【卡西進軍豪門！？】《誤上了黑幫老大的情婦，我只好躲在中環的職場胡混》- 第七季：紫式篇

第二百七十話　從頭出發

我們登時被眼前的狀況嚇得目定口呆，卻一步一步不自覺地朝著那閃閃生光的門口走過去，直到終於踏進這個「紫式苑」的禁地核心，第一眼盡入眼簾的，就是一疊一疊堆積如山、反射得令人眩目的金磚！

彌姨姨顫聲道：「好．．．．好多黃金呀！」

沐綾的雙眼亦瞪大猶如兩個乒乓球，驚訝地道：「由暗門照出嚟嘅金光，果然係喺裡面嘅黃金而嚟，『承香』地庫有寶藏並唔係傳說，而係真架！」

我執起其中一塊金磚檢視著，便看到表面刻著「聖庫」的字樣。

「係．．．．係嚟自『聖庫』嘅金磚呀！」在我旁邊的 Siri 見狀亦脫口叫了一句，俯首思索半晌，又不解地道：「但係明明三姨太都講過話『拔道』掘出嚟啲金已經運走晒啦喎，點解仲會有一批收埋咗喺度嘅？唔通三姨太佢連自己條仔都呃？」

我們幾個還被「閃令令」的「金山」迷惑著，當然沒有理會 Siri 的提問，男男卻已經走到密室的另一邊，站在一張陳舊的書桌前，問：「你覺唔覺得呢本嘢有啲熟口熟面？」

推。

唔通係四十二章經！？

我一個箭步撲過去一看，見枱面放了一本殘破不堪的黑皮手帳，想了片刻便靈光一動，嚷道：「呢本嘢，咪十足十岑律師拎過畀我哋睇嗰本田中久一嘅日記咁囉？」說罷，我就立即拿上手翻看起來，裡面密密麻麻全是手寫的日文，通通都是我看不明白的。

此時，沐綾已走到我身邊，旁觀著我多翻幾頁，忽道：「睇睇下，乜啲字咁似我爸爸寫嗰啲嘅？」

「吓？」Siri 當堂驚奇地叫了一聲，再緊張地問：「咁呢本嘢咪即係你爸爸寫架囉？」

沐綾聳一聳肩，笑道：「我話似啫，未必係嘅。」

我將手中的黑皮手帳遞給沐綾，道：「你既然連啲日文似你爸爸嘅筆跡都睇得出，咁即係你會睇得明呢本嘢啦，咁不如就拜託你睇下裡面寫乜東東喇？」

「我爸爸咁鍾意日本文化，喺我同家姐細細個嗰陣，爸爸已經親自教我哋日文，不過我本身對日文嘅興趣就麻麻，學極都普普通通，不過我都可以試下睇下本嘢嘅。」沐綾接過黑皮手帳，細閱一會之後，就忽然長長「咦」了一聲，再道：「呢本嘢．．．．唔係我爸爸寫架喎！」

「唔係你爸爸寫嘅？咁係邊個寫架？」Siri 追問。

沐綾一邊閱讀，又一邊「唔」了好一陣子，才答：「呢本嘢係一個叫三永志原嘅日本兵寫架，佢係大日本帝國陸軍第 23 軍，隸屬香港佔領地總督部輸送部隊中嘅一個小隊目。」

「香港佔領地？咪即係香港淪陷時期嘅駐港日軍？」我頓了一頓，再問：「咁本嘢講咩架？」

三永志原
承志原
個名係合埋

三加永咪承🫨

沐綾越看眉頭越皺，還不住搖頭，歎道：「本嘢寫啲嘢有好多都好深，我都唔係咁睇得明白，只係知道大致上係講呢個三永志原喺駐港期間執行咗個任務，呢個任務仲係好機密添架。」

「佢究竟執行咗啲咩機密任務咁巴閉呀？」Siri 心急的追問。

「佢係輸送部隊，我估就梗係同輸送有關架啦。」沐綾翻了幾頁，便指著其中一段，道：「好似係由一個喺『香ヶ峯』嘅『俘虜収容所』，送啲嘢去一個位於『寶雲山』嘅工地度囉。」

「香ヶ峯」的「俘虜収容所」？「寶雲山」的工地？

係咪就係拔道呀？定係就係呢個紫式苑，香x峯係咪紅香爐峰、寶雲山就係依家寶雲道半山嗰頭

即係承志源一早就夾起哂拔道D金，三姨太根本就見都冇見過

在日佔時期，日本駐港政府在香港實施了一系列的日化政策，當中包括將香港一些地方或街道換上日式的名稱，例如「皇后大道」改為「明治通」、「干諾道」改為「住吉通」、「黃泥涌」改為「青葉峽」等等，而「太平山」就是被日化成一個叫「香ヶ峯」的名字，難道手帳中位於「太平山」的「俘虜収容所」，就是指那個日軍以興建戰俘地下監獄作幌子，實則為挖掘「太平天國」寶藏的「拔道書院」嗎？

我急急追問：「你再睇下本嘢，睇下裡面有無寫嗰個工地，係咪起一個叫做『忠靈塔』嘅建築？」

沐綾只好又再埋頭在那本手帳中，未幾，突然雀躍地嚷道：「係呀！係呀！呢度真係有寫係『忠靈塔』呀！你點會知架？」

「三」和「永」加起來就是「承」，「誌源」的意思則是就算改名換姓，也不要忘記自己的根源，我想，我大概已經知道承誌源的來歴了。

我舒了一口氣，再凝重地道：「呢本日記嘅主人三永志原，佢點解同你爸爸承誌源啲筆跡咁似，係因為佢哋根本就係同一個人！」

最後一定要燒野食啦

不過可唔可唔好咁快 大家都會好唔捨得
雖然你出得越嚟越慢
甜又越嚟越少
但係我相信大家都好期待你出文

放心，成個故其實仲有好長，我只係要啲時間寫出嚟

非常感謝大家嘅支持

加速please
精神食糧

「吓！你話三永志原同承誌源係同一個人？唔係啩！？」沐綾和彌姨姨不約而同地失聲叫道。

我想到的，男男又怎會想不到？只見她向著沐綾踏前一步，道：「事實已經擺在眼前，三永志原，亦即係你爸爸承誌源，係當年被田中久一委派去『拔道書院』將插住喺『太平天國』寶藏入面嘅『斬妖劍』送往『忠靈塔』，以祭日軍將士嘅亡魂，同埋完成磯谷廉介『煮豆燃萁』嘅風水陣，而放喺我哋眼前呢堆喺密室刻住『聖庫』字樣嘅金磚，應該就係承誌源佢喺『聖庫』順手牽羊嘅一小部分。」

我緩緩地點一點頭，再道：「所以承誌源自稱年輕時曾經喺日本留學，其實佢係喺日本當兵就真，到而家成件事出落石出，我就知道點解承誌源會揀嗰三枝劣質酒為佢生命中最重要嘅酒，自『黑船事件』以來，西方文化大舉入侵日本，紅酒、白蘭地、威士忌呢啲洋酒亦因為咁而喺日本興起，但係真正嘅『來佬貨』只係得當時嘅有錢人至飲得起，於是就有日本酒廠生產出一啲廉價嘅代替品，好似呢三枝酒就係喇，亦係日軍經常喺軍中所飲嘅。」我望向那堆黃金，又道：「而隨住二戰結束，軍政府上上下下都『立立亂』，佢攞走啲金嘅事自然就神不知、鬼不覺，之後佢就留喺香港，改名為承誌源，仲用『聖庫』啲金磚發展佢嘅事業，漸漸成為香港首富之一．．．．」

明治 26 年「電氣ブラン」

D故仔寫到咁似層層，我真係會有啲懷疑香港歷史

明治 40 年「赤玉スイートワイン」

昭和 15 年「Nikka Whisky Rare Old」

「原來爸爸有一段咁嘅歷史，亦係因為咁嘅原因而發跡。」沐綾想了一想，又嚷道：「咁講法，我咪即係日本人嚟囉！？」

我打趣地道：「嘿，咁你無得唔學好啲日文啦喎，三永沐綾！」

沐綾沒好氣地回敬我一下不屑的笑容，又隨手翻著手帳，忽然怪叫一聲，叱道：「喂喂，呢度仲夾住咗封信添喎！」

我連忙將夾著的信拿起來一看，便見已發黃的信封上的潦草字體寫著「給我的接班人」六個字。

我再深呼吸了一下，然後小心翼翼把信封打開，裡面藏有一條鑰匙和一封跟信封同樣地殘舊的信紙，上面手寫的內容如下：

＊＊＊＊＊＊＊＊＊＊＊＊＊＊＊＊＊＊＊＊
當你看到這封信時，代表你已被我挑選成為我的接班人，而你亦將會代替我在「君子黨」中那「美麗騎士」 (Knight of Tiphareth) 的身分。

你要謹記，除了主席之外，「君子黨」是不容許世襲，當到你要傳位時，你屬意接班人的人選除了必需是男性，亦絕對不可以跟你有任何的血緣關係。

如果你同意接受此重要的任命，請你使用隨此函附上的鑰匙，打開那個黑色盒子，裡面保存了我留給你屬於「美麗騎士」的信物，這是你每次以「騎士」身分出席「君子黨」的活動時都必需要攜帶的。

記得我接任時，我的上手就只對我說了這麼多，我現在亦已不多不少的告訴了你，往後你在「君子黨」的「騎士」之路，就由你自己親身去走、親身去發掘吧。

祝你好運！
＊＊＊＊＊＊＊＊＊＊＊＊＊＊＊＊＊＊＊＊

莫非這就是承誌源寫給朱建東，來把「騎士」之位傳給他的任命書嗎？

有呢個身份就安全過扮老野好多

感覺朱建東應該未睇過封信？

要當「君子黨」的會員，「生徒」是由「四大黨鞭」審批，「君子」和「紳士」則分別要通過「君子禮」和「紳士禮」的考核， 難道原來要成為更高級別的「騎士」，就只有透過現任「騎士」親自找接班人的方式嗎？

這的確是令人意想不到呢！

我見枱面空無一物，只好再細心檢查書桌，當手伸往枱底一摸，就摸到了一條類似手抽的坑紋，我指頭自然就卡住坑紋再向後一拉，信中所提及的那個黑色盒子，便是收藏在被我拉出來的抽屉之中。