《覺能之戰》

就在防護網變脆弱幾秒後，一名亞傑的複製人來到身後，亞宏立即轉身應對，似乎一早預想到他的來臨。梓旻也轉身應戰，眼角看到草叢中有另一個亞傑的複製人躺在地上，似乎剛才也苦戰了一輪。

「你地退後！我已經打弱咗個防護網好多，你地落力打應該好快得！」壹雄轉身跟亞宏及梓旻說，亞宏點點頭就回去攻擊防護網。本來梓旻也想回去幫手，但當他聽到壹雄道「你咁熟口熟面嘅？」的時候，他便不敢回去

「你做咩？返去幫我！」壹雄道

「我⋯⋯我同佢地有仇，佢⋯⋯佢地之前差啲殺死我，我想⋯⋯」梓旻話未說完，壹雄突然按著頭

「得！得！得！得！想留到留！」壹雄似乎頗頭痛，轉身面容扭曲的指向亞傑：「你個樣睇見就嬲，嬲到我頭痛！」

壹雄多數時間也是笑嘻嘻的，現在卻面容扭曲且異常憤怒的樣子，令梓旻堪為擔心。另一邊的亞傑卻笑笑口的，他的反應讓梓旻更為緊張，深怕他會說些什麼刺激壹雄。

「你個樣夠令我討厭啦！如果你唔記得我，我就提示一下你⋯⋯」亞傑這樣一說，梓旻的心快要跳出來，不禁離壹雄遠了些，輕輕防避起壹雄來

「我知！你⋯⋯你係複製人亞傑嘛！總之係「獨」嘅人啦！」梓旻嘗試阻止亞傑說下去，但不果

「醒目！佢都叻過你！月文嘅徒弟仔！咁都唔知我邊個？」這名亞傑似乎不知道壹雄及原型的關係，梓旻鬆一口氣

「你收聲！你⋯⋯你把聲都黑我憎呀！」

就在壹雄說完「呀」的同時，他向亞傑發出極大的AP能量波，這引起了亞宏的關注。亞宏立即跑過來，似乎想提醒他要縮小破壞範圍，但壹雄完全沒有聽進耳內，並追殺亞傑。失控的壹雄讓梓旻相當擔心，在破壞防護網及追上壹雄的二選一情況下，梓旻只能選擇留下，始終他追上去也未必幫到手。

(待續)

推。

雖然防護網明顯比之前脆弱，但是他們仍用了非常多的時間把防護網擊碎。把防護網擊破後，眾人立即跑到紅核群所在的位置，但那裏已經屍橫遍野，全是紅核的血及屍體，只剩下一隻巨大的黑色物體在中央。當他們走近想看清的時候，又再有兩個亞傑複製人走近。

「就嚟搞掂，你地唔好阻住晒！」其中一個複製人道

「我地嚟就係為咗阻住你！」亞宏及其他在場的隊員衝向複製人，當然梓旻也有跟上

對梓旻來說，群戰始終比單對單難，尤其他的能力稍為大一點就會傷及自己人。亞宏出拳打向複製人，複製人一個後彎避過後，梓旻便用鎚子向複製人擊去，但又再被避開。

盲妹趁機射出小鉛彈，其威力只能擊痛複製人。當複製人因痛楚露出少許破綻時，梓旻立即把鎚子變成大網包圍複製人，並將其壓縮。可是，複製人相當頑強，用AP踢穿大網。

亞宏立即緊握雙拳，對准複製人的腿擊下去，隨即聽到複製人的慘叫聲。當複製人想抓緊亞宏的時候，盲妹趁機連要射出小鉛彈把他擊斃。

就在此時，黑色物體發出怪聲，然後生出了一隻小黑色物體。亞宏立即明白發生什麼事：「個隻⋯⋯已經變成百核？」

由紅核群留下的唯一生環者就是百核，梓旻由此推斷，百核的「製作方式」就是讓紅核互相吞食，亦即是一隻百核包含多個人的性命。雖然這推斷讓梓旻極為不安，但已沒有時間讓梓旻處理思緒，因為第一隻分身已出現，不能讓下一隻再出現。

不巧，剛才倒下的複製人又再站起來阻止他們，無法前進的他們只能急躁地應戰。雖然在身在對打，但雙眼離不開百核本體。就在梓旻分心時，複製人趁機突襲，一直在旁左閃右避的子謙大叫梓旻，並向複製人的頭打出直拳，居然把複製人擊斃。亞宏、梓旻及子謙本人也為此驚訝不已，二人明明連番攻擊都未能造成很大的傷害，子謙的一拳卻把複製人殺死。



忽然，遠處的百核似乎有所動作，表面變得凹凸不平，看來快要生出多隻分身。他們立即衝過去，可本來與其他隊員對打的另一複製人上前阻止，同時又看到天上的亞卯邊避開亞塵，邊靠近百核。在這甚為緊張的時刻，突然一支似的東西在他們之間飛過，把複製人的頭部刺穿，再直達百核。短短幾秒間，白色枝節從百核體內散出來，形成了不規則的大型「蜘蛛網」。

這是月文及浩政的拿手好戲，從白色的枝節可知，到來的是浩政，而非月文。接著壹雄便忽然從天而降，把他掉下來的正是浩政。

(待續)

加密嘅係[寫多啲啲版], 多謝大家支持！

正!!!!!
今集好好睇

多謝！我會繼續努力！

推。

推。

「浩政！」亞卯向浩政憤怒大叫

「⋯⋯你邊位？」浩政思考了一會問

「我係亞卯！同你一樣嘅人！」亞卯跳到較近浩政的樹頂端

「同我一樣？」浩政不理解

「一樣另一半都唔要自己！你應該學我⋯⋯呀。」

亞卯未說完，便被浩政用AP拉近，並用重拳打在亞卯的腹部，亞卯吐出一些液體。

「月文冇唔要我！而且我唔同你！我永遠永遠唔會背叛佢，就算佢講明唔要我都唔會！」浩政說最後一個字時再一拳打在亞卯的左臉頰上，她的頭向右邊不自然的扭動，似乎頸骨已斷。可是，她的後頸幾秒間出現黑色的印紋，然後她的轉回正常狀態。

回復同時，她作出反擊，左腳向浩政的頭部踢過去，但被浩政一手接下。他左手接著小腿偏下位置，右手肘狠狠地向她的膝蓋打下去，小腿成了「倒V」字，明顯已被折斷了，亞卯發出慘叫聲。

趁着亞卯慘叫的時候，浩政高舉並緊扣兩手，打算向亞卯擊下去。另一邊，浩政的武器已在亞卯身下形成了尖銳的刺，似乎想把她刺死。見這緊急情況，亞塵大叫阻止，浩政的動作也停下，最後讓亞卯與複製人逃走了。

「你搞咩？打唔贏都算，仲用AP麻痺我？」浩政降到梓旻等人附近，並向同時降落的亞塵問話

「佢只係無知。」亞塵試圖為亞卯解釋

「無知大曬？無知就可以殺人？」浩政開始發脾氣

「佢冇傷害過呢度任何人，包括梓旻，月文唔會想你咁對佢！」亞塵知道浩政的弱點就是月文

「⋯⋯最好係咁！」浩政望望梓旻後說，然後搬起昏迷的壹雄，道：「月文之中最可靠嘅果然只有我！」

「爸，你同亞卯⋯⋯」離開時，樺問亞塵

「我遲啲解釋你聽，返去先！」

善後工作留予支援人員後，他們終可回總部休息。當天他們沒有被召上會議室匯報，而月文也未有出現在辦公室內，最後梓旻回宿舍休息。第二天的早上，梓旻發現澈硯早早起床，並且穿好制服打算離開。

「咁早起身？」梓旻半睡半醒的問

「我去搵樺，尋日好忙都冇時間搵佢。」

「你等一等，我⋯⋯我都同你搵佢。」

「點解？你同佢⋯⋯」

「我同佢講你懷疑佢！」

「咁又唔好⋯⋯做咩要跟嚟唧？」

「我想睇下亞塵有冇同佢講任何有關亞卯嘅嘢！」

「亞卯？乜水？」

「同你女朋友同齡嘅女人。」

「咁由佢。唔想知。」

「想做女朋友亞媽嘅女人。」

「咁有啲興趣喎！咩事唧？」

「你等我，執完個樣出嚟！」

梓旻很快梳洗完，便與澈硯一邊走，一邊說昨天的事。很快他們便到達樺宿舍樓層，剛好見到樺正打算離開。

「點解你地嚟嘅？」樺邊關門邊問

「因為我擔心你，尋日我又唔得閒搵你，你又冇睇信息！」澈硯握著樺的雙手，再道：「我會好似浩政咁，不論你點對我，都唔會背叛你！」

樺害羞甜笑，梓旻看不過眼：「亞塵有冇搵你講亞卯嘅嘢？」

「我而家就上去匯報加見佢。」樺回答

「咁我一齊，反正我遲早都要去。」梓旻道

「我……我又去！陪下你都好。」澈硯握緊樺的手，三人一同走去會議室

(待續)

推。

第四十三章 往事

上到會議室樓層，一如既往的要與門外的工作人員報到。由於梓旻等人沒有被邀請進入，因此被工作人員攔截。

「你地冇收到信息，唔可以入。」工作人員冷冰冰的道

「你入去傳一聲吖！可能可以呢？」澈硯禮貌的道，手緊握樺的手

「唔得，唔啱規矩！」工作人員連問也不願問

「算啦！不如你地係度等我，好快出嚟！」樺難堪道

「最好唔好啦！呢道太多人會阻到人。」工作人員想阻止，梓旻環望四周空無一人，甚至連其他會議室都是空置的。他對工作人員的態度極為不滿，加上他對姐姐所隱藏的秘密非常執著，令他心急如焚。

「咁安排我地入去囉！你問都唔問！」梓旻少有的大罵起來，令澈硯及樺甚為驚訝。

被罵的工作人員怕了梓旻，立即起來打開門問會議室的人能否讓他們進去，結果准許了。進去後，甘生、亞常及亞塵三人坐在會議室內，甘生先笑著開口：「做乜咁燥？入面都聽到你鬧人！」

「係出面位同事懶散，態度惡劣在先！」梓旻仍怒氣未消

「好，咁請樺先講下當日發生咩事先啦！」甘生說完，樺就把當日的事交待清楚

「哎⋯⋯亞卯，亞卯，亞卯。今次煩⋯⋯我仲諗緊佢點解消失咗，原來跟咗枳洛！究竟佢知唔知枳洛想點㗎⋯⋯」亞常伸著懶腰

「我諗佢唔知。」亞塵道

「係喎！你地拍過拖喎！點解佢唔跟你呢？我記得佢幾迷戀你！」亞常望著亞塵說，亞塵像做錯事的小朋友般偷瞄樺

「好似話因為佢唔要亞卯，亞卯發脾氣，你知亞卯個性格啦！」甘生說

「我同佢唔係好熟咋！你知啦！佢咁新，冇乜理。」亞常說

「我⋯⋯我都想知亞卯係咩人咩性格。」樺估係勇氣開口，再望著亞塵問：「真係有拍拖？」

「有，但分咗好耐。」亞塵默默的回答

「做咩拋棄人呀？」澈硯問，亞塵不爽的盯着他

「你咪講囉！你根本一開始都冇諗過同亞卯一齊，係因為佢同樺差唔多大，你先對佢照顧有加，點知佢就鍾意你，對你展開追求，一時心軟先一齊。但七年前都因為唔想同咁細嘅人拍拖，所以分手！」甘生道

「七年前？你地唔係七年前識㗎咩？」梓旻問

「係，都可以分，一年可以發生好多嘢。」甘生說完，亞常不知為何在旁輕聲笑起來

「總之！我唔會同返佢一齊！」亞塵斬釘截鐵的道

「但你地一齊返，我地會少個敵人喎！」澈硯道

「我口講完一齊，佢就算肯加入我地，隨時會要求更多，得寸進尺。轉個頭可能會因為我一次唔陪佢食早餐咁簡單都會用嚟要脅我將總部資料拱手讓人，有乜用？」亞塵道

「或者，我地可以冰封咗佢。」甘生說完，亞塵立即靜下來。甘生笑問：「唔想？」

「冇必要做到咁，咁同殺佢有咩分別⋯⋯」亞塵顯然拒絕

「其實佢同我家姐有咩關係？你同浩政講我家姐唔會想殺佢係咩意思？又究竟你地仲有幾多識嘅人係敵人？」梓旻問出他一直想知的事，甘生及亞塵有點猶豫應否回答梓旻的問題，最後他們望著亞常

「你話講唔講，你係識月文最耐，最識應付佢。」亞塵看著亞常，亞常想了一想

(待續)

推。

「講少少囉！佢遲早都要知曬。」亞常轉望著梓旻三人，開始說起他們的往事：「七年前，我係一個研究員，專門做生物實驗，而浩政係我同事，李博士係我上司。梓旻應該係「獨」見過李博士，又老又嚴肅嗰個。佢嘅研究雖然充滿道德問題，但絕對係令人著迷到犯法都想幫佢，而其中一個實驗就係研究將黑色怪物混合人體，你家姐就係第一個成功嘅實驗品。」

亞常一藉話讓梓旻萬分驚訝，他視線轉向甘生及亞塵尋求他們的確認，結果是亞常所說都是事實。

「浩政都係個陣開始就鍾意你家姐。你家姐證實咗黑色怪物係可以令人有超能力，即係覺能，所以李博士更加瘋狂咁做實驗。期間佢亦嘗試用我同浩政做人體實驗，所以我地都有能力。之後就出現亞甘同亞塵，再之後係亞卯，最後係楊枳洛同孟蝶。有多啲交流嘅就只係去到亞塵，之後嘅人我就冇乜互動過。最後，七個人合作推返李博士繼續實驗，但又唔知點解楊枳洛搵返李博士，就係咁多。」

「我諗講多啲個三人嘅性格都得嘅。亞卯係個永遠都沉醉戀愛幻想嘅女仔，去到求愛不成就同歸於盡嘅地步。要將佢由幻想中抽出嚟好曬時間，但同歸於盡嘅時候搞到其他人又唔知，總就麻煩。除咗同亞塵關係好少少，其次就係月文同孟蝶，月文好珍惜所有人嘅關係，所以就好照顧佢，而孟蝶就因為個人背景問題。孟蝶本來就係個母愛爆棚同埋渴望有家庭嘅人，但多次胎死腹中，對亞卯好好。而家同枳洛有咗個仔，一定珍而重之。月文都好同情佢嘅身世，所以大多時間都對佢好好。最後係枳洛，我識佢個陣，佢係一個營養不良以及冇乜精神嘅普通打工仔，好似全家黑暗日死曬。就咁多。」甘先補充

「你家姐係最早成功嘅實驗品又可憐其他人，所以個個都有照顧過咁。」亞塵補充

「而家就反目成仇，恩將仇報咁。但你地自己恩怨自己搞咪得！浩政都可以打到亞卯咁，月文同你地三個加埋都多人過個邊啦！個兩個咁勁咩？」澈硯問

「我地唔可以郁大家，亦唔可以郁大家屋企人，係有共識下嘅互相洗腦。」甘生解釋

「咁亞塵同亞卯對打點解釋？」梓旻問

「浩政幾下都可以打到亞卯咁，佢點可能一啲都傷唔到亞卯。冇因為對打而頭痛暈低，根本有人打情罵俏啦！」甘生奸笑

「唔係情罵俏⋯⋯」亞塵否認

「爸，其實我唔介意⋯⋯」樺開口

「我講多次，唔會同佢再有任何戀愛關係！」亞塵堅決道，亞常甘生在旁偷笑

「不過亞卯似乎想拉攏浩政，怕唔怕⋯⋯」梓旻未問完

「唔怕 / 唔會 / 冇可能」亞常、甘生及亞塵一致否決

(待續)

推。

「點解咁肯定呢？」樺問

「解唔到，除非佢地成功拉攏月文，根本唔會發生呢啲事。而佢地成唔成功拉攏月文就要睇你喇！梓旻！」

「所以你就用盡方法拉我入嚟？」梓旻望向甘生

「你注定會加入我地，我只係順水推舟。」甘生道

「咩叫注定？同孟蝶講嘅另一個時空有冇關係？」梓旻這一問，三人都表露驚訝的表情，但很快就回復

「都正常嘅，佢唔知月文唔講俾梓旻知。」甘生好像想把事情合理化

「我係咪應該可以知多啲呢？」梓旻問

「今次你真係要自己問你家姐，如果佢肯俾你知，我都好願意講。如果唔係，我唔肯定後果會點。」亞常道

「至少你唔會死，因為你地唔可以互相傷害？」澈硯目不轉睛的看着亞常

「我都有弱點係佢手嘅，我唔死唔傷，都有其他嘢需要佢幫手，所以冇得傾。你地走啦！再留都唔會知多啲㗎喇！」亞常趕他們走，但他們想賴死不走。見狀，甘生手一揮，三人被推出會議室外

被甘生推走後，樺先回M隊辦公室，而梓旻氣沖沖的拉著澈硯回到零隊辦公室，他希望能夠找到月文，並逼她說出整件事的來龍去脈，但他們發現月文並不在辦公室，只有Lina在處理文件。

「你知唔知我家姐去咗邊？」梓旻暴躁的語氣及突然出現嚇了Lina一跳

「我諗佢而家應該喺醫院樓層探壹雄，壹雄啱啱醒返。」Lina答完，梓旻即衝出辦公室，澈硯緊隨其後

他們來到醫院樓層，衝進壹雄留醫的隔離病房，這時月文、浩政及壹雄在對談。

「家姐，我⋯⋯」梓旻打開門道

「閂埋道門，企埋一邊，一陣間同你傾！」月文沒有讓梓旻把話說完，便指示他到病房內的一個角落靜待。然後，她再望回壹雄，繼續剛才他們未說完的話題：「我當然好歡迎你唔需要我幫你洗走你過去嘅記憶啦！但你必須要確認自己能夠處理得到自己嘅情緒同壓力，而且由於你已經唔需要我幫你抑壓回憶，我必須要做啲嘢保險自己，例如落暗示。」

(待續)

推。

推。

「暗示我冇問題，我⋯⋯我應該⋯⋯應該⋯⋯」壹雄沒有了平日笑嘻嘻的樣子，向下微彎的嘴角加上兩個大眼袋讓他顯得憔悴不堪

「唔使咁快答我，休息完先。」月文說完，浩政接著道

「壹雄今次整爛咗好多公共設施，你可能要上一上去同亞甘佢地傾傾。」

「得，而家上。」

「咁我呢？」梓旻問

「你問你問去都係嗰啲㗎啦！遲啲得閒先同你傾。」月文沒有待梓映問下去就此離開，梓旻再次沒法問到想問的問題而感失望。他深知即使他現在跟著月文也無補於事，唯有留下問候剛醒的壹雄。

「你冇事嘛？」梓旻走近壹雄的床邊

「呀⋯⋯」壹雄長嘆了一醒，再按著自己額頭。這個反應讓梓旻下意識退後了一步，明顯現在的壹雄與過去的那個他不一樣了，雖然難以解釋哪裡不一樣了，但整體感覺明顯變了。

「嘩！變咗好多喎兄弟！記返曬近時啲嘢？」澈硯一如既往想到什麼就說什麼

「記得曬⋯⋯」壹雄斜望澈硯一眼後回答，再舉起頭就如深呼吸一下，他沒了以前經過掛在臉下的笑臉，換來一臉愁容，道：「咁你鍾意邊個我吖？」

「我鍾意我女朋友。」澈硯沒有一刻猶豫的道，讓壹雄輕笑了一下

「點解唔繼續叫家姐抑壓記憶？」梓旻好奇問

「師傅，講得啱。我一日唔面對現實，一日都係個炸彈。個日明明我唔記得我哥咩樣，大家發生咩事，但居然會暴躁成咁。」壹雄沉思了一會，再繼續道：「我已經唔可以過去嘅人做任何事，而家唔想令身邊嘅人失望。」

「你憎唔憎你哥？」梓旻問

「比起憎⋯⋯我內疚比較多⋯⋯好喇！你地走啦！我想瞓多陣。」壹雄趕他們離開

「好奇一問，咁你仲當唔當Lina佢地係兄弟姊妹？」澈硯問：「佢地同你冇血源關係，而且可能⋯⋯可能唔信任而家呢個你。」

「佢地點睇唔緊要，我當佢地係就得。」壹雄說完後，兩人便離開了

(待續)

推。

今日趕唔切！明天補返

二人離開醫院樓層後，澈硯一臉若有所思的樣子，本來梓旻沒有打算理會他，但他一直持續到下班的時間。

「搞咩呢？全日都咁嘅樣。」梓旻回宿舍的路上問

「一星期喎？一星期可以搞到咁多嘢？」澈硯說

「咩一星期？」梓旻問

「你家姐消失一星期，一星期裏面仲要亞常佢地可以先後加入，仲要推返李博士，仲要再叛變，有可能咩？」澈硯問

「我點知唧？我家姐都唔同我講嘢！」梓旻也開始疑惑起來

「仲有，我尋日入到去放巨大百核屍體嘅位置，影埋相⋯⋯但我唔知應唔應該俾你睇⋯⋯」澈硯猶豫道

「咁你就唔好講我聽啦！講得就俾我睇啦！」梓旻不爽的回答，然後就跟着澈硯回到澈硯的房去，澈硯表現非常緊張，令梓旻很不自在，但當澈硯打開電腦相片後，梓旻就明白為何他的反應那麼奇怪，相中的屍體居然是他姐姐戴月文

就在此時，詡扣門並大聲問：「澈硯！梓旻係咪係你度？」

相片的內容震驚梓旻，而詡的出現讓梓旻腦內閃過當時出巨大百核任務時詡奇怪的反應，不知何故要與梓旻同組，詡似乎早知內情。梓旻的臉瞬間變得脹紅，皺起眉頭及緊鎖下巴，滿臉怒容的衝去門口。

「唔好吖！」澈硯想阻止也阻止不了，梓旻已經把詡拉進來，並按到床上，澈硯立即幫忙關上門。未等詡定神，梓旻使用AP，憤怒道：「由呢刻開始，係呢間房裡面，你唔可以對我講大話，如果唔係就全身上下都痛到你想死！」

「喂！咁我講又死，唔講又死喎！」詡驚訝道，但梓旻沒有理會他，把他拉到螢幕前

「講我聽！點解收埋百核屍體嘅地方有我家姐係度？」梓旻指着螢幕

「我唔⋯⋯呀！」詡似乎全身上下發痛，痛得躺在地上抽搐

「你知！講！」梓旻憤怒叫

「講啦！痛死你呀！」澈硯在旁道

「呀⋯⋯」詡繼續大叫

「個個係唔係我家姐？係定唔係？」梓旻大聲問，詡大叫掙扎了一會，最後用盡力點頭。點頭後，他不再抽搐，但按著頭似乎在暈，然後抱著垃圾桶吐起來

詡的回應讓梓旻感絕望，無力的坐在床上，問：「咁頭先我一直講嘢嗰個係邊個？」

剛吐完的詡癱坐在地上，答：「都係你家姐。」

梓旻立即望過去：「咩意思？點會同時有兩個係我家姐？你又講大話？」

澈硯插話：「佢冇全身痛喎！係唔係同異時空有關？」

詡望望澈硯，望望梓旻，輕輕點頭後，又抱垃圾桶吐起來，吐完再道：「放過我啦！我答唔到喇！會死人㗎！」

「得你可以講咋！」梓旻大叫道

「我爸都可以！我爸都可以！」詡立即道

「你爸？又邊位？」澈硯問

「亞常！」詡說，兩人大驚

「佢啱啱先話唔講得喎！」梓旻說

「但佢啱啱叫我帶你地上佢房解釋喎！」詡回，梓旻及澈硯二人對望

「澈硯，醫好佢！我地走！」梓旻說完，澈硯便上前醫治詡

(待續)

推。

推。

在找亞常的途中，梓旻生詡氣，站在升降機的一角不願說話，而詡也生梓旻的氣，站在另一角不說話。

「你地咁樣，我好難做。」澈硯難堪道

「可以點？你試吓俾人呃得咁透呀！我仲當佢係朋友！係兄弟！心寒到！」梓旻憤怒罵

「喂！我幾有呃你呀？我最多係瞞你！瞞你都因為我唔講得咋！兄弟⋯⋯兄弟會用AP㩒我講嘢嘅！」詡也同等憤怒回話

「我唔咁做，你會講嘢我聽咩？」梓旻大叫

「好好好！我地一陣就會知曬所有嘢啦！」澈硯阻止他們吵架

「我講你都唔信啦！」詡碎碎念

「你唔講，我點信呀！」梓旻好像想打詡一樣，

「好！好！好！係，係喇！你既然係亞常個仔，咁你楓咪係你個妹？」澈硯嘗試轉換話題

「點解咁講？」詡問

「佢係由亞常同月文嘅基因改造嘛！」澈硯道，詡鎖緊眉頭，但未有說話

此時，升降機門打開，澈硯鬆一口氣。走進亞常的宿舍門外，澈硯扣門後，門自動開了。三人進門後，門自動關上，客廳以現代簡約風格為主。

「不愧為超級隊長宿舍。」澈硯在欣賞房間風格時，亞常便拿著咖啡出現

「隨便坐。」亞常指示他們到沙發上坐下。

梓旻及詡不想一起坐，二人一左一右坐，而澈硯不自在的坐在中間。察覺不妥的亞常問：「咩事？嘈交？」

「佢用AP迫我講嘢！」詡指責

「你抵死！」梓旻道，澈硯立即拉開二人

「亞常不如講下嘢呢！」澈硯望向亞常

「梓旻，原諒佢，佢都身不由己嘅！」亞常道

「你係佢爸緊係咁講啦！」梓旻盯着詡，詡扮鬼臉回應

「幼稚⋯⋯」澈硯不禁罵

「唉！鈞悅都大喇！你都應該要知真相，我其實唔係你親生爸爸。」亞常的說話令三人吃驚，當然最接受不了的是詡。亞常繼續道：「等我由頭開始講你地聽發生咩事啦！」

(待續)