《覺能之戰》

今日開始連登呢邊追上紙言同Penana 嘅進度，所以將會三邊同步，逢星期二四更新

遲啲會出多少少角色簡介，敬請期待

希望大家多comment 正皮留名謝謝支持

「話說，頭先講咩武器？」梓旻繼續之前的話題

「係吖！過咗呢場覺力賽，隊長就會就比賽嘅表現搵見習隊員商量，再同研究組開會，一個月到就有專屬武器到手。不過你個隊應該由浩政負責搵你，你知啦，富哥係盲嘅，鼓鼓爸爸要湊女。」Albert皺眉苦笑繼續道：「浩政又冇同你地講？」

梓旻點點頭，繼續問：「你哋個個都有？個個都唔同？」

「武器分兩種，一種係自己提出要求嘅，會特別唔同啲，另一種係大眾化少少，即係你咩A Mark就有類似嘅武器，但都會度身訂造，每人都有少少唔同。」Albert從腰側拿出如他大腿長的摺扇：「我就係第二種，同大部分T隊隊員一樣有副有望遠鏡功能嘅眼鏡，同一把摺扇。我嘅摺扇用超簿金屬做，可以𠝹傷敵人，末端呢個手握以我手形制訂，㩒側邊嘅制扇會打開，可以單手或雙手握實，雙手握實發動AP撥出去嘅風可以做出強而有力嘅阻力，阻礙敵方投射嘅物件前進，仲可以撥返轉頭。Dali都係摺扇，但因為佢冇乜力，加上會𠝹傷自己，佢個把係比較細把嘅木扇。」

梓旻對這話題既好奇又興奮：「咁其他人呢？」

「富哥係拐杖，佢枝拐杖用特製物料做，平時用到之外，插落地可以感應附近幾百米範圍內嘅人同動物位置，枴杖手握位會變成凹凸圖案或字，好似雷達咁提佢人或動物嘅方位，但實際操作就問佢先知。」Albert動手模仿拐杖的形狀，再指著想像出來的拐杖，描述拐杖的功能：「拐杖近手握位位置側邊同樣有個制，㩒開成枝拐杖變摺扇，用法同我差唔多

「…鹿仔係⋯類似金鋼圈咁，上面有兩條天線之類，雖然冇研究顯示可以提升能力，但佢堅持咁做可以令佢大範圍能力隊員覺能及體力同治療隊員，不過⋯佢個武器加上佢嘅光頭，有時我真係以為唐憎到場，哈哈！」Albert用兩手指模仿兩天線在左右兩側

「亞豪就係一對靴加手套，因為佢多數以跑為主，特制靴除咗可以保護雙腳，仲可以儲電發電，傳到手套作電激用途；Kiki就係哨子，不可思議嘅係佢唔需要講嘢，諗一諗，吹一吹，佢想我哋知嘅嘢就會係我哋腦海浮現，有時甚至可以提升我哋逃走嘅速度，就好似有人催我哋走咁。」Albert拍拍小腿，再模仿呼哨子的樣子。

「P隊人大部分都係拳套，最冇變化嘅武器同裝備應該就係佢哋，Buck嘅唔同之處係件行動制服，因為太亂嚟，肌肉同關節都有勞損嘅問題，所以佢件制服特別設計到可以插入試管治療液，制服內多個細孔可噴出治療液，減少佢因行動而生嘅新傷害。」Albert描述後拍一拍自己的關節位

「咁浩政呢？」這是梓旻最想知的人，因為這是唯一跟他一樣A Mark的人

「浩政呀⋯⋯」Albert有點猶豫：「佢好似係一枝筆。」

「筆？」梓旻想起上一次浩政跟他說話時把玩的筆

「係，合埋蓋就係一枝圓柱形兩邊圓頭嘅筆，我記得佢訂造咗一黑一白，佢經常帶白個枝係身，但唔多見佢用。」Albert雙手展示筆的長短

「坦白講，雖然我同浩政同A Mark，但截止現時為止，佢似乎冇乜嘢我可以參考到。」梓旻有點苦惱，完全不知道筆對他有什麼作用

「係嘅，而且係其他意義上，我都唔太建議你參考佢。」Albert笑笑

比賽開始的聲音響起，鹿仔拍一拍手便強化了隊員的AP及體力，位於A區的亞豪向D1狂奔，快得肉眼不太看得到，但D1有亞點守著，不斷向亞豪揮拳，亞豪避得很快，但就是前進不了。另一邊，身處B2的富哥及Dali在向Buck和Cade拋石，對比富哥的拋石攻擊，Dali就像小孩子玩拋石一樣弱。富哥用念力阻礙Buck前進，看來非常有效，Buck就像正推著一座山般，動也不動。而富哥身後的KiKi不斷在大叫「呀」，在強化富哥或弱化Buck就不得而知了。

Dali在Buck的左側很努力地向Cade拋石，他舉起並張開左手，手掌對著Cade，可能有設置防護才令他的拋石攻擊如此差劣。而作為醫療兵的鹿仔沒有守著陣地，只見他以不算快的速度，在Dali身後走過，大概他正以Dali作掩護，打算到D3陣地取旗。但Buck發現了鹿仔行過，立即向左奔跑，富哥及Kiki也一同奔跑，也不忘拋石及大叫。三人速度相差不多，鹿仔知道被發現後也立即找巨石作掩護，Buck前面只剩Dali一人擋在前，Dali極力阻止他前進，可見Dali怕到快要哭出來。

顯然對Dali來說阻礙兩人實在太吃力，Buck的速度只是被減慢少許，而Cade也開始加快，Buck走到Dali面前舉起右手打算揮拳而下的時候，富哥從後用念力拖拉Buck的右腳，Buck倒在地上，Cade反射性望向Buck，Dali立即加強拋石攻擊。另一方面，亞豪終於擺脫亞點，就在他快要摸到旗的一刻，換隊聲響起。

(待續)

今日會有文

隔太耐，改一、三、五出文啦

多謝提議！
都打算加多一日，但會係二、四、六，因為作者我一三五比較忙
敬請大家繼續支持！

富哥、Kiki及鹿仔維持於紅隊，Dali及亞豪轉成藍隊了；Buck和Edith維持於藍隊，亞點、Fay及Cade也被轉到紅隊。這次是六比四。

亞豪露出痛苦的表情，剛剛甩掉亞點，未拔旗又轉隊，這次到他做防守，阻礙亞點前進。首十五分鐘被忽略的Edith和Fay由隊友變敵人，二人本留守在D3的旗旁邊，他們開展肉搏戰，不知是Edith被Fay弱化，還是本來他們就很弱，二人就像沒用AP的女生打架，在這頗認真的比賽中，她們的打鬥顯得有點小朋友。

回到場中間，富哥一邊拉著Buck，打算把他拖遠鹿仔，圓婉不忘在他肩上吶喊助威，Kiki仍然在大叫，但手摸著喉嚨，大概已經感到辛苦。而Dali算是全場最慘的人，本應是他與鹿仔二人對抗Cade，現變成Cade跟鹿仔對付他，鹿仔與Cade擊掌，梓旻本以為二人多友好，但Albert解說鹿仔只能在一定範圍內無差別強化或治療範圍內的人，如要強化或治療特定某人則需要身體接觸，所以二人才擊掌。

由於Buck他們被拉得愈來愈遠，Cade及鹿仔開始分開前後或左右包抄Dali，Cade在Dali的面前起拳打算打下去Dali舉起雙手用念力阻擋，趁機跑到身後的鹿仔手放在Dali的肩膊上，Dali隨即全身無力，念力牆消失的瞬間，Cade的拳頭狠狠打在Dali的右肩膊上，Dali整個人飛後幾尺。

梓旻眼前代表Dali的燈轉成紫色，就把Dali搬出場外去，再把他搬到醫療站去。如往常一樣，三位M隊隊員圍著他，為他診斷及治療，此時Dali已失去意識了。梓旻安頓好Dali後，就立即回到會場看比賽。

此時，Fay已經被退場。被拉至C1及C2之間的Buck終於擺脫富哥，Kiki已經叫不出聲來，Buck似乎佔了上風，開始不斷向富哥出拳，打算打破富哥的念力牆。Kiki眼見形勢不太對，轉跑向D1助亞點搶旗。雖然Buck知道Kiki的打算，但與富哥的對衡下，未能即時抽身。Kiki順利到達D1，喉嚨小休後，隨著Kiki大喊「呀」的一聲，亞點的上勾拳狠狠的打在亞豪的上巴，亞豪向上飛了約二樓高再墜下，被D區人員搬離場了。這刻梓旻記起比賽前Kiki曾說要「㨃冧」他，果然說到做到。

紅隊先領一旗，離下次轉隊只有一分鐘的時間。富哥終於撐不了，念力牆消失的一刻，Buck的拳頭愈來愈接近，圓婉響亮的聲音叫著「向後彎腰呀！」，富哥敏捷的避開了攻擊。接著，富哥向C3逃命。Buck沒有追富哥，向著D3跑去救旗。就在他踏入D3的一刻，轉隊聲響起。

富哥、Kiki、鹿仔和亞點維持於紅隊，Cade轉成藍隊了；Buck和Edith維持於藍隊。這次是四比三。

紅隊的人似乎筋疲力盡，藍隊三位都是體力較好的人。富哥還在C3拐著腳，非常慢的走向D3。其他人也相繼到達D3了。Kiki摸著喉嚨，似乎真的發不了聲。鹿仔及亞點二人也非常累了，二人都在喘氣，眼看離目標不到20米的距離。Edith也從旗幟那邊走出來，Cade也轉向鹿仔，他們只隔十數步的位置。Buck的一聲大叫，其他二人也大叫衝過來。就在千鈞一髮的時刻，鹿仔雙手一拍，所有人，除了距離較遠的富哥，都跪在地上，然後他慢慢的走去把旗拔起，比賽就此完結。

(待續)

最重要抌住出。
寧願一篇斬開幾份隔日出，好過儲埋多日出一篇。
兩者嘅效果分別會好大。

收到謝謝

比賽完結後，梓旻及Albert到醫療站見眾參賽者。除了Buck和Edith，所有人都接受賽後治療。站在帳幕前已經聽到他們的笑聲。

「Cade你勁咗喎，之前都冇咁難搞，要防你防得好辛苦。你一轉敵隊，個下個氣勢⋯嘩！真係！」鹿仔坐在病床上正接受一位M隊隊員檢查身體

「你仲勁啦！上年你拍一拍最多係腳軟一陣就好返。今次仲可以慢慢行去抆旗。邊個夠你型吖？」Cade回應

「唉，你就型曬！全場死得最樣衰係我，飛到二樓高，陰公！」亞豪躺在床上說，而坐在對面的亞點和Kiki二人舉起拇指，互相表示做得好。

「你哋表現得好好！」Albert一進門就大聲稱讚他們

「場比賽好好睇！當然鹿仔最後個下好型！」梓旻也附和

「如果你可以練到浩政咁，你一定會型過我！」鹿仔笑得有點狡猾，大概因為他知道梓旻很難追上浩政的程度

「嘩！咁可能你退休，我都未型得過你！」梓旻笑回

「希望你哋卧底賽都發揮同一水準！」Albert續問：「你哋幾時卧底賽？」

「聽日第四場！聽日第四場！」圓婉大聲回答

「咁唔阻你哋休息喇！梓旻，我哋返出去。」Albert用手勢示意梓旻一同離開

「Albert呀…」梓旻踏出帳幕後道

「嗯？」Albert拿出手機的時候被梓旻叫住

「富哥隻鸚鵡…係咪真鸚鵡嚟？乜鸚鵡有咁聰明嘅咩？」梓旻真心覺得那鸚鵡有點可怕

Albert靠近梓旻的耳邊細聲量道：「坦白講，我都懷疑咗好耐…有乜可能咁叻？但無從考究。」

Albert挺直腰背，提升回正常聲量：「既然冇辦法知真相，就唔好諗咁多喇！一陣嘅變陣賽會係我出賽，所以就靠你一個喺B區當值，祈禱你唔使搬我出場啦！」

Albert的變陣賽不太有看頭，參賽者有四人P隊、四人T隊及二人M隊。來來回回也是拋石或用念力牆擋攻擊嘅對決，卻鬥得難分難解，又沒有一人出場。整個賽事持續了一個半小時，時間之長令人有點鬱悶。梓旻見沒有人倒下，比賽沒什麼新意，就開始溜起手機。

他昨晚傳訊息問家人會否來看比賽，直至現在才收到答覆：「當然嚟啦！你家姐都嚟睇！買三張飛啦！」本來預計只有父母來看的他對姐姐願意來觀戰感到驚訝，看來姐姐終於接受了他加入AP特種部隊。此場變陣戰完結後，梓旻到醫療站向Albert稍後問候後，便立即到售票處買入場券。他成功買了二樓觀眾席的票，當他打算回到B區時，浩政剛巧經過，二人展開了一段有點尷尬的對話。

「買飛呀？」浩政問他問題，但沒有望著他的臉

「係吖。」梓旻揮揮手上的入場卷

「哦⋯（靜了一會）買飛俾屋企人嚟睇？」浩政望望梓旻手上的入場，目光再次放遠，不知他在看哪裡

「係吖。」梓旻把入場卷收起

「哦⋯（靜了一會）全家都嚟睇？」浩政仍然沒有望向他

「係⋯係吖⋯」梓旻開始感到尷尬

「哦⋯（靜了一會）嗯，我⋯冇嘢喇，你走啦！」浩政欲言又止的，令梓旻感到奇怪，但又不太方便問下去，因此點頭後離開了

第一場卧底賽開始，雖知這場的參賽者都是隊長級人馬，梓旻卻不認識任何一人，由於也沒有特別需要注意的人，Albert沒有特別介紹他們。卧底賽與變陣賽的裝備上有些不同，就是沒有了胸口的小燈。各參賽者進場前於報名處得知自己的「真實」隊伍，除了參賽者本人，所有人也不會知道誰是卧底，直至完場才會知道。每隊卧底的數目大概有一至兩個，每場比賽也不同，但兩隊參賽隊伍的卧底數目必定一致。卧底賽的好處是它的時限為一小時，不會出現剛才變陣戰那種悶且想完完不了的情況。

梓旻的工作大同小異，只需救紫光的參賽者離場就可以。這場卧底賽雖然都是隊長級的比賽，卻不太好看。梓旻又再溜手機，與楓、樺、詡及慧等人互傳信息至完場。梓旻今天的工作完成，他與Albert報告B區離場人數為零後，Albert就讓他離開。

(待續)

作者感想分享一推

如果大家記得第一章，主角同同事傾偈嘅時候有提過一個重災區叫東蓀曲環，其實係一個香港真實地方俾我靈感。某日落雨，我係天橋上面等緊屋企人嘅時候，望向遠處山頭，心諗：「如果有怪物由個邊山頭跑過嚟，我會點呢？」

雖然參考嘅地方係香港，但冇用返香港地方名，因為用返真實名嘅時候，就好似要考慮好多現實因素，限制咗我嘅創作，所以就作咗啲名代替。


（圖片來源：http://www.pof.org.hk）

我明白嘅，始終香港不及其他地方創作自由。
不過你個名改得好僻，太僻太難明，讀者會自己過慮咗。唔會有心機理解背後嘅意義。除非你可以喺故事中灑雞粉，否則真係無人會認真咀嚼。

Thanks 我作個陣的確考慮少咗讀者

呢個出咗我就唔轉了，之後我會作啲冇咁僻

梓旻五人本想於食堂討論比賽的事，無奈比賽期間眾多人聚集於食堂看比賽及起哄，最後只好到O隊辦公室休息。

「你哋辦公室長期都咁靜㗎喎！」楓跟著梓旻他們進入辦公室，一直走到會議室坐下

「係，啲隊員長期都去其他隊幫手，但今日係因為比賽出曬去。」梓旻回應

「我哋傾返先，知唔知我哋對個幾隊啲人實力如何？」詡問

「M隊嗰幾位應該同我差唔多，其他我都唔清楚佢哋實力。」樺回答，其他人都在搖頭

「我練習個陣冇理過其他人喎！我之後再留意下！」楓回答，她的回答從不令人失望地令人非常失望

「O隊嘅我哋更加唔知，阮超、麗瑤同我哋分開訓練。」梓旻道

「咁即係除M隊嘅人外，我哋乜都唔知啦！咁我哋攻邊方先？」美慧提議

「緊係攻最近嗰個啦！其實A1隊攻A3隊，D1攻D3咁就有兩隊出線，唔使打喇！」楓揸緊拳頭說

「但就算有兩隊奪旗成功都未停㗎！」美慧提醒

「但都有兩隊出，為第二日比賽保留實力，唔會出咁多力嘅！」楓皺眉頭

「咁未必。同變陣賽一樣，除非剩返一隊，否則唔會停。假如頭一個鐘就有兩隊出線，咁為咗盡早完成賽事就會出力啲打。」詡回應

「而且你哋為咗俾到好印象其他隊，唔可以hea 打㗎！」美慧提醒，梓旻及詡二人嘆了口氣

「唉，真麻煩⋯⋯」詡埋怨

「我哋係咪未知自己位置？」梓旻想確認自己所知

「係，當日當刻先會知。」美慧回答

「咁總之就攻咗最近個隊先！然後就去打對面贏個隊！」楓又再揸緊拳頭說

「等陣先，如果三隊都打我哋呢？」樺問

「咁你就求神拜佛唔好發生。」詡回答

「咁我哋各人點分工好？邊個攻邊個守？」梓旻問

「我諗我應該留係陣地最好，我唔似鹿仔可以弱化人⋯」樺有點羞愧

「鹿仔係特別勁嘅！唔好唔開心！」楓拍拍樺的背，樺苦笑望向楓

「我可以飛人過去，如果飛嘅人想長期自由飛行，咁我估我最多可以飛兩個，而且佢飛之後，我就冇多餘嘅念力做防守或攻擊。」梓旻舉起右手

「好弱⋯」美慧問：「咁只係飛嘅話，空中俾人掟或攻擊就防唔到，咁有乜用？」

「咁你有咩好提議呢？」詡有點不爽美慧

「我提議梓旻留守，用念力防止敵方前進，然後升一個人上天，至少佢仲有啲力做防守。樺就喺梓旻後面持續強化梓旻啦！」美慧自信且堅定地提議

「咁飛我啦！我想試下飛！」楓舉起手跳起身自薦

「緊係飛我啦！我飛過！」詡爭著說

「你哋兩個係天上面有防禦能力咩？我可以用念力防止四方八面嘅攻擊之餘，梓旻飛起我又可以瀰補返我冇嘅體力，我始終係支援隊，冇你哋先鋒隊咁跑得！」美慧的一藉話令楓及詡的興奮感覺盡失

「好叻吖你！」樺稱讚美慧，美慧得意洋洋的點頭感謝

「係呀，最叻係佢吖。」詡諷刺道，美慧得意洋洋的仿似感謝他讚賞般向詡點頭

「但我都唔知自己咁樣可以做到咩程度，而且都要知樺可以強化幾多，一陣呢場比賽完咗，我哋去技能訓練場試下？」梓旻提出

眾人回應：「好！」

「話時話，大家屋企人嚟唔嚟睇比賽？」梓旻問

「我爸媽唔太方便嚟。」樺有點困擾的回答

「我都係。」楓說

「我爸好似話嚟。」詡回答

「我都係。」美慧回答

「我父母同家姐都嚟。」梓旻說

「你家姐都嚟？我想見下，想見下。」楓很興奮的說

「做乜咁興奮嗻你？」詡皺著眉頭問

「咁我⋯我冇家姐嘛！」楓支吾道

「我就唔見喇！費事尷尬⋯」詡道

「我都係。」美慧道

「我都係。」樺道

「有冇人問過我本人意見？我想你哋見咩？」梓旻說

「Oh! 咁你俾唔俾？」楓有點期待的問

「最好唔好啦⋯好尷尬……」梓旻苦笑說，楓似乎有點失望

「比賽好似完咗，我哋去訓練場。」美慧看看手機說

(待續)

終於執好一啲整合放上ig!
我仲思考緊開唔開埋個FB⋯⋯

IG 會集中放一啲總結及人物簡介
因為角色會有成長，或有一啲秘密之後開始披露
希望可以做到俾讀者睇得清晰啲，每篇完咗都會up一個新嘅人物簡介，讓讀者可以對比返每個人物嘅改變或成長！

https://www.instagram.com/p/ColzlGgPTYf/?igshid=NDk5N2NlZjQ=

今日先分享返部隊簡介！如果鍾意/支持可以follow一下，非常樂意接受催稿

幫推

都好，有時太多人物，又中又英都難分。
除非角色好特別，性格鮮明，外表有特徵，講嘢用詞特別，有特殊能力或者招式，否則都好難記得佢。

多謝支持

我第一次寫咁多設定，都幾貪心
又想有成長，但怕啲能力唔夠平衡，要每人Set啲弱點；想啲角色立體，又度咗啲背後故事；有時又寫得太high加咗啲角色入去
所以都擔心大家消化唔到咁多，整個整合對讀者對我自己都好。

覺力賽篇第十一章: O隊的卧底戰

五人其後到訓練場練至當日賽事完結後就解散。翌日，梓旻起床後發現Albert傳訊息給他，原來因為有突發行動，上午的比賽被取消了。梓旻回到O隊辦公室嘗試了解現況，留在辦公室裡的人只有下午有賽事的鹿仔五人。

「發生咩事？」梓旻問

「離島區出現一隻紅核，頭三節嘅賽事取消，頭三節嘅參賽者部分要出行動。而後三節嘅參賽者待命，如果十一點前完成任務，賽事會如常進行。」Kiki回答

「唉⋯點解我哋係第四節，早一節咪好囉！我賭廿蚊會取消我哋場比賽！」亞豪埋怨

「成日都掛住賭！我賭十蚊會繼續比賽！」Kiki放下十元

「乜你好想繼續咩？」亞豪問

「我都估繼續，今次嘅怪物係紅核，難度會低啲。廿蚊。」鹿仔放下二十元

「我估取消，今次離島區救援會慢啲，而且而家已經十點。」亞豪放下三十元

「我都估取消。」富哥放下十元

「梓旻你落唔落注？」亞豪問

「你唔好帶壞新人啦！」Kiki插嘴

「你冇份？」亞豪反駁

「至少我冇主動邀請。」Kiki 道

「我都係唔落注喇⋯」梓苦笑搖頭

「唓⋯」亞豪把所有錢整理好，就在此時，辦公室內的中央咪響起音樂，然後宣布第四節比賽如常進行。

「Yeah!」Kiki大聲歡呼

「紅核！我對你太失望！」亞豪抱頭大叫：「Kiki，你講得啱！我哋唔應該教壞新人，呢場賭局唔計！」

「食屎啦！願賭服輸呀！」Kiki仲出手掌要求亞豪把錢交出：「速速磅水！」

「估唔到原來覺力祭都仲要出行動。」梓旻有點不解，看著亞豪萬分不願的把錢交出

「本身覺力祭都係為咗提升部隊聲譽同民望嗻！如果有行動唔出咪本末倒置？」亞鹿解釋，同時把Kiki給的錢接過來

「少咗觀眾都係件好事！」亞豪笑言，續說：「反正仲有五個鐘，我返去瞓一瞓先。」

「我都係。」其他人也打算回去休息。離開前鹿仔拍拍梓旻肩頭：「梓旻記得同我哋打氣。」

「可能可以再見證我協助打低亞豪嘅一刻。」Kiki笑言

「你仲有冇當過我係你哥？」亞豪皺眉望著Kiki

「有，所以先只係協助，冇直接攻擊！」Kiki得意的道

「有分別？」亞豪不爽的反問

「有！」Kiki大聲回答，再快速離開辦公室，亞豪邊跟上邊碎碎念

「亞豪永遠拗唔贏亞妹。」富哥笑說

於是，當日第四節時間，梓旻又再回到B區當值。Albert到來時，臉上有點倦意的和梓旻說：「今日你主力移動啦！我今朝出行動而家好攰。」

「今朝行動好難？」梓旻開啟所有監察用的儀器及檢查其功能

「唔太難，隻紅核係郊區而唔係民居，已經幫好大忙。只係帶一大班見習去現場視察，有啲攰嗻。」Albert伸懶腰，雖然他口說不累，但惓容已出賣他了

「可以去現場視察真好⋯」梓旻有點羨慕其他隊的見習隊員

「O隊係慘啲，一落場就嚟真。不過，視察都係超遠距離睇，冇乜嘢可以見到，你想像下，執行任務個陣，我哋冇理由俾新人阻住行動，又冇理由俾佢哋有危險，你就當係感受現場氣氛，你哋唔去冇乜蝕，真係要睇戰鬥，不如直接去實驗室睇資料片。」Albert敲敲螢幕，再從左側拿出汽水

「實驗室啲資料我哋睇得㗎咩？」梓旻記得美慧曾威脅他們看文件則報告給上司知

「當然啦！只要你係隊員就睇得㗎喇！」Albert大口喝下汽水

（待續）