《覺能之戰》

推。

窗旁的女士沒有回應夢中梓旻的意思，因此夢中的梓旻走近那女士，他輕輕踢開地上的雜物，似乎那些雜物的存在是他早已預料的。

「樺⋯⋯」夢中梓旻叫出那女士的名字，原來那人就是樺。樺沒有望過來，但開始哭起來。夢中梓旻半跪在樺的身旁，溫柔道：「呢個唔係你嘅錯，澈硯會明白你㗎⋯⋯」

「我知，我知澈硯一定明⋯⋯但你呢？」樺沒有望向他

「我都⋯⋯」

「咁俾我返隊！」樺含淚看向梓旻：「咁俾我返隊！我想為我媽報仇！」

「你而家嘅狀態唔得！況且我答應過澈硯⋯⋯」

「照顧我嘛！你唔係澈硯嘅話，會唔會同我一齊？」樺問完，見梓旻避開她的眼神且沉默不語就繼續道：「最初識到澈硯，我第一次覺得自己除咗報仇，我仲有其他生存意義。佢死之後，我轉為我BB係我嘅重心，加上你求婚，我覺得⋯⋯我覺得我仲有好多值得重視嘅嘢，唔一定話永遠只諗住點報仇，點殺人⋯⋯而家BB⋯⋯你就開始冷落我，你根本由頭到尾都只為澈硯⋯⋯我而家乜都冇！係乜都冇！我只想……只想至少俾我幫媽媽……」

夢中梓旻走前，兩手搭在樺的肩膀上：「樺，我冇冷落你！我只係太忙，真係太忙先照顧唔到你！你真係未適合返隊，何況你唔需要親自郁手，我可以幫你報仇！」

樺呆望了梓旻數秒，然後沉思了一會，梓旻微笑打算安慰樺時，樺反捉著梓旻的手：「梓旻！求你……」

見說服不了樺，梓旻反了白眼，吸了一大口氣：「你今日好唔冷靜，聽日再講！」

說完便轉身脫下外套，蹲下身收拾地上的雜物。身後的樺望著他的背影說：「你究竟係為緊邊個好啊？為我好定為緊你自己好？你根本就想自己好過啲先照顧我，但我都有想做嘅嘢！你可唔可以唔好咁自私？」

「我自私？我已經用盡曬方法去照顧你、保護你！你仲想我點？枉我乜都為你做，我覺得自己好傻仔囉！」梓旻終於忍不住了

「乜都為我做？你照顧我因為你當初救唔到澈硯自責，同我結婚因為我有咗澈硯個仔，你係自責先咁做！你呢啲叫為自己！你為我好就應該俾我返隊！」樺聲嘶力竭的叫喊

「你成年冇返過隊喇！仲要情緒咁波動！想立即返到隊，出到行動呢個諗法會唔會太天真？起碼一年半載啦！何況，等我幫你報仇未得囉！咁執著做乜呀！」梓旻罵完便回頭收拾地上的雜物

「我媽媽嘅仇要由我嚟報，呢個已經係我唯一嘅生存目標……既然我做唔到，我寧願去死……」樺絕望的說完，就從露台一躍而下

***

(待續)

推。

推。

「樺！唔好呀！」梓旻大叫起身，周身冷汗的觀察四周，詡、澈硯及樺目定口呆的看著他

「衰仔！你發夢都見到兄弟女朋友？」澈硯道

「用下腦啦！佢明顯係發預知夢啦！白痴！」詡大力拍在澈硯的後腦上

「你……夢到我啲咩？」樺口震震的問，她深怕有什麼不測發生在自己身上

「我……」梓旻思考了一會，他不想把他和樺的婚姻關係說給本人知，更何況澈硯一遇此類問題，智力就急劇下降：「夢入面樺因為唔夠力量報仇，所以……自殺……」

「唔好呀！」澈硯抱緊樺

「我……我又未到……要自殺嘅……」樺說

「唔打算就好。」梓旻吞吞口水

「嘩！咁夜喇？我要返去。」樺看看手錶

「我送你返去喇！」澈硯拖著樺的手說，樺害羞的點點頭，二人就充滿甜蜜氣氛的離開

「有異性冇人性！」梓旻說完看到詡若有所思的：「搞咩？」

「呀……我嚇親……死人喎……」詡吞吞吐吐的解釋：「我都返去休息先，拜拜！」

詡雖然故作鎮定，但走的時候明顯非常心急，可是梓旻實在太累，梳洗後就睡。

(待續)

太忙，之後補多啲！

翌日，當梓旻回到辦公室時，澈硯、樺及月文已在，他們的神色凝重，梓旻估計他們正說服姐姐讓樺加入零隊。

「請你再考慮！」樺哀求道

「而家唔係我唔想，係亞塵唔肯放人。」月文手拿着裝着咖啡的杯說：「不過你唔使太心急，我已經同亞塵講好，我俾一個月時間佢。一個月後，如果你仲係要嚟我度，佢唔可以阻止我。」

「點解要一個月，我絕對唔會轉心意！而家同到時都唔會有分別！」樺不解問

「反正都冇分別，咪等下囉！Chur 我都唔會俾你早入，而且我唔需要唔聽命令嘅人！」月文重語氣道

可是樺仍不死心，深怕月文不讓她進隊，窮追不捨的哀求，甚至哭著跪在地上：「我求你！我求你！我要幫媽咪報仇！我要⋯⋯我要⋯⋯」

澈硯心痛的跪在樺身旁環抱著她：「你應承佢啦！」

此時，亞塵氣沖沖的走進辦公室，完全無視梓旻的存在，直奔到樺面前：「你喺度做咩？」

「我求你俾我入零隊，我知只有零隊可以有機會俾我殺死害死我媽嘅人！如果我知零隊會由月文帶領，我一定會好早之前就申請入嚟！」樺轉跪向亞塵

「唔准！」亞塵大聲道

「求你！至少⋯⋯至少俾個解釋我！」樺嘗試停止哭泣，靜待亞塵的回應，但亞塵面有難色，遲遲不願回應

「亞塵，一個月期限呀！」月文說完，亞塵望一望月文，但未有下一步。見狀，月文繼續說：「而家得我地五個喺度，係大好時機喎！」

亞塵低頭沉思了一會，深呼吸了一下，單膝跪在樺的面前，但不敢直視樺，再以前所未有的溫柔聲線道：「我⋯⋯唔想我個女冒咁大嘅險⋯⋯」

梓旻及澈硯驚訝地瞪大眼睛，而樺立即停止了哭泣，連呼吸都好像停了般靜了數秒，再以沙啞的聲音道：「但我⋯⋯我媽⋯⋯我唔係你親生女，係我媽出面同其他人生嘅野種，我⋯⋯」

根據樺昨天跟梓旻等人說的過去推測，亞塵應該就是養了樺母女數年後發現自己被「帶綠帽」，然後離婚收場。看樺的反應，似乎她也知道亞塵就是那個分開多年的父親而非生父。

「同血緣無關，你永遠都係我個女，就算唔係親生，我都視你為我個女。」亞塵一邊說，樺一邊哭

「點解咁多年都唔搵我？你唔係好憎我同媽咪咩？我一直搵都搵唔到你，直到⋯⋯直到五年前你喺先鋒隊上電視⋯⋯」樺哭得開始打嗝起來

「你媽根本唔俾我見你！直到幾年前，月文發現咗你，保護你⋯⋯我先知你喺邊，但都咁多年⋯⋯而且，你媽個陣已經⋯⋯我⋯⋯」亞塵也哽咽起來：「唔好轉隊，等爸爸同你一齊報仇好冇？我一定會幫你！」

樺開始崩潰大哭，同時也點着頭，接着抱住亞塵的頸大喊：「爸爸！」

「好喇！走啦！一陣啲人返嚟見到點算？唔好搞到我咁難做！走走走！」月文搖著手趕他們走

「⋯⋯多謝你……幫我多謝埋詡⋯⋯」亞塵小聲說，再伸出手打算拉起樺，樺伸手拉著亞塵的手，而澈硯就在旁幫助她起來，三人就此離開辦公室

亞塵和樺是兩父女當然令人驚訝，但詡居然一早知道他們是父女，他又再一次有事隱瞞著，這令梓旻惱怒。

「你咁得閒幫我攞啲嘢去支援組，係取消轉隊嘅表！」月文在自己的辦公桌拿了一份文件給梓旻

「你究竟知幾多，牽涉幾多嘢？」梓旻接過表格

「反正你未夠資格知。練強啲，我再諗講幾多你聽。」說完就關上了自己辦公室的門

（待續）

推。

當梓旻到達支援組的樓層，門一開就見到詡，梓旻本想開口抱怨詡，但被詡搶先把兩小樽啡啡黑黑的東西給梓旻，說：「美慧話係佢發明，喝咗會大復增加力量而冇後遺症！每次一小啖就有效果。」

「發明？佢唔係支援組嘅咩？」

「呀……唔清楚……」

「個個人都有？」

「我、你、樺同澈硯每人兩小樽，佢話想要多啲下次佢再俾。」詡舉起裝著小瓶的袋子

「哦……佢叫你嚟攞？」

「係？」

「只叫你一個？」

「……係……只叫我……」他約有所思的

「哦……佢……完全當你係……特別……」

「特別？」

「好使嘅人！」梓旻說完，詡看起來明顯有點失望，因此接著說：「你期待緊咩答？」

「至少唔係呢個答案。」

「是旦，有件事我想知清楚，你係咪一早個亞塵同樺嘅關係？」

「你……知道咗？」

「我今朝先知，佢地吵咗一陣，亦都令我知道你一直知道佢地嘅關係。係咪仲有好多嘢你冇講我聽？」梓旻在詡張開口想回答前再用警告語氣：「誠實！」

「封口令，我真係想講冇得講。」

「有幾多嘢我唔知得。」

「可能……係六……七……八成？」

「你好嘢！你同家姐都係！」然後梓旻帶著文件向支援組走去

(待續)

推。

推。

病咗，全日瘟瘟燉燉，停更一天

多休息，多喝水。

多謝，今日好凍，著多件衫

仍未病好，星期六更，敬請見諒

推。

「我知我好嘢！但我真係唔可以⋯⋯」詡追在梓旻的身後道

「Hi!亞旻，好耐冇見！」美慧從支援組的大門走出來

「係，好耐冇見！」回答的居然是詡，梓旻疑惑的望向詡

「咩呀！我地啱啱先見完，你俾咗嘢亞旻未？」美慧笑問

「係係係，俾咗俾咗！」詡傻傻的回答，其反應令梓旻想起某個人——澈硯，詡的反應就如澈硯最初面對樺的時候的樣子，可是他應該一早就與美慧認識才對，不可能還會喜歡上對方吧？

「係，佢俾咗。而我正打算俾文件你！」梓旻遞出文件

「樺終於唔轉隊喇？」美慧接追文件

「你又知發生咩事？」梓旻有點怨氣，因為剛才才發現詡知情不報

「唔知喎！咩事？」美慧邊問邊笑的，令梓旻搞不清楚她究竟知不知樺與亞塵的關係。梓旻以質疑的眼神看着美慧，而美慧以嬉笑的眼神回看他，對望不夠數秒就被詡打斷

「好喇！美慧應該要做嘢？我地都要返去喇！」詡道

「係，下次再問你地詳～情！Bye Bye!」美慧就此離開，詡的視線沒有離開過美慧的背影，梓旻及詡也往升降機處離開

「好喇！可以講我知幾時開始？」進到升降機後，梓旻趁升降機內只有二人時問詡

「咩⋯⋯咩意思？」

「你同美慧呀！」

「我同佢有咩？」

「你⋯⋯同佢拍拖呀？」

「癡線！」

「暗戀？」

「癡線！冇呀！」

「冇？」

「冇！」

「真？」

「真！邊會有人鍾意佢？你都有病！」

「我冇⋯⋯但你一定有！」

「有咩？」

「你唔知？咁算啦！」

升降機到達目的地，梓旻率先掉下詡離開了

（待續）

推。

謊言與隱瞞篇第三十七章: 毒品 (一)

「大家早晨，今日緊急召集大家集合係因為支援組有新發現，就係我手上呢紅色藥丸。而家會傳俾大家睇，佢係喺一個吸毒者嘅劏房屋企搵到。據佢嘅鄰居，亦都係佢一齊吸毒嘅朋友，講呢粒藥係由不明人士手上得到，該名人士隨機派發藥丸供人試用。本身擁有呢粒藥丸嘅人已經因服用呢粒藥而死咗！雖然屍體正由我地解剖緊，但據佢個位鄰居兼朋友講，佢服用完呢粒藥之後，就開始五孔流血，血由紅變黑，然後皮膚都一齊變黑，再頸胸腹膨脹至圓形，最後變成我地所屬知嘅紅核。好消息係親睇見證呢個情況嘅人都決定戒毒，唔好消息係精神科多咗個病人，而我地將要面對呢種藥物已被派至大量人士手上，以及會有一連串嘅工作要做。」亞塵在講台上介紹一顆紅色小丸子

當裝著藥丸的透明密實袋傳到梓旻手上，他用不同角度細看藥丸。藥丸呈長圓柱形狀，是一個透明膠囊裝著深紅色的液體。梓旻高舉藥丸在光線下細看時，在旁的澈硯盯着藥丸道：「你唔覺得好似血液咩？」

「有啲似⋯⋯」梓旻把藥丸袋傳到澈硯手，澈硯打開袋嗅一嗅袋子

「冇味，如果可以打開⋯⋯」澈硯未說完，袋子就被詡搶去

「諗都唔好諗，係都返你研究所先做，一陣曬咗！」詡隨意看了兩眼就把藥丸傳到鹿仔手上，傳到鹿仔手上時，他們發現鹿仔的樣子疲憊不堪，黑眼圈及眼袋快可以作錢包使用

「嘩！搞乜呀你？」澈硯驚訝問，但鹿仔搖搖頭不欲作答。雖然他沒有說出來，但梓旻等人很快就知道發生什麼事。就在緊急會議完結後，他們準備離開回去辦公室時，Kiki很親切的問壹雄：「我地今晚去唔去？」

「今晚唔得喎！聽日？」壹雄笑回

「好！就聽日！」Kiki興奮的答

「但你唔係約咗我聽日出去咩？」鹿仔急問

「亞塵唔係要你幫手咩？仲有陸楠嘅訓練呢？你日日都通頂咁濟，我地下次先啦？」Kiki說完就蹦蹦跳跳的走了

「慘⋯⋯」詡同情鹿仔

此時，美慧起過來他們三人面前，單著眼睛笑道：「你地加油！」

「好⋯⋯好⋯⋯」詡傻傻的回答

梓旻見狀，望著詡吐出「慘」字，而身旁的澈硯仍未知發生什麼事。

（待續）

推。

推。

紅色藥丸的事情公佈後，職務以倍數上升，出動的次數多得令人頭疼。對於紅色藥丸的案件內容，梓旻並非毫無頭緒，從已出動處理與紅色藥丸的同伴口中得知，相關案件的處理難度不高，面對的怪物也屬「初生」多是攻擊力不強。唯一麻煩是搜證追蹤藥源，先鋒隊雖不需要分析現場或搜集證據，但需要審問四周的人或捉拿嫌疑人等。加上，一連串的襲擊事件，社會上反對的聲音也愈來愈大，縱使只是少數也會阻礙調查。

就在某星期日的上午，梓旻等人收到作為「主攻擊隊」出動指示，小隊成員與上次工廠大廈一樣，目的地是一座已有悠久歷史的唐樓，內部結構已殘舊不堪，這令任務難度升級，他們不能有太大動作而令建築物倒塌。另一個令難度升級的是據他們收到的資料顯示，那裡是一個吸毒者聚集的地方，意即那裏可能不只一個人獲得及已服食藥丸。

到達目的地後，不同層的住宿已被疏散，梓旻在進樓前看到旁邊有一個大型黑色帳幕，明顯是總部的東西，但他以前從未見過。

「咩嚟？」梓旻問孔Sir

「俾呢棟樓嘅住客隔離嘅地方。」孔Sir邊回答邊走進樓梯

「隔離？」梓旻跟上並問

「係，以免有人食咗藥未發作，需要續一檢驗血液之後先可以走。」孔Sir補充

「檢驗結果出嚟之前要一直係入面？」梓旻驚訝問：「咁萬一有一個人係入面發作點算？」

「所以會有人守足廿四小時！除非你想啲人出曬去發作再廢埋個城。」Mark插話，再指指樓上：「去樓上七、八樓，即係第六、七層，最高兩層搜下！」

（待續）

推。

推。

這建築物的衛生情況惡劣，每個樓梯的轉角位都堆滿臭不可聞的垃圾，令梓旻一度懷疑是否有腐屍藏在內。與孔Sir二人到達最高層後，他們先扣扣門循例問一問屋內是否有人才闖進去。

他們打第一間屋的門，臭氣就像向他們衝過來，二人連忙帶上氧氣罩。可是他們無從得知臭氣從哪個位置出來，因為屋內有多道門，可以知道這明顯是劏房戶的屋子。

「你地個度點？」Mark的聲音從耳機傳來

「仲睇緊第一間屋，係劏房戶好臭又好污糟，一大堆垃圾係度⋯⋯」孔sir回應

「仲有一啲⋯⋯嘔吐物？噁⋯⋯」梓旻看到牆邊地上的髒物

忽然，最裡面的房間傳來「嘭、嘭、嘭」的聲音，二人對望一下，孔Sir走前扣門再問：「係咪有人？」

「呀、呀、呀。」門內傳來男子的聲音，彷彿被什麼蓋住口鼻而說不出話般

「先生！我地嚟救你！」梓旻大叫，正打算撞開門時，被孔sir阻止了

「初期嘅怪物都有同人相似嘅叫聲。」孔sir小聲提醒，這讓梓旻回想畢業試時與亞豪的對戰，他立即後退，等待孔sir開門

孔sir小心翼翼的開門後，見沒有東西衝出來，他們就慢慢探頭看進去，一隻有整長四肢的黑色及肉色混集的怪物背對着他們。當牠聽到門撞上牆壁的聲音，便四肢碎步移動轉身望向他們，清晰可見是一名青年七孔流血的痛苦狀。他的血由流紅血變黑血，隻目變黑但梓旻無法分辨他是失去了眼球還是眼球變黑。加上他痛苦的叫聲，把梓旻嚇呆了，以致被攻擊也要由孔Sir救助下才避得開。

「發呆？嫌命長？」孔Sir大罵，再回頭面對怪物

「梓旻！」梓旻此時腦海中響起亞豪的聲音：「梓旻，救我！唔想死！」

「梓旻！避開呀！」孔sir一大叫，梓旻立馬回神避開眼前攻擊

「⋯⋯殺人喎！你得唔得呀？」梓旻腦海中閃過面試時面試官的笑容

「我⋯⋯我做唔到⋯⋯」梓旻的自言自語被孔Sir聽到

「你唔係嘩？嚟到呢度先話落唔到手？就因為佢似人？」孔Sir抓實梓旻的衣領，突然另兩間房跳出另外兩隻怪物一樣是「未成形」的

「唔係似，佢地係人！」梓旻拉著孔Sir避開

「你之前一直都殺緊啦！邊個上次係工廠大廈殺完隻百核仲好興奮呀！而家先嚟做聖人？既然你落唔到手就躝出去，唔好阻住曬！」孔sir 把梓旻推到出口處

當梓旻被推向門，面向屋外時，時間像靜止一樣，他看到姐姐的幻影在門外向他說：「早講咗你唔得，你乜都做唔到。唔係你死，就你同伴死。」

「呀！」孔Sir在梓旻後叫喊着

（待續）

推。