多謝你嘅追文呀
成個故仔我都係根據我一早制訂好嘅大綱去寫,所以你會發覺啲伏線同劇情都可以做到一環扣住一環,當然未計寫寫下心血來潮,又即興咁加多咗啲支線、或者主線寫得「融」咗嘅情況,令到呢篇小說已經比我想像中長咗唔少(同小卡西一樣?
)
正正因為係咁,第7季幾時會完都話唔埋,我只可以話家陣呢個位連我計劃中嘅一半都未 reach 到
你想儲埋一次過至睇當然唔係問題啦,不過就算唔追 live 最緊要都多啲上嚟捧下場吹下水啦,事關寫小說真係好鬼自閉架,無大家嘅支持我諗我一早已經放棄咗,所以我要再一次感謝大家畀呢個機會我呀