「鹿仔！停手啦！」富哥大叫
「亞豪死咗喇……」雖然看不到鹿仔的表情，但從他的哭腔可知他在哭泣
「亞豪死咗，你打佢做乜唧？打佢唔會翻生㗎啦！」富哥繼續嘗試說服
「唔……唔打都唔會……唔會翻生，但……但我……但佢……嗚……」鹿仔似乎在哭泣，話未說完又向珈純打了數次，珈純已經沒有反應了
似乎情況已不是可以用言語解決，富哥決定進去處理。富哥左腳踏前，雙手一舉，還未發力，富哥及梓旻就感到一陣無形的力量掠過他們的身體，梓旻即時全身發軟。富哥深呼吸一下道：「梓旻你出返去啦！佢而家已經唔使拍手都展開到自己力量，AP暴走過人嘅力量就好似上限解鎖一樣，失控嘅話都要幾個隊長級嘅人先搞得掂。除非好似鼓鼓爸爸都暴走過就易搞啲，我呢啲……就算我嘅力量再強，我都要人幫手先搞得掂！」
梓旻本想幫助富哥，但明白自己還未有能力，為不阻礙富哥，只能離開辦公室，站在Baron旁等候。等了一會也未見富哥走出來，也不敢再進去，他只祈求Crystal及鼓鼓爸爸快點來到。短短幾秒已讓梓旻焦急得要死了，先鋒隊那麼大，難道就沒一個人可以幫忙嗎？
此時耳邊傳來腳步聲，梓旻及Baron充滿期待的一看，原來只是研究隊的澈硯。澈硯一臉傻氣的向他們揮手，二人垂頭喪氣的站回去，沒有理會他。
「喂！我去O隊辦公室冇人嘅？你地企係度搞咩？兩個頭耷耷眼濕濕咁？」澈硯非常隨意且輕鬆的問
「鹿仔……O隊隊員失控……」梓旻輕輕指一指P隊辦公室的門說
「鹿仔？哦！Ear Mark嗰個嗄嘩？易搞啦！」澈硯表現有點輕佻
「你搞得掂？」Baron雙眼發亮，但梓旻卻不信任澈硯
「睇嘢啦！」澈硯說完便一臉輕鬆的走進辦公室。梓旻二人探頭偷望，只見澈硯悠然地經過富哥身旁。富哥就像在暴風雨下前進的人，上身前彎，兩腿前後踏實支撐著整個身體。相比之下，澈硯非常輕鬆，還向富哥揮手打招呼。
當他走到鹿仔身後，鹿仔當然不放過他，鹿仔把珈純放下，直拳對準澈硯的頭攻擊，澈硯非常敏捷地向後彎腰避開了攻擊。鹿仔發覺對手是澈硯，眼神閃過一剎恐懼，因為他知道只要澈硯一碰他就完了。鹿仔立即向後退，澈硯立即追上。鹿仔邊後退邊拍手，見澈硯完全沒有影響，他便愈來愈慌張。最後退到牆邊，下意識望一望背後，視線只是離開澈硯一會，澈硯就捉到他的手。接下來的情景就跟梓旻覺力戰時被澈硯「治療」的情況一樣，梓旻不禁渾身一震。
「都話易搞啦！」澈硯跨過暈倒的隊員走出來，富哥也把鹿仔背出來
此時鼓鼓爸爸及Crystal終於到辦公室，他們看到暈倒的隊員也十分驚訝。鼓鼓爸爸頭痛道：「做乜搞成咁？」
梓旻回答：「或者係珈純出任務話過亞豪會死，點知……」
Crystal表現厭惡：「嗰嗰多口怪……」
澈硯指指躺在地上的珈純：「可能要睇睇個多口怪先，佢成面血，我唔確定我整暈鹿仔之前，鹿仔有冇醫佢……再打……」
鼓鼓爸爸走到珈純前，不禁嚇得後退了一步，然後蹲下為他治療。Crystal望著富哥背上的鹿仔嘆氣搖頭道：「搞到咁一定會停職處分啦……又少咁個人，亞豪冇咗，Kiki喪親假，浩政未醒，而家鹿仔仲停埋……」
「浩政仲未醒？敵人咁勁咩？」富哥驚訝問
「聽聞佢出今次任務前一直都做緊其他任務，但聽聞只係俾人踼暈 (鼓鼓爸爸望望梓旻，梓旻點點頭)，突然弱化咁多就要問本人。」鼓鼓爸爸背著珈純出來，再欲言又止的說：「……其實仲有Dali都被暫時停職。」
(待續)
]
鍾意微血腥版多啲
鍾意寫多少少版多啲
