【卡西進軍豪門！？】《誤上了黑幫老大的情婦，我只好躲在中環的職場胡混》- 第七季：紫式篇

因為哈爾仔係諍友嘛

文呢？

我繼續朝聲音來源的方向一直走，來到了一間裝潢華麗的睡房，這裡有兩扇對開的趟門，留著約半寸的門隙滲出柔和的燈光，聲音就是從那兒傳出。

我吞一吞口水，然後躡手躡腳的步近那條門隙，直至我可以窺看到裡面那浴室的情況，三姨太果然就是泡在浴缸之內，而所發出男女交談的聲音，則是來自她手上的一部 iPad，雖然我看不見那 iPad 的屏幕，但相信她正跟一個男人 FaceTime 中。

FaceTime 是視像通話，亦即是對方可實時看到三姨太赤條條浸浴的模樣，那忠貞的女人竟然和丈夫做完愛之後，便跟另一個男人在浴室中「肉帛相見」！？

我肯定三姨太跟這個男人的關係非比尋常！

雖然我不是真的她的丈夫，但一陣強烈「帽已戴」的感覺驟然湧上心頭！！

舊讀者留名, 差不多年幾無睇, 一口氣睇哂第六第七季

無記錯你仲係第一個留言嘅讀者

係呀, 比甜故呃左入黎, 點知係劇情故

最要命的是，那把聽起來不算年輕的男聲竟然有點熟悉，我肯定是有聽過的，卻怎也想不起在哪裡！！！

在我㥬惶無助不知道如何是好之際，他們對話的內容就不經不覺傳入我耳裡。

iPad 中的男聲略帶醋意，質問：「我覺得自從條老嘢醒返之後，你成個人就好似紅粉緋緋咁，乜佢餵你餵得好冧咩？」

三姨太笑得嬌軀亂顫，反問：「咩喎，又係你叫人哋嫁畀佢嘅，你而家呷醋呀？」

男聲「哼」了一聲，冷冷地道：「我驚你唔記得邊個至係你真正嘅老公啫。」

「我唔記得？」三姨太收起笑容，臉色一變，再嗔怒地道：「你話我嫁完一個又一個、仲要一個比一個老係為咗乜？我冒住死十次、一百次都唔夠嘅危險，背叛『玫瑰會』出賣『黑衣女皇』，做咗咁多嘢又係為咗邊個？咪又係全部為咗你！」

三姨太此言一出，我當堂晴天霹靂！

原來三姨太不只對朱建東不忠，她竟然對「黑衣女皇」亦也不忠！？

又Mike Yip?

定福伯嚟

都幾有機會係

「我知，我知你對我好，我亦都係因為對你真心至會有咁嘅反應啫。」男人歎了一口氣，道：「老實講，我最驚嘅當然唔會係嗰個老到就嚟死嘅老嘢啦，而係新搬入嚟嗰條𡃁仔呀，你知啦，佢鹹濕到出汁，雖然其貌不揚，但係對啲女又唔知點解寧捨有辦法架喎，食完一個又一個，連你嗰個不食人間煙火嘅二姐都居然真係畀佢搞掂咗！」

他口中「其貌不揚」的「嗰條𡃁仔」，是指我嗎？

「搵佢入嚟『紫式苑』係你諗出嚟架喎，你而家反而驚返佢轉頭？」三姨太奇道。

男聲低壓聲線，道：「之前我都清楚晒佢嘅一舉一動，我就梗係放一百個心啦，最近我突然之間無晒佢嘅消息，我都唔知佢係咪進行緊啲咩秘密計劃，你知佢做啲嘢一直都咁出人意表，我真係好驚臨到開『騎士圓桌會議』至出啲咩差池，到時咁多年嘅部署同心血，就咁就功虧一簣就『大檸樂』啦！」

吓！為．．．．為何這個男人會清楚我的一舉一動？難道．．．．難道我身邊有他的「無間道」！？

粒粒如豆大般的汗水漸漸從我的額角流下來。

李大海？！

似福伯

搭咁大個雞棚😱

定時留言，等卡西知道仲有讀者

唔似my啦
卡西講過化左灰都認到佢

「條𡃁仔佢得把口之嘛。」三姨太失聲笑了一下，又語帶揶揄地道：「況且，如果講當今世上對女人最有辦法嘅人，嗰個又點會唔係你呀？」

「你又講咗去邊呀？」那男人見三姨太的妒忌心又在蠢蠢欲動，便連忙扯開話題，道：「係呢，『拔道』批金點呀？」

「你就淨係緊張批金架啫！」三姨太不屑地吐了一句，再道：「你吩咐我做嘅手腳亦都已經準備好晒喇。」她頓了一頓，又笑道：「嘻，你知唔知呀，我呃女皇話我仲要多啲時間至運得走晒批金，搞到佢不知幾緊張，仲好心急咁催我要快啲添，我諗佢發夢都估唔到，佢日望夜望可以改朝換代嘅所謂霸業，最後會變成我哋嘅計劃嘅一部分！」

「最可憐係佢個寶貝仔，畀阿媽無啦啦點鬼咗入『君子黨』，捧到佢上『紳士』，仲要唔知頭唔知路就去開埋啲咁嘅『騎士圓桌會議』，我諗佢到時真係死鬼咗都仲未知道發生緊啲咩事呀！嘿嘿嘿！」那男人說罷，便繼續猙獰地狂笑下去，我卻發現，我渾身所冒出來的冷汗，已經把整件襯衫都漿住了。

一向我也有預感，所有的謎團，都會在即將舉行的「騎士圓桌會議」中得到解決，而在不久之前我亦忽發奇想，說不定還會有其他未知的陰謀會衝著這個會議而來，誰料這個「奇想」那麼快便已經得到印証！

我很早就知道「東皇朝」的代主席「白髮太后」背後是替秘密組織「玫瑰會」做事，但原來令三姨太一直以來全心全意賣命的並不是「黑衣女皇」，而是此刻 FaceTime 中那所謂她「真正的老公」，這個神秘人，竟然能夠將「玫瑰會」中一人之下的「白衣皇后」之肉體和感情玩弄於股掌上，我實在太想見識一下，可恨我站的角度怎也看不見他的廬山真面目！！

想到這裡，我才意會到，我曾以為已經征服了三姨太的這種想法是何等可笑？怕且飾演著朱建東的我，剛才跟她的親密接觸只是她在任務期間的一場逢場作戲，再讓她藉此順道發洩一下情郎長此以來對自己的感情虐待罷了！！！

係咪開始入最後直路！？

第二百六十七話 忠貞女人不忠了

轉下畫風，大家又覺得點？

都係鐘意你一開始畫果啲，啲AI 千篇一律咁

睇返文中的線索
唔似係大家講嗰幾位

你指霍飛凡？