Rionna 伸一伸舌頭,笑道:「呵呵,估唔到家姐佢咁鬼古惑識得借我過橋搵你哋嚟幫返佢手,好彩我都唔執輸,都利用緊佢呢度嚟避狗仔隊同安胎啫!」
我向男男擺出一副不滿的表情,道:「哼,原來你一早就索到有古怪,咁你就應該早啲單聲,唔駛等我哋兩個『盲中中』咁嘛?」
「咪同你講過查呢單案就好似『盲人摸象』,話到明『盲人』就梗係『盲中中』架啦。」男男笑了一笑,又問:「咁你哋兩個『盲人』幫王禹伊查到啲乜?」
Siri 即時指著我,道:「我無咩發現架咋,卡西就唔同呢,頭先喺佢副偷拍眼鏡播出嚟啲片一條精彩過一條,你問佢啦!」