《覺能之戰》

「喂！」梓旻想喝止澈硯

「唔緊要，佢都講得啱嘅……」尚華尷尬的笑言：「我地再約啦！」

尚華急急離開後，梓旻再怒斥澈硯：「你……真係要學下禮貌。」

「佢老豆對我有禮貌，我咪對佢有囉！」澈硯不忿的說

「咁佢老豆唔關佢事吖！」梓旻怒言

「聽聞人地老豆唔鍾意你喎！」澈硯反駁

「係唔鍾意浩政！人地冇講明唔like我！而且人地個女都暗戀浩政吖！」梓旻放下文件到P隊辦公室時，不忙看清辦公室內沒人才細聲說

「所以兩父女關係咁差囉！」澈硯似未不怕被Buck發現般大聲說，這令梓旻更生氣

「你理得人唧！你嚟只係提我今晚去詡度咋？提完喇！走啦！」梓旻生氣的趕走澈硯

「但……」澈硯知這次真的惹梓旻生氣了，有點害怕

「唔歡迎你！走！」梓旻決絕的道，澈硯也只好乖乖離去

下班後，梓旻直接回到宿舍，由於詡已成為正式隊員，他已搬到與梓旻同一樓層。梓旻扣門後，打開門的竟然是美慧，梓旻因沒有預計美慧會在場而嚇了一跳。他步進房內看見全部人也已到達，一座零食山在桌上，梓旻也不客氣的把開雪櫃食了一罐汽水喝。

「點解美慧會係度？」詡坐在床上吃著芝士薯圈，梓旻立即被吸引過去

「因為你地冇人夠我有腦！」美慧沾沾自喜的

「你當我死㗎？」澈硯吃著花生道，坐在他身邊的樺輕輕提醒他不要弄髒別人的房間

「你個腦都唔係以正常方式運作，同死咗冇分別！」美慧一如既往的嘴不留人

「好喇！一人少句啦！」樺忍不住出口，但不果

「啱喇！有樺做你女朋友，可以教返你點做返個正常人！」美慧仍不放過貶低澈硯的機會

「你根本係太得閒先係度！」澈硯居然被挑釁了

「我得閒？支援組準備覺力際都好多嘢做㗎！處理完場地租借，又要set 攝影機，又要處理航拍機器維修同遙控訓練，又要處理對外宣傳策略，請司儀請翻譯，仲有商場合資格賭局申請。今年仲要搞埋電視直播服務！仲有平時啲出動警報呢？唔係由我地監察、聯絡同處理，憑空爆出嚟㗎？」美慧突然認真，似乎澈硯刺中了美慧的痛處，二人怒目相向，而詡興致勃勃的看著他們吵架

「等等先！電視直播服務？唔係只向樓下商場直播咩？」梓旻不敢相信居然會向大眾轉播覺力賽

「下年開始就會開始對外直播，同電視台合作，打算推廣成大眾節目。」美慧仍瞪著澈硯

「吓？咁咪仲容易俾人知我地弱點？」梓旻說

「為賺錢嘛！」美慧喝下菊花茶

「咁同用條命去換錢有咩分別？」詡問

「其實你地一直用緊條命去換錢㗎啦……」澈硯插話

「點用條命去換錢？」楓無知的問，這問題令全場沉默數秒

「我覺得部隊應該面試環節增加智力測驗。」澈硯提議，被樺大力拍頭

「我同意！」詡興奮舉手

「值得研究！」美慧同意，楓似乎未知他們在說什麼

「唔反對。我地都係入正題啦！」梓旻提醒各人今天本來是為覺力戰的安排而聚集

(待續)

多謝繼續支持

成班一齊恰個弱智 好慘

好彩佢未有足夠智慧察覺自己俾人恰緊

「好！正題係，覺力戰如何合作，大家有咩想法？」詡問

「好似上次咁！」楓天真的道

「可愛嘅楓BB，一來你地冇咗我上陣，已經唔可以好似上次咁！兩來，今次場地唔同，將要係實地訓練，地點公佈咗係西北部沼澤公園！三嚟，今次要用到武器，你地知唔知大家嘅武器係咩同有咩用？」美慧像哄寶寶的說，詡逗趣的扮美慧的口型，澈硯被他逗笑，然後又被拍頭了

「唔知喎！」楓無知的答

「所以我地而家就要分享咗情報先！」美慧說

「我講先，我發掘咗更多自己能力嘅可能性，只是可以輕微治療同加強你地體能，仲可以用毒。毒輕則五感變慢同會興奮，重則感覺慢到好似停頓咗咁。」樺斯文的介紹自己的能力

「好似吸咗毒咁。」詡想像

「吸毒？」楓無知的問，但被大家忽略了

「差唔多，所以覺力賽我唔會用太重份量，始終唔可以令先鋒隊永久傷害。而我嘅武器係針同發射器，瞄準敵人後發射，唔需要插中目標，係目標附近就會自動打開後尾位置，噴出毒物。壞處係分唔到敵我，你地都要小心，以及有數量限制，不過我會帶大量針係身。」樺把她的武器放在桌上，發射器的外貌活像一支軍綠色的狙擊槍，另外有一個黑色長腰包內放滿針，針似銀色為主，外形酷似一個大型螺絲釘

「似乎用嚟埋伏敵人較合適。下個！」美慧道，詡反白眼表示看不慣美慧主持大局

「我！拳套。」楓拿出一雙拳套

「冇喇？」詡問

「講下有咩功能？」樺嘗試引導楓

「呀……保護雙手，同出AP拳風唔會爆咁？」楓簡介

「喂！你呢對係基本通用版P隊拳套嚟咋喎！」澈硯拿起拳套說

「吓？但佢話係我自用喎！」楓驚訝的道

「你自用嘅基本通用版P隊拳套囉……你冇要求加嘢？佢冇為你度身訂造？呢對拳套完全唔係度身訂造㗎喎……」澈硯把拳套翻來覆去的查看

「冇，我話平時拳套都得就俾咗我。」楓回答

「咁普通？你點過畢業試㗎？」詡不解為何楓可以接受這武器

「未過。」楓天真的回答

「未過？但你唔係升咗做隊員喇咩？」梓旻驚訝的問

「係呀！佢話得好少數人過唔到，但又未差到要踢我走，所以名義上升咗我，但宿舍仍然係見習樓層，好似Dali一樣。」楓解釋

「Dali都係？唔怪之得佢明明係正式隊員都住係見習樓層啦！」澈硯恍然大悟的道

「居然咁都俾過。」詡搖頭皺眉

「好喇！下個！」美慧大聲道

「我嘅係加咗銀色物料嘅拳套，打落人到會硬啲。」詡拿出他的拳套，與楓的差不多，只是設計上加添的銀色物料的圖案，銀色物料雖輕微鼓起但不見得有增加攻擊力

「佢咪同我一樣？」楓指著詡的拳套

「唔一樣，起碼唔係通用版，仲加重咗少少攻擊力，仲靚少少添！」詡輕輕撫摸自己的拳套，仿似很寶貝它一樣

「嚴格嚟講係有分別，但唔嚴格嚟講冇乜分別。啲銀咁薄，有咩用？」澈硯好像有說廢話一樣，讓美慧反了白眼

「總之有用！」詡咬牙切齒的道

(待續)

文

「白痴……」美慧眼神像已放棄與他理論

「到我喇。我個鎚可以伸縮，鎚頭仲可以變化成直劍同斧頭。」梓旻拿起鎚子，用AP把鎚頭變成了直劍，然後再變斧頭，最後變回原狀。五人看得驚訝，讚嘆著他的武器實用性很高。可是梓旻仍對自己改變武器形狀的速度略嫌不滿。

「我興幸你地組有兩個正常人。」美慧的一句換來詡及澈硯的不滿

「你停一陣踩我地係咪會死呢？」詡怒罵

「好……」美慧停了兩秒，再說：「停咗陣喇！唔想人踩就表現得正常啲！」

「點表現得正常啲？」楓的問題令眾人搖頭嘆氣

「楓睇多啲書或影片可能幫到你……可能。」梓旻已不清楚楓是否仍可進步或被治療

「好！小總結，一個埋伏，一個近遠攻，三個近戰！」美慧把結論寫在一張白紙上

「喂！我呢？」澈硯從沙發上跳了起身

「你上次畢業試個情況傳開曬啦！好廢！」美慧恥笑道

「咁你俾梓旻講？我同上次畢業試唔同咗喇！我改良咗自己嘅武器！」澈硯拿出了手扣，手扣的外貌不同了，比起之前Lina給的那款，新的更幼更彩色，就如一般首飾手環，完全不像武器

「就係咁？」美慧拿起手扣揮兩揮，搖兩搖，隨意的掉在桌上，澈硯立即拿起手環，檢查有否受損

「當然唔止！」澈硯收好手環，拿出了一支彩色且充滿童真的設計的玩具槍及幾枝比手掌大一點的長方柱狀水瓶。澈硯得意洋洋的介紹：「我參考咗Rose嘅水槍設計，可以調教為水柱、花灑、噴霧以及泡泡模式，既可遠又可近，仲好好玩！」

「啲水有咩功能？要孭幾多樽水出去？」詡拿起其中一瓶水瓶問

「冇，純水，加埋我嘅AP，功能已經夠啦！水我帶五支左右，再多就行動唔方便。本身支槍就有節水功能，加埋部分空氣水份就更多水用，只要唔大量使用就得。」澈硯說明

「咁個設計係咩事？」美慧用鄙視的眼神看著澈硯的「玩具槍」

「Er…」澈硯似乎回答不了，依梓旻看，澈硯根本只是按自己喜好設計，但又不想被美慧取笑，所以才回答不了

「我知！可以掩人耳目！」楓大叫

「叻！」澈硯豎起拇指

「咦！你識字㗎喎！」詡裝作很驚訝的說

「你就真係唔好咁衰！」梓旻笑著望向楓：「太好喇！楓！你有得救喇！記得要睇多啲書或者影片呀！」

「算吧啦！根本只係你喜好奇怪咋！係揀女朋友呢點好啲！」美慧看穿了澈硯，其他人也點頭表示認同，但梓旻對澈硯選對女友這點有些猶豫

「好！總結，一個埋伏，兩個近遠攻，兩個近戰！」美慧更改白紙上的結論，再拿出西北部沼澤公園的地圖，道：「我地開始講少少比賽安排先！比賽地點係西北部沼澤公園，同上次唔同，因為場地問題，領地爭奪戰唔會多過三隊參戰！仲有，你地好彩！今次冇隊長級玩！」

(待續)

文來了!!!!

文

「等等先！你唔係上年先入隊咩？而且佢而家就上到隊長喇喎？」梓旻不解問

「佢本身就係申請入先鋒隊，係上頭唔批唧！Curse好有上進心，而且好想上電視，上到隊長級就多咗對外宣傳同匯報嘅機會。仲有，M隊嘅人冇乜人想擔大旗，上得快都正常。」美慧解釋

「好！總之我地就要小心呢兩個人啦！而家我想問我地係咪只係參加領地戰？參唔參加變陣同卧底戰？」澈硯插問

「我建議唔好喇！我提提你地，同春秋賽唔同，今次係要帶武器打！即係你地都算係第一次參加比賽，我覺得你地都係試下先。」美慧用筆敲打桌子

「但……但我……想試下玩卧底戰……」甚少發表意見的樺道，眾人也十分驚訝，尤其梓旻

「點……點解？」梓旻問

「因為……Rose同Dali，當然我唔係懷疑你地啦！但如……如果仲有其他間諜，我想……我想有啲準備。」樺吞舌吐吐的回答，其他人也點頭同意，唯獨梓旻沒有反應，她的反應及提議讓梓旻對她更有戒心

「好！咁就報領地戰同卧底戰？冇人反對？」美慧問，眾人也搖頭表示不反對。她寫在白紙上，再在平板電腦開出一張地圖說：「好！傾下今次點合作！睇返西北部沼澤公園地圖，有一半都係溪畔，三個領地响三個觀鳥屋，一個係北邊，一個係西南，仲有一個係東邊。當然就要當日先知自己係邊啦。」

「我諗我可以係領地守住。」樺首先開口

「我地而家傾緊領地戰可？」梓旻怕被發現自己在防避樺，立即補上：「我可以打前線啲。」

「卧底戰就最好唔好得一個人守喇！」美慧說

「我就唔介意！只要係樺就得。」澈硯笑著看向樺，梓旻只覺得噁心，而且不知是否梓旻多疑，總覺得樺在迴避澈硯的眼神

「停啦！好冇？」美慧鄙視的看著澈硯，再說：「你同澈硯嘅能力都比較突出，多數會俾人針，直接衝上去同人打好過。」

「咁我同楓？」詡問

「你地……自己搵嘢做。」美慧說完大笑

「咁叫傾合作？」詡不滿道：「我同楓不如就守住附近睇下有冇人嚟攻擊啦！睇返地圖，每個觀鳥屋都有至少兩條路可以通過嚟，一人守一條會安全啲。」

「好呀！」楓大叫

「就咁話！但我地最好都係一齊去技能訓練場睇一次大家嘅能力先比較好，至少知要輔助同合作點做！」梓旻提議：「不過如果遇勁人就要到時再諗諗。」

「好！咁卧底戰呢？」澈硯問

「你絕對唔可以同樺一組，一陣樺中咗卧底，我地就大獲！」詡指著澈硯說，澈硯傻笑

「如果卧底戰嘅話，係咪都係一對一比賽？」梓旻問

「係，咁就最好兩個人守觀鳥屋比較好？」美慧問

「應該會比較好，雖然卧底可以有兩個……應該唔會咁唔好彩掛？」詡苦笑

「咁由邊兩個守？」美慧問

「不如我同樺！」梓旻舉手提議：「我地既可遠攻，又可近防。樺o唔ok？」

「可以呀！」樺點頭

「咁我地幾個就主攻對面啦！」詡續說：「都係個句如果遇勁人就要到時再傾。」

討論完覺力賽的內容，剩下的時間也是閒聊過去。
 

(待續)

早晨

早 咁早出文係咪晏啲有加更

唔係

雖然離覺力戰只有約一個月的時間，但隊員們仍需要出動應對怪物。由那日突襲開始，城中每天都有怪物攻擊市鎮的事件出現，總部也立即採取了應對措施，組了由十三個隊長帶領的十三個小隊，輪流出動任務。

梓旻被派到第十小隊，小隊由一個T隊隊長、兩名P隊隊員、兩名T隊隊員、三名M隊隊員及一名O隊隊員組成。領隊隊長是Mark，P隊隊員是梓旻不想遇到的珈純及剛發現是Buck大兒子的岡仔，T隊隊員有盲妹及自信心低的芷喬，M隊隊員是可以自療的亞宏及正爭取晉升機會的Candy及Curse。

本來以為以順序出動的話，第十小隊的他要很久才有可出動，但不到數天他便被召集。在一個天朗氣清的下午，梓旻坐在辦公室等待電話的時間收到了召集指示。他用最快速度到達基地，當他到達時也只剩下芷喬未到場，但他已被珈純抱怨，也不忘侮辱一下O隊：「O隊嘅人係咁懶散㗎喇！集個合都慢過人！」

「你上次未俾人打夠呀？」梓旻立即回嘴

「你講咩呀？」珈純立即走前，好像想與梓旻開打般，但被Mark阻止了

「好喇！我要我嘅小隊和平相處，唔想紀律處分就同我收聲！」Mark指著且瞪著珈純及梓旻二人。雖然珈純沒有鬧下去，但仍嘟嘟噥噥，這令Mark忍不住大罵：「收嗲啦！」

好不容易等到芷喬，芷喬急忙道歉，但Mark沒有理會便出發了。因為九人的小組不算多人，不需用Horn Chess – II，三架T-Bike已經足夠。梓旻及芷喬上了亞宏的T-Bike，由亞宏駕駛T-Bike。

開始飛行不久後，耳機傳來Mark的聲音：「我地今次嘅目的地係中部最大電子商場，有兩隻紅核分別係地下同一樓位置。大部分人都已經疏散，如果我地冇太遲到嘅話，兩隻嘢應該未離開個商場。(梓旻看到芷喬的面色一紫，大概在為自己最遲到的事感歉疚)一陣間，兩個新仔同Candy、亞宏守門口，盲妹、岡仔同Curse主做搜救睇下有冇人仲係商場入面，珈純同我就分別係唔同樓層應對紅核。珈純，盡量唔好打爛入面鋪頭啲嘢！」

「收到！」眾人回話

眾人到達目的地後，Mark、珈純、盲妹、岡仔及亞宏放好T-Bike後頭也不回地衝進商場。Candy及梓旻守側門，而Curse及芷喬則守正門。

「攞兩粒糖，綠色係強化，藍色係治療，唔好俾普通市民食！會死人！」Candy給了兩粒包裝糖他

「多謝……我想問呢……紅色個粒咩嚟？」梓旻邊把糖放在褲袋內，邊看著Candy瓶子內的紅色包裝糖

「唔好放褲袋，會跌！放背囊向背脊嘅隱藏袋，易攞啲！」Candy提醒後，梓旻立即放好。Candy看梓旻放好糖後回答他的問題：「呢隻係強力強化，但唔係人人啱食，有啲人會出現類似腦充血情況。所以我多數會同啲隊員係總部試下先用。」

（待續）

「哦……咁你知唔知點解會咁分崗位？」梓旻問

「新人唔入主場你明啦！(梓旻點頭)我就不嬲做後援多，Mark就一定做攻擊，盲妹一般以搜救生還者為主，其他四個做咩其實唔太重要。但係一定要有個高攻擊力嘅人係出面standby，考慮到珈純一定嘈要做攻擊，而Curse又想俾傳媒見到，咪咁決定囉！」Candy拿出了一枝棒棒糖放進口中，她有點緊張的看向外圍人群中設好攝影機的傳媒

「想唔想知入面點樣？」Candy問

「想！可以點知？」梓旻問

「知你唔知喇！啱啱升正式係冇乜人提嘅！你背囊係咪有副太陽眼鏡？攞出嚟！」Candy說完，梓旻立即拿出太陽眼鏡，Candy拿走太陽眼鏡，在太陽眼鏡的眼框可摺起的位置上輕輕一按，一卡片狀的東西彈出，她再把卡片插在梓旻的手錶上，再說明：「而家可以用手錶指示睇隊員嘅情況，當然如果俾人封咗就冇得睇。」

「點解之前一直都未聽過有呢啲功能？」梓旻戴上太陽眼鏡

「一嚟你未係正式，二嚟個功能比較唔係咁必要識用，你打緊又唔用得，未出戰又最多用嚟觀戰。」Candy道：「記住一陣一有事就立即放底眼鏡，但紅核應該冇乜大問題。」

「知道！」梓旻說完便打開手錶介面，Candy教他選擇「行動直播連接」，然後選擇了「Mark的行動直播」，接著眼鏡出現了Mark的視覺，鏡頭大概在行動制服胸口位置。


左右滿是電子貨品的店舖，搜索的途中Mark猛然向左轉過去，手拿著鐵珠輕輕向前抬向，做起準備發射的動作。他慢慢走進店內，向收銀處移動，收銀處似乎有些什麼在蠕動。走到最前看清楚，那是一個被嚇得瑟縮一旁的店員，Mark的手輕輕放下。

忽然，他一百八十度轉身，一隻紅核站在遠處走廊中間。那怪物向Mark沖過來，Mark彈出鐵珠，鐵珠一瞬間變成了三腳爪子插在怪物身上。怪物跌在地上，立即站起又再向前沖。Mark隨即再彈出數顆鐵珠，全都狠狠的插於怪物身上。

怪物敗退，決定不再正面交鋒，這次轉身逃走。可能怪物已受了傷，牠跑得跌跌撞撞的，加上不想被Mark直線攻擊，牠在本來已經擠迫的店舖及貨物中穿插躲避。Mark這時不再用鐵珠，拿出了回力刀，看準時機一拋，怪物就此倒下。

(待續)

預告：星期四要停更一日

「功能係作者突然諗到，臨時加上去」Candy道：

看完Mark與紅核的戰鬥，梓旻除下眼鏡鬆了口氣，原來以第一身視覺看戰鬥是那麼刺激的事。本來梓旻還猶豫是否觀看珈純的戰鬥，但前方的嘈吵聲引起了他的注意。

他拿下眼鏡抬頭一望，約三十米範圍外，全是在圍觀的民眾及傳媒，當中有些人更因太多人而發生爭執。民群完全沒有危機意識全賴先鋒隊這些年來的努力及大力宣傳，除非是百核及嚴重級別警報響起，就如上次一樣，否則民眾也不太害怕此等怪物襲擊。

面對如此多的人群聚集，梓旻決定收好眼鏡，保持警惕，以防任何突發情況。把眼鏡收好後，梓旻抬頭望向人群時，他首先發現的是一個熱情地向他揮手的身影，那是他姐姐，這讓他有一點尷尬，也不想在工作時與她相認，所以移開視線向其他地方遊走，扮作看不到她，嘗試不跟姐姐有任何眼神接觸。

怎料，當他把視線向左移約數米，他再發現一個熟悉的身影，一個讓他精神緊張的人，那是上次聲稱回收百核的亞傑。梓旻神色凝重起來，也許亞傑知道梓旻已發現他的存在，面上掛著狡猾且陰險的笑容向梓旻輕輕揮手。

怕有事發生，梓旻想向Candy匯報亞傑的存在，但同時正門那邊突然傳來巨響，人們爭相走避，情況變得非常混亂。梓旻下意識望向剛才姐姐的位置，他看到姐姐的背影好像跟隨人群逃去了。姐姐離開了現場讓他鬆口氣，但當他再望向亞傑的位置，人已不見了，這讓他神經緊張起來。

「一隻紅核由正門走甩咗！」耳機傳來岡仔非常心急的聲音

「處理緊！Yeah！」聽說話方式似乎是Curse在說話，梓旻似乎聽到正門有戰鬥的聲音，但他的位置不太看到發生什麼事

「側門未有……呀！」梓旻身後的Candy打算匯報的時候突然慘叫起來，梓旻轉身便看到亞傑在單腳站立，大概Candy被突然出現的亞傑踢走了

「側門出現覺能犯！」梓旻迅速匯報後，用鎚子接下了亞傑的一腳，這一下反應連梓旻自己也意想不到自己可以那麼快

「Hi！你叫咩名？上次唔記得問你添！」亞傑用力打算壓下梓旻，梓旻雖然勉強推開，但知道自己不會支持得太久

「唔關你事！」梓旻咬緊牙根的用力推開亞傑，忽然一支人般大的士的糖向亞傑揮下，亞傑立即避開

「我好歹都係就升隊長，唔會俾你一腳踢開就玩完！」Candy拿著士的糖怒吼著，梓旻不禁想起身為高級隊長的浩政

「憑你？一個只係輔助型嘅人可以打低我？」亞傑大笑

「我……我打唔低你都唔會俾你打低！」Candy竟然口窒起來，梓旻不禁心裡反問士氣何在。接著Candy居然小聲跟梓旻說：「你主攻！我支援！」

(待續)

[微血腥]

梓旻失望萬分，本以為有隊長級的人陪在身旁可以多幾分安心，怎知要自己打頭陣。因應Candy的「安排」，梓旻稍稍向前行，而Candy則向後退。

「你叫梓旻？我會記住！」亞傑指指自己的頭

「你點解係度？兩隻紅核係咪你放嘅？」梓旻聽到自己的心臟聲愈來愈大，一邊舉起鎚子防範亞傑，一邊問

「可以話係，可以話唔係！」亞傑答得模稜兩可

「即係係定唔係呀？」梓旻邊問，邊把鎚子變成斧頭，再狠狠的向亞傑揮。敏捷的亞傑立即向後跳避開攻擊，再來一個迴旋踢向梓旻踢下去，梓旻用斧頭擋住，Candy馬上用皓似士的糖的武器向亞傑打下去。亞傑這次用手捉實「士的糖」，再轉身把「士的糖」拿走的同時後踢向Candy腹部，Candy因痛楚放開了武器，亞傑把「士的糖」隨手掉到遠處後，再正面連環踢向Candy胸腹部，Candy倒下了。

梓旻把斧頭變回如鋸子由上至下向亞傑揮下，但太慢了，又再被亞傑用腳擋下。亞傑話帶少許驚訝問：「你同嗰條阻頭阻勢嘅Lina嘅武器咁似嘅？你地一樣AP㗎？咁你識唔識李浩政或者吳鈞悅？嚟啦！講我聽啦！我知你識鈞悅嘅！」

突然，鎚子一轉，尖頭的一邊向著亞傑，射出了一線光束，亞傑的側臉被光束擦傷，亞傑憤怒的大叫：「同你講嘢，唔回不特止，仲傷我！冇禮貌！」

生氣的亞傑這次沒有留任何空白的讓梓旻反抗，不斷的連環踢讓梓旻應接不暇，梓旻咬緊牙關把攻擊一一接下，但一直向後腿至牆邊。一個不小心，防範鬆懈了不過一秒已被亞傑踩著胸口壓在牆壁。亞傑咬牙切齒的問：「我問你識唔識吳鈞悅呀？」

「唔……唔識……識……都……唔講……你知……」梓旻痛苦的道

「我唔信！你地同樣AP，冇可能唔識佢！」亞傑更用踩梓旻

「呀！」梓旻痛苦大叫：「係咪……你……放啲……怪物……出嚟……殺……人……」

「我地只係放咗啲已經用盡AP嘅人出嚟！好似你地呢啲先鋒隊嘅人咁，AP用到盡就畀人遺拋……」亞傑說著讓梓旻感奇怪的話。

在某刻開始，梓旻被亞傑身後的怪異景象吸引過去，倒下的Candy做出拱橋狀，她單靠雙腳把整個人撐起，散亂的長髮遮蓋了她的臉孔，右手向右抬起，被亞傑拋開的「士的糖」飛到她的手中，她轉動「士的糖」的底部由棍狀變成了錐形。梓旻一眨眼，Candy已移動到亞傑身後，狠狠的舉起「士的糖」向亞傑頭部攻擊，亞傑立即過來，保護了頭部，而背部被插傷，這讓亞傑大聲慘叫起來。

梓旻終可逃脫，爬著離開後回頭一看，Candy正嘗試攻擊他的心臟，可是最後也被他逃脫。整個過程，梓旻也動不了手幫忙，最後更只能看著前方地上的一攤液發呆。

[寫多少少版 ↓↓↓]

(待續)

Candy碎念了兩句「我打唔低你都唔會俾你打低。」再大力跳到亞傑上空，用力揮下「士的糖」，但打不中亞傑，誤打在地上，令地面爆裂開成一個洞，令站在附近的亞傑有點站不穩。Candy趁機用「士的糖」的錐形底部向亞傑的頭部攻擊，亞傑立即用手臂阻擋，手臂被「士的糖」插傷出血，讓亞傑再度慘叫起來。

[ 寫多少少版]

Candy未有放過他，失去理性一樣用力把插在亞傑手臂的「士的糖」，似乎想再次向亞傑的頭部攻擊，再像是著了魔般重覆大叫：「我打唔低你都唔會俾你打低！我打唔低你都唔會俾你打低呀！」

「咩人嚟？」一把雄厚的聲音從背後問，令坐在地上的梓旻嚇了一大跳。扭頭一看，原來是Mark，Mark俯視梓旻問：「你想坐係地下幾耐？」

梓旻此時才發現自己一直傻傻的張大口坐在地上，他閉上口再慢慢站起來，想拿起自己的鎚子時，一拿起鎚子便掉下。梓旻張開兩手看，發現兩手在微微震顫，相信是因為太用力阻擋攻擊導致。Mark看不過眼，幫手拾起鎚子，收起鎚子伸長了的握手，再掛在梓旻腰間。

「第一次用武器打係咁，冇退縮已經好好！」Mark以平淡的語氣道

「多……多謝……」梓旻連聲音也在顫抖

「咁……咩人？」Mark指指亞傑

「『獨』……『獨』嘅人，佢話……啲紅核係『獨』放……」梓旻用力吞口水，嘗試完整句子作答

(待續)

推

「哦！原來係咁！」Mark用平淡的語氣說完後就雙手抱胸前站著看Candy和亞傑的打鬥

「唔使幫……佢咩？」梓旻的聲線開始回復

「幫？唔使幫啦！你睇佢好似上咗身咁都幫唔到啦！」Mark指指Candy。Candy刺不了亞傑就開始亂揮「士的糖」，亞傑的一條腿似乎被Candy亂揮時打傷，同時因Candy窮追猛打而不能用他的AP跳起逃離現場，他明顯處於下風，似乎真的不需伸出援手。

「Curse！你個邊點？」Mark通過耳機問

「Yo Yeah！搞掂！你個邊呢？仲有其他人呢？去曬邊？」Curse回答

「我地呢邊應該就搞掂！其他人應下機！」Mark問

「我……我地……呢邊……呢邊有新敵人……」芷喬的聲音充滿恐懼

「發生咩事？搵個講嘢正常嘅答我！」Mark緊張的問

「對唔住呀！Mark！我地答唔到住！」耳機傳來岡仔的聲音，伴隨著喘氣聲，似乎在苦戰中

「等我嚟！」Curse興奮的回應

Mark開始心急暴躁起來，他急忙地翻找袋子：「眼鏡！眼鏡！眼鏡！」

看Mark緊張，梓旻也緊張的把手伸進袋子也打算找出太陽眼鏡，同時他不忘抬頭望望Candy。當他抬頭一刻，眼神出現的是某人的鞋底，他下意識把手轉伸到鎚子，用盡力一揮，鞋底的主人被揮到一邊去。同時，眼角出現了一些動靜，梓旻立即望過去，一條腿正朝Mark踢過去，梓旻大叫：「Mark！」

Mark抬頭一看，迅速地拿出袋中的回力刀向上一切，血花四濺，腳的主人大叫了一聲「呀」便立即向後跳走了。梓旻向Mark立即擺出戰鬥姿態，那偷襲的二人也走在一起。

「三個人居然一樣樣？」Mark被那二人的外貌嚇一跳，他們的外貌居然和亞傑一樣

「係……係四個……」梓旻指指那二人身後的Candy等人，Candy與受重傷的亞傑之間出現了一個「新亞傑」

Mark立即用耳機聯絡：「需要支援！多咗三個新敵人，需要支援！」

「我……我嚟緊！嚟緊！」失蹤良久的珈純終於再次出現，不久後便從側門走出來

珈純邊擺出戰鬥姿勢，邊走近，看清二人的外貌後不禁吐出：「What？」

雖然所有「亞傑」的臉都一樣，但打扮和髮型也有所不同，與梓旻等人對峙的兩個「亞傑」中一人束有長辮子，而另一人化了厚厚的妝，是剛才被Mark傷了的那位。Mark走到珈純及梓旻之間，小聲道：「你地對付化妝嗰個！我對付紮辮嗰個！」

珈純臉輕輕抽動，似乎很不滿這個安排，當然梓旻也不想，但也明白眼下沒有更好的安排。辮子傑及化妝傑二人笑一笑，突同時向梓旻等人衝過去。Mark向雙傑射出鐵珠，雙傑避開了，Mark拿出回力刀劈過去辮子傑，辮子傑向後彎腰躲開了，一隻手按在地上，雙腳離地往上踢然後旋轉，Mark也避開了。

另一方面，珈純向化妝傑出了一直拳，化妝傑用腳阻擋。梓旻趁機把鎚子變成直劍剌過去，化妝傑扭身避開再後腿兩步。珈純推開梓旻，鬧道：「躝開！唔使你！」

(待續)

珈純衝往化妝傑，你一拳他一腳的，沒人傷也沒人被壓下。梓旻沒有乖乖聽話，不時向化妝傑刺過去，但化妝傑一一避過。三人打鬥愈退愈後，三人愈來愈近Candy等人。就在此時，梓旻發現Candy半跪在地上，用斷掉的「士的糖」撐起自己才勉強伸直腰板。

受傷的亞傑已不見蹤影，剩下的是穿著透視裝的亞傑向Candy助跑，再跳起半空旋轉。梓旻知情況不妙，立即劍頭指向透視裝傑，射出一條很弱的光束。雖然光束很弱，但也足夠把他打下來。梓旻立即走到Candy訪邊問：「你點？」

Candy似乎已經意識模糊，回答不了梓旻的問題。此時，梓旻看到在正門旁蹲下的芷喬，梓旻用耳機說：「芷喬，幫幫手！移走Candy！」

但是，芷喬居然搖頭拒絕，梓旻望望透視裝傑在地上似乎有所動作，緊張道：「郁啦！芷喬！郁啦！」

芷喬似乎仍在猶豫，可是另一邊透視裝傑已經站起來。梓旻充滿怒火的向著芷喬大叫：「我叫你郁呀！」

梓旻的叫聲大得根本不需要耳機都可以聽到，而透視裝傑也衝過來飛踢梓旻，梓旻把劍變成鎚子擋下透視裝傑的攻擊。興幸，芷喬終於也克服恐懼，使勁的拉走了Candy。梓旻終可安心對戰，他打算射出光束攻擊透視裝傑，但他反應十分快，成功避開了梓旻跳到空中。

梓旻把AP集中腳底，一同跳到空中再揮舞鎚子，透視裝傑勉強避開，又再作出攻擊。二人一邊於空中掉下，一邊我攻你守的。著地那刻二人都向後跳，嘗試保持距離。透視裝傑靜下不足數秒又向梓旻衝過來，梓旻打算再次迎戰，但意想不到的是他被身後的化妝傑踢中。由於這個意外，梓旻不能同時防禦透視裝傑的攻擊，他再次被踢中，無力的倒在地上。

(待續)

LALALALALALA

幫推。