![](https://cdn.lihkg.com/assets/faces/lomoji/18.png)
終於繼續富士賽車博物館
![](https://na.cx/i/RshsaPC.jpg)
又睇下另一種賽車,呢部TOYOTA SUPRA TURBO A喺1987年JTC(Japanese Touring Car Championship)首戰贏完,就遇到改例而要上調最低車重,再加上之後日產嘅SKYLINER GTR(R32)嘅皇朝,令到呢款車好快就引退
![](https://na.cx/i/RycotGn.jpg)
![](https://na.cx/i/r4sotGn.jpg)
上面講R32,就即刻有部,自1990年喺JTC上場後就統治咗成個比賽,同時亦曾經稱霸過澳門東望洋賽道,甚至係成個GROUP A賽例賽事,不過亦因為佢實在太屈機,JTC玩多三年就摺咗,而澳門亦引入咗批德國DTM賽例嘅痴線BMW同BENZ嚟收GTR皮
![](https://cdn.lihkg.com/assets/faces/normal/bye.gif)
而呢部HKS拉花嘅R32係用HKS自家改裝引擎參賽,贏過唔少賽事
![](https://cdn.lihkg.com/assets/faces/normal/bye.gif)
![](https://na.cx/i/NMBHKhb.jpg)
![](https://na.cx/i/gYdV4hb.jpg)
![](https://na.cx/i/6HpRCCm.jpg)
另外講TOYOTA賽車又點會漏咗佢嘅第一部「超級跑車」2000GT,亦都完成過FIA認可嘅連續78小時駕駛挑戰
![](https://na.cx/i/XR3Sm5j.jpg)
![](https://na.cx/i/uuMwCDE.jpg)
呢部係GR SPURA DRIFT,由HKS以GR SURPA做基礎,改裝專為飄移比賽用嘅賽車
![](https://na.cx/i/N08Cycz.jpg)
![](https://na.cx/i/OLDnKje.jpg)
![](https://na.cx/i/W5DnKpc.jpg)
![](https://na.cx/i/me2S6xz.jpg)
另外TOYOTA都有參加美洲嘅賽事,先有最高級別嘅方程式賽車,CART(而家嘅INDYCAR其中一個前身,當時INDYCAR分裂成為兩個比賽,CART同INDY RACING LEAGUE,最後CART畀INDY RACING LEAGUE食咗再成為而家嘅INDYCAR),作為其中一個引擎供應商,呢部2002年嘅LOLA B2/00喺巴西車手Cristiano da Matta駕駛之下拎到TOYOTA參戰CART 5年以嚟首個全年總冠軍,同時為呢位巴西車手喺下一年得到轉去TOYOTA F1車隊參賽嘅機會
![](https://na.cx/i/sPczAwh.jpg)
當年嘅V8引擎,最高轉數去到17000轉
![](https://cdn.lihkg.com/assets/faces/normal/oh.gif)
![](https://na.cx/i/ZWOrrFH.jpg)
而講開美國賽車,就真係唔會唔提NASCAR,雖然我真係唔太識欣賞
![](https://cdn.lihkg.com/assets/faces/normal/banghead.gif)
呢部CAMRY係TOYOTA喺NASCAR首勝嘅用車
![](https://cdn.lihkg.com/assets/faces/normal/bye.gif)
![](https://na.cx/i/vwnvTmA.jpg)
M&M's
![](https://cdn.lihkg.com/assets/faces/normal/banghead.gif)
![](https://cdn.lihkg.com/assets/faces/normal/sosad.gif)
![](https://na.cx/i/Spv5He1.jpg)
另外都有參戰美國最高級別嘅耐力賽事 -- IMSA,呢部係1993年嘅EAGLE MARK III
![](https://na.cx/i/eJb4XPr.jpg)
定時會有職員打開引擎蓋講解內裡嘅結構
![](https://cdn.lihkg.com/assets/faces/normal/good.gif)
![](https://na.cx/i/eursVBk.jpg)
![](https://na.cx/i/cXuupuF.jpg)
行完就喺三樓望下,除咗係酒店嘅大堂,亦有一個全球賽車場layout嘅球型裝置
另外有間CAFE可以望到富士賽道,不過肚唔餓無入到去
![](https://cdn.lihkg.com/assets/faces/normal/angel.gif)