《覺能之戰》

多謝支持

多謝支持

到了交醫療功課的這天，眾人都努力展出成果。當中詡、楓、樺及一眾Ear Mark的同學都可以在十分鐘內完成，其他大部份人都用了至少二十至三十分鐘才完成，梓旻屬於大部份人那一班人。他小心翼翼的完成了整個過程，慶幸沒有出現大錯，亞塵在旁觀察整個過程，最後只了句「pass」就完了。那日開始，亞塵再沒有說什麼難聽的話，甚至沒有跟梓旻說話。

「唔通因為亞詡？」梓旻想，但無從得知答案

「你做咩呀？」一名女同學突然大叫。原來是楓突然拿起蘆薈舔起來，女生大叫後，她仍然伸著舌動說：「我想試下會唔會修補得快一點。」

亞塵說了幾句為醫療課收尾：「理論上係得，但其實口水多少同治療效果無關，重點係口水入面嘅AP濃度。你咁舔法，雖然可以治療傷者嘅身體傷口，但增加咗傷者嘅心理陰影。就算同意俾你舔，你接受到成口血呀泥呀個啲咩？」楓立即搖頭，當楓走回來的時間，詡和梓旻也輕輕的退後兩步，不太想讓人知道她是同伙的

交完醫療功課，就到力量課。他們被帶到附近一座黃色建築物 – 柏德斯加訓練場，訓練場外有一個樓層介紹牌子，放在相當顯眼的位置，眾人圍著牌子看。

12 室外游泳池
11指揮中心
10 指揮中心
09 公共休息室 通往 甘氏
08技能訓練室
07技能訓練室
06技能訓練室
05技能訓練室
04對戰室
03室內遊池
02 健身室
01 運動館（長256米*闊100米，尚未計算觀眾席)
0G 虛擬訓練場 （長256米*闊100米)

地面出入口及一條長長的扶手電梯，梓旻一眾人用扶手電梯上到一樓運動場，有趣的是虛擬訓練場及那條扶手電梯的高度目測是甘氏大廈的五層樓高，而且運動館及以上的樓層比虛擬訓練場四邊的長及闊也大一些。這令梓旻有點好奇為何要這樣設計。

上到運動館的樓層，先看到左右是更衣室及廁所，再直行進入運動館後，往上看，可以見到更衣室及觀眾席的上方的樓層就像倒轉的梯形般，最高那層蓋了三分一的天空，另外三分二是普通的黑色天花板。除了更衣室及觀眾席那一邊，運動館其他三邊都是觀眾席，每層也有觀眾席。亞塵開始介紹及說明：「大家望呢個場，唔計觀眾席，長256米，闊100米。由闊邊望過去，由近至遠分為ABCD四區，每區長100米，闊64米。我哋而家企喺A區。「角」生物科技公司為咗令大家有更好更真實嘅訓練場地，特別設計咗呢個場，未來大家大把機嚟呢度。大家都可以用AP強化身體，尤其以Arm Mark嘅人可以比其他人進一步強化手，但過度強化會導致肌肉撕裂，所以首先需要煅煉身體。聽日開始連續五日我地都會係呢度做訓練，上午九至十二點就上一樓做負重訓練，下午一至七點就係呢層練跑。二樓會準備午餐，午餐係十二點至下午一點。除午餐外，唔容許任何嘅休息，如果你地敏感度高，會發現呢座建築物會長期濕度有啲高，因為所有地方都會定期噴出治療霧氣。好消息係呢啲特制治療液唔係用口水制成，壞消息係你地因為不斷治療嘅關係，你地身體肌肉會增長得好快，唔會傷唔會攰，亦唔會口渴。一陣你地就明，今日就跑A區先。」

(待續)

A區有一個足球場的大小，本來以為加上治療霧氣，過程不會太辛苦。但事實上，這是一種精神折磨，也許身體真的不累，但心累。由一時至七時六個小時內不斷跑，由於身體不會累，不允許停止，每一個彎位都有一位工作人員監督他們。下課時，眾人看起來都很疲累。離開時，亞塵突然說：「因為你地第一次係咁高濃度嘅治療霧下活動，今晚大家可能會失眠，甚至覺得好精神。」那晚除了楓，多名同學也失眠，同時睡不著的梓旻及詡加入了同學的深夜小聚，認識了很多人，說了很多亞塵的壞話

第二天是跑AB兩區，即兩個足球埸，第三天是ABC區，第四五天是ABCD區。第五天完成後，大家都終於得到解放，由於最後兩天身體終於都算適應了，大家都至少睡到數小時。短短五日，同學間的友誼都因深宵小聚加深了。接下來的休息日，眾人都沒有太多的活動。大家都在公共空間看電視及玩桌上遊戲就這樣一天。他們見大部分的遊戲都被拿走，櫃上只剩下一盒飛行棋的遊戲，他們就拿了玩以打發時間之用，有趣的是楓居然從未接觸過這童年玩意。他們找了一張方形枱就坐下來玩了。

「點解你地同其他同學熟得咁快嘅？」楓好奇的問

「點解你可以瞓的咁好嘅？咩身體構造，頭三日除咗你冇同學瞓得著！」詡反問她

「我地個個傾謁傾通宵咪熟囉！」梓旻答

「又唔叫我！你地傾咩？」楓不悅的說

「你瞓到豬咁，邊有人敢叫你！我地鬧亞麈佢人有問題咋！」詡有點生氣的答

「咁個訓練內容又唔係佢定嘅…」樺苦笑道

「係得你會幫佢講好話！」詡沒好氣的說

接下來的三日考試過得非常輕鬆，第一天考筆試，內容是關於覺能、怪物及裝備；第二天是念力及醫療，內容是重複課堂所學；而最後一天為體能試，內容與面試時差不多。來到解散那日的早上，所有人都回到五樓，大家都特別緊張，因為今天會通告大家未來將進入哪隊。大家坐好後，孔SIR出來介紹特種部隊的內部結構。

「特種部隊屬非政府組織，主要分先峰、支援及研究。先鋒隊主要有四分隊訓練，包括醫療(M)、念力(T)、力量(P)及零星(O)；職級分成總長一人，四位高級隊長各管一個分隊，每分隊至少有一個隊長，其餘為見習隊員及隊員。支援隊主要是即時支援中心及後勤醫療隊伍；職級分成高級主任，其餘為支援人員及見習支援人員；研究隊職級分成研究主任、高級研究助理及研究助理。『角』生物科技公司為最高管理層。而家開始派發分組結果，出面有四張枱，每張枱都上面都有隊名同分隊圖案。被叫名嘅人出嚟去枱上面攞自己嘅手帶同行動制服。第一個，凌尚華，P隊。」

尚華非常興奮的出去拿自己的手帶同行動制服，他看起來像極了拿到獎牌的小孩子。孔SIR繼續叫名，由於多數人也能跟據自己的A Mark猜想到自己的分隊，沒有人顯得失望或不滿。

「周逸樺，M (醫療) 隊。」樺很滿意的走了出去。當梓旻正注視樺走出去的樣子時，突然有人大叫：「點解？點解我入O(零星)隊？明明我係Ear Mark！」

「冇點解！唔入就去打逆AP離隊啦！下一個，韋楓香，P隊。」那人很不甘心地走到O隊的枱前，楓也拿了自己的裝備

「彭麗瑤，O隊。」眾人議論紛紛，這人有EYE MARK，而且前眼淺藍接近白色，說明她的能力很高，但被分到O隊。

其他人陸續被叫名，終於到梓旻。「戴梓旻，O隊。」因尚華提醒過，所以未有太驚訝，但成為眾人焦點也挺難受

「吳一詡，O隊。」梓旻非常驚訝的望向詡，詡則聳聳肩回應他

(待續)

加油 題才ok

多謝支持！

接下來的三日考試過得非常輕鬆，第一天考筆試，內容是關於覺能、怪物及裝備；第二天是念力及醫療，內容是重複課堂所學；而最後一天為體能試，內容與面試時差不多。來到解散那日的早上，所有人都回到五樓，大家都特別緊張，因為今天會通告大家未來將進入哪隊。大家坐好後，孔SIR出來介紹特種部隊的內部結構。

「特種部隊屬非政府組織，主要分先峰、支援及研究。先鋒隊主要有四分隊訓練，包括醫療(M)、念力(T)、力量(P)及零星(O)；職級分成總長一人，四位高級隊長各管一個分隊，每分隊至少有一個隊長，其餘為見習隊員及隊員。支援隊主要是即時支援中心及後勤醫療隊伍；職級分成高級主任，其餘為支援人員及見習支援人員；研究隊職級分成研究主任、高級研究助理及研究助理。『角』生物科技公司為最高管理層。而家開始派發分組結果，出面有四張枱，每張枱都上面都有隊名同分隊圖案。被叫名嘅人出嚟去枱上面攞自己嘅手帶同行動制服。第一個，凌尚華，P隊。」

尚華非常興奮的出去拿自己的手帶同行動制服，他看起來像極了拿到獎牌的小孩子。孔SIR繼續叫名，由於多數人也能跟據自己的A Mark猜想到自己的分隊，沒有人顯得失望或不滿。

「周逸樺，M (醫療) 隊。」樺很滿意的走了出去。當梓旻正注視樺走出去的樣子時，突然有人大叫：「點解？點解我入O(零星)隊？明明我係Arm Mark！」

「冇點解！唔入就去打逆AP離隊啦！下一個，韋楓香，P隊。」那人很不甘心地走到O隊的枱前，楓也拿了自己的裝備

「彭麗瑤，O隊。」眾人議論紛紛，這人有EYE MARK，而且前眼淺藍接近白色，說明她的能力很高，但被分到O隊。

其他人陸續被叫名，終於到梓旻。「戴梓旻，O隊。」因尚華提醒過，所以未有太驚訝，但成為眾人焦點也挺難受

「吳一詡，O隊。」梓旻非常驚訝的望向詡，詡則聳聳肩回應他

(待續)

此處寫錯了! 更正一下

插曲 (一)

醫療隊的研究工作通常也需通宵，由於先峰、支援及研究三部份也涉及醫療的部分，且特種部隊成立時間不長，人才缺乏，亞塵被迫擔任中間協調的角色。每天的工作已經多得沒什麼時間休息，這數天還要處理一位許久不見的好友的問題。今天那好友又再次來電訴苦及「請求」他的幫助，令他非常煩躁。他深知這好友非閒置就會自動消失的人，過去他曾遭受過此好友橫蠻無理的對待，只要他不伸出援手，此人絕對樂意把事情鬧大。因此，這「請求」根本就是一種「命令」，他無法無視。而這次的「命令」卻非常難處理，也因此令他更煩躁。

雖然困難，但他仍盡力處理。那日跟好友匯報他如何解決好友的問題，似乎暫時成功安撫好友的情緒。解決問題總想吸一口煙放鬆一下，他走到七樓的戶外運動場，他非常喜歡那星空及空曠無人的戶外環境。但是，那日有人比他早到，是一名新隊員，正練習他要求的功課。

「練成點？」他從煙盒中抽出煙放口點燃

「都算順利……」新隊員看起來沒什麼信心，也難怪他這樣，因為醫療的細緻操作對於新手來說絕不容易

「練咗幾耐？」亞塵腦內不斷迴響著好友的請求，新隊員的出現令他比之前更困擾

「尋日都做到，今日加速一下治療速度。」比想像中快呢…

「每次治療你用咗幾耐？」亞塵再度生出挖苦這新隊員的念頭

「四五個字左右。」沒有EAR Mark來如說，這成績算不錯

「幾好。但練太耐，說明你控制力量太差，比你入到P隊，好大機會傷到同事。你都係入後援啦你！」這是實話，這新隊員的力量太難預測，於後援隊可以方便觀察

「梓旻自己想點就點！唔關你事！」一把令人討厭的聲音從後傳來，是認識多年的臭小子，永遠喜歡「唱反調」

「我係俾他睇清楚自己應該揀咩路！」亞塵開始頭痛起來，不想與這小子糾纏太久

「唔使你教，我地都自己揀！」這小子的嘴臉跟他母親一樣令人煩躁

「你識揀就應該聽我話！你應該知對你地都冇好處！」如非認識他父母，早已一巴掌拍在他臉上去

「我會同上頭投訴你！」小子此話一出，令亞塵心裡更不爽，不久前才被人「命令」完，現在還要被這臭小子威脅

「我唔怕投訴，反而係你，你小心俾你媽發現你喺度！」

亞塵知道那臭小子最怕的是他的母親，這也是他唯一能壓下那小子的方法。為免更多爭執，亞塵轉身離開了，心裡有種「輸了」的感覺。亞塵的心情變得更差了，煙癮未止，唯有回到自己房間再吸。來到高級隊長的樓層，本來出升降機門就是房門，但一出升降機門就被人叫住。

「亞塵！」一熟悉的聲音從後而來，亞塵知道這人來訪絕非好事，望著就在眼前的房門，及手中的煙盒，很想扮聾就這樣衝進房裡，但再不想轉身也要轉。在他眼前的是一位認識良久的友人及同事，比他年輕且矮小，淺灰色曈孔狠狠的盯著自己

「Hi！甘生！心情好差咁喎！」亞塵大概想到此人因何事而來

「我收到風你針對新隊員！」甘無視了亞塵的廢話，十分不悅的

「我係苦口婆心……」想不到那小子一早已向他告狀

「我唔理！總之我唔想再聽到同類事件再發生！」甘走前憤怒地說

「得返幾日冇乜可以發生。」其實可以的話，亞塵想立馬離開此地，若不是身不由己，也不想多生事端

「最好啦！」亞塵聽到甘這句，終於可以鬆一口氣。

但當甘說完打算離開時，突然想起那煩人的好友要他傳話：「亞一叫我問候你！」

甘停了下來，思考了一會才回答：「我等佢返嚟！有啲嘢係阻止唔到，與其逃避，不如接受面對更加實際。亞常近期會搵佢！」說完就走了

亞塵在房門前嘆氣，又多一件麻煩事了！

(下一章將進入 訓練篇)

基本用語簡介

為方便各讀者了解故事，在此綜合一些用語。
AP劑 = 覺能劑
AP犯 = 黑市非法注射覺能劑的犯罪者，即覺能犯
A Mark = Awakening Mark =成功接種AP劑後瞳孔變色或身上出現類似胎記的印記
--Eye Mark = A Mark 在眼
--Arm Mark = A Mark 在手臂
--Ear Mark = A Mark 在耳
--S Mark = Special Mark = A Mark 在眼, 手臂及耳以外的地方
先峰分隊
--P 隊 = POWER 隊 = 力量隊
--M 隊 = MEDICAL 隊 = 醫療隊
--T 隊 = TELEKINESIS 隊 = 念力隊
--O 隊 = ZERO 隊 = 零星隊
黑色怪物 (弱至強)
--紅核 < 百核 < 角百核 < 角獸

推

今日會晏少少返屋企，盡趕12點前up
（Penana 紙言不受影響）

推

「嘩！做乜咁多人吖？」一個高大及黑色捲髮及淺褐色皮膚的男子進來，他看起來像外國人

「⋯呀！今日有新人加入吖嘛！」一名相對矮小的光頭男子出現了，他的A Mark非常誇張，兩個耳朵也全黑了，黑色的部分還覆蓋了他的頭頂及後腦位置

「哦！浩仔呢？」捲髮男子充滿笑容的問

「呢度得我地四個咋！」阮超不爽的說

「哦！浩仔一定係通完頂唔記得今朝有新人嚟啦！」捲髮男子似乎不介意阮超那不太有禮的語氣

「真係慘！等咗咁耐，不過我地初嚟報到都係咁！自我介紹返先，我入隊一年，主要做醫療嘅嘢，個個都叫我鹿仔！」光頭男子突然開始了自我介紹

「你地可以認住佢個頭，有六個菱形就係佢，好易認㗎！哈哈哈哈哈⋯」捲鬆男子指著鹿仔的頭大笑，眾人的目光也轉向鹿仔的頭頂。仔細看，頭頂黑色皮膚之間的確有六個沒有染黑的菱形圖案

「自我介紹呢？」鹿仔有點怒火

「係係係，我叫亞豪，俾人捉入隊一年。我係偷渡過嚟，信錯人，俾人捉咗去做試非法AP劑嘅白老鼠，所以我嘅A Mark特別啲，係喺腳度，我幾乎由腰到腳板都係A Mark，除褲俾你地睇吖！哈哈哈哈⋯」捲鬆男子假扮要脫下褲子

「停手啦！有女仔喺度呀！你地呢？自我介紹下啦！係咩A Mark?」鹿仔制止了亞豪

其他三人自我介紹後，他倆都點頭回應。直至梓旻說出自己的A Mark後，亞豪表示驚訝：「背脊？你又係偷渡嚟㗎？」

「咩呀？浩政咪係背脊囉！唔係非法㗎！」鹿仔提醒，梓旻有點高興，原來有人和自己一樣！

「哦哦哦！係喎！唔記得咗添！」亞豪傻笑道

「咪睇佢個樣好似好蠢咁，疏散同救人方面佢做得幾好㗎。」鹿仔稱讚亞豪，亞豪笑著躬身，就如謝幕時的表演者

「唔夠你好，亞塵嘅得意門生，如果唔睇你隻錶，一定以為你係醫療隊！」亞豪也讚回鹿仔，二人互相抬舉

「得意門生點夠鼓鼓爸爸嚟？佢幾乎都係個邊幫手多過返呢邊啦！」鹿仔突然說起一個陌生的名字

此時，阮超忍不住，極不禮貌的指著亞豪道：「佢就過係偷渡又外國人啫！點解你會被派嚟呢度？點解我會入呢隊？」他還執著自己不知為何被分派過來

鹿仔臉帶不悅的說：「原因通常係有非法AP劑同有控制唔到能力⋯」

「仲有就係麻煩友，我估你就係！哈哈哈哈！你叫阮超，我以後是你超超仔啦！哈哈哈哈！而你叫⋯」亞豪大笑道

「梓旻！叫返我梓旻就得！」梓旻立即插話，以防被改花名

「叫我詡啦！」詡也趕緊接著說

「仲有叫……麗瑤BB？」亞豪笑著望向彭麗瑤，但麗瑤沒有理會他

「唔好玩喇！你地入去是旦搵一張枱坐啦！冇名牌嘅都可以坐，反正都係攞嚟擺嘢唔使咁考究！過多陣浩政就返。」等待良久，終於有人給予一個像樣的指示

「請問浩政係⋯？」詡問

「浩政姓李，係我地O隊高級隊長，佢好忙，好多嘢做⋯」鹿仔介紹

「我懷疑佢係俾其他隊嘅人欺凌！」亞豪笑說

「我地成隊都俾人欺凌排擠㗎啦！佢唔識拒絕人咋！」鹿仔接著說，似乎頗認同被其他孩欺凌這點

突然辦公室響起電話鈴聲，亞豪笑言：「好似係我張枱，嚟了！我準備去俾人欺凌喇！哈哈哈哈！」

「我都偷陣懶，一陣又要返M隊！」鹿仔回到自己的位置，坐在電腦椅上，把雜誌蓋頭而睡

四人選好枱後，辦公室門就打開了。走進一名高高瘦瘦中長黑髮的男人，帶著黑色粗框眼鏡，衣衫襤褸的，他背後有兩疊人般高的文件凌空飛起，跟隨他入辦公室。當他想走進高級隊長室時，他注意到有四個不認識的人站在辦公室裡：「你地係？」

鹿仔把面上的雜誌拿開：「新人呀！今日第一日返呀！」

「哎⋯哎呀！我唔記得咗！入嚟啦！」他望一望亂七八糟的高級隊長室：「都係唔好，去後面會議室啦！等我一陣，我放好嘢就嚟！」

他大概就是浩政了！

(待續)

暫時呢邊會星期一至六每日更新一至二千字
紙言同penana 會逢星期二四更新一至二千字

請多多留言或正皮，俾我知道有咩改進 同唔係單機緊

多謝大家支持

訓練篇第五章: O隊與AP訓練

四人進到會議室坐下，浩政不一會兒就帶著四份文件夾進來。他坐在主席位，開始閱讀手上的文件，大概是他們四人的入隊資料。接著他除下眼鏡，抺了抺道：「大家要有心理準備，每次出搜救，我地O隊基本上就係做其他隊嘅後備多。大家都明我哋隊俾人稱「棄兵」，尤其見習隊員，永遠冇份做正選。不過，如果你地做得好，升做隊員之後會受重用，有好幾個隊員受重用到幾個月返得嚟一兩次。一般而言，比較大型嘅搜救行動其他隊都會同返自己隊出，但我地就多數單獨行動或跟其他隊行動。而…訓練方面，其他隊都有內部培訓，我地隊都算有，但⋯會特別一啲。」

浩政打開文件：「好似阮超同一詡，我地隊就得一個人係以力量為AP，但佢就…比較…暴躁少少。如果你地同佢溝通唔嚟就同我講，我幫你地申請直接去P隊接受訓練啦！而麗瑤，我哋隊有三個都係念力AP，唯一嘅女同事Crystal 被暫時調走咗，你就問其他兩個人啦！梓旻你同我一樣A Mark，我就盡力幫你啦！訓練係自己安排，你地鍾意點就點，反正冇作為兩年就會被淘汰，呢個就係作為O隊所要面對嘅問題。明白未？」

「明白。」四人齊聲回應

「食咗午餐未？」眾人搖頭，浩政打開會議室門大叫：「鹿仔！用我積分買嘢食啦！呀…約埋其他人開個歡迎會啦！」

「OK！」鹿仔高聲回應

「梓旻，你⋯諗好幾時訓練就係我個時間表度Mark低。um⋯時間表係我房個白板上面，我決定好就會send信息去你錶度，同係出面通告板寫低時間。」浩政說完就離開回自己辦公室去

「喂！你地想食乜？唔使慳喎！佢成日幫人，儲咗好多積分，夠我地食一年！」鹿仔招手示意他們過來

「幫人有得賺積分？」詡問

「有！幫其他隊本身唔係我地隊嘅職責嚟㗎嘛！係我地O隊嘅優勢，我地多數都冇行動出，當你被其他隊發掘之後，其他隊爭住請你個陣，賺積分賺到笑！而家我幾乎每餐都免費！所以一有行動或者幫人個陣記得show下自己能力呀！」鹿仔洋洋得意的道

「咁今日⋯我地要做咩？」梓旻問

「冇，坐囉！等到有通知為止，鍾意可以玩下board game或者喺電腦下載game玩。又或者去訓練場練習，但一陣我就會走，呢度要留低最少兩個人比較好，至少接到幫忙請求都有人接應，你地自己諗啦！」鹿仔再想了想：「係喇！記得報更！如果唔係水晶姐實鬧死我！仲有，佢有講過你地頭一星期每日隨便搵8個鐘打卡就得，8個鐘內包一個鐘食飯時間，出面電視隔離有部機，可以打卡同換積分，未打而家打啦！」

他們四人選了午餐後，便討論安排，他們決定享用午餐後剩下的兩小時分兩批休息。未知何故，就只有阮超的午餐點錯了，這令阮超低聲投訴了一會。享用完午餐，梓旻見浩政仍在忙，也不好意思入房內填寫訓練時間打擾他工作，他和詡二人留在辦公室，他們拿了些棋類遊戲玩了一小時。其他二人回來後，他們二人到處閒逛，第一天這樣就完了。

由於梓旻發現浩政又要通宵當更，他相信早上浩政仍未回辦公室，所以第二天就早早回到辦公室填寫自己可接受訓練的時間。早上的辦公室靜寂一片，他填完時間後也沒什麼可以做，所以他打開電腦下載遊戲。就這樣玩了三小時，下午十二時終於聽到開門聲。一個拿著三大個紙皮箱的人笨手笨腳的走進來，梓旻立即上前幫忙。

(待續)

瞓前推一推 各位晚安

推

作者自言自語的一推

細個睇完哈利波特，好想作一個同學校生活有關嘅故事，成日幻想自己置身於故事之中，可以同朋友冒險，又有特別能力。但當時文筆太差，加上應付學業，就冇寫。

到中學畢業後，嘗試過寫過一個由中學生做主角嘅故事，但代入感太弱，發現原來自己開始難代入一個中學生嘅感覺（雖然只係畢業幾年）。

而家離中學時代愈嚟愈遠，最後決定由學校生活改為機構/隊伍工作相關嘅故事，因此係呢個故事入面嘅訓練服裝以中學體育衫設計，算係完咗自己小小嘅心願。

「唔該晒！放喺第一張枱就得喇！咦？你係新隊員？你叫咩名？我係宏基，大家都叫我鼓鼓爸爸，因為我個女叫鼓鼓。我A Mark喺耳，經常返M隊，但都多返呢度！多多指教！」鼓鼓爸爸是一位看起來頗成熟穩重的男人，即使滿頭濃密的黑髮，但仍可見他的A Mark從耳延伸至額頭及整個頸部

「我叫梓旻，我尋日第一日開工，我A Mark喺背脊。」基於浩政的A Mark也在背脊，梓旻提起自己A Mark也比以前沒那麼尷尬

「咦？同浩仔一樣喎！佢好厲害㗎佢！覺力戰連續三年第一，只係呢年升咗做高級隊長冇再玩。」鼓鼓爸爸一邊收拾紙皮箱內的物品，一邊興奮道

「覺力戰？咩嚟？」這是梓旻第一次聽的東西

「咦？佢冇俾新人手冊你咩？」梓旻搖頭，鼓鼓爸爸到文件櫃拿出一本小冊子：「哎呀！浩仔一定又唔記得啦！你得閒就睇睇佢啦！都幾重要㗎！你慢慢睇喇！我先返M隊幫手。bye！」

梓旻拿著新人手冊，坐回自己位置，打開「覺力戰」的一頁。

***

覺力戰

舉辨時間

一月、四月、七月及十月頭一星期

舉辨場地

(四月及十月，春秋) 柏德斯加訓練場 – 虛擬訓練場
[虛擬訓練場] 分十二個區域(A1,A2,A3,B1,B2,B3,C1,C2,C3,D1,D2,D3)
(一月及七月，冬夏) 耀王城某地方

玩法

[領地爭奪戰]，即佔領最多陣地的一隊為勝者，每場參賽隊伍數目要求為二或四隊，每隊五人，勝利方獲獎分；
[卧底賽]，同樣是佔領最多陣地的一隊為勝者，但某些隊員會被分派卧底身份潛伏於敵方隊伍中，每場參賽隊伍數目為二或四隊，每隊人數五位，勝利方獲獎分；
[變陣賽]，只要為自己當前隊伍貢獻就加分（由現場評分員決定），每名參賽者會於比賽中每十五分鐘將會隨機重新分派隊伍，即使一開場屬於藍隊，只要鐘聲響起，就有可能被改變成為紅隊隊員，每場參賽者人數至少10人，人數愈多勝利後獎分愈高，得分最多的三人為冠亞季軍。

比賽舉辦次序

變陣賽 > 後卧底賽 > 領地爭奪賽 > 表演賽 (變陣賽)

***