最有價值收息股研究所 @ 6

琴日中期講左 23-27新5年協議減左價

我覺得會步佢阿媽941後塵一路儲到幾百億net cash都係20% fcf payout

好老實咁樣講 我買嗰陣時仲低息

呢隻嘢我一九年就開始揸住啦 買得並唔係太多
買左10萬股 @1.12 呢幾年擺喺度收息

因為我認為佢將來有能力派得更多 同埋唔單只值呢個價錢

佢一五年收購嗰啲鐵塔 好似係用10年depreciation佢計 所以嚟緊應該都就快夠鐘 嗰度又有啲「利潤」釋放

fcf yield 20%架 ，不過唔派唔回購捉唔到路

如果佢有日改變派息政策就值得買而家觀望下先

上市果年（2017）由10年改左做20年 好似

數簿有篇blog有寫

上年12月尾嗰陣時已經講咗，主要係提供多少少共享水平，呢個係預料之內。如果繼續起基站嘅，因為協議減價帶嚟嘅影響會被增長抵銷。

不過意料之外嘅嘢係，中期報直接拖咗二百幾億未找。不過呢一點要睇埋佢年尾點樣搞先可以確定

佢呢一部份嘅鐵塔應該係指自己起嗰啲
自建鐵塔 二唔係指2015收購返嚟嗰啲

點解話最近「利潤」好似升得唔錯

係因為部份折舊開始到期

我自己嘅睇法啦

國家一定有任務俾佢㗎啦

我認為有一個可能性係 鐵塔會被要求收購例如中通服呢一類型嘅公司

如果呢個電訊行業繼續發展落去，好大機會嗰三間電訊商會合併。移動+廣電 / 電信 + 聯通。咁喺合併之前，資產誰屬？好大機會就會賣晒俾鐵塔了，而電訊商已輕資產運行。咁當然呢啲純粹係一個可能性

又或者好簡單，財散人安樂就算。將大部份FCF派出去，大小股東都開心。

仲買唔買好，打算收息

1883 呢大半年黎都升得好恐怖...,

可能喺呢度講得多 大家搶着買

呢啲答你唔到

我只係日常搵股 見到有野可以留意 順便放低係連登咁解

呢個Business Model其實好有趣

一方面你可以話佢有穩定生意，唔愁冇錢賺(customer stickiness)。
另一方面，又可以話佢比自己三大電訊商揸春袋，冇定價權。

樂觀啲咁睇，呢個可能係一個trade off呢。睇吓電訊商會點樣用呢個「工具」。之前有諗過佢哋減價唔會減得太犀利，因為租賃成本計支出，呢一部份可以幫佢哋慳啲稅。鐵塔嘅稅後利潤又會用股息嘅形式派番比三大電訊商

巴打你熟
以你認知碌塔 20年後 要重新再起過 定 定期上面加設備 就可以繼續用？

6G , 7G capex應該都只係加設備 而唔洗重起加電箱電壓果啲？

好似上面啲post都有講嘅

capex應該有兩隻㗎嘛 maintenance capex & growth capex

我嘅睇法就係佢將來maintenance capex 應該都會繼續增加㗎啦 就算一座鐵塔可以用到30-50年（理論上）咁都要搵人去油光油嗰啲保養下㗎嘛

隨着鐵塔老化，呢個成本更加壓唔住啦。所以就話，即使嚟緊幾年折舊可能開始到期，capex仍然會有上升嘅勢頭。仲未計你講嘅6、7G capex 同埋電箱電壓嗰啲好似得10到15年壽命（理論上）

同埋有一點好似冇乜人討論

今年中期報就咁講啦：剔除商務定價協議影響後按可比口徑同比增長6.2%

前幾年塔類業務嘅增長其實唔係太高，甚至可以話係冇增長（～1-2%）

背後嘅原因係因為，如果冇記錯，聯通電訊呢兩間公司將2G退網，喺原有嘅機站上面換用5G基站，呢一個動作好似淨係比原來嘅機站收多10%。

呢幾年開始，2G退網好似做得七七八八。而家掛上去嘅5G基站，好似全部都係當新一個咁樣計，所以會見到佢個增長速度好似快咗。

唔使支持國家發展6G咩
唔好FF

6G睇佢個趨勢係點樣啦

而家主要係講緊衛星+地面接收站

鐵塔係6G時代嘅用途應該係用嚟掛地面接收站。呢一方面資本開支，估計唔會多得去邊。所以應該都有錢派嘅

如果係咁咪要錢射衞星
科技進步太快冇好處

而家嘅主流講法 6G係咁樣做囉
衛星 + 地面基站

不過詳細係點，其實都好似未有定論