【卡西進軍豪門！？】《誤上了黑幫老大的情婦，我只好躲在中環的職場胡混》- 第七季：紫式篇

想睇Siri啲咩先?

第二百五十九話　不請自來的探訪者

Siri 倒抽一口涼氣，道：「如果王禹伊同埋 Teresa 係幫緊三姨太做嘢，咁佢哋兩個咪都係『玫瑰會』嘅人？」

Rionna 的眉頭皺起，長長歎了一口氣，再道：「點解家姐會加入埋啲咁惡毒嘅組織架？」

「咁而家都無証無據，你又唔駛咁快下結論嘅。」男男安慰 Rionna，道：「講到底，三姨太雖然係『玫瑰會』嘅『白衣皇后』，但係佢亦都係朱家入面嘅『白髮太后』，王禹伊幫佢做嘢，同王禹伊係咪『玫瑰』，兩件事情暫時睇唔到有必然嘅關係嘅。」

「要搵証據好簡單啫，睇下喺佢身上搵唔搵到『玫瑰』嘅記認咪得囉！」Siri 吐了一句，再指一指向我，笑道：「你好彩啦，咁啱卡西佢就係呢方面嘅專家嚟添呀！」

Rionna 大喜，再捉實我叫道：「真嘅？咁你一定要幫我睇下我家姐係咪真係『玫瑰』喇！」

我當然知道 Siri 是故意這樣說來作弄我，我唯有敷衍應著 Rionna 幾聲「好呀」，再道：「不如講返分配遺產單嘢先啦，其實王禹伊都已經踢走咗 Moon、丹丹同 Scarlet 三位姨太太啦，乜再搞走埋多一個沐綾嘅分別真係咁大架咩？」

「我哋將兩個 Scenario 畫晒出嚟，再對比一下咪知囉。」岑學羚說罷，便拿出另一張白紙，並在上面開始畫起來。

首先畫出來的表格，就是只把 Moon、丹丹和 Scarlet 三位姨太太逐出，而沐綾還留在「紫式苑」的情況，如下：



Siri 將頭伸過來一望，便驚奇地道：「咦，雖然三姨太由之前 3.46% 升到上 4.57%，但係二姨太因為有輩分嘅優勢，亦都加到 3% 喎。」

男男點一點頭，道：「仲有，June 都由 2.01% 大幅度咁加到 3.41%，依照未夠廿一歲嘅承繼者要將所得嘅遺產交予『家管會』新主席保管嘅規條，二姨太最終所得嘅仲多咗 2% 添。」

想不到查案了得的男男，「數口」也是同樣厲害。

「嗱，我再將趕走埋二姨太嘅 Scenario 畫埋出嚟啦。」接著，岑學羚便在張紙上的空白位置，畫多一個表格，如下：

「三姨太同 Teresa 都可以分得多過 5% 喎！」Rionna 脫口叫了一句，再多望兩眼，又道：「不過就算二姨太無得分，三姨太加埋 Teresa 嗰份，夾埋都仲未夠二姨太喺承誌源攞到嘅 22.05% 多喎。」

我拿去岑學羚手中的筆，然後圈著朱氏三兄弟、Teresa 和三姨太這五人的名字，才道：「朱祖杭不褸都係老婆奴，實聽晒王禹伊嘅說話架啦，其餘朱祖材同朱祖權兩個庸才喺公司度都係對『白髮太后』唯命是從，分畀佢哋嘅遺產肯定都會係由三姨太話事，所以三姨太佢實際上可以控制到嘅股權，除咗自己承繼嗰份，再加埋 Teresa 同『三隻小豬』嗰四份就係 23.27%，已經多過沐綾擁有嘅 22.05%。」

Rionna 拍了自己的大腿一下，道：「如果係咁計，三姨太成為新主席後，仲可以用主席嘅身分攞埋 June 嗰 3.68%，全部加埋晒，比起二姨太反超前 5% 添呀！」

我吞一吞口水，又道：「似乎『東建』唔係三姨太嘅囊中物，要做埋『三原』嘅主席，至真正得到朱建東嘅所有權力！」

「咁呢個計劃成唔成功，能唔能夠將二姨太踢出局確實係最關鍵喎。」Siri 說到這裡，臉蛋忽然浮現出一點疑惑之色，再道：「不過我有啲唔明，明明二姨太佢已經深居簡出，『喱』喺『弘徽』入面潛心修行，過住嗰啲清心寡慾嘅生活都唔知幾耐，點解咁都會畀卡西佢打爛個齋盤嘅？」

「當時我同 Teresa 送 June 返『弘徽』，沐綾嘅隨從心腹彌姨姨一見到我，就猛話我面善，相信係因為我似沐綾嘅前男友嘅關係。」我頓了一頓，又道：「而將我帶去『弘徽』做餌用嚟引沐綾跌入圈套，似乎就係 Teresa 喺整個計劃嘅主要工作。」

「照計二姨太同佢條仔散嘅時候，Teresa 都未出現，咁呢單咸豐年咁耐嘅往事，點解佢又會知道嘅？」Siri 追問。

男男歎了一口氣，道：「Teresa 未做六姨太之前係朱建東嘅私人看護，其實喺佢未入『紫式苑』做私人看護之前，我查到佢原來曾經係 June 嘅家庭補習老師，所以喺好耐好耐以前，佢已經係經常進出一般人難以踏足嘅『弘徽』，就係因為呢個便利，畀佢洞悉到二姨太嘅死穴，一直保留到今時今日，造就扭轉『三原』股權分布嘅最致命一擊！」

男男雖說過這案件放手給我和 Siri 去幹，但她暗中也有調查各懷鬼胎的家族成員，而她的話亦令我想起 Teresa 對我的朝三暮四，不禁感歎起來，道：「啲女人真係恐怖，處心積累咗咁多年，表面上仲扮到對所有人都好友善咁，真係畀佢呃晒！」靜默了一會，我苦笑了一下，道：「最重要係沐綾佢係最有可能破到『承香』地牢個酒樽陣，同埋打開道暗門嘅人嚟，偏偏佢就喺呢個時候被逐出家門，本來所有問題都可以一次過就解決晒，朱建東真係死得唔合時！」

咁朱建東返生咪得囉

「你哋連『Cooking Party』都混到入去咯，偷運佢返嚟『承香』照計濕濕碎啫？」Rionna 以試探的口吻道。

我搖一搖頭，道：「我諗就無咁易喇，沐綾佢一出世就係『紫式苑』嘅主人嚟，咁樣畀班外姓人夾埋踢咗出家門，幾咁無面呀？性格高傲自負嘅佢又點可能肯偷渡返原本屬於自己嘅地方呢？除非踢佢走嘅人用八人大轎請佢返嚟啦！」

接下來，眾人無計可施，漸漸陷入一片沉靜，不知過了多久，門鐘忽然「叮噹」一聲的響起，我心裡當堂納悶著是誰那麼夜，便連忙跑去應門，來者竟然是婷熙！

法例只係限制未滿21歲唔能夠成為遺產執行人, 未影響受益人, 實際上可以去打法院推翻保管規條

本身未成年遺產保管人的權益同受益人有利益衝突 係可以作為撤銷代理人的理據

婷熙見我一副愕然的表情，笑道：「點呀？搬咗嚟咁耐都唔請我上嚟坐下，而家我咁夜不請自來，係咪唔歡迎我呢？」

「點．．．．點會，請入嚟啦。」我攤一攤起手邀請婷熙入內，問：「係呢，你唔係要喺『常寧』度 stand-by 架咩？乜咁『錯蕩』呀？」

「我同叔叔一路坐喺『常寧』樓下等，等咗唔知幾耐等極都未有消息，叔叔就想自己走先，臨走時吩咐我要繼續留守喺度，直到收到朱家嘅決定至通知佢喎。」婷熙一邊走，一邊又道：「叔叔走咗之後，我就醒起你好似都係喺『紫式苑』度，同啲馬姐打聽一下，就知你而家暫時住喺『梅屋』度，咪特意過嚟搵你 say 個 hi 囉。」

一般平民百姓要看醫生，別說早已因人滿之患而「淪陷」多年的公立門診，就算是收費不菲的私立醫院，往往都要花數小時輪候，才能見到一刻千金的醫生一面，反觀香港四大家族之一的朱家，除了有兩位隨傳隨到的名醫當「御醫」之外，連等著為朱建東「拔喉」的決定也要留下其中一位免得待慢家屬，就知道有錢的人性命真的是稔貴得多罷了。

受教了

Ching 係律師？

男男一見婷熙踏進客廳，便笑道：「楊醫生，終於都有機會同你正式見面啦！」

婷熙一怔，望一望我，隨即回復一張笑臉，道：「嗯，無錯，我哋終於都有機會正式見面喇，男男。」

婷熙竟然也說得出男男的名字，這回便輪到男男的笑容變得僵硬起來，我當然知道箇中因由，因為男男曾受婷熙前夫所託去調查婷熙，並在所偷拍得的淫片中見過婷熙，當中情節包括我跟男男相認的經過，事後我亦有向婷熙談及，才演變成拿我和男男的 DNA 去驗，而隨著我得到是一份那令人痛心的化驗結果，我又怎會再跟男男提起呢？便連忙打個圓場，道：「無論之前係見過未識、又或者係識咗未見，總之而家就重新介紹一次，之後大家就係 Friend 咪得囉！」

說罷，就把婷熙逐一介紹給屋中的人認識，當她最後跟岑學羚握手時，岑學羚忽道：「真係估唔到喺咁嘅情況下，我竟然會同我嘅上家握手，真係幸會幸會！」

「上家？你話婷熙係你嘅上家？」我奇道。

「我係一個專門處理遺產嘅律師，富豪係我哋嘅『客戶』，富豪嘅醫生咪係我哋嘅上家嚟囉，無醫生幫我哋嘅『客戶』宣告死亡，佢哋嘅財產又點會變成遺產？我哋又點可以啓動成個機制，將啲遺產分畀啲遺產承繼人喎？」岑學羚笑了一笑，又好奇地問婷熙：「咁其實朱建東嘅情況係咪真係咁差，隨時都會兩腳一伸架啫？」

「較早之前係有啲危急嘅，不過經過我同叔叔一輪搶救之後，情況其實已經係穩定返落嚟。」婷熙面露一絲腼腆之色，道：「所以嚴格嚟講，呢一刻的確係無即時嘅生命危險嘅。」

Siri 瞪大雙眼，反問：「吓？無即時嘅生命危險？咁你哋又叫佢哋『拔喉』？」

婷熙解釋：「既然病人醒得返嘅機會可以話係同零都無分別，而以今時今日嘅醫療科技嚟講，靠『常寧』所配置嘅維生設備，朱建東嘅肉體真係可以有排擺，通常喺咁嘅情況下，我哋都會徵求家屬嘅意願後，用『拔喉』令病人得到真正嘅休息，對家屬亦係『長痛不如痛』，我認為，咁都係醫生應該做嘅事嚟嘅。」

朱建東會唔會長命過班姨太

Rionna 伸一伸舌頭，打趣的笑道：「嘿嘿，朱建東一日未死，家姐佢哋又點分佢啲身家喎！大家搞咗咁多嘢都係等呢個 Moment，問啲家屬『拔』唔『拔喉』？梗係幾大都『拔』啦！」

咦？對了！

朱建東一日未死，他的身家又怎可以分給別人呢？

我一想到這裡，便緊張得立即站起來，捉實婷熙的雙肩，急急嚷道：「呢個 Moment 朱建東都未死，只要你唔幫朱建東『拔喉』，佢喺法律上未宣告死亡，屬於佢擁有嘅所有財富自然就未可以變成遺產住，咁咪邊個都唔可以分唔到佢一分一毫囉？」

「講．．．．講就係咁講，之不過，同朱建東『拔喉』咁大件事，一定係由我叔叔親自做架．．．．」婷熙皺起眉搖著頭，道：「況且，我叔叔亦已經同咗家屬講過話除非有神蹟發生，否則朱建東已經無機會醒得返，你話我叔叔會唔會無啦啦改口？」

「神蹟就係，我哋手上有你叔叔同醫委會主席馮梁文婧通姦嘅証據！」男男突然跳起身叫了一句，再道：「話朱建東嘅情況有好轉嘅跡象，要多少少時間觀察一下應否『拔喉』，幫手同家屬講呢句咁無傷大雅嘅說話，點都好過自己嘅姦情被揭破啩，你話係咪？」

（待續）

第二百五十九話 不請自來的探訪者

第二百六十話 偷天大計

婷熙沒有立即回答男男，卻垂低頭似是仔細地考慮著，過了好一會，再抬起頭來望一望男男，又望一望我，才道：「我記得我講過，以後你哋有咩要我幫手，我幫到嘅一定會幫，而且，我雖然一直喺叔叔面前扮無嘢，其實我係時時刻刻都想同爸爸報仇，家下只係叫佢同家屬講句嘢啫，簡直係濕濕碎啦！」

「你肯幫手咁實在太好啦！」我大喜，連拍了幾下手掌，又忙道：「咁你快啲搵你阿叔傾下偈啦，『喪委會』隨時都會有決定，你千萬要楂緊時間呀，真係等到朱建東釘鬼咗就神仙都救唔返啦！！」

「好，咁你等我嘅好消息啦！」婷熙說罷，就匆匆離開「梅屋」，之後，我便將身軀放鬆地躺在梳化之上，長長舒了一口氣，又道：「咁而家除咗等婷熙嘅消息之外，都無咩可以做架啦？」

「其．．．．其實，你會唔會開心得太早呢？」岑學羚忽然反問一句。

同岑律師瘋狂開心