【卡西進軍豪門！？】《誤上了黑幫老大的情婦，我只好躲在中環的職場胡混》- 第七季：紫式篇

李大海抱拳笑道：「朱老前輩果然厲害，只係望一眼就知道呢個花瓶嘅來歷同價值，如果寶物本身有知都肯定想被知己者收藏，呢個『乾隆瓷』真係非你莫屬架啦！」

我淺笑了一下，心想如果李大海送我的不是「乾隆瓷」，而是霍飛帆身旁的阿 Kim，相信我會比現在更高興多一千倍、一萬倍罷了。

我倆是全香港最富有的人，在眾賓客前把禮物推來推去實在不好看，便向孫管家打個眼色，他就走過去並小心翼翼地將李大海送的大禮收起來。

接著，我又將輪椅駛到李大海的身旁，他意識到我有話要跟他說，便彎低身把耳朵靠近我的嘴巴。

「大嗱嗱成億美金，就算你係首富都唔係咁送禮法啩？」我盡量壓低聲線，凝重地道：「似乎你今晚嚟呢度唔會係淨係同我呢個老前輩賀壽咁簡單喎？」

李大海聽罷，就忍不住放聲大笑了幾下，然後才捉實我兩邊肩膊，道：「真係咩都呃唔到前輩你，我今次嚟的確係有嘢要搵你幫手，唔知方唔方便借你少少時間，單獨講兩句呢？」

真想不到連首富也有辦不到的事情，究竟李大海找我幫他甚麼呢？

（待續）

先唔好理呢張係唔係長枱,
條女下半身已經斜晒,
身邊人好難唔發覺,
不過差啲唔記得左呢個係甜故,
所以呢個劇情係可以合理化
我由第一季追到而家,
劇情越黎越緊湊, 亦都好多出人意表嘅轉折,
有少少意見想講下希望你唔好介意...
1,
內容真係好豐富, 各方面嘅知識都有, 天南地北無所不談,
但亦因為咁, 想講嘅知識實在太多太多,
導至好多時令一眾角色變左做「旁白君」,
角色A 問一句問題,
角色B 就好似TBB至矮介紹港姐咁將年齡三圍學歷性格價錢等等乜都講晒出黎... 唔太似一個正常嘅對答
2,
好似係由今季開始? 角色嘅語氣個個都一樣咁...
我節錄一下某啲人嘅對白, 如果唔開名的話似乎好難分到邊個打邊個
嗰三條女群埋一齊，唔係出咗去蒲，就係最鍾意喺五姨太間屋度打躉架啦
一定係佢老婆逼佢嚟呢度架啦
原來你呢度刮傷咗流血呀，乜你自己唔知架咩
呢張就係我喺其中一間收到 Invitation Card 嘅叫YYY嘅 Club 度買返嚟架
我係特登要篤喺度嚟分薄佢哋架
即使人類嘅科技比起以前係進步咗咁多，確實都仲係有好多嘢係醫學解釋唔到架啦
無，前幾日我見悶悶哋，咪自己試下周圍逛下囉，點知逛逛下就蕩失路，好彩撞到明仔帶我返屋企咋。

第二百六十四話　兩派之爭

李大海出動超過價值一億元美金的禮物來借我的時間，我還能拒絕他嗎？

更令我驚歎的是，原來我的時間是那麼寶貴。

我跟李大海登上他停泊在「貞觀」閘外的勞斯萊斯，他的司機便開動引擎，並在「紫式苑」中緩慢地兜著風，李大海又按一按設在扶手上的按鈕，一塊玻璃就在我們眼前徐徐升起，將後座和前面司機的位置完全分隔開。

儘管車子在行走著，但車廂內還是靜得連手錶中陀飛輪擺動時所發出的聲響也聽得見，勞斯萊斯昂貴得真有道理，我一分一秒耐心地等待著，不知過了多久，李大海終於開腔，道：「朱老前輩，你當年做承誌源嘅接班人，成為香港四大富豪之一嗰陣，我嘅事業都未起步呀。」

我未摸清李大海說這番話的意圖，便隨便應酬一句客套話，道：「你咪仲巴閉？短短幾廿年間爬埋我頭，搖身一變做咗富豪之首。」

李大海笑了一笑，道：「大家都係『十騎士』，你仲係前輩嚟添，你都知道當中如果無『君子黨』嘅協助，呢啲一切都唔可能會發生架？」

我一聽到「十騎士」和「君子黨」，心當堂猛抖了一下！

一直以來，有關「君子黨」的一切認知，都是靠我們在各個渠道所獲得的零碎資料，再東拼西揍出來的，所以之前我才借用 KS「君子博」的帳戶參加「紳士禮」，就是想成為「紳士」後，可以藉著參與「騎士圓桌會議」來接近「君子黨」的權力核心。

可惜事與願違，結果我敗在哈爾仔的手上，只能止步於「君子」級別，代表我沒法再向前走近多一步。

記得 KS 留給阿 Kim 的日記裡面有提及，李大海其時還是一個剛冒起的企業家，在「君子黨」中也只是「紳士」，現在他已更上一層樓，位屬跟朱建東一樣的「騎士」，聽他說話之口吻，如果當年不是有「君子黨」在背後撐腰，他也不可能鯨吞「紀氏」繼而踏上首富之路。

而李大海「前輩」前、「前輩」後來稱呼朱建東，是因為朱建東比李大海早不知幾多成為「十騎士」之一員，所以我能夠假設，這刻連李大海都要找我幫忙，很可能因為朱建東是老「騎士」有關。

我知道這是一個機會，一個我可以從李大海口中直接套料的好機會。

你睇得咁仔細，我直頭係勁開心添啦，呢個故我的確係用咗好多時間同腦汁去諗情節、人設同度橋，所以至出得咁鬼慢（又畀藉口），知道有讀者真係會留意到咁多細節，我更加就要畀多啲心機去寫啦

好多謝你呀

我下定決心，便反客為主，開門見山的道：「實不相瞞，之前我有一段長時間無公開露面，其實係因為個腦癱咗，前嗰排有隻腳仲已經踩咗入鬼門關架啦，好在閰羅王臨時改變主意唔收我條老命住，家陣就算大命醒得返，但係始終都昏迷咗咁耐，醫生就話我個腦嘅記憶未完全恢復返好似以前咁，所以你講嗰啲咩『十騎士』、咩『君子黨』，好抱歉，我真係無咩印象呀，所以如果你搵我係關於呢方面嘅事，恕我未必可以幫到你啦。」

「前輩你個腦嘅事，我都略有所聞，而我今次搵你幫手，無錯的確係同『君子黨』有關，不過無論你腦入面仲有無『君子黨』嘅記憶，只要你一日都仲係『騎士』嘅話，你仍然絕對可以幫到我。」李大海說到這裡，就誠懇地望著我，問：「你，願唔願意幫我呢個忙？」

如我所料，李大海果然是看中了朱建東「騎士」的身分，但這時魚兒就算已經上鉤，我還是要以退為進，裝出一臉猶豫，笑道：「就算你送咗個成億美金嘅花瓶畀我，我都總唔可以喺我唔知頭唔知路嘅情況下，你話點就點架嘛？」

「前輩你放心，我會將成件事嘅背景先讓你明白，你至去做決定。」李大海俯首想了一會，才道：「『君子黨』就係喺背後操控住呢個世界經濟體嘅神秘組織，黨內稱為『君子』同『紳士』嘅黨員擁有地球上最龐大嘅企業、最優質嘅資產同最珍貴嘅資源，掌握人類文明各個領域尖端嘅科技同技術，而領導呢一小撮極少數代表全球人口中最頂尖階層嘅，就係十個稱為『十騎士』嘅『騎士會員』，『十騎士』每五年就會聚首一堂，舉行一次『騎士圓桌會議』嚟商討同制定全球經濟規劃同發展方針，呈上嘅建議經黨主席同意後，就會作為『君子黨』未來五年嘅《君子行動綱領》。」李大海再望著我，道：「我同前輩你，就係十個能夠草議呢份《君子行動綱領》嘅其中兩個人。」

「十個人，決定晒全球經濟發展！？」我脫口道。

十個人入面仲有幾多個識廣東話

「無錯！」李大海吐了一句，再反問：「所以前輩你能夠及時醒得返，又可以參加到個會議，係咪好緊要？」

我緩緩地點頭一下，再「嗯」了一聲。

「『十騎士』以『生命之樹』十個質點所命名，我呢度有一份現任『十騎士』嘅名單，亦係你嚟緊喺『騎士圓桌會議』上會碰頭嘅與會者。」李大海說罷，便從西裝褸的內袋拿了一張紙出來，遞給我過目。

紙上的內容如下：

＊＊＊＊＊＊＊＊＊＊＊＊＊＊＊＊＊＊＊＊
第四十五次君子黨騎士圓桌會議

出席的十騎士之名單：

1. Knight of Kether 冠冕騎士 - 歐洲
拉爾斐

2. Knight of Chochmah 智慧騎士 - 中東
阿姆齊

3. Knight of Binah 理解騎士 - 非洲
巴尼

4. Knight of Chesed 恩典騎士 - 美洲
喬斯克

5. Knight of Geburah 力量騎士 - 澳洲
安德烈堤

6. Knight of Tiphareth 美麗騎士 - 日本
朱建東

7. Knight of Netzach 勝利騎士 - 東南亞
李大海

8. Knight of Hod 榮耀騎士 - 印度
穆克默什

9. Knight of Yesod 根基騎士 - 大中華
田百通

10. Knight of Malkuth 王國騎士 - 俄羅斯
菲爾薩夫

＊＊＊＊＊＊＊＊＊＊＊＊＊＊＊＊＊＊＊＊

我瞪大雙眼聚精會神地逐行逐行看下去，很快便赫然看到，跟我在成都不打不相識，繼而成為結拜兄弟的田百通，竟然也在名單之上，原來他就是大中華的「騎士」！

更奇怪的是，我雖知道朱建東和李大海的「騎士」身分，但他們竟然分別是隸屬於日本和東南亞區域，便好奇的問：「又會我哋兩個香港人係日本同東南亞嘅『騎士』嚟嘅？」

李大海「嘿」的笑了一下，再道：「喺『君子黨』入面，財富同權力係黨員同黨員之間唯一嘅共通語言，所以『騎士』本身嘅種族同所屬嘅區域係無必然關係，以前『十騎士』全部都係鬼頭嚟添啦。」

李大海的說話，即時令我想起有很多跨國公司派來管理亞洲分部的高層行政人員，很多時候都不會是亞裔人的道理一樣罷了。

有冇田百通嘅playback

田百通係卡西喺成都時識架，想重溫建議由呢集開始

【願玫瑰在君子的屍體上盛放】《誤上了黑幫老大的情婦，我只好躲在中環的職場胡混》- 第四季：玫瑰篇
https://lih.kg/oezMAAX
#314 回覆 - 分享自 LIHKG 討論區

推。

李大海又繼續道：「雖然喺『君子黨』有至高無上權力嘅黨主席都會列席呢個『騎士圓桌會議』，但係鑑於要尊重『十騎士』喺『君子黨』嘅地位、對所屬地區嘅了解同埋實際經濟技術操作嘅考慮，所以基本上主席同黨鞭係唔會參與議案嘅討論，而只要呈上嘅《君子行動綱領草案》係屬多數『騎士』支持，主席亦都必定同意批准，並會落實執行。」

「吓，如果係咁，咁所謂嘅主席，喺呢個會入面只係一個橡皮圖章嚟咋喎。」我啐道。

「你講得啱，所以維持會議秩序嘅責任就落喺『議長』嘅身上，而議長呢個位係會由『騎士』每次會議輪流擔任，今次議長嘅人選，就係我。」

「你做議長咪好囉，可以話晒事。」我又道。

「就係啱啱相反，議長因為要維持會議秩序，要保持一定嘅中立性，所以議長喺『騎士圓桌會議』上，係無投票權架。」李大海苦笑了一下，再道：「呢個，正正就係我要搵前輩你幫手嘅主要原因。」

我攤一攤起手，示意願聞其詳，李大海便徐徐地道：「『君子黨』之所以能夠統領呢個世界經濟，靠嘅都係一套由當年『君子黨』嘅創黨會長、聯同一班頂尖嘅銀行家同政治家所設計同落實出嚟嘅貨幣系統同金融體系，行咗百幾年，行到今時今日，出現咗一啲不確定性，首當其衝就係『新世界』嘅堀起，令到一啲傳承『舊世界』既定利益嘅黨員，覺得咁已經構成一種不容忽視嘅威脅，並要求『十騎士』喺嚟緊嘅《君子行動綱領》中要定出一啲具體嘅對抗手段為對策，以重新鞏固『舊世界』喺傳統上嘅領導地位，當然亦有啲黨員認為『新世界』冒起係大勢所趨，敵意針對只會造成兩敗俱傷，主張與『新世界』和平共存，久而久之，黨內就形成咗『主戰派』同『主和派』兩邊嘅陣營。」

聽到李大海說出「新世界」和「舊世界」這兩個名詞，便猛然醒起福伯第一次向我提及有關「君子黨」的存在時，就有說起過隨著國際政局的變化，所掀起新舊兩邊世界的軟戰爭亦將會越演越烈，全球經濟的亂世時代正式降臨！

我吞一吞口水，神色顯得更凝重，問：「咁你，係屬於『主和派』？」

李大海點一點頭，又道：「據我所知，以喬斯克為首嘅『主戰派』，今次會拎一套極為激進嘅方案出嚟，而『主和派』喺『十騎士』嘅鐵票原本就只有我同大中華地區嘅田百通，今次我要做議長，就得返田總一個，所以我好希望前輩你能夠幫幫手，除咗為『主和派』投下反對票之外，屆時仲可以喺會議桌上企出嚟，盡量爭取非歐美『騎士』嘅支持。」他說到這裡，便牢牢捉緊我的肩膊，再提高嗓子道：「呢場世界經濟大戰，係點都唔可以畀佢打架！」

連首富李大海都要找人幫忙的事情，果然是絕不簡單。

睇份名單睇唔睇得出？

喬斯克係咪Jojo d親戚

「君子黨」之所以能夠統領呢個世界經濟，靠嘅都係一套由當年「君子黨」嘅創黨會長、聯同一班頂尖嘅銀行家同政治家所設計同落實出嚟嘅貨幣系統同金融體系，行咗百幾年，行到今時今日，出現咗一啲不確定性，首當其衝就係「新世界」嘅堀起，令到一啲傳承「舊世界」既定利益嘅黨員，覺得咁已經構成一種不容忽視嘅威脅，並要求「十騎士」喺嚟緊嘅《君子行動綱領》中要定出一啲具體嘅對抗手段為對策，以重新鞏固「舊世界」喺傳統上嘅領導地位

遠房親戚

就有如電影《蜘蛛俠》中的名言「With great power, comes great responsibility」，而隨著我變成「騎士」朱建東，得到本來屬於他的權力，維護世界和平的責任，竟就落在我的身上。

我顯然已沒有閒情，再去理會甚麼兒女私情的問題了。

（待續）

咁撚樣就想走甜
蜘蛛俠都要屌閪呀