《覺能之戰》

有加更 推

多謝!

感謝

躺在地上的時候，他看到珈純捉著化妝傑踢他的腿，把化妝傑向透視裝傑掉過去。兩傑對撞倒在地上，然後梓旻看到珈純望向他偷笑，看來是珈純故意的。梓旻斜望向Mark那邊，Mark也正陷入苦戰，這下沒有人可以幫自己，再望向兩傑似乎沒有受任何傷。珈純面有難色的向後退，掉下躺在地上的梓旻。

天色開始暗，無助感及求生意志迫令他再無力也要起來，他痛苦的轉身再一邊空手一邊鎚子把自己支撐起來。他千辛萬苦的讓自己可以跪在地上，奇怪的是兩傑沒有攻擊他。他用盡力氣抬起頭，看到的是兩傑那可恨的笑容，他知道他們正享受看著他痛苦的樣子。同時，他也知道他正經歷與Candy一樣的情況，不同的是這次沒有人可以救他。

血液從梓旻的頭頂流下遮掩了他右眼的視線，左眼看到兩傑助跑凌空跳起的姿勢，一貶眼他的雙臂已國於兩傑的腳下，他整個人又再貼在地上。化妝傑用腳把梓旻由趴睡的姿勢翻成仰睡，而透視裝傑則拿起梓旻的鎚子，輕拋了拋，然後高舉鎚子似乎打算擊下來。

梓旻看著被高舉的鎚子，在有點暗的天氣停留，而天氣中出一個有點眼熟的身影，一個漆黑的人形有角物體……那是「一角」。牠手一揮，透視裝傑雙手連鎚子誇張的向後彎，鎚子擊中了透視裝傑的右大腿，他雙手也廢了。而化妝傑的左腿不自然的扭動，雖然他仍嘗試用單腿逃離現場，但下秒他和透視裝傑也手軀分離。當他們都倒在地上抖動時，一角再次把他們壓死。完事後，牠望向梓旻，但梓旻已沒餘力保持清醒，就此沉睡去。

[寫多少少版↓↓↓]

究竟主角有咩咁特別一角要係咁補佢

幫推。

好問題 呢個係個故事好重要嘅部份

第二十五章 屍體的秘密

生理監測器的聲音從耳邊響起，梓旻睜開眼看到的是一臉倦容的媽媽，她一看到梓旻睜開眼便大叫醫生。醫生馬上為他作身體檢查，醫生袍上的是部隊的標誌，大概他已被送回總部的醫院治療了。醫生檢查完認為他明天可以出院，媽媽急忙道謝。醫生離開的同時，姐姐和爸爸也來了，他們知道梓旻無大礙也鬆了口氣。

「你家姐打畀我地個陣，差啲嚇死！」媽媽擔心的道

「而家冇事啦！唔使擔心！」梓旻拍拍媽媽的手

「真係？你瞓咗兩日呀仔！」爸爸也不放心，梓旻點點頭

「你真係要繼續？你都唔知出咗幾次事喎！」姐姐問。

的確，進隊半年，他已經數不清第幾次躺在醫院裡，而且每次行動都幾乎要了他的命。但是他不想放棄，堅定的回：「係！」

「梓旻！你醒喇？」醫院門口傳來詡的聲音，他身後跟著楓及樺二人

「你啲朋友仔真係好！又安慰我地，又幫我地指路！」媽媽笑說：「我去個廁所先！」

「我幫你針水！」爸爸拿著水壺離開，現在只剩下姐姐及詡等人，氣氛頓時尷尬起來

「其實澈硯都想嚟！但要當值。」逸樺說，梓旻腦海中立即浮現澈硯因沒能來而扮哭的樣

「哦，冇佢我可以安靜休息都好。」梓旻說完，大家笑笑又再回到尷尬的氣氛

「你地……」一直板著臉的姐姐終於開口：「咁危險都要繼續係先鋒隊？」

「我……我唔怕！」詡很快回應，但有點口窒

「我……我有我……想做嘅嘢。」樺似乎有點害怕

「我都……」楓想回應的時候被姐姐打斷了

(待續)

心情幾好寫多咗，加更同樂

有加更 抵讚

幫推。

「你地都有屋企人，唔係話你怕唔怕，係屋企人都會擔心，下下見你地搵命駁。除非冇當你地係屋企人，如果唔係都會擔心。至少我做人亞媽定家姐都會好擔心！你睇下頭先？」姐姐話中帶怒氣，眾人不敢說話

「我……已經有敵人記得我個樣同名！我唔會退！我……會做到唔使人擔心！」梓旻嘗試表現出堅定和自信

接著，梓旻父母也回來了，話題沒有延續下去，寒暄了幾句家人也離開了。他們走了後，梓旻也連忙為剛才的事道歉。

「唔緊要啦佢都係擔心唧！」樺安慰道

「講起擔心，亞旻你真係要擔心喇！聽聞總部要禁你出賽！」楓道，立即被詡大力拍頭

「吓？點解？」梓旻緊張的問

「都叫你唔好咁快提！等亞旻出院先呀嘛！」詡怒斥

「咩事唧？」梓旻心急如焚的問

「因為一角……佢放過你，佢地擔心你同一角有咩關係！」樺解釋

「一角？點會有關係？一隻怪物我點會同佢有關係？同佢溝唔溝通到都未知啦！」梓旻激動的說完立即回想起甘生與亞塵的對話，一角可能真的可以與人溝通

「放心！浩政搞掂咗！」鹿仔從門口走進來：「Candy叫我同你講聲多謝！」

「我記得佢最後意識模糊佢冇事嘛？」梓旻問

「冇，瞓返覺就好返。你就大獲啲，畀兩個敵人夾攻！」鹿仔看到梓旻的生果籃有提子便食了吃，望望楓道：「搞咩佢咁嘅樣？」

看看楓一臉悶悶不樂的，樺說：「可能……頭先畀梓旻家姐無視？」

楓點點頭，梓旻一臉歉疚的說：「對唔住……」

「唔緊要啦！我地理你咪得囉！」樺抱抱楓，楓才勉強笑一笑

「講返場戰鬥！我地都嚇親！啲敵人一模一樣樣！」詡道

「你地點知？」梓旻問

「上頭申請特別公開戰鬥畫面，我地睇到曬個畫面。」樺拿出手提電話給梓旻看

「我其實都嚇親！因為同上次我地見到畀一角殺死嘅人一樣樣！唔通係五胞胎？」梓旻看著手機上的「亞傑」們

「上頭認為係複製人！」鹿仔又拿了一顆提子

「複製人？」梓旻驚訝問

「因為盲妹佢地打嘅係三個一樣樣嘅女性！」樺按了按手機把盲妹等人戰鬥的畫面按出來，畫面同時包括了盲妹、岡仔、亞宏及Curse的戰鬥，其中三人的畫面出現了打扮誇張的女性，雖然打扮上略有不同，但可清楚看到三人五官完全一樣

「除非『獨』專收啲胞胎，咁多人一樣樣有啲難，而且政府查唔到佢地嘅身份，複製人可能性好高！」鹿仔道

「咁呢三個女又係腳AP？」梓旻問

「脷……條脷上面。」詡回答

「Kiki……佢……佢會唔會……」梓旻擔心

「冇事，但落咗禁令暫時停止部隊活動。都好嘅，佢近排要搞亞豪葬禮啲嘢。」鹿仔看起來有點不安

「葬禮？」梓旻等人問

「係，攞得返條屍，算好彩唔係人人攞得返！你地會出席㗎可？」鹿仔微笑問

「會！」眾人回

「好！唔阻你休息，我都偷完懶喇！你地都走啦！佢啱啱醒咋！」鹿仔說，梓旻注意到他偷偷拿走了兩條香蕉

「鹿仔！」梓旻叫停鹿仔，正離開的鹿仔震了震，轉身看梓旻。梓旻問：「你話浩政搞掂咗即係點？」

「即係你冇假放要返工，而佢做咗咩，講咗咩，你就要自己問佢。無聊就手機上內聯網睇下啲片！」鹿仔說完便其他人一同離開

(待續)

助推。

推

自推一下，再預告晏啲有文

梓旻打開內聯網查看當日的片段，他首先打開與「亞傑」的戰鬥，畫面是他、Mark及珈純的視覺。發現影片沒有包含一開始他與亞傑的對決，他把時間調教到他被踩在地上開始，Mark此時正與辮子傑對峙，辮子傑望向一角的方向喃喃自語：「冇可能！佢冇可能會係度！佢不嬲都唔理事……明明唔會理……明明……唔通……唔通……」

他忽然盯著Mark用盡力把Mark按將牆上，問：「……係咪係度？我知佢入咗隊！話我知……係咪係度！」

他的說話被刻意模糊，但看他口型加上梓旻記得被問過關於吳鈞悅的事，估計應該是在問這個人，但他記憶中沒有這個人存在，難道好像Rose一樣，只是他不知道他的中文全名？

「唔知……你講咩！」Mark反抗，同時一角已在血腥的撕殺兩傑，辮子傑看到情況就立即放開Mark，成功逃離現場。一角在半空降下觀察了昏倒的梓旻一會，便高速移動到珈純面前，像在觀察他，珈純被嚇到跌倒在地上。不一會兒，一角再高速移動到Mark面前，Mark沒有倒下但也沒有輕舉妄動。一角同樣觀察了他一會，用不知從何發出的聲音道：「垃……圾……」然後就離開了。

「梓旻！」澈硯突然出現在梓旻面前

「嚇死人咩！」梓旻拍拍胸口

「睇咩咁入神？哦！呢段！究竟佢講緊邊個？點解咁刻意模咗個名？」澈硯問

「吳鈞悅！佢有問過我呢個名！」梓旻

「好！我記低先！」澈硯拿出記事本抄下

「仲有，佢有講放啲已經用盡AP嘅人出嚟，乜AP會用曬咩？」梓旻問

「咁唔知喎！研究組冇呢種講法……一係……我地問下人……」澈硯奸笑起來

「你……問邊個？」梓旻知道澈硯這一笑容一定非好事

「問鄭子謙！」澈硯笑得奸了

「點問？佢而家係……」梓旻未說完就被澈硯打斷

「亞豪喪禮會係主研究所搞，你到時就可以攞正牌入主研究所，再加上我呢個有職員證嘅人可以帶你入去！」澈硯說

「但有cctv？」梓旻擔心道

「冇問題，著件研究袍冇人認到！」

「吓？」梓旻不放心

「就咁話！」澈硯一貫沒理會他的擔憂

(待續)

樓主今個星期好勤力

幫推。

有時間就寫多啲, 出多啲

亞豪的喪禮數日後便在主研究所的水底禮堂舉行，一百八十度落地玻璃窗外是水底的景象，加上位置離水底不算太遠，有些陽光射向水面的餘光，風景格外漂亮。可是，此禮堂的主要用途是為隊員舉辦喪禮，那令人傷感的氣氛加上水的藍色令整件事多了一層憂鬱。

當Kiki站在台上開始細說亞豪的生平，再道出她對哥哥的思念，在場的人無一不感哀傷。其後與亞豪共事的隊員也續一上台分享與亞豪相處的時刻，雖然大部分也是哭聲居多，但也不乏一點點的笑聲，可見亞豪經常帶給人歡樂。喪禮完結前，Buck也有對場問候Kiki和給她帛金，看來Buck比珈純好百倍，至少看起來沒有特別歧視零隊。

「喂！喂！亞旻！」澈硯拍拍梓旻低聲道：「走喇！」

「好…好……」梓旻跟著澈硯悄悄離開，走出了走廊的時候，梓旻想到亞豪的不明死因，便問澈硯：「你可唔可以查到佢點死？」

「應該可以，用研究員身份就得！話說，我地得一個鐘時間，一個鐘之後管理員就會開啟自動監視系統，一有人係走廊走動就會響警報！」澈硯舉舉研究員證件，再拍在拍卡位上打開了一道門

「濫用職權！」梓旻笑言

「係善用職權！」澈硯笑回

他們之後再通過了一些樓梯和幾道門，主研究所活像迷宮一樣，梓旻相當有信心憑自己是走不出主研究所。最後，他們走到一條漆黑的走廊，澈硯看著房間門上的號碼，不斷重複：「二十八！二十八！搵到！」

房門號碼下有一個拍卡的位置，澈硯拍下卡，房門突然變成透明玻璃，他們看到在房內在一個特大籠牢，籠牢背後的鄭子謙正坐在書桌上望向門。房門的拍卡位置下出現了「YES？NO？」的字眼，澈硯按了「YES」，門瞬間變回黑色再打開。

他們進去後與鄭子謙隔著籠牢對望了一會，鄭子謙問：「你地係……之前……」

「我係亞旻，佢係澈硯，我地想問關於『獨』嘅嘢！」梓旻爭取時間問：「你知唔知吳鈞悅係邊個？同一角有咩關係？」

「吳鈞悅？唔知喎！未聽過！」鄭子謙一臉無知的回

「咁一角嘅嘢你知幾多？」澈硯接著問

「會解救我地嘅人，唔同『獨』合作，就咁多。」鄭子謙回答

「人？點解用人嚟叫怪物？」梓旻問

「佢人形同有智慧，就只係咁……我地冇人確定佢係過度使用AP變成咁，定係佢本身係隻怪物。不過，怪物都係人變，冇分別。」鄭子謙說了一件令二人驚訝的事

「怪物係人變？即係點？」澈硯興奮的問

「你地殺咗咁多怪物都唔知？當一個人過度用AP，你地叫嘅A Mark就會擴大，蠶食你地嘅身體，最後會包圍你全身，你地就會變成怪物！你地唔係吖？一直殺緊人都唔知？」鄭子謙感到非常意外

「我……我地唔知……」梓旻過度吃驚而發愣起來

「原來用盡AP係咁解……咁知唔知點避免？」澈硯問

「以我所知，唔好試自己底線……同定期抽血……真係唔知？」鄭子謙眼神充滿疑問

「每次啲怪物都化灰又冇原貌睇，點知？」梓旻反問

「怪物係由體內抽出核，化咗灰，再破壞核先會冇屍體。如果冇抽出就咁破壞核，只要等一段時間就會變返人嘅屍體。」鄭子謙解釋，二人也說不出話來

(待續)

幫推。

推推

竟然係咁

幫推。