

話說有無師兄可以推介下其它甜故

老爺？難道是朱建東？但他不是已經變成了植物人嗎？怎下來吃飯？

突然，大廳的另一邊傳來清脆「叮」的一下，我連忙朝著聲響的方向一望，只見電梯門已經打開了，裡面竟是婷熙和她的叔叔楊禮韜，正在把一個神智不清並且癱賴在輪椅之上的老頭推出來。

對了，楊禮韜是朱家的家庭醫生。

至於那個老頭，不是「紫式苑」的主人朱建東還有誰！？

婷熙一踏出電梯就看到席上的我，但她當然沒有跟我相認，只是繼續和楊禮韜一起把朱建東推到長枱的主席位置才停下來。

最後一個空位，就是留給朱建東！

「朱爵士今日嘅情況認真唔錯，一定係因為佢知道今日係佢期待已久嘅『三期一會』呀！」楊禮韜笑了一笑，再道：「你哋隨便啦，我哋都唔阻住大家食飯喇。」

「真係唔該晒你哋，請慢行。」三姨太客氣地道。

孫管家送走婷熙和楊禮韜之後，便走回來，向著眾人朗聲道：「好，『三期一會』正式開始！」

（待續）

第二百四十八話　餐桌上．餐桌下

已病入膏肓的朱建東竟然會出來跟大家一起同枱吃飯，我實在是想也沒有想過！

見朱建東他全身猶如沒有一根骨頭般，躺在輪椅之上動也不動，雙眼雖然是有睜開，但目光散渙完全缺乏焦點，都知道他根本跟失明沒差兩樣，嘴巴半合不攏，除了持續地傳出令人起雞皮疙瘩的吟呻聲之外，嘴角還不時流出唾液，不禁令我想著，他這副德性，還要勉強推出來幹麼？

朱建東簡直就在示範著甚麼是「獻世」！