《覺能之戰》

推。

推。

梓旻為自己變弱了耿耿於懷，連續三天無心工作，雖然也只是坐在辦公室等電話 （被高級隊長要求暫停一個月的搜救工作）。本來自卑的他因被暫時停止出外搜救而感到無能，他每天的生活只剩下辦公室、技能訓練場及宿舍三個地方。

由於他的意志高於消沉，詡安慰數次也放棄了，而且對於可出動搜救的他再怎麼說也像在說風涼話。另一方面，自從看到肆伍的過去後，澈硯一直失蹤，似乎每天也早早的回主研究所去，梓旻甚至懷疑他從來沒有回過宿舍。

就像好似他再次到訓練場訓練的時候，甘生忽然到來技能訓練場，並聲稱自己是經過的，但梓旻並不相信他的說法，因為他根本沒有任何原因需要經過技能訓練場。同時，甘生的反應也不太受梓旻歡迎，可能是因為梓旻多次發現他並不是一個友善的人，二來他的表情及反應也似乎在恥笑他的努力。

「訓練呀？」

「係。」梓旻很想諷刺他，但始終他也是上司及老闆

「辛唔辛苦啊？」

「唔太。」

「你家姐封印咗你嘅AP，而家要重新再練過。」

「又未去到重新嘅。」梓旻冷冷的回答

「但都已經冇近時咁強。」

梓旻開始警剔甘生，他似乎在盤算什麼，這讓梓旻很不自在。

「唔緊要，時間有的是。」

「係？」甘生質疑，這態度令梓旻感不安

「係。」

「咁如果趕唔切點算？」

「⋯⋯趕咩？」梓旻猶豫應否回答

「突然再突襲嘅話，今次會比上次更加難對付。咁⋯⋯詡同澈硯就危險。」

「佢哋識保護自己。」雖然梓旻這樣回答，但他心裡都怕會趕不上發展

「好難講，敵方可能會集中攻擊佢地，尤其詡！」

「佢搞得掂。」雖然梓旻這樣回答，但他心裡都怕會發生這樣的事

「明明有更強嘅AP，可惜！」

「唔可惜。」雖然梓旻這樣回答，但他心裡其實都覺得非常可惜

「唔可惜？明明本身有，而家冇咗喎！」

「都冇咗啦！提嚟做乜？」梓旻不耐煩

「我可以幫你攞返。」

梓旻兩眼發亮，但立即回報理智：「會死人，我唔想變怪物。」

「你見我地高級隊長有變咩？」

這讓梓旻猶豫起來，如果不會死也不會變成怪物的話，為什麼他還不答應回復AP？

「只係需要拍一拍你背脊就可以。」見梓旻猶豫，甘生繼續說

這讓梓旻更猶豫，只是拍一拍就能夠回復過去的強大，何樂而不為呢？

二人靜默數秒後，梓旻最終決定要回力量，但當他開口回答時，澈硯突然衝進來：「終於搵到你！咦？甘生點解係度？」

「路過。」甘生笑笑回應，再望向梓旻：「我地下次再傾！」

待甘生離開後，梓旻向澈硯解釋情況：「好彩你嚟到，我差啲俾佢氹到攞返AP，但又真係唔明。明明有強AP，唔會死又唔會變怪物，點解要封印我？」

「你應該掉轉嚟問，如果唔會死又唔會變怪物，你家姐緊張啲乜嘢？亞豪又點會死呀？你俾人洗腦喇！傻仔！」

「至叻係你！你搵我做乜？」

「大發現！跟我返房！」

（待續）

推。

真相篇第四十二章: 神秘的屍體 (一)

澈硯的房間一如既往的亂，而這次比上一次進來更亂更擠逼，主要是房內出現數部奇怪的機器。梓旻理所當然的坐在澈硯的床上，因這已是這房內除了唯一一張椅子外可以讓他坐下的地方，問：「點？咩大發現？」

「你家姐咪話甘生佢地做緊研究嘅！我查喇！居然用咗三日時間，真係麻煩！」

「正常嚟講，三年都唔應該查到⋯⋯」

「佢地冇預計到有我呢啲咁聰明嘅員工！我試圖hack入去，不停俾人封！最後我出絕招！」

「我唔想知！」

「我攞到高級研究員嘅職員證！」

「偷嘢⋯⋯唔出奇。」

「唔係偷！」

「即係搶啦！」

「唔係搶！係借！」

「呃細路咩！借俾你有咩著數呀？」

「我說服佢。」

「冇可⋯⋯你洗人腦？你知唔知咩係隊規？」

「用嚟挑戰！」

「佢地係計少咗有咁反社會嘅員工。」

「是旦啦！講返正題，我發現佢地研究緊之前隻巨型百核！」

「唔係消失咗咩？」

「明顯冇事啦！如果將核攞出嚟，等身體化灰後，再係身體再形成之前就破壞核，咁就可以完全消失。但而家Lina係喺係身體形成後，破壞核，就會好似亞豪咁留低屍體。」

「所以而家個百核已經變反人樣！咁佢咩樣㗎？」

「好問題！唔知！」

「我受夠你！你係咪想死？」

「我上次係差少少入到去，但⋯⋯總之要多少少時間！不過我發現嘅係，個隻百核嘅AP基因居然同你嘅AP基因一致，換言之，佢生前同你一樣AP！」

「咁⋯⋯咁代表咩？」

「唉，我都知要你用腦諗嘢係難啲！」聽完澈硯的揶揄，梓旻心情極其不爽。澈硯嘆口氣繼續說：「你諗下！除咗你家姐同佢班人，同埋你，仲有邊個同你同A mark?」

「你⋯⋯懷疑個隻百核本來係我家姐嘅人？」

「亦可能佢喺度製造緊百核！」

「點解要咁做？」

「點解佢要收七個徒弟？」

(待續)

七個徒弟都係工具人，製造百核

推。

推。

再推。

百核工場

謝謝幫推

「我⋯⋯我唔知。」

「或者係七個徒弟其實都係用嚟製造百核都唔奇，佢地為你家姐死都唔介意。失敗咗就搵人殺咗佢，一了百了。」

「呢啲都係你嘅推測，唔好講到真係發生咁！」

「最好係！只要下次我入去睇到啲屍體就知道發生咩事，大概！」

「預埋我！」

「好！就預埋你。等到時機成熟，我叫你！」

「話時話，你邊得嚟咁多部呢啲咩機？」

「（澈硯指著電腦螢幕旁的機器）呢部係防駭客，（指向窗前的機器）兩部做生物分析同實驗用嘅。全部係月記士多買。」

「樓下個間？可以放呢啲嘢係房㗎咩？佢點搬上嚟？」

「冇問過，你想要咩同佢講聲，佢就有佢嘅方法搬上嚟啦！老闆娘好好人！」

「你估買唔買到我家姐啲情報吖嗱！」

「咁⋯⋯應該難啲？」

「你真係覺得有可能㗎？咁都買到唔使你查啦！」

「咁又係⋯⋯」

「我返房，開始行動就搵我啦！」

此次對話後，梓旻約一星期沒見澈硯，甚至詡也沒什麼機會見，主要原因是「獨」的行動似乎升級了。最終，梓旻停職不夠一個月就被迫出動，而這次他被安排至救援隊。

這次的任務主要是在楓葉郊野公園附近，由於不屬於觀賞楓葉的日子，公園幾乎沒有人，只得寥寥可數的行山客。救援隊只需救出行山客就可以，任務難度在於未知怪物數量及尋找躲藏起來的行山客。因為遇上怪物的人們都被教育要躲在暗處等待搜救，而未確認安全前，大多數人也不會大聲求救或走出來。

這次帶隊的是亞塵，他把梓旻分到與樺及子謙一組，再壹雄作小隊長。對於此分組，壹雄明言有壓力：「大佬……一個梓旻就已經夠大壓力，加埋亞塵個女，再嚟個敵人實驗品，呢隊咩事？」

公園附近山路算多，他們在亞塵安排的區域搜索，偶爾找到一兩個行山客。在找到第二個行山客後，他們終走到有怪物痕跡的地方，出動任務經驗尚淺的子謙對此有點緊張：「呢度可能有……怪……怪物？」

梓旻也不以為意：「係，但冇問題嘅，我地應付到。」

樺提醒：「唔好輕敵！似乎唔止得一兩隻。」

梓旻環看四周：「睇痕跡可能係有好多隻百核分身。」

子謙更緊張道：「你地有冇打過好多隻百核分身？」

梓旻及樺異口同聲答：「有。」

子謙鬆一口氣：「咁冇咁驚！」

此時，壹雄查看完痕跡後，笑言：「好多隻百核分身有打過唧！好多隻紅核有冇打過？」

說完，壹雄把眾人升起，映入眼簾的是好比半個足球場大的位置裡滿是怪物。樺默默以耳機聯絡亞塵，告知情況。

(待續)

推。

四人降到一棵較高的樹上，遠觀紅核的情況。

「咁我地點算？」梓旻問

「緊係等攻擊隊啦！」樺道

「係囉！係囉！」子謙明顯是膽小想離開

「或者⋯⋯攻入去？一定好好玩！」壹雄大笑

「癡線！」三人同時道

「我勸你唔好！好危險㗎！」突然傳來陌生人的聲音，眾人望向聲音來源，在樹的頂端有一個從未見過的女生，看上去與樺的年齡相若，酒紅色長髮白膚本已吸引人眼球，加上佢露肚臍的小背心和超短褲露出長長美腿，令人難以移開視線。另外，還有她美腿上的A Mark更令他無法不注目。眼見梓旻死盯着她的腿，她笑言：「係咪好靚呢？」

「你係「獨」嘅人？我第一次見到A Mark係腳上面嘅女人。」梓旻充滿敵意的問

「算⋯⋯係？睇情況。我會話我係同男朋友冷戰緊嘅小女人，如果我男朋友肯氹返我，咁我就唔會幫「獨」做嘢！」美腿女回應

「同男朋友拗交拗到做罪犯，都幾奇特喎！」壹雄道

「佢唔要我，我就要打佢對台！睇佢知唔知驚！」美腿女道

「咁可唔可以話我聽邊個男人咁唔識貨要拋棄你呢？」壹雄問

「見你咁想知⋯⋯就講你聽啦！我男朋友叫葉天宏，即係亞塵！」美腿女說完，眾人下意識望向樺，樺輕輕搖頭。見其他人望向樺，美腿女立即興奮道：「唔通⋯⋯你就係我未來乖女？」

見她那麼興奮，樺的頭搖得更狠。美腿女雙手放到樺的腋下，就如舉起小嬰兒般舉起她，再道：「嚟嚟嚟！俾媽咪睇真啲你！」

見樺已經怕的全身在震，梓旻立即飛上去，想把樺拉下來。美腿女本身想用AP攻擊梓旻，但突然暈一暈站不穩，再站穩時她雙目凝視梓旻，再恍然大悟的道：「你就係戴梓旻！月文細佬！唔怪之得攻擊唔到你啦！好彩你俾人捉咗，我今日先有機會見到亞塵。」

「唔可以攻擊師傅親屬，即係你都係師傅、亞常同甘生啲舊同伴？」壹雄開始提高警覺，明顯沒有剛才那般放鬆

「師傅？哦！個七個徒弟仔，個個都係孤兒仔，真係可憐！」美腿女用冷漠的聲線道，很快便轉回樺身上：「我未正式自我介紹！我叫詹凱欣，你可以叫我媽……唔好咁快，叫我亞卯或者卯姐姐，係你爸嘅女朋友！」

「唔⋯⋯唔好意思，我⋯⋯我未聽我爸提⋯⋯提起過。」樺有點不好意思的道

「唉，佢話同我分手，因為佢唔想自己女朋友同自己個女差唔多大，你介唔介意自己後母同自己一樣大？」亞卯滿心期待的看著樺，樺望望梓旻等人

「呀呀呀……性……性格重要啲？例例例如……會……會對我啲朋友好好？」樺不想亞卯攻擊梓旻他們

「好好好，不過……佢地都要乖乖地先得，如果唔係，我好難交差。」亞卯指向紅核群，紅核的動向變得奇怪，牠們開始互相撕殺

(待續)

推。

自推

輕推

推

此時，樺的通訊器突然響起，她看一看手錶，然後望着其他人及阿卯說：「係我阿爸……」

「係亞塵 ？快啲聽！快啲聽！」亞卯興奮地說。

「喂⋯⋯爸，係⋯⋯係⋯⋯我哋望⋯⋯望住啲紅核，好似⋯⋯好似互相⋯⋯互相撕殺緊。」樺不禁口震，不時望向亞卯，亞卯不斷指着自己，似乎希望她向亞塵提及自己。為滿足亞卯，樺跟亞塵說：「我哋唔太方便行動，因為⋯⋯因為⋯⋯亞卯喺我地身邊，佢話你識佢⋯⋯仲話⋯⋯仲話佢係你女朋友。」

亞卯雙眼發光的等待樺的回應，可是得到的是亞塵無情的終止通話。

「佢⋯⋯佢收咗線。」樺說完，亞卯一臉失望的

「點解會咁？點解？」亞卯激動的搭著樺兩邊肩膀，搖晃着她。忽然，一棵高約五米的樹飛過來，準確及狠狠地擊在亞卯身上，連人帶樹飛走了。接著，亞塵出現在他們面前，並緊張的問樺：「希冇事？佢有冇掂到你？」

「冇⋯⋯冇，佢其實都對我幾⋯⋯幾nice嘅⋯」樺被那棵突如其來的樹嚇到

「亞塵！你點可以咁對我？我係你女朋友！」亞卯很快就飛回來，亞塵立即把樺護在身後

「你⋯⋯」亞塵望望身後的樺，似乎相當不願意的道：「你已經唔係我女朋友好耐喇！」

「我地⋯⋯我地只係分開一下，都未分手！而且⋯⋯而且你個女都唔介意後母差唔多歲數！佢話只要性格好就得！」亞卯緊張的說

「我⋯⋯你⋯⋯就算佢唔介意，我都介意！放手啦！」亞塵看起來有點難堪

「我唔要！我唔要！明明我地之前關係咁好，明明我地差啲結婚，點解要咁絕情？只係⋯⋯只係多咗個女！」亞卯開始哭起來，亞塵面色更難看

「欣⋯⋯亞卯，你返嚟「角」，亞甘同亞常都好想你返嚟！」亞塵的語氣放軟

「你呢？」亞卯眼神中充滿哀求

「當然都想啦⋯⋯」亞塵的語調更溫柔

「但唔係以男女朋友身份？」亞卯的問題讓亞塵鎖緊眉頭，答案不言而喻。有見及此，她拭乾眼淚：「我唔會分手，你肯接受返我做女朋友之前都唔會加入「角」！」

「咁我就只好同你開打！」亞塵說完，把身後的樺輕輕推開，眾人也識趣的離場

(待續)

推。

未等梓旻等人完全退避，亞卯便率先向亞塵踢過去，亞塵左手前臂擋下攻擊。雖然他本人絲毫無損，但餘波把亞塵右邊半公里的樹頂都折斷了。

面不改色的亞塵反手抓住亞卯的右小腿，亞卯立即用左腳撐向亞塵以收回右腳，再飛向遠一點距離，但已可看到被亞塵抓住的位置明顯有皮膚潰爛滲血的情況，可這傷勢不消幾秒已治癒。

亞塵沒有放過任何機會，手一舉，亞卯身下的樹都急速上升。本以為他是升起樹木，原來是把樹急速成長變高。樹群把亞卯包圍，但她很快就打破樹木，並大叫：「我先唔會俾你啲攻擊傷到！冇人比我更加熟你嘅攻擊方式！」

「我都係！」亞塵把打碎的樹木壓得更碎，變成枝狀向亞卯插過去。她用AP建防禦罩，再一下用力把樹枝迫走，但是她的手腳仍被擊傷且流出血來，原來亞塵把小銀球混在樹枝當中，再說：「居然叫一向防守弱嘅你嚟做咁大嘅防護罩保護群紅核，用咁多力維持個防護罩，根本唔會打得過我。點解要用咁多力保護啲紅核？枳洛究竟諗咩？」

「雖然我唔清楚點做，但佢⋯⋯已經掌握到角獸嘅方法！我絕對要幫佢完成任務！」亞卯近乎大叫的道

「我就係最憎你咁無知，都仲要咁衝動！」亞塵怒道

「你⋯⋯」亞卯想反駁，但亞塵沒有等待

「你地！用盡力打碎個防護罩，仲有你聯絡你師傅！」亞塵指示完，便立即轉身擋下亞卯的攻擊

梓旻四人隨便找了一個位置降下，遇上幾位全身傷痕的幾位隊員，當中包括盲妹及亞宏，他們都在攻擊防護罩。梓旻等人當然也沒有浪費時間，著地後立即展開攻擊。

「我家姐點？」梓旻問壹雄

「佢話趕緊嚟。」壹雄傷害手掌向防護網那邊發出了巨大的AP能量波，防護網明顯脆弱了

(待續)

推。

推。

如果接受佢，係唔係可以唔駛打，解決晒問題。

冇錯，但亞塵唔接受