《覺能之戰》

自推，今晚更

「呢啲就係所謂嘅洗腦？」梓旻不禁心裡問

簡報轉到了下一頁，這頁展示了第一位成員的資料及相片。相片中的黑色短髮男子有一對單眼皮小眼睛，他笑起來傻氣滿滿的，看起來似約三十歲出頭。亞塵開始介紹：「雖然話係話介紹，但我地只可以畀到新隊員嘅樣同AP等基本資料大家。佢叫壹雄，係七人中——即係除咗鄭子謙之外——嘅大佬，佢嘅AP係背脊⋯⋯其實除咗鄭子謙之外嘅人嘅AP都係背脊。」

眾人立即望向梓旻，再望向浩政，這讓梓旻的壓力上升，他不想與這班人扯上關係。亞常插話：「順帶一提，浩政其實都係新高級隊長嘅人。（望向浩政）我諗你唔係呢七「兄弟」之一，但都識佢地？」

浩政繼續目無表情的，點頭道：「識，但唔熟。」

「你幾乎冇幾個熟㗎啦！哈哈哈哈！」亞常扭頭看向梓旻：「梓旻應該就唔識佢地喇！佢地一定會好好教你點用啲力量嘅！」

亞常一句話減輕了梓旻的壓力，同時又增加了他的擔憂，不被誤認同伴是好事，但會被好好教導則不是期待的事。另一方面，浩政原來都是新高級隊長的人，那奇怪的是為何自己無緣無故成為他們同類了？

「我有問題！」澈硯憔悴的樣子已消失，變回平日好奇心極重的那個他：「AP唔係得我地部隊先合法咩？點解會有個咁勁嘅高級隊長可以帶自己人入隊，咁即係佢地本身係AP犯？」

「問得好！我只可以答你，部隊承認存在嘅人唔會稱佢地為AP犯。」亞常意指他們的確是部隊以外的存在，合法的AP能力者

「呢啲嘢我們知真係得咩？」梓旻心裡立即冒起這問題，但立即被一股壓力壓下，腦海再度出現「唔可以講！唔應該講！絕對唔可以泄漏出去！」

「既然部隊都承認，即係佢地一直係我地私底下嘅同伴只係冇入隊？」澈硯問問題時望向亞塵，但亞塵一臉難受的避開了澈硯的視線

「都可以咁講，但亦唔叫完全嘅朋友，亦因為咁，我地先想預先通知大家。不過佢地都係好似浩政咁無害，相信好幫得手，唔使太擔心。」亞常回答，澈硯點頭以示明白。亞塵繼續介紹：「壹雄係力量最強大嘅一個，所有同攻擊相關嘅工作幾乎由佢打頭陣，記住佢。下一頁！」

當亞塵叫他們「記住」新成員時，他的態度比起介紹隊員，更像在介紹罪犯。簡報轉到下一頁，這個貳骨與上一個截然不同，她雙目無神，一臉厭世的樣子，而大特徵是那天然帶仙氣的美女外表。亞塵介紹：「佢係『二家姐』，以研發武器為主，所以除咗出動，佢都會幫手研發新武器。下一頁！」

這次的人是位一頭金髮的男性，他瞪大眼睛且誇張的面向鏡頭笑，外表非常嚇人。亞塵介紹：「參旺擅長變裝，主以情報收集為任，小心佢問太多嘢！下一頁。」

接著那頁同時展示了肆祿及伍清的照片，兩人看起來都非常嚴肅，一身西裝打扮，肆祿是位黑色短髮西裝頭男士，而伍清則是位束著黑色短馬尾的女士。亞塵介紹道：「呢對孖仔通常都會一齊出入，執行任務非常認真同高要求。下一頁！」

頁面一轉，出現的竟然是一位女童，在座所有人也紛紛議論起來。亞塵不以為意的道：「佢啱啱滿十八歲，但出於一啲家庭問題，大家都見佢發育不良到根本唔似成年人。如有傳媒人問起，都類似咁答就得。」

「今年十八歲，但佢已經跟咗新高級隊長一段時間，意即佢未成年就注射AP劑？」澈硯問道

亞塵低頭靜了數秒答：「唔係。」

雖然他說不是，但梓旻覺得這根本是未成年注射AP劑，只是他不願說。

「呢個女仔從小就係資優生，佢嘅能力同澈硯有啲似，但粗暴得多。佢係全治療及感覺控制，全治療同澈硯一樣，強制活化及完全治療會伴隨大量痛楚；感覺控制係令人五感突然高敏或冇感覺。佢係排第六，年紀最輕一個。」

「我想問由頭先起，又大老又二家姐咁，佢地係親兄弟姊妹？」鹿仔問

「唔係，但佢地會以兄弟姊妹互稱。」亞塵回答完繼續介紹下一位，頁面轉成了Lina的樣子：「美旨就係佢，唔多講喇！下個！」

最後出現的是之前被犯罪組織「獨」當成研究對象的鄭子謙，他的相片一出，陳德晉就問：「連佢都放埋出嚟？AP犯大解放？」

「正確啲講，佢曾經係嫌疑犯。而家查清楚，畀返個清白佢都好應該。」亞塵道

「A Mark寫未知，即係點？」鹿仔問

「即係我地未搵到佢A Mark確實位置，發現佢嘅A Mark會因應佢用嘅力量周圍走，所以未定。」亞塵回答完後道：「咁今日就咁多，我地走先。」

(待續)

推。

搵班犯人組隊

推。

推

亞塵及亞常離開時，鼓爸和鹿仔都衝了出去，澈硯也拍拍梓旻叫他一同跟上。他們停在O隊辦公室外，而梓旻及澈硯則在門口探頭偷聽。鹿仔搶先道：「我唔轉隊！」

「唔得！」亞塵一口拒絕

「我本身係O隊，點解唔可以唔轉？」鹿仔激動道

「因為加強⋯⋯」亞塵打算同之前的說法蒙混過去

「唔好講廢話！我唔理！」鹿仔堅拒轉隊

「唔好任性！我保護緊你咋！」亞塵按摩著太陽穴道：「新隊長唔會對你地咁友善！佢為自己目標唔會考慮到你地㗎！」

「咁我更加要留低！亞豪死咗，我唔會畀佢個妹有事！」鹿仔擔心被迫留下來的Kiki

「好，我嘗試幫你轉埋Kiki出嚟！」亞塵似乎被迫讓步

「而家？」鹿仔喜形於色

「要等等⋯⋯」亞塵回

「即係幾時？」鹿仔轉成懷疑的態度

「等你轉咗隊先！我要再同新O隊高級隊長交涉，佢會有一段長時間未嚟到總部住。」亞塵回答

「咁唔得！你轉到Kiki出嚟，我先走！」鹿仔堅持

「咁咪留佢係度囉！佢都唔肯走，你冇計㗎喎！」亞常插話：「唔會死人嘅！」

「好難講，以佢嘅作風⋯⋯」亞塵皺起眉頭：「你既然死都唔走，我唔留你！但鼓爸你一定要走，你仲有個女！」

「我冇意見嘅⋯⋯雖然我都好擔心，但既然個決定係為我著想都唔拒絕喇！只係有時畀我返嚟睇吓佢地情況就得。」鼓爸道

此時，梓旻想起詡的事，便衝上前問：「我想問，你地知唔知詡去咗邊？佢個日見完你地之後，出現咗一次就唔見咗人！我想知佢去咗邊！」

「詡⋯⋯唔使太擔心，我地要佢去轉換下心情，好快返嚟！」亞常輕鬆道

「轉換心情？」梓旻疑問

「係，遲啲就知咩事，你係佢朋友，等佢解釋你聽發生咩事啦！」亞常道完便與亞塵一同離開

這一次會議後就沒人提過新隊員的事，而且詡一直也未有回來。時間過得很快，終於到了二月一日，新隊員入伍的日子。

(待續)

之前因病，梓旻隊對四狗公隊寫得好差。我現在得閒就重寫了。加多了一點內容。謝謝支持！

所有人來到起點靜候數分鐘，開賽的聲音便響起，梓旻率先跑出去，其他人也緊隨其後。梓旻、楓及詡的目標地點是觀鳥屋A附近的兩條小路，而樺需回到觀鳥屋A守候。剩下的澈硯先跳到起點C，用他的玩具槍以水柱模式向狗公(一)發射，狗公(一)成功避開，再向剛著地的澈硯打出拳風，澈硯勉強站穩後再向他發射水柱，這次射中了左手手臂。狗公(一)痛得面容扭曲，立即用右手抓著左手手臂跪下。接著，梓旻走遠之後就不知他們的情況。

梓旻於起點A及觀鳥屋A之間的小路停下，樺在觀鳥屋A停下來，而楓及詡在通往觀鳥屋C的十字路口中與對方某兩狗公相遇。對方一人先向詡衝過去，楓立即擋在前方與角力。同時另一人助跑跳過二人，撲向詡，詡就像定了格一樣，被對方按在地上。詡全無還擊之力，四肢亂動，就是推不開對方。對方用力向詡的腹部打下去，詡的動作停下來，然後對方一下子把詡舉起，拋向水中，詡就此退場。

由於詡被退場，二對一的情況下，楓堪入苦戰。梓旻見狀，立即上前迎救，他打出光束，把其中一個纏著楓的狗公打下。因為攻擊距離遠，那人只是受輕傷，可是梓旻的攻擊令那人著急起來，他立即如喪屍般與另一人纏着楓，希望趕在梓旻到達時把楓攻下。

梓旻為了提升準確度，只好由遠距離攻擊，轉成近距離。可是，對方本來留守觀鳥屋的兩人也衝前來攻擊，二人的處境愈來愈難堪。此時，樺也只好拋守觀鳥屋前來救助，但也太遲，梓旻和楓已被四人包圍。在無計可施的情況下，楓決定與對方其中一人同歸於盡，她衝向其中一人，抱著那人雙雙掉水中，一起被退場了。

這下變成了梓旻及樺二人對三人，他們沒有放過任何攻擊的時機。就在楓掉進水的一刻，樺射出銀針，銀針落在一狗公及Kristy之間，他們走避不及吸入了毒物，可見他們後退後在一點站不穩。梓旻向剩下的一位狗公揮下鎚子，那人用雙手手臀擋下。當梓旻舉起鎚子時，樺把銀針射在那人的手臂上，那人立即把銀針拔去掉到水裡去。

接下來，梓旻及樺也不斷作出攻擊，梓旻每次用武器揮下後，舉起武器準備發下次攻擊時，樺就補上攻擊對方。由於對方攻擊二人都是P隊成員，Kristy只是在他們身後為他們強化，所以他們的攻擊極為簡單。梓旻每次也能擋下P隊成員的攻擊，而樺主攻Kristy。

不用太久，樺終於找到空隙把Kristy攻下，Kristy因中毒而倒下，而前方兩狗公也因失去Kristy的強化而轉弱，梓旻用盡力氣把一人打飛數百米，再把另一人擊昏。最終，樺跑進觀鳥屋內高舉旗幟，宣告勝利。

AP特種部隊簡介
先鋒隊
O(零星)隊
高級隊長：李浩政
隊長：宏基 (鼓鼓爸爸) 及富哥
隊員：Crystal, 陳德晉, 菲菲 （雲耳木耳）,亞豪 [已死], Kiki, 鹿仔, 戴梓旻, 澈硯, 吳一詡, 彭麗瑤, 趙阮超

M(醫療)隊
高級隊長：葉天宏（亞塵）
隊長：
隊員： Fay,亞宏, Candy, Curse, 周逸樺, House, Kristy

T(念力)隊
高級隊長：甘嘉雄
隊長：Albert, Mark
隊員：盲妹, Lorre, Balan, 芷喬

P(力量)隊
高級隊長：亞常
隊長：孔sir, Buck
隊員：Cade, 亞點, Edith, Baldwin, 岡仔, 珈純, ,亞熊, Tiger, 東玲, 韋楓香, 凌尚華, Baron, 四狗公

支援隊
支援人員：美慧

研究隊
研究主任：
高級研究助理：澈硯 [兼任先鋒]
研究助理：Taylor

犯罪組織「獨」
楊枳洛, Rose, Dali, 亞傑

其他
Lina
鄭子謙
吳鈞悅
月琦

推。

要進入新一篇章，開始可以寫多啲我想講嘅劇情

多謝各位支持！以前未試過寫咁長篇，我冇諗過自己寫到咁多（雖然有時啲人物設定多到自己都唔記得，要不斷睇返人物簡介）

我會繼續努力，希望愈來愈多人鍾意睇我嘅故事（今日又多咗讀者follow)，感謝！

推。

推。

謊言與隱瞞篇
第三十一章 新同伴？

新隊員入伍典禮當日所有人都非常緊張，而梓旻這日不只是緊張，更是擔心，因為這天他發現O隊的名單中沒有了詡。換言之，他已離隊或轉隊，但他不能看其他隊的名單，所以並不能知道真相。

這天所有先鋒隊員都被召集到運動館，甘先生先說出O隊的調派，阮超離開O隊的位置時拍拍梓旻肩膀，好像叫他保重一樣。接著開始介紹新隊員，比上次讓新隊員自行到辦公室報到不同，所有新隊員也被一個個叫出來到台中央讓台下舊隊員看一片，才可回到自己隊的位置。

其他三隊的新隊員也介紹完後，終於來到O隊的新人。不知是梓旻的錯覺，還是其他隊的高級隊長已警告隊員注意O隊的新成員，梓旻感覺到全場的人也嚴肅起來。

「由於新O隊高級隊長已開始自己工作，今日未趕得上新人入職典禮，所以就由我代為介紹。」浩政在台上道：「第一位，壹雄。」

壹雄步伐輕鬆的已到台中間，舉起雙手向台下的人揮手，大叫：「大家好呀！我係壹雄！請大家多多指教！」

與之前其他隊新人不同，他明顯輕鬆且態度就像來遊玩一樣。他小跳步的走下台階，坐到Kiki身後的位置。然後到貳骨，她在台中央輕輕鞠躬就下台；參旺甚至沒打招呼便下台；肆祿及伍清正經的九十度鞠躬後下台；陸楠出現時，館內滿是嘈吵聲音，她有點尷尬的鞠躬後下台了；Lina則快速鞠躬後下台；而鄭子謙算是最似新人一個，有點緊張和尷尬的鞠躬後下台。

全部坐好後，甘先生開始了他的完結致詞。梓旻感受到全場的人也在關注他身後的八人，而身後至少六人的氣勢不凡，也令他緊張起來。

典禮完結後，所有人也回到自己的辦公室。途中鹿仔問：「到呢刻都未知新高級隊長係咩人。」

「希望唔會係太麻煩嘅人⋯⋯」Kiki有點擔心

「只係呢班新人都難搞啦！」富哥道

「係喎！你仲係隊長喎！」陳德晉說，他們已回到辦公室內

「你地任坐啲冇人坐嘅辦公枱就得！」富哥向新人們說，新人們點頭後各自找了一個座位坐

「好呀！唔該曬！」只有壹雄回應

「亞旻！睇下個隊員表！」澈硯拿來最新的隊員名單

「今朝咪睇咗囉！冇咗詡個名嘛！」梓旻說

「唔係呀！你睇！」澈硯指著名單上一個叫「吳鈞悅」的名字

「呢個名係⋯⋯亞傑佢地搵緊嗰個？」梓旻高呼

突然，門外傳來開門聲，走進來的人是後久沒見的詡。梓旻立即笑起來，想上前打招呼時，壹雄忽然大叫：「鈞悅！」

「係！你地……你地入隊……喇……」詡居然回應他們，梓旻等舊隊員吃驚的看著他，他低頭避開了他們的視線

此時，浩政站在高級隊長房門外叫道：「好！人齊，我要開始講最新安排！」

(待續)

推。

推。

所有人也望向浩政：「由於有新隊員加入先鋒隊，之前部隊組成嘅十三隊臨時小隊會重組，有關最新嘅臨時小組安排要留意最新公佈。之後係新高級隊長對各組員嘅安排，一……鈞悅……」

「你都係叫返我一詡啦！」詡道

「好，一詡同肆祿、伍清一齊訓練；澈硯同鹿仔就跟陸楠訓練；Kiki同陳德晉就跟參旺；梓旻同子謙跟壹雄同Lina。當高級隊長返嚟嘅時候，子謙同澈硯就跟高級隊長行動，而富哥同我會盡量支援大家，貳骨就自生自滅啦！詡帶佢地行一轉總部，畀佢地熟下地方。Lina你編完更就send畀佢地，就咁多！解散！」浩政說完便叫了富哥一同離開辦公室

除了Lina，其他七位新成員也跟詡離開辦公室了。詡走時偷偷望了梓旻一眼，梓旻決定放工時到他的宿舍找他問清楚，但現在眼前有一個大好人選能暫時滿足他的好奇心。

「Hi，Lina！」鹿仔率先開口

「Hi，好耐冇見？」Lina尷尬笑道

「幾個月？Anyway，解釋下咩事？」鹿仔皺眉道

「我……我盡量講你地知我可以講嘅嘢。」Lina坐下回答，其他人也很專注且期待她解釋。她繼續：「我係新高級隊長嘅人，入隊之前就係，都係佢派我入嚟攞料。」

「浩政都係？」Kiki問

「係。」Lina回答

「甘生佢地早知？」陳德晉問

「佢地應該知浩政係，但唔知我係。」Lina答

「咁詡都係新高級隊長嘅人？」梓旻問

「佢……佢算係，因為我地有幫過下手同佢做訓練，但佢唔係由新高級隊長派嚟。對於佢嘅事，我個人唔太清楚，你地要問可以問下其他哥哥姐姐，佢地比我早加入，應該會知多啲。」Lina答

「咁你地入隊有咩目的？打低『獨』，定殺曬啲百核？」澈硯問

「我地純粹係你地嘅新高級隊長……即我地師傅同『角』結盟，所以我地加入幫手，而暫時以我所知，師傅已經同『獨』宣戰，所以我地會同『角』合作。」Lina答

「言則只要你師傅改變意向，我地隨時係敵人？」澈硯問

「可以只講，但而家為止我地都未曾打算過要同你地有敵對關係。」Lina回

「咁你地為乜存在？為乜組隊？之前又唔係我地敵人，又唔係『獨』敵人。」鹿仔問

「你可以理解為未雨綢繆。」Lina回

「為咗咩？」陳德晉問

「唔講得。」Lina說

「知唔知點解我會同你地一樣A MARK？」梓旻忍不住問，這問題已纏繞了他很久

「唔講得。」Lina回答的是不能說，而不是不知道，即是她知道原因

「咁你一早知我嘅存在？」梓旻問：「所以武器都一樣設計？」

「可以咁講，但武器係因為大家能力相似而設計。」Lina回答

「咁情報上，你知『獨』幾多嘢？」澈硯問

「唔講得，其實可以講嘅都差唔多講曬，再問我諗都答唔到幾多。不如今日到此為止，我仲要幫浩政處理文件。」Lina站起來打算離開

「等等！最後一問，新高級隊長係咩人？幾時返？」鹿仔叫停Lina問

「唔講得……唔知……」Lina答完就進到高級隊長的房處理文件去

(待續)

推

當日新隊員與詡參觀完總部後沒有回到辦公室，梓旻到晚上才跑到詡的房扣門尋人。用不著數秒，詡便應門，他讓梓旻進入。突然，澈硯從旁出現，要求一起聊聊今天的事。

「澈硯！我地冇請你！」梓旻不允許澈硯進入，他怕澈硯的存在令詡不願說秘密

「唔緊要！畀佢入埋嚟！」詡說

三人在房內隨便找個位置坐下後，梓旻先開口問：「你嗰日之後消失咁耐，究竟發生咩事？一返嚟又改曬名咁！」

「我……我嗰日係知道佢地……壹雄佢地同埋……同埋師傅會入隊，太激動所致。」詡低頭回答

「佢地有咩令你驚到咁？」梓旻問

「你唔明，佢地不嬲都保持沉默同中立，突然行動係一件幾大嘅事！以及……我唔想令你地覺得……我有心呃你地。」詡有點激動的道

「事實上你係有。」梓旻有點怒氣的說，詡的頭更低了

「你之前就識佢地？咁你究竟幾時有AP？」漠硯問

「……我……唔講得……」詡吞吞吐吐的

「即係面試係假㗎？」梓旻問

「係真，我的確係有出全力去完成面試！」詡語帶哀求

「咁你同我A Mark有冇關係？你地一早安排？」梓旻問

「冇，亦都唔係我安排，我真係唔知！」詡說

「咁新高級隊長係咩一回事？」梓旻問

「我……我唔講得。」詡又再低下頭

「有咩你係可以話我聽？」梓旻的問題換來一片靜默

「你之前就識佢地，Lina又話佢地有幫過下手同你做訓練，即係佢地同你做Arm Mark嘅訓練？你地同一師傅，但唔同A Mark？」澈硯打破沉默問，但換來的卻是另一次靜默。澈硯望望梓旻，二人立即有共識上前把詡抓住，澈硯企圖拉起詡的衣服：「你係咪同Dali一樣隱瞞自己真正嘅A Mark？」

(待續)

得閒寫多啲

推。

「停停停！我講！我講！」詡大叫，但衣服已被脫去，他的背上沒有任何的A Mark

「冇？」澈硯喘氣說

「你……仲有咩未講我知！而家講我聽！你話會講畀我知！而家問又乜都唔講得！我點信你？你講我知點解『獨』要搵吳鈞悅？點解要搵你？邊個先係你真名？你唔解釋就以後唔好同我講嘢！」梓旻近乎大叫的道

詡面有難色的，咬一咬唇，深呼吸一下，再道：「好……我講……吳鈞悅先係我真名。佢地搵我……係因為我有啲特別嘅能力，佢地想要我做研究。」

「特別能力？咩特別能力？」澈硯問

聽完澈硯的問題，詡挺直腰板，伸出兩手，張開口深呼吸。隨著他的呼吸，本身他那像樹纏著整個上臂一樣的A Mark慢慢移動至全身，包括頭、舌、耳、背、腹及腿，「樹根」纏繞他全身，卻又不是全黑，只像一個全身也有紋身的人。

「你同鄭子謙一樣？用唔同AP，A Mark就會到相關位置？」澈硯好像發現新世界般雙眼發亮

「唔係，以我所知，佢每次只可以用一種能力，而我同時可以用多種。」詡搖頭道

「因為你算係有A Mark喺背脊，所以跟佢地訓練？」梓旲仔細觀察他的A Mark

「可以咁講。師……師傅係好強大嘅存在，佢其實都算係高級隊長群裡面最大一個。」詡把A Mark移回上臂

「咁佢地之前究竟係做咩？又唔入隊，又唔係敵人？」澈硯再問今早問Lina但得不到答案的問題

「佢地……以我所知，只係幾普通咁生活，有時遇到對佢地而言『危險性』較高嘅怪物或AP犯時出動，但我唔太知師傅點定義『危險』。某程序上，佢地算係維持緊秩序，但又唔同意部隊某啲做法咁。」詡解釋，澈硯看來得到了滿意的答案

「亞塵點解咁擔心鹿仔同鼓爸？咁唔想佢地留隊？」梓旻問

「我估同師傅嘅手法有關，壹雄七人以及浩政都係願意以死表示忠誠嘅人，而且佢地能力非常強大，所以師傅好多時都唔會考慮任務幾危險，就咁派畀佢地處理。以我知道嘅任務裡面，佢地曾經被群毆到半死，師傅都冇特別表示，由陸楠照顧就算。」詡說

「點解仲會咁聽話？會死喎！就算唔死，過度使用AP都會變成怪物喎！」梓旻不解

「咁點解亞塵唔叫我走？」澈硯有點失落

「可能……你對佢都唔太好。你上次亞豪單嘢都威脅佢啦……」梓旻說：「但我想知一件事，變成怪物之後會唔會可能保持意識？好似一角咁！」

「我……我唔太清楚，但佢地一直都話變成怪物後就一定返唔到轉頭。」詡道：「我都答咗咁多……原諒我未？」

梓旻嘆口氣，想回答的時候，澈硯突然插話：「等等！你知唔知佢地點訓練人？」

「以我記得佢地實戰比較多。」詡回

「咁就大獲！我地都係早啲訓！聽日好早！」澈硯指一指時鐘，時間顯示「一時半」，然後走出房間

梓旻離開時有點猶豫的說了一句：「我暫時原諒你啦！」

(待續)

推。

翌日早上，梓旻及澈硯回到辦公室，詡、肆祿、伍清、鹿仔、陸楠、子謙及Lina也在此。根據Lina的更表，今天詡、肆祿及伍清負責留守辦公室，Kiki、陳德晉及參旺負責其他隊伍的委託，其他人則需自助訓練。

「到喇？咁我地行喇！我地今日要去實驗室樓層，陸楠話要用多肉植物同白老鼠做訓練。」鹿仔跟澈硯說完後就離開了辦公室，完全沒有理會陸楠。

鹿仔離開的同時，陸楠在側輕拉澈硯衣袖，澈硯立即看向比他矮小的陸楠，陸楠展開了甜甜的笑容，接著便離開了。澈硯突然手掩著雙眼道：「純潔天真嘅眼神，令我諗起我嘅女神！」

梓旻一臉厭惡的道：「死變態，細路女都啱！去做嘢啦你！」

澈硯趕緊追上陸楠及鹿仔，Lina隨即走過來道：「亞旻，壹雄朝早唔得閒，佢叫我地晏就一齊食飯再去訓練。」

Lina說完就回高級隊長室處理文件，此時電話忽然響起，肆祿及伍清接了電話後便到其他隊處理事務。他們離開後，詡嘆了一大口氣：「唉！鬆曬！」

「咩事？」梓旻好奇

「佢地兩個嚴肅到令人驚！」詡攤坐在椅上

「你唔係同佢地一齊訓練過咩？」梓旻問

「準確啲只係同壹雄同參旺訓練過……」詡答

「點解你同佢地訓練過，但又唔係佢地七人之一？」子謙走過來問

詡望望梓旻，梓旻猜這大概與詡的特殊能力有關。詡清清喉嚨回答：「可能係我太廢。係呢！你點解入隊？用過AP未？」

「練過下啲入隊嘢。」子謙回答

「點解入院第二日，亞塵入你房個日，你叫得咁慘？」梓旻憶起那天澈硯差點破門求真相的事

「佢打咗一支紅色液體入我體內，然後啲液體好似喺我體內游走。當時我覺得非常噁心同時又好痛，所以就大叫。」子謙大力吞口水，就好像憶起什麼可怕的事。他接著說：「但因為咁，我由個刻開始用到力量，仲鼓勵我加入先鋒隊。」

(待續)

推。

「唔通係AP劑？」梓旻嘗試回想當時AP劑的顏色

「AP劑好似係暗紅色。假如嗰支係AP劑，即係佢未經你准許就幫你注射？」詡問

「呀……我唔知，不過佢地的確建議我入隊，佢地話會盡全力幫我搵失蹤嘅屋企人。」子謙發現了一包薯片，立即拿起問：「食唔食得？我好多日冇食過零食，入面只有啲冇味嘅肉同飯，知唔知有幾慘？」

「食啦！零食係公家。講返轉頭，你屋企人唔見咗？邊位屋企人？」梓旻問

「父母同哥哥，喺我被捉後約一星期。」子謙停下了吃薯片，嘴角向下彎道：「雖然唔係關係好好，真係唔算好好。佢地錫亞哥多過我，雖然佢地成日話將佢地間鋪留畀我。但係我唔想佢地就咁消失。」

「成家唔見曬？」梓旻驚訝問，子謙點頭

「我相信先鋒隊可以幫到你，唔好太擔心。」詡拍拍子謙的手臂

「係，我相信佢地得，高級隊長好似都可靠。」子謙再次吃起薯片

「高級隊長？你指浩政？」梓旻問

「唔係，佢係……」子謙忽視停下，手按著頭，好像快要倒下一樣

「你冇事吖嘛？」梓旻關心問

「真係粗暴嘅洗腦。」詡低聲道

「洗腦？你分到？」梓旻邊問，邊把子謙扶到休息室，讓他躺在沙發上

「唔完全分到，但呢個(指指休息室那邊)一定係洗腦，講到指定嘅資訊就頭痛。」詡拿起了剛才子謙未吃完的薯片

「我記得上次亞常想洗我地腦，令我地呼吸困難咗一陣。」梓旻回想起之前的會議

「亞常個隻未令你地好似子謙咁暈低算係溫柔，甘生個隻會仲自然啲。」詡吃起薯片

「自然？」梓旻問

「洗咗都唔係好覺，只要用心諗下就知自己被洗腦，但問題係就算知都解除唔到。所以係我角度係唔知自己被洗腦會開心啲，因為知咗都會跟住做。」詡解釋

「即係話，比起痛苦生存，寧願做個無知嘅人？我唔太同意。完全冇可能解除？」梓旻問

「有嘅……其實有非常充分嘅理由唔跟得佢地就可以，例如你跟佢地洗腦內容就會有重要嘅人死。不過聽聞最強嘅洗腦係應該令你冇理由去反抗，甘生曾經講過自己未做到咁嘅程度。」詡回

「如果……可能洗腦唔畀我攞武器，但你夾硬迫我攞咗會點？」

「會難受或恐懼到想死，好似怕自己攞咗武器之後會發生危險嘅事。即使你知唔會發生，你都會好驚。」

「咁預防呢？」

「你強過洗腦者就冇問題，或聽聞你本身冇某種常識或感受都可以。例如你本身係冇人情嘅人，就算點洗腦去愛人都冇用。」

「你真係好熟喎……」梓旻假裝質疑詡

「我……我……」詡立即緊張起來

「講笑！講笑！」

剛好，肆祿及伍清回來，梓旻及詡便沒有繼續話題。直至下午，由於子謙剛頭暈而沒有胃口吃飯，他拜託梓旻享用午餐後買三文治給他。梓旻及Lina一同走到餐廳，時間還未到大多數同事用餐時間，因此餐廳內幾乎沒有人。他們買了飯後，找了一個角落坐下，壹雄很快到來。

(待續)