《覺能之戰》

對決一開始，梓旻率先揮動鎚子，輕輕一揮便出現巨響。由於訓練室設計得很堅固，不見明顯的裂痕，但力量的確比以前大很多。肆伍二人立即提高警覺，同時揮棍一左一右的擊向梓旻，梓旻擋下一刻雖然有一點吃力，但用AP推開二人卻易如反掌。見自己的力量居然可以與肆伍二人對打，梓旻心中狂喜，不斷向肆伍二人揮鎚子。可是他過於興奮，揮得雜亂無章，完全打不中二人，且頻頻打向牆壁。

愈打不中二人，梓旻就愈心煩，愈是心煩，就愈憤怒。由狂喜變成狂怒，他不再只是揮動鎚子，轉成射出巨大的光束，訓練室終於承受不了梓旻的攻擊而出現裂痕。

旁觀的二人退到門口，詡更緊張大叫：「停呀！冷靜啲！你咁係打唔到佢㗎！」

梓旻仍沒有停下，愈揮愈起勁，澈硯皺眉：「有啲唔妥，點解咁不受控？」

「係囉！佢平時明明唔係咁！」詡緊張道

「搞唔掂，要整停佢！」澈硯說畢就跑進去，拿起槍向梓旻射去，打算麻醉他，但第一次射不中

「呀！」梓旻怒吼：「你係度做咩呀！」

「你要停喇！」澈硯大叫

「我唔停！我未打完！呀！」梓旻繼續

澈硯只有聯同肆伍二人嘗試把梓旻壓下，肆伍時而左右夾擊，時而上下攻打梓旻。雖然數次打中梓旻，但他狂怒之下，似乎以不知痛楚為何物。另一方面，澈硯的攻擊只能擦過梓旻身體，根本不足以把他壓下。

持續了十五分鐘，四人終有停下喘息的時候，但梓旻沒有放下武器，亦不允許他們放下武器。在他們頭痛之際，梓旻背後傳來痛楚，是久違被AP攻擊至昏倒的感覺，在第一次與澈硯對戰後就沒感受過。在梓旻躺在地上，仍想掙扎不要昏去的時候，陸楠蹲在他面前，伸手對他說：「瞓啦！」

(待續)

推。

推。

「亞旻！你醒喇？」睜開眼睛看到的是孔sir

「亞孔，我發生咩事？」梓旻嘗試從病床上撐起自己

「你太用力打班怪，雖然話發現李博士唧，有鈞靖係度就唔好太用力啦！你都知你……」孔sir說，梓旻已起床走到鏡子前

「你明我啦！見到殺死自己朋友嘅人，當然想親手報仇。」梓旻在鏡前把上衣脫下，查看自己的A Mark已不只是背上，已延伸到胸前

「好彩最終都殺死佢，如果你再繼續你嘅復仇之旅，鈞悅一定會發脾氣！」孔sir笑道

「而家終於可以安定，大家都唔使再練AP我諗，我都係時候叫佢專注返學業。」梓旻換上乾淨的衣服

「真係可惜，明明佢AP咁特別！」孔sir笑說

「世界和平喇！唔再係打打殺殺嘅時候！」梓旻打算離開時，眼前一暗，現實中被肆伍擊暈的他終醒來，第一眼看到的不是孔sir，而是煩人的澈硯

「你究竟要暈幾多次先死心？」澈硯問

「已經接近周期性昏迷！」鹿仔在側旁笑

「好彩我跑出去求救搵到陸楠咋！如果唔係，肆伍就要出盡力同你鬥打爆間訓練室！」詡笑說

「我都唔知點解會咁。我覺得……我好……我好興奮，可能因為力量大咗咁多，但係又打唔中佢地。幾大力量都打唔到令我好嬲我自己，嬲到完成控制唔到。」梓旻感困惑的道

「因為你A Mark，擴散之後就會咁，始終都係怪物化第一步。」鹿仔助梓旻坐起來

「你講……你講咩吓？」梓旻驚訝問，澈硯及詡二人也感震驚

「亞塵話你地一早知㗎喎！唔係咩？」鹿仔的表現過於平常令他們驚訝

「係……呀，我……我唔知你……呀？亞豪……」梓旻不敢肯定鹿仔知道他所知道的事

「如果A Mark擴散到盡就變成黑色怪物，亞豪都係咁死……」他望望澈硯，再望望梓旻：「你地唔使為佢嘅死內疚，可以由你地幫手解脫，佢一定好開心。」

「你一早知？」澈硯問：「唔同我地講？」

「同你地講，你地落到手咩？」鹿仔嘆氣：「不過拜託，KiKi唔知，唔好講佢聽。」

「要佢見證自己亞哥死會唔會太無情呢？」詡問

「無法啦！怪物係會誓死追同自己有血源關係嘅人，咁做先可以確保到佢留係入面。」鹿仔解釋

「佢唔知，咁你點知？」詡問

「失控過嘅人都有一啲特別課程要上，我同亞豪一早就被警告過。」鹿仔咬一咬唇：「居然咁死，實在太蠢。但你都見我當時有幾激動，當你情緒失控，力量都會失控，然後A Mark失控地擴大，最後你就真係變成怪物。」

(待續)

推。

推。

「咁你知唔知有冇方法還原？」澈硯問

「還原呢⋯⋯就冇嘅！」鹿仔的回答令他們失望，可他短暫停頓過後，笑話：「舒緩都仲有方法嘅！」

「係？」詡雙眼發亮

「係，但就唔知對你有冇效喇！講真，對亞豪就效用唔大。」鹿仔續說

「唔好賣關子，直接講係咩！試咗先！」梓旻伸前身子

「但會力量少咗㗎喎！」鹿仔也靠近梓旻道，梓旻身體一震，對於力量會因而變弱，他有點猶豫

「你猶豫啲咩？變弱同死，你點揀？」詡問

「咁⋯⋯變弱囉⋯⋯」梓旻不情願的回答

「哈哈！一講變弱就猶豫，你太年輕喇！變強機會大把啦！」鹿仔靠回後道

「講啦！佢就算唔想知，我都想知！」澈硯急切的想知道答案

「答案就係⋯⋯求亞塵幫手！」鹿仔的答案令眾人失望

「咁我寧願死！」梓旻失望說

「咁我都唔想幫你！」此時亞塵突然走進來，令梓旻為之一驚，不敢說話。亞塵續說：「而且我都幫唔到你，你要等你家姐返嚟，佢會幫你。剝上衫，我要檢查A Mark！」

「咁就好喇！」詡高興說

「唔好得去邊，我都唔想求佢。」梓旻扁嘴道

「你家姐唔使你求都會做啦！唔好唔記得佢係一個只為屋企人，世界毁滅都唔介意嘅人。」澈硯記起與梓旻閒談間形容的月文是個怎樣的人

「你又幾清楚喎！佢已經趕緊返嚟，另外甘生一陣都會嚟想問你關於獨嘅嘢。」亞塵開始檢查梓旻的A Mark再道：「今次叫擴散得好大，好彩最外邊啡至淺啡嘅地方都比黑色多，應該可以舒緩好多。咩事搞到咁？」

「佢想保護我唔好俾人帶死。」詡有點歉疚道

「終於要承認戀情喇？」鹿仔開玩笑說

「你收聲啦！幫朋友係咁㗎啦！」梓旻怒言

就在此時，走廊傳來重重的腳步裡，走進來的果然是月文。她快步走到梓旻床邊，一手按著梓旻背部，強烈的痛感從背部最外圍傳來，超緩慢地向中央的位置收窄。梓旻不禁大叫起來，月文怒氣匆匆說：「冇檢查你身體有咩問題係我錯，但你都應該講我聽！」

「我⋯⋯唔⋯⋯我⋯⋯呀！」梓旻痛得不能說出完整句子

「我發誓亞塵幫我嘅時候冇咁痛。」鹿仔有點慌張

「或者你應該收聲去買啲補充體力嘅飲品俾佢。」亞塵命令道

「收到！」鹿仔就此離開

可能已適應，或已沒力氣再叫，梓旻上身趴在床上，安靜的看著面前的鐘，分鐘移動了一下，「舒緩」癒程終於完結。見梓旻沒有坐起來，詡立即上前幫忙，而澈硯則過於專注梓旻背上的A Mark變化，需詡提醒才懂上前幫忙。

(待續)

舒緩係唔係都係無好到，仍然會變成怪？咁即無冇得醫

係，係冇得醫嘅，舒緩只能夠令件事冇咁失控但如果要變成怪物，都需要長時間/大輸出地使用能力，或者再次失控

推。

落雨趕緊返屋企，會遲up

梓旻無力的躺在床上，縱使已沒有剛才那麼痛，但仍然感到餘痛。完成任務的月文拍拍手，走到床尾道：「搞掂！一個鐘後到主研究集合！」

「一個鐘？我搞唔掂！」梓旻瞪大眼驚訝道

「一個鐘後要見到你！你！同埋你！」月文以警告口吻要求梓旻、詡及澈硯來到指定地點，然後轉身打算離開時，甘先就來到病房

「咦？冇事喇？」甘生看起來非常輕鬆，不知是否他的態度過於輕鬆，令月文更生氣

「有事，好有事，你話點解佢咁失控？」月文明顯有指罵的意思

「嗱！唔關我事，我只有一開始個陣解封咗一次，之後連掂都冇掂過佢啦！」甘生露出一幅無辜的臉，他的話令梓旻感到不解，究竟解封是什麼意思呢？

「我對你嘅小動作嘅容忍度有限，一次一次咁試我底線。」月文看起來極之憤怒

「如果你一早合作就唔會咁！我敢肯定！如果梓旻早幾年入隊，絕對唔使怕呢啲小事！你一早合作，可能而家已經天下太平！」甘生說

「你只係想贏，想證明自己係可以控制所有嘢！『角』係你嘅舞台，先鋒係你嘅棋子。你嘅好勝心遲早會令你後悔！」月文警告說

「我贏咪即係你贏。你搞清楚而家同我係企埋同一陣線，楊枳洛唔守信，我同你合作搞掂佢，皆大歡喜啦！」甘生反駁

「只係去到楊枳洛死，我知你主研究所入面做緊百核研究，如果你要成為第二個李海威，我係唔會放過你！」月文說完便繞過甘生離開

「激嬲佢好咩？」亞塵終於說話

「我忌佢嘅話，咁一世都要就佢聽佢，我唔會咁做！」甘生望向梓旻：「既然見到你冇事，我都返去做嘢！Bye！」

隨著甘生的離開，亞塵也跟著走了。病房內只剩下梓旻三人，回想剛才的對話，梓旻問：「邊個係李海威？」

「係一個有名嘅博士，因為操守有問題，冇人肯資助佢嘅研究，所以佢就私下經某啲途徑得到某啲犯罪組織資助繼續研究。應該就係由『獨』資助。」澈硯回答

「不愧係研究組！係知啲嘢！」詡讚佩

「承讓！承讓！」

「你估我家姐叫我地去主研究所做咩嗱？」梓旻問

「唔知喎！一個鐘之後咪知囉！話說，你唔想知你個A Mark變成點咩？」澈硯提起A Mark令梓旻不禁回想剛才痛苦的過程而震了一震。澈硯拿出手機，示意梓旻向前傾，再拍下他背部的相。相中梓旻的A Mark範圍明顯收細，之前淺啡的部份也消失了，但新增的黑色位置則還在。

(待續)

推。

「所以A Mark大小的而且確係同力量大小有關！」澈硯道

「咁你想唔想失控下？你而家A Mark咁細已經咁勁。」梓旻笑言

「講起A Mark，我哥好似成個背脊都係。」詡插話

「講起你哥，又諗起個夢，然後我諗起你，我終於發夢夢到關於你！」梓旻道

「吓？呀…呀…我…呀…我係……點樣？」詡面有難色的問，澈硯疑惑的看著詡

「我其實見唔到你樣，但唔知點解我要你專注學業囉！」梓旻不能理解情況

「呀，哦！咁……怪嘅？」詡吞吞吐吐的，令澈硯更懷疑。見澈硯一臉懷疑，詡顯得更不自在，道：「我要去做嘢先！一個鐘後見！」

詡匆匆跑走後，澈硯隨即提出疑問：「你點解要叫佢專注學業呢？」

「咁佢始終細過我？」

「你唔係發到鼓鼓爸爸都已經變老，而鼓鼓已經係青年？如果比而家仲老，咁照計詡應該大到唔需要你叫佢專注學業？」

「可能……可能因為係夢？」梓旻想了想，突然想孟蝶的話，再道：「不過……我記得孟蝶話佢同家姐係另一個時空識，唔通因為唔同時空發生嘅事，同我地呢個時空又唔同？」

「咁講唔通，如果係咁，嗰個時空有另一個你？即係嗰個時空啲人嘅歲數同我地呢個時空唔同？咁你家姐究竟係……自己跳咗另一個時空，再返嚟？咁嗰個時空嘅佢呢？」

「我點知唧？好煩！唔傾！」梓旻把被子蓋過頭

「喂！」 澈硯想繼續，但鹿仔回來了，也不再糾纏下去

(待續)

推。

一小時後，他們到主研究所學集合，姐姐又再次把他們帶到上次懲罰壹雄及Lina的房間裏，看見耿肆伍二人躺在床上，他們已經想到究竟發生什麼事了。與上次一樣，月文一手碰肆的身體，然後向梓旻伸出另一手，示意他拖着她的手。梓旻三人互相拖手，眾人又來到肆回憶的世界。

雖然知道窺探別人的過去不是什麼好事，但是始終都有一絲興奮。「究竟為什麼肆會那麼嚴肅呢？究竟這是否他們的本性呢？」這些問題在梓旻的腦海浮現。

畫面來到一個非常骯髒的小型住宅內，狹窄的空間內同時放着一張床舖、一張餐枱、一張椅子、及簡單的廚房用品。內裡唯一的成年女子正坐在椅子上吸煙，把雙腿放在桌上。她的濃妝染粉和低俗的衣着打扮，大概也估到她是哪種職業的人士。

同一時間，在廚房的位置，有一名年約十多歲的女孩子在烹調食物，看來正準備家裏人的午餐。食物準備好後，她把其中一碟放在屋內唯一的餐枱上，而另外的四碟食物則給予坐在地上的四個小孩。把食物分派給家裏各人後，女孩便坐在床上享用她的午餐。

「唔熟呀！養到你咁大都唔識煮嘢！」成年女士生氣地把碟子翻倒，再說：「我返公司食！激氣！想舒舒服服食餐飯都唔得！」

成年女士氣沖沖的離開家門口，女孩看着枱上被翻到的碟子不禁輕嘆，無力的垂下雙膊。四個小孩中較大的二人把盤子放在地下，走到小女孩身旁安慰道：「家姐，我幫你！」

「亞二，亞三，你地最乖！但食埋飯先搞！」女孩摸摸兩個孩子的頭，兩孩子聽完便回去快速吃完飯，再幫忙收拾餐具，然後五小孩打打鬧鬧便過了一天

場景一轉，四個小孩站在門前看著穿著校服正要外出的女孩，較大的孩子問：「家姐，我哋幾時可以去學校？」

姐姐面有難色的道：「大個啲！大個啲就可以去！」

接著，小女孩與四個弟妹相擁後便離開家門了。不久，成年女子打開門，四小孩「媽媽、媽媽」的叫嚷着。女子無視他們的叫聲，到床邊隨手拿出兩件衣服，再幫最小兩個小孩子穿上衣服。

「媽媽，佢哋去幫？」較大的小孩問

「行街！」媽媽冷漠的道

「咁我地呢？」第二大的小孩問

「下次帶你地去！」媽媽說完便拉著最小的兩個孩子離開

直到天色變暗，姐姐回來發現不見了最小的弟妹，便向較大的兩弟妹了解情況。當她知道媽媽把人帶走後，姐姐什麼都沒說，只是跪在地下抱著他們哭了一整夜。

(待續)

推。

推

兩弟妹對於姐姐的反應雖然不解，但他們沒有問究竟，只是盡力安慰姐姐，並比以前更幫姐姐手應付家裡的大小事務。客廳內的環境急速轉變，姐姐放校服的位置轉為工作服，三個孩子急速成長。他們的外貌變得愈來愈面善，梓旻認出較小的兩個孩子是肆伍二人，而他們的姐姐居然是複製人亞盈。

「睇嚟七個人都同『獨』有啲關係！」澈硯在梓旻耳邊道，梓旻點頭回應

時間停到肆伍二人約十多歲的時候，當他們與姐姐及媽媽享用午餐，媽媽一反常態的對他們很好。可是，見姐姐也似乎接受媽媽的好意，他們就沒多懷疑。怎料，愈吃愈累，那異常的疲倦感覺把他們壓在桌上。當他們再醒來的時候，已被綁在車上。

「我地係邊？」肆問，旁邊的男人沒有回答

「我地係邊呀？」伍大聲問，但仍得不到回應

二人對望後，開始亂動亂叫起來，那男人忍不了就大喝：「你地俾人賣咗喇！收聲啦！」

「唔會！家姐唔會賣我地！」肆大叫

「家姐？哦！本來想買佢嘅，但買你地兩個嗰價抵買啲，所以就要你地！頭先都有送你地走。」

「唔會㗎！」二人聽完便大吵大鬧，再亂動手動腳，居然讓他們成功找到時機逃脫。逃脫回家後，他們打開門的一刻，聽到媽媽及姐姐的對話。

「你喊乜鬼？當初一早傾曬仲喊！」聽媽媽的聲音，似乎她相當醉。不一會兒，媽媽的手機響起，她用極為驚訝的語氣問：「咩話？走咗？我唔會還錢，一係……你而家上嚟，仲有得補俾你。」

「咩事？」姐姐以哭腔問

「冇，啲客麻煩咋！你喊完就沖涼瞓啦！聽日仲要返工！」媽媽說完就走近門口，肆伍立即走上上層。不久後，他們從梯間聽到重重的腳步聲，接著就是姐姐的慘叫聲。

「你做咩？」肆拉著想衝出去的伍

「佢地要綁走家姐！」伍道

「但佢出賣我地先！而且佢出去都救唔到佢！」

(待續)

推。

推。

推。

「所以你都係同一時間執佢哋兩個同Lina返嚟？」澈硯問

「可以咁講。」月文回答：「今日去到呢度，你地走得。」

「我以為你地都係另一個時空識嘅添。」梓旻很想查證孟蝶所說的話

「另一時空？」月文問

「孟蝶話你地係另一時空識。」梓旻道，換來了數秒沉默

「哦！係喎！」月文的反應令梓旻高興了一會，但下一秒她的說話令他很不高興：「我今次係搭時光機，由過去返嚟想點醒你唔好咁易信人添！」

聽完後，梓旻氣沖沖的走了出去，澈硯跟著出去：「我覺你家姐講大話。」

「何以見得呢？」

「你係佢細佬你唔知？」

「咁你有冇知過你家姐亞哥係點？」

「喂！唔公平喎！我從來冇同佢哋相處太耐！」

「等等！詡呢？」梓旻說完，轉身便見詡剛跟出來。接著，他小聲道：「我而家都覺得我家姐講大話喇！」

「你估我地問唔問到佢呢位愛徒吖嗱？」澈硯道完，與梓旻相視而笑。二人熱情的搭著詡的肩膀，實際半推及強迫詡來到梓旻的房內，再把他按在椅上。

「講！有咩隱瞞我地！」梓旻右腳踏在詡的左側問

「講呀！講呀！」澈硯左腳踏在詡的右側，高舉手機電筒照著他問

「唔知！唔知呀！」詡拼命搖頭

「佢唔講喎！點算？」澈硯問，不小心把電筒射向梓旻，梓旻立即推走

「酷刑！」梓旻道

「點酷法呀？」澈硯問

「佢一講唔知就麻一麻佢！」梓旻道

「吓！但我真係唔知喎！」詡答完後，澈硯隨即用ap麻痺詡。怎料詡昏去了，梓旻抱怨問：「搞咩？我叫你麻一麻佢！」

「唔小心大力過頭。」澈硯一臉抱歉

「算，我升佢返房先。」梓旻記得自己的ap已強很多，所以用較力道把詡升起，但居然升不起。他嘗試一點一點的加大力度，最後他發現自己的ap似乎變得只是比失控前強一點

「咩事？」

「我諗……我變弱咗……」

(待續)