《覺能之戰》

推。

「你唔係發緊夢！我真係楓！」楓看起來非常興奮和高興

「……我知，我都唔會，亦唔想發夢睇到你！」梓旻說完，楓的嘴微微向下彎，但梓旻沒有理會她，觀察四周嘗試辨出自己身處何方。可是他的四周只有一張床，根本沒法知道自己確實位置，但既然楓在此，他大概在敵人的基地裡的一個監倉裡吧！

「你喺我屋企！」楓就像孩子般介紹

「哦，好！」梓旻平淡的回應

「你唔嚇親咩？喺敵人基地喎！」

「都大概估到。」

「估到咁利害！你好叻呀！」楓的天真態度讓梓旻有點安心

「咁我係你屋企邊個位置呢？」

「監倉！」

「點解我會喺度？」

「孟蝶姨姨想捉詡返嚟，威脅你家姐換峰靈返嚟，但係當佢就嚟捉到嘅時候，你就失控反擊。孟蝶姨姨見你失控，怕你變怪物就打暈你，順便捉你返嚟！」

「嘻！講到佢幫我咁樣，詡呢？有冇一齊帶返嚟？」梓旻冷笑道

「佢真係想幫你㗎！佢份人好好！至於詡，佢覺得捉你已經夠換返個仔，所以就冇捉佢。」

「人好好……咁至少冇捉詡都知佢只係想換人，畢竟你地基地要嘅係詡多過我。等等先……點解你叫孟蝶做姨姨嘅？佢唔係你亞媽咩？靈……乜鬼係你細佬吖嘛！」

「其實應該叫養母之類啱啲！峰靈係我細佬！我帶你周圍參觀下！」楓興奮的打開了監倉的門

「吓？我唔係要一直留喺度俾人敲問，或等到我家姐嚟救我咩？我怕我做反咩？」梓旻不尤得擔心起楓的做法是否有問題，但又覺得自己很傻，為什麼要擔心一個敵人呢？

「唔怕！呢到係最底層，已經被人放棄嘅位置，你就算整爆曬所有嘢都冇問題，而且你想上上面都仲有好多層要你過，你走唔到！而且……而且孟蝶姨姨准我帶你喺度周圍走，佢一陣會帶午餐過嚟！」

說畢，二人便離開房間，他們經過長長的走廊，來到一個滿是巨型圓柱體培育缸的實驗室，沿途沒有碰到一個人。來到培育缸前，機械上佈滿薄薄的塵，看來也有一段時間沒有人用。楓來到其中一個培育缸前，拍一拍滿是塵的玻璃面，笑道：「呢度係我出世嘅地方！」

「咩意思？你同亞傑亞盈一樣係複製人？」梓旻想起之前與他對敵的複製人們，但一想起如果有多個如楓一樣蠢頓的人就不禁偷笑

「唔係，佢地係後一期的計劃，我係前一期嘅基因改造胚胎計劃。」

「你係基因改造人？」

「但爸爸覺得太曬時間，而且失敗率太高，尤其我已經失敗咗，所以就完全放棄咗計劃。」

「所以……你係孟蝶同枳洛嘅基因改造細路？定其他人嘅胚胎定本身個胚胎就係造出嚟？而且失敗咗？佢地究竟想做咩？想要詡做咩？」

「唔係，我……我係月文……即係你家姐同亞常嘅胚胎……」楓的說話把梓旻嚇呆了。首先，他不知道姐姐與亞常原來有這樣的關係，但姐姐一向都有很多事隱瞞他，所以也見怪不怪。其次，他不知他們如何得到姐姐的胚胎，但敵人或許有強大的力量而他不知道。最後，他想到的是楓與他自身的關係。

「拜託！唔好叫我做舅父……」這是梓旻暫時最介意的事，但同時想到一個問題：「但你……同我差唔多大？咁快就咁大？」

(待續)

推。

推。

https://www.instagram.com/p/C5YukyYBBfZ/?igsh=NmRhdGh3bTlyOGEz

IG有一些作者分享或重點，歡迎大家留言俾心！

「我呢……其實係五年前先製造出嚟……」楓的答案讓梓旻恍然大悟，終於明白為什麼楓會那麼笨，亦明白為什麼有一些常人知的事都不知，但又同時讓梓旻有點羞愧，因為他發覺自己一直以來都在欺負和取笑一個年約五歲的孩子

「點解你咁……」梓旻手勢表示楓的身高與他相約

「呢個培育缸可以幫我迅速成長。」楓拍拍身旁的那個培育缸，然後低頭，有點低落的道：「本來我爸想我有好似你姐姐咁利害嘅力量，但係……最後出嚟就只係一個普通冇能力嘅人，其他嘅都一樣，最後佢只有放棄計劃。」

「所以就要你入先鋒隊做間諜？」

「都……唔算，爸爸其實只要有人入隊打探，咩人都得。我……我自薦，我唔想成日俾你話冇用。」

「所以係自願嚟呃我地？」此話一出，楓再次低下頭。這讓梓旻有點罪惡感，他心裡暗暗提醒自己眼前的這人只是一個小孩子，轉移話題：「咁你細佬……峰靈都係？」

「唔係，佢真係孟蝶姨姨同爸爸生，但一樣用培育缸加速成長，孟蝶姨姨有勸過，但佢唔聽。而且佢同我唔同，一出世就有AP，我爸當然支持。點知唔夠強，而家仲要俾人捉咗，我爸嬲到爆。」

「你爸其實都只係當你地係工具，佢究竟想點？」

「我……我唔知……」

實驗室的升降機門突然打開，孟蝶拿著三碟飯進來：「你醒嗱？」

「或者我唔應該醒？」梓旻警剔著

「唔得！你唔可以死！絕對唔死得！你死咗，我個仔就凍過水！」孟蝶邊把食物放在一張大枱上，一邊緊張道。她走到梓旻面前向梓旻伸手，梓旻馬上後退，可是被雜物阻礙。孟蝶摸一摸梓旻的後頸問：「有冇唔舒服？有冇痛？」

「冇……冇……」梓旻想推開孟蝶，孟蝶把梓旻帶到鏡前，他一看鏡，發現後頸出現黑色的紋。他立即把上衣脫下，發現背上的AP已擴散覆蓋整個背部，不禁驚訝問：「點……點解會咁？」

「你為咗保護鈞悅失控，我好難先㩒低你，如果遲一步可能就唔只唔細。」孟蝶解釋

「然後順便帶埋我返嚟？」

「咁我始終要換返我個仔返嚟……唔係捉你，就捉鈞悅啦！嚟！食午餐啦！」孟蝶坐下，楓坐在孟蝶的左手邊，而梓旻就滿是戒備的坐到孟蝶的右手邊

(待續)

整理ig post整到唔記得咗今日係星期六！

推。

要策反楓？劇情走向似乎楓會加入梓旻或者為佢而死。

推。

梓旻沒有猶豫的吃下午餐，看著他狼吞虎嚥的樣子，孟蝶不禁流下眼淚：「我好掛住峰靈！」

「姨姨，唔好喊啦！」楓也淚汪汪

「或者你加入先鋒隊就唔會有事啦！」梓旻提議

「唔得㗎！枳洛唔肯返去！」孟蝶道

「佢都對你兩母子唔好！」梓旻嘗試說服

「唔得，佢……佢始於係我老公！係我個仔個爸爸！」孟蝶搖頭：「我嫁得佢就支持佢！做仔女都要孝順佢！唔可以背叛佢！」

「就算佢要你個仔死？」梓旻反問

「唔會！唔會！佢係個仔爸爸，唔會要佢死！」孟蝶尖叫般道

「楓，你都咁諗？」梓旻轉移問楓，楓不知所措

「唔得，楓！你唔可以背叛爸爸！我地對你好似女一樣，將你同峰靈湊大，你唔可以咁對我地！你唔可以掉低我地！你唔可以掉低我！」孟蝶拉著楓，楓望望二人，看來十分難堪

「算！講唔通！」梓旻嘆氣道：「究竟你同我家姐點識？」

「我地？我地本身係另一個時空已經係同伴，一齊合作。佢同亞常教我用力量。」孟蝶回

「另一個時空？」梓旻問

「佢冇同你講？奇怪？佢之前……」孟蝶半自言自語的

「講咩？」梓旻不耐煩

「唔講得，我好清楚如果我亂講嘢，佢一定嬲！」孟蝶拒絕

「又唔講得！你唔使旨意個仔而家過得好，因為總部冇人知點搵到你地，你地唔主動聯絡，愈遲搵佢，我家姐愈擔心，一定會拷問你個仔。」梓旻大聲道

「唔會，因為……」孟蝶話說到一半，忽然靜了下來，就像機械人失去電力般

「咩事？」梓旻問楓

「唔知。」楓搖搖頭

二人一直等待，約一小時後，孟蝶終於回神。她醒來第一句話是：「嚟！梓旻！我地走喇！」

(待續)

推。

跟隨孟蝶進入升降機，由b11上到b7樓層，打開門看見的是一群研究人員，他們衣著幾乎都一模一樣，也是實驗袍、眼罩、口罩及頭套。驚人的是，當他們脫下眼罩時，他們的臉可以分成女與男兩張臉，梓旻頓時明白他們也是複製人。

穿過人群來到最內面的一間房，裡面有兩個男人及一個小女孩，一名中年男性躺在睡床上插著鼻喉，看起來虛弱得很，他撫摸著病床邊小女孩的頭。站在床尾有一位老男人在翻閱文件，他聽到梓旻走近，便轉身望向梓旻，托托眼鏡道：「就係佢？」

「唔係，佢只係細佬！」孟蝶回答，她看見躺在床上那男子的被鋪亂了，立即上前整理

「冇研究價值！你捉佢返嚟做咩？」老男人不客氣的道

「我要，我要換我個仔返嚟。」孟蝶緊咽道

「你個仔重要啲定我地目標重要啲呀？諗嘢長遠啲好唔好？」老男人指責她，她仍忍氣吞聲。此時，小女孩不知有意無意的踩孟蝶一腳，孟蝶狠狠的瞪她，但不發一言

「妹妹夢夢係爸爸用其他人嘅基因同自己嘅基因製造嘅，好似係爸爸鍾意嘅女人嘅基因嚟。所以姨姨唔鍾意佢。」楓在梓旻旁耳語，看到孟蝶的態度，梓旻估計躺在病床的男人正是楊枳洛

「唔好嘈，佢都有啲用嘅，始終月文唔會俾佢受傷，一定受制於我地。」楊枳洛用沙啞的聲線道，頭輕輕移動，望向梓旻道：「亞旻呀！你行近啲，俾我望真下你啦！放心，我同月文用AP受過誓唔傷害佢屋企人，我咁嘅狀態都承受唔到破壞承諾嘅後果。過嚟啦！」

梓旻萬分不願的走近，楊枳洛睜大眼掃視他的臉，然後說：「真係同你家姐好唔似樣……黑人憎好多，幼稚嘅思想，無謂嘅正義感。」

「利害，你一定睇開相，望兩眼就知得我咁清楚。唔講以為我地識咗好耐！」梓旻不滿道

「我識你，我好清楚你係點嘅人。」楊枳洛的說話令梓旻一頭霧水，不禁自問自己是否忘記了這人

「點解……」梓旻打算問問題的時候，被楊枳洛打斷

「我係乜都唔會同你講，我好清楚，想知但冇人話你聽係最痛苦！」楊枳洛笑道，氣得梓旻面容扭曲的。楊枳洛見狀，笑得更開心：「我就係想睇你呢個樣！我就係想睇你呢個樣！哈哈哈！」

「李！我件武器準備好未？」一個比夢夢大一點的女孩走進來，儘管她比夢夢大，但看起來仍是一個六、七歲的小朋友

「就完成，你等多陣啦！」老男人不耐煩的道

「等等等！你死咗個日都唔知有冇！」女孩上下打量梓旻：「呢件衫……你就係我家姐嘅手下？」

「你家姐係邊位？」梓旻問

「滿！成日扮曬小朋友駁人同情個隻嘢！」眼前的女孩居然是亞滿的妹妹，看真一點，她與亞滿極相似，唯一不同的是她明確沒患有白化症

「你講嘢咁嘅？你地不老人都做埋？」梓旻覺得複製人及基因改造人也有，不老人存在也不奇怪

「佢叫半，係基因改造……」楓小聲道

「又我家姐？」梓旻大聲問

「係我個女同一個我唔記得咩名嘅人生。係一個偉大發明，如果唔係佢有性格缺陷！」李在旁道。

「即係佢係你個孫？」梓旻問

「係我嘅實驗品所生嘅實驗品。」李回答

「答唔到自己個孫，連個女成日搞事……」孟蝶在旁楠楠自語

「我同你地啲人類唔同，生我嗰個人不過係一件容器！唔好用你地啲人類關係控制我！就算我見返生我嗰女人都咁話！」半道

「亞半出世到而家冇見過自己媽媽，得姨姨佢地知佢媽媽係邊個。」楓小聲說

「好喇！你個失敗品好收聲喇！」半指著楓道

(待續)

推。

被半一罵，楓便怕得躲在梓旻身後，但楓這樣的動作似乎火上加油。半指著楓，接著舉高指向楓的手，楓便飛上天花板。半向天花板打圈，楓即在天上旋轉。梓旻立即一手向楓，一手向半，打算把半壓低的同時，防止楓掉下來。

可是，半只有被突襲那一下受到影響，下秒隨即輕鬆地站起來，並對梓旻大叫：「跪低！」

梓旻不受控的跪下來，而楓則狠狠地從高空掉到地上慘叫起來。看來半非常純熟使用AP，叫李的男人在旁冷笑一下，道：「你地呢啲劣化嘅版本，點同正版鬥？」

「廢物！而家殺咗你！」半向梓旻舉起手時，楊枳洛忽然大叫阻止

「停！佢仲有用，我地要壓制月文，而唔係咁快同佢結怨！」

「我可以殺死埋嗰個人！」半反駁

「根據各種數據，你而家都唔知有冇月文三分二，你應該要等吞噬埋你家姐先，咁你就無敵！」李托托眼鏡道

「包括殺埋你？」半笑問

「你一世都唔使諗，你係我製造，出世之前已經SET好曬唔殺得我！」李展露勝利的笑容，半不忿氣的跑了出去，而本來在病床邊的夢夢也跟了出去。接著，李望望躺在地上的楓，拿出掛在腰間的對講機，放到面前道：「搵人過嚟拖走件失敗品，再將客人帶去『貴賓室』等抽血做人體實驗。」

不到數秒，兩個穿白袍的複製人進來，一個拉著楓的兩手把她拖出走，一個把梓旻扣上手扣帶出去。梓旻被扣上手扣後全身發軟，似乎是封鎖他AP的物品，迫著跟著穿白袍的複製人離開實驗室，來到b3樓層，經過一些正在做實驗的房間。雖然他看不到房內發生什麼事，但仍隱約聽到一些慘叫聲傳出。

到了他專屬的『貴賓室』後，他被壓在椅上，手腳被鎖上。完成任務後，穿白袍的人就此離開了『貴賓室』。還未等梓旻熟習環境，又一個穿白袍的人走進來解開他手腳上的束縛。

「又鎖又解，你想點？」梓旻問

「收聲！唔想被虐待就跟我走！」這人怒氣沖沖的道，雙目也充滿怒意。而令梓旻最關注的是，他聽得出她是一名女性，而她的雙眼睛與剛才任何一個穿白袍的複製人不同，一看就知她不屬於這裡

儘管梓旻不清楚她是何許人士，但既然有逃離的機會就聽從她的命令。這人把手扣放在梓旻的手腕上扮作把他扣起，再以不讓人猜疑的步姿及步速把他帶到升降機。當他們進入升降機時，她從口袋淘出一隻看似「冇牙仔」的黑色小怪物道：「一陣直行大概一百米就有道門出去，出到去我就會用呢隻嘢叫人帶走我地，必須要出到出面平地先叫到人幫手。」

梓旻點頭示意明白。升降機門一打開，他們以略快的步速走向大門。直至走到五十米左右，忽然十數人把他們包圍。

「早注意到你嚟！我嘅乖女！」李的聲音從擴音機傳來

未等梓旻驚訝完，那女的已從黑色小怪物的口中拿出兩把機關槍向人群掃射，大叫：「走！」

當他們愈來愈接近大門時，機關槍的子彈用完，女的立即拿出斧頭，大範圍斬了一下，數個想撲上來的人被一分為二。接著，她再從黑色小怪物口中抽出鎚子遞向梓旻：「用盡力打爆道門！」

接過鎚子，梓旻用盡力打了三下大門，大門只是穿了一個手般大的洞。女的把梓旻推開，把幾個黑色物體塞進洞口，再迅速把梓旻拉到牆邊，讓梓旻面對大門，自己躲在梓旻身後道：「AP護體！」

梓旻沒有理會情況，用盡全力AP護體。大門不消數秒爆開，碎片散落，女子拉著梓旻穿過灰塵的同時拋出不知何時拿出的手榴彈。二人踏出門外的一刻，黑色小怪物瞬間膨脹把二人吞下。

「認真？普通散彈槍同手榴彈？」梓旻來到一個客廳

「改造過㗎！白痴！」女的脫下頭套

「咁易入侵？」梓旻凝望著那的臉，想看清她是誰

「易？我準備咗幾耐！搵咗幾耐！為咗救你！曬晒！佢地每俾人發現一次就會重新定位入口！本來我可以活用機會！但因為你！因為戴月文威脅我！」當女的脫下眼罩及口罩，梓旻便認出她是那日工廠大廈把女複製人殺死的李灝愛

(待續)

推。

推。

忽然，一個小男孩從旁邊的門走出來，李灝愛立即展露笑容，孩子馬上跑上前抱著李灝愛。李灝愛緊抱小孩溫柔道：「媽媽返嚟喇！」

另一邊大門突然打開，月文跑進來，立即檢查梓旻有沒有受傷。李灝愛不爽的道：「家人重聚就走啦！曬咗咁寶貴嘅機會，下次唔知要等幾多年！」

「你放心，唔會要太耐……」月文突然靜下來，滿臉疑惑的看著李灝愛身旁的孩子，問：「嗰個係咩嚟？」

「我個仔，關你咩事？」李灝愛立即把孩子藏到身後，梓旻此時才看真孩子的外表，令他無法移開視線的是孩子頸上的疤痕，與夢中他看見的李灝愛頸上的疤痕一樣

「你個仔？冇可能，你應該得兩個女？雙胞胎」月文問

「關你咩事？」李灝愛把探頭偷看的孩子藏得更緊

「你有一個女受我保護，你講定唔講我聽？」月文以威脅口吻

「你唔好郁啲就搵我個女嚟威脅我！」李灝愛生氣但又有點怯

「我保護佢嘅前提係建基於你肯合作！」月文步步迫近，而李灝愛明顯受壓

「我有嘅係三胞胎，本身件老嘢只想留女，係你嘅突襲令我救到佢，但就傷到喉嚨啞咗。又比個老嘢搶走咗我其中一個女……」李灝愛蹲下來，撫摸著孩子頸上的疤痕：「乖，我地好快可以救埋另一個家姐，一家團聚。」

聽到李灝愛的話，梓旻突然頭一暈，又開始「記」起那些不屬於他的回憶。回憶中，四周的人慌忙亂走，穿著制服的梓旻在人群中追尋不久前在工廠大廈發現的目標女性。好不容易追上她，發現她正把浩政推到地上，浩政看起來非常驚訝，他即使明顯清醒及有能力推開灝愛，似乎也不打算反擊。就在此時，灝愛聽到背後有聲，轉身一刻，長劍刺穿灝愛身體，而她身下的浩政也被刺穿頭部。細看拿著長劍的人就是半，被刺中的灝愛伸手想摸半的臉，但未摸得到，半便拔劍而去。

「佢有冇能力？」月文小心翼翼的問，梓旻意識又回到現實

「可以用怪物做門通向唔同地方或者收堆唔同嘢。」李灝愛摸著孩子的頭

「我一直以為係你嘅力量……總之，唔好俾其他人發現佢嘅存在，就算係『角』都唔好。等所以嘢搞掂，你先認返個女，佢先認返家姐啦！送我地走！」月文說

(待續)

推。

停更一日

推。

推

李灝愛滿臉不爽的跪在孩子前，從口袋拿出小黑色怪物，溫柔道：「幫媽媽送佢地走。」

孩子點點頭，摸摸小黑色怪物，小怪物忽然張大口，把月文及梓旻吞下。二人瞬間移動他們家的附近，月文道：「我已經同媽咪講咗我地會返嚟食晚飯同過夜。」

「總部呢？」梓旻問

「已經通知咗，反正你地唔見咗幾日。」

「我唔明，李灝愛一個人就可以衝入去，嗰邊嘅防衛咁差，我地唔係應該好容易就……」

「你就易！我同某人做咗項交易先放你走。」

「李灝愛？」

「唔係，仲有個人，你唔使識！」

「你交換咗咩？」

「唔講你知。」月文嘴角微微向上翹

「點解你唔叫嗰個人幫到底？」

「因為佢唔想。」二人終走到家門前，月文道：「返屋企唔好講公司嘢！」


第四十一章 解‧封

翌日，二人回到總部，月文到會議室找甘生三人。梓旻則回辦公室去，發現自己的武器已在他的桌上，澈硯及詡知道他回來便立即到場了解情況，詡也說明當日的情景。當詡差點被拉走，梓旻激動大叫，用盡全力把鎚子向地擊下去後，地上穿了一個大洞。詡趁機離開，可梓旻發瘋的無差別攻擊，其中使用大量的AP令人難以接近。當時Mark等人已到場，但都無法控制情況。在極混亂的狀態下，孟蝶把所有怪物集中壓下他，再走近摸摸梓旻便昏去。接著，孟蝶一轉眼就把梓旻帶走了。

「我唔知係咪太用力。」梓旻把上衣拉起，露出背部的A Mark：「A Mark擴大咗！」

「吓？你冇事吖嘛？」詡緊張問

「嘩！咁你力量會唔會大咗？」澈硯興奮問

「冇事，唔知，要試下！」梓旻答

「咁不如而家試下佢！」澈硯指指門口

「咁邊個當值？」梓旻問

「一陣鄭子謙返嚟，見冇人當值就迫住要做㗎啦！」澈硯道

「你真係衰！我知肆伍而家係訓練場！去去去！」詡興奮道

三人來到訓練室，見肆伍在自主訓練，他們便主動提出加入。肆對於他們那麼主動感到好奇：「點解突然咁積極？」

「因為我A Mark擴大咗，想睇下會唔會失控之後會勁好多！」梓旻道

肆伍若有所思的，提出要求：「一對二，我地兩個打你一個。」

「唔公平喎！」澈硯不接受提議

「咁唔打喇！」伍搖頭

「唔緊要啦！都係試下唧！」梓旻說完，三人便拿起武器就位

(待續)

推。

再推。