《覺能之戰》

加油努力💪

有讀者反映打鬥場面可以再改善，所以今日將會出嘅呢篇我嘗試加多少少細節描寫去增加少少緊張氣氛
坦白講，可能係自己作嘅原因，好難睇得出自己有咩寫得未夠好
我會繼續改善，希望寫得更吸引人

「歡迎大家返到嚟覺力賽，雖然今朝因為有黑色怪物嘅出現，令我哋失去咗好幾場覺力賽，但唔緊要！AP特種部隊係一隊專業嘅隊伍，佢哋用相當快嘅速度就消滅咗怪物，我哋嚟睇睇早前攝錄片段！」司儀開始說今天的開場白

「現場仲有攝影師？」梓旻表示疑問

「用航拍㗎！阻住曬！收拾完隻怪，完場仲要幫手拾啲被打爛嘅航拍嘅殘骸⋯⋯」Albert看來非常不滿

「辛苦你。」梓旻拍拍Albert的肩

「唔辛苦，辛苦你就真，多數由新人或O隊做。」Albert又大口喝下汽水，汽水只剩下很少了

大螢幕開始播起今早的攝錄片段，梓旻全神貫注的看著自己眼前的螢幕，期望看到隊伍出賽時各人的英姿。無奈，片段播放時間非常短，而且有大量後制特技，莫說看到任何一個認識的人或他們使出的招數，根本就只見到怪物出場、慘叫及倒下幾幕，梓旻的期待落空，非常失望。

Albert見他如此失望，就拍拍他背道：「係咁㗎喇！俾觀眾睇，唔可以太血腥暴力。比賽前睇，又唔可以阻礙賽事進行。段片係例行工夫，講下俾人聽，交待下就算。如果你真係想睇，可以去實驗室借資料。」

「講起實驗室，我想問點解美慧話⋯」梓旻回想起他本想問的問題

「好！我哋欣賞完部隊英勇嘅作戰片段後，就請大家欣賞今日嘅第一場比賽！」司儀打斷了梓旻的問題。梓旻把注意力放回比賽場上，眾參賽者入場，O隊的各人於D區就位，他們的旗放在D2區。他們對手的旗於A2區，隊伍是由兩名P隊、一名T隊及兩名M隊組成，而他們其中一個M隊成員居然是Rose。Rose滿臉笑容的，完全沒有比賽的緊張感覺。

「Rose係卧底嘅話，佢哋就煩喇。」Albert 突然說

「咩意思？」梓旻不解問

「Rose強化人力量會令人有抗奮感覺，會上癮，而且可以強行強化人，一解除就會，嘩～輕則反胃頭暈，重則癲癇。」Albert的左側不知收起了多少零食或飲品，他又拿出一包薯片及汽水

「咁咪一開場就完囉？」梓旻偷瞄了一眼那包薯片，那是他喜歡的味道

「咁又唔會，Rose要半個鐘左右先令人上癮，所以頭半個鐘都幾關鍵。」Albert看穿了梓旻的心思，把薯片開口向梓旻示意他拿

「咁其實一開始就幫返自己人，咁就唔使半個鐘？」梓旻不客氣拿了數片薯片

「小朋友，咁就唔使要卧底戰啦！卧底戰本意係要做卧底嘅人隱藏好自己，其他人就要學識防卧底，做到以上條件先計分。而且卧底唔可以搶旗，當然娛樂性愈高就愈高分啦！」Albert大力拍了拍梓旻的頭

「其實我想問，O隊就話要表演自己嗻⋯⋯你哋其他隊做咩要搶分？」梓旻摸摸自己的頭

「分夠高就可以換積分，又可以申請假期，又有助升職加薪。最緊要係唔使俾上頭照肺，雖然未到要紀律聆訊，但俾人針或者俾人鬧都唔好受。」Albert笑了笑

隨著開始的音樂響起，所有人也開始行動。Rose隊的其中一P隊成員以高速向亞豪的位置衝去，亞豪也向對方衝去，二人於B3碰上。那P隊成員往亞豪的臉揮拳，當拳頭幾乎於亞豪臉頰擦過的一𣊬間，亞豪向後彎腰，快速使出一記迴旋踢，向對方頭部踢過去。就在右腳快碰到P隊成員的時候，P隊成員用左手前臂擋下，那一踢的力度不輕，P隊成員臉有難色，雖然擋下了，但也後退了兩步。

亞豪臉上掛著囂張的笑容，緊接一個後迴旋踢，不幸地這次被截下來，手捉緊亞豪的小腿不放，P隊成員露出了囂張的笑容回敬亞豪。亞豪皺起眉頭，咬緊牙根施力意圖把那P隊成員壓下去，P隊的笑容慢慢消失，用力反推返亞豪，兩人處於疆局之中。

另一邊，於B1及C1之間，Kiki及富哥又一起行動，對面敵方的P隊及T隊兩成員合作對付他們。Kiki在富哥背後聲嘶力竭的叫著，富哥舉起雙手，手心對著敵人，一邊防止敵人前進，一邊防禦敵人的攻擊，猶如在推動一顆沉重的巨石般一步一步艱苦的向前推進。

Rose 隊的這位P隊成員用手肘向著富哥，用盡全身的力氣向前推，嘗試穿越富哥的念力牆壁防線。而那位T隊成員指揮石頭向富哥高速移動，如手執散彈槍般不斷擊向富哥的念力牆。

而Dali繼續用他那弱得要命的拋石攻擊向那名T隊成員拋去，但都被一一擋下，對方也像沒有用什麼力對抗Dali，就像拍開小昆蟲一般。對方如散步一樣輕鬆的走到Dali前面，對比之下，Dali愈來愈著急，呼吸愈來愈急速，彷似就快要哭出來的投擲那些小石頭。

至於鹿仔，他走到C2的區域，一隻手向亞豪舉起，另一隻手向富哥他們舉起，閉上眼睛低頭站在原地不動，似乎在施展覺力，但實際在做什麼就不清楚了。

(待續）

——————————————————

歡迎follow IG，內有故事設定整合
IG : https://instagram.com/coerrol?igshid=YmMyMTA2M2Y=
IG 基本用語簡介 ：https://www.instagram.com/p/ColyxG-vpFQ/?utm_source=ig_web_copy_link
IG 部隊介紹：https://www.instagram.com/p/ColzlGgPTYf/?utm_source=ig_web_copy_link

ＯＫＡＹ。打鬥多咗實寫，拳腳交鋒。
不過點解成日都擲石頭攻擊人

比賽現場暫時得樹同石多，頗大部分嘅T隊成員念力唔係好強，所以要搬起巨石或一棵樹比較吃力，而對比樹枝，碎石係比較硬同做到子彈既快又重擊嘅感覺，所以多用。

總結：只係暫時出嘅T隊成員念力唔算好強到用其他重物，佢地嘅念力多用係細緻少少嘅控制後有武器會顯示多少少

「佢做緊咩？」梓旻問

「我諗佢檢查緊隊員狀態，以防被Rose強制強化。」Albert解釋

「吓？強制強化咪可能係卧底？敵人幫佢喎？」梓旻認為這應該是找到卧底的捷徑

「錯，強化都可以分程度，輕度強化嘅效果可好微，微到冇乜強化咁，但⋯⋯即使係咁，Rose一解除強化都會對身體造成不適應，時間短啲，毒性小啲，你想像搭完船落返陸地個種浮下浮下嘅感覺就係；而時間長會變慢性毒，最後又係上癮咁，一解除就出現戒癮反應。」Albert用手模仿船浮動的樣子

「咁完咗比賽或者⋯完咗任務，啲隊員咪好辛苦？」梓旻想像道友戒癮的樣子

「好似要一段長時間，慢慢減量咁戒癮。」Albert舉起兩隻食指，兩指由遠收近

Rose此時於A2及B2之間的位置，相信她主力留守，她身後站著同隊的M隊隊員，與變陣戰不同的是，卧底早已定好，並且已藏於隊中，大會不能隨心控制隊員所屬的隊伍，所以兩人一起留守，有事起來仍有人牽制卧底。

亞豪那邊二人糾纏了很久，終於都停下來了。他們擺好姿勢一邊對望，一邊轉圈，亞豪轉到背向富哥等人時，慢慢的向後移動，與亞豪對打的P隊成員跟著慢慢向前行。突然，亞豪向富哥那邊拔足狂奔，那位P隊成員想追上時，被不知何時走到B2的鹿仔用AP壓低，整個人趴在地上不能動，使勁地掙扎著，發現掙脫不了，即狠狠的盯着鹿仔。

與此同時，亞豪跑向正與富哥對峙的P隊隊員那邊，亞豪越過富哥，直接向著對方的胸口飛踢，那P隊隊員躲避不及，承受不了重擊，整個人向著同隊的T隊隊員飛去，雙雙掉在地上，這就為梓旻帶來了今日第一份工作。

梓旻把傷者移往醫療室後，回到崗位時，眾人已把Rose包圍。此時，比賽已經過了半小時，如Rose的能力奏效，大概O隊眾人也「時辰到」。但事實是，只有和Rose一隊，一起留守旗位的那名Ear Mark隊員暈倒。O隊眾人也成功拿到旗幟。

比賽完成，電視直播上列出這場參賽者的名單和指出身為卧底的隊員，卧底是Rose及Dali，只能說對面隊的運氣實在太差了。

梓旻忽然想起浩政也曾被迫參加比賽，問：「做卧底要似卧底，咁浩政點算？佢咁勁，唔出盡全力壓對面隊，就已經好唔「卧底」啦？咁點攞最高分？」

「哈！佢⋯」Albert右手蓋面，按了按頭部兩側，像想起某些頭痛時般，再說：「佢有一年將啲隊員拋嚟拋來，再偷偷拋一兩個近支旗。仲有年，佢剷起成塊地板，再將地板同碎石喺空中旋轉，用地板同大型碎石做掩飾，偷偷飛幾個隊員近支旗。諗緊都痛苦⋯」

「即係扮係攻擊，其實係送你一程咁？」梓旻嘗試想像那場景，不知為何有點好笑

「送你一程⋯你呢句用得幾貼切。」Albert苦笑

接下的兩場也是拋石或肉駁戰，梓旻非常輕鬆的完成了工作後，就離開了比賽會場。由於明天要比賽，他快速享用完晚餐就回到宿舍，於宿舍的走廊遇見剛洗完澡正打算回房休息的阮超，他拿著朱古力奶與梓旻打招呼：「Hi，你聽日係第幾場？」

「第四場，你呢？」梓旻問

「我聽日最尾個場，你要加油喇！你個組啲人除咗你同逸樺都冇乜正常人。」阮超咬著飲管說

「冇乜正常人？」以梓旻記憶，阮超與詡及楓並無交惡，他的語氣又不像故意貶低他們

「先唔研究嗰位支援組隊員係點。韋楓香蠢已經出曬名。」梓旻萬萬估不到楓已經笨得那麼有名，阮超繼續：「而詡佢懶到一次訓練都冇做過，我都唔知你點算。」

阮超說完後就亨著歌離去，梓旻驚訝自己有點認同阮超的說法，尤其關於楓的評論。走回房間的路上，也一直鎖緊眉頭。當他走到自己房門時，遇上剛出門的詡跟他打招呼。

「做乜個樣咁愁？」詡指指自己的眉頭皺一皺

「我⋯擔心緊聽日比賽之嘛。」而其中一個令梓旻擔心的因素現正站在他面前

「唔使咁緊張喎！比賽之嘛！」詡這過份輕鬆的語氣讓他更為擔心了

「詡⋯呀⋯我想問⋯你平時有冇練習過㗎？」梓旻忍不住問，期望詡實際上背著所有人練習去了

「有！同你哋一齊個陣咪練咗囉！」顯然詡的答案只是增加了梓旻的擔憂，詡沒有等梓旻問下句就離開了。那晚，梓旻久久也睡不了，為自己有點不幸地認識了全隊階知最笨最懶的二人而後悔或失望。

（待續）

《作者分享》

（與此故事有關）
終於寫完/改完覺力戰篇，相信有空間加更，如果呢邊達十個正皮會加更一兩千字。
每完一篇會執一次角色介紹，發現我居然冇乜形容過陪梓旻訓練/當值嘅Albert，真係對唔住Albert決定插曲三俾返個大頭佢

（與寫故事有關）
心血來潮搵返近時有發佈過嘅文，加埋全部都唔夠我入隊篇字數多。細個覺得自己嘅「長篇」，原來可以再有突破，唔知未來睇返我呢篇文又會唔會有咩感覺呢

（與故事冇關）
失望分享，gpu meet 唔到hogwarts legacy minimum requirement, 夾硬下咗玩到窒窒下，忍痛退款，等PS4睇下點

你可以另起一段去講，但唔能夠屬於正文裡面。角色應該係故事裡面顯現出嚟，否則變得唔似小說。所以呢方面要花心機，點樣係劇情中講到角色出嚟。

至於故事方面，每篇字數點安排好睇作者，如果大戰前夕，難免多字數鋪排。大戰如果有多場戰線，就要分好多字去寫。
某啲字數少，可能唔重要，咪輕輕帶過囉。

多謝提醒我暫時安排咗每一大篇正文完咗都會加一小章「插曲」寫一個配角以帶出少少正文嘅伏線（插曲一係亞塵，二係亞豪），「插曲」唔會太多字同一定會關主角事，但唔睇又唔會有太大損失咁

而字數方面，我開心自己寫得多咗，我有啲迫自己寫多啲，因為以前寫嘅故事都太少描述，啲對決場景得兩句唔好睇。有心理準備大戰前啲鋪排同戰線應該會寫得有啲辛苦，希望接下來嘅篇章會寫得好

比賽當天的早上，梓旻眾人約好回到O隊辦公室作最後討論（實在沒有地方比這裏更安靜），然後梓旻獨自離開迎接家人到會場後，再到訓練場作最後討論。當他們到達辦公室門外，有一件令人驚訝的事發生，一向不修邊幅的浩政居然悉心打扮，粗框眼鏡換上了隱形眼鏡，雜亂的短髮也梳理好了，衣著也不是平日的灰灰黑黑，現穿白色短袖圓領汗衫、白間黑底的運動褲及深藍運動鞋，雖然外人未必發覺這已是浩政盡力打扮，但認識的人必定知道。

「嘩！搞乜？」詡率先大叫起來，梓旻及逸樺如夢初醒般望望詡，再望望浩政

「見人！」浩政臉上掛著大大的笑容，是他們從未見過

「見咩人？」楓八卦地笑起來

「唔關你事！」浩政看來非常興奮

「一定係見鍾意嘅人啦！」美慧特別停調「鍾意」二字，壞笑起來

「多事！」浩政大步離開了

他們進入辦公室時，辦公室內傳出大笑的聲音，鹿仔及亞豪在捧腹大笑，不用多想也知他們笑的原因。

「哈哈哈哈⋯你哋嚟喇？有冇見到？有冇見到？哈哈哈哈⋯」亞豪看似快要窒息了

「見到，但冇你笑得咁誇張囉！」梓旻也不禁笑起上來

「你哋有冇問佢點解搞成咁？我哋問咗⋯我哋問咗⋯哈哈哈哈⋯」鹿仔似乎也快要窒息了，然後滑稽地模仿起浩政：「我要見人吖！哈哈哈哈⋯」

「坦白講，佢咁打扮係幾好睇，加上佢個樣本身就幾靚仔。」Kiki拿著一杯飲品出來喝了一口：「如果唔係平時咁嘅款，我都會鍾意佢。」

「唔好俾Crystal 聽到添呀！」詡提醒

「哎吔⋯浩政如果有鍾意嘅人，Crystal 都幾慘。」樺皺眉

「見到佢著到咁，又咁開心咁見人，無論見咩人都好，Crystal 都慘㗎啦⋯⋯」美慧補充

「究竟佢見咩人呢？好想知！」楓興奮地說

「我哋都想知，如果唔係有後勤工作要做，我一定會跟蹤佢！」亞豪笑說

「係喎！掛住笑，你哋唔係夠鐘喇咩？」Kiki緊張地問

「大獲！走先！」鹿仔二人沖沖離去

「我都有嘢要做，我走先！」KIki放下杯離去

辦公室剩下他們五人作最後討論，然後於第一場比賽前約四十五分鐘，梓旻離開辦公室，到甘氏大廈外接待他的家人。梓旻的家人就像小學生來遠足般興奮，當然除了姐姐，她似乎有點不情不願的。

「哎吔，乖仔，你好似又瘦咗！」梓旻的母親胖胖矮矮的，臉上帶點憂慮

「係肌肉結實咗咋，媽！」梓旻回

「一陣會唔會死人流血㗎？」梓旻父親偏胖，比梓旻矮一點，說完這話後被母親盯著：「咩喎，咁打鬥緊係有傷亡㗎啦！」

「你可唔可以適當時候講適當嘅嘢嗻？你好想個仔傷亡咩？」母親有點生氣

「比賽有大會睇住，唔會有事嘅，一定有人做支援，有人死就唔會對外公開啦！」姐姐終於開口，本以為終於不用再讓母親擔心，怎料她繼續說：「⋯但實戰就唔同喇！」

梓旻立即插嘴：「比賽場地係嗰邊，我帶你哋去，我幫你哋買咗飛。」

梓旻把父母及姐姐帶到適當的位置後就離開，母親就像第一天送孩子上學般，既憂慮又為兒子成長感恩惠。梓旻轉身離開，走到最後一排坐位時，看到楓在探頭偷望，看到梓旻後逃走。

「喂！搞咩呀你？」梓旻追上楓

「冇⋯冇呀⋯」楓吞吞吐吐的

「你頭先鬼鬼祟祟咁，係人都知你有嘢啦！」梓旻記得楓對他的家人特別有興趣

「我⋯我⋯我想知你屋企人生成咩樣嗻⋯」楓不敢望梓旻

「你都幾八卦⋯」梓旻加強語氣

「對⋯對唔住囉⋯」楓似乎知道自己做了不應該做的事

礙於楓是組員，楓的心情有可能影響比賽，加上生笨蛋氣也不是明智的決定，所以梓旻還是說了兩句好話，讓楓不會太難受。他們一同回到訓練場集合，詡及美慧已在等待他們。

「點解你兩個一齊返嘅？」詡問

「佢走嚟偷睇我屋企人咩樣。」梓旻答

「你係咪傻架？」詡驚訝地說

「我好奇嘛⋯⋯」楓低頭小聲回答，就像做錯事的小孩子般

「咁好奇？我同詡都去搵自己屋企人，點解你又唔跟我哋呢？」美慧意義不明地質疑楓

「你突然擔心啲咩？」梓旻不明白她的問題用意

「你⋯你哋都冇兄弟姊妹⋯我⋯我第一次見人同我一樣有兄弟姊妹嘛⋯」楓吞吞吐吐

「第一次見人有？」美慧問

「你有兄弟姊妹？」詡的驚訝聲音蓋過了美慧的問題

「我…我有呀！我有個四歲大嘅細佬！好叻㗎！叻過我！」楓就像小孩子般興奮起來

「你差唔多廿歲喇喎！四歲叻過你咪天才？」美慧繼續質疑

「唔係唔係！考慮到楓呢個人嘅特殊情況，可能只係普通四歲小朋友咁「叻」。」詡道

「唔好咁衰啦你！」梓旻拍一拍詡

「對唔住，我遲咗！」樺終於來到

「咁遲㗎你！我哋啱啱先楓原來有個細佬！」詡說

「係？」樺在喘氣，應該是很急地趕過來

「唔好傾住喇！準備比賽先啦！」梓旻提醒

(待續)

https://www.instagram.com/p/Co4p-03Prwh/?igshid=YmMyMTA2M2Y=

重溫覺力戰玩法

覺力賽篇第十二章: 第一場領地爭奪戰

「我頭先嚟之前，撞到尚華佢哋個隊，偷聽到佢哋打算同我哋一樣攻咗最近個一隊人先。」樺仍在喘氣

「乜水？」美慧問

「二世祖。」詡立即回答

「勁人。」楓同時回應

「需要留意嘅人⋯」梓旻認為客觀一點的回答比較好：「佢成組好似三個P隊，一個T同一個M?」

「係，有3個P，至少有三個冇腦嘅人。」詡繼續他的偏見

「我用腦㗎喎！」楓皺眉

「你好似都係Arm Mark?」美慧提醒詡

「尚華應該算有腦嘅人。」梓旻的好評令詡有點不滿

「M組個位叫House好似可以為目標人物遠距離強化力量，雖然近身戰弱到嚇人，但頭腦嚟講佢係M隊新人中第一。」樺介紹

「佢係自負，我覺得佢近身戰弱嘅原因係因為佢避開曬啲體能訓練，覺得蠢人先要做，M隊似乎冇乜人鍾意佢。以我所知，佢對避開攻擊嘅逃避心態已經去到被考慮退隊嘅程度，只係佢個能力同頭腦令佢仲可留佢喺度。」梓旻回憶起過去與M隊一同訓練的時間

「點解唔入支援隊？咁驚戰鬥。」美慧表示疑問

「唔清楚，不過佢的確話過用腦就可以避開攻擊，完成任務。」樺搖頭

「我唔鍾意佢，佢明明好廢，但睇唔起我，成日故意走嚟話我。」楓露出不開心的表情

「T隊個位係比較細膽嘅女仔，叫芷喬，佢算係T隊念力較大個班，但因為太自卑，成日完成唔到隊長要求。」梓旻道

「自負配自卑……」美慧不解該隊伍的組成

「所以尚華好重要，佢外向嘅性格可以領導隊伍，所以先多人同佢做朋友。」梓旻對尚華的評價再次令詡不快

「點解你咁鍾意佢㗎？」詡問

「點解你咁唔鍾意佢㗎？」梓旻反問

「同佢同隊兩個同佢性格有啲似，一個叫Baldwin，係個講嘢超大聲嘅人，成日叫人精神啲，算係振奮士氣嘅角色；另一個叫Baron，係個反應快，鍾意衝前線嘅人，有佢係前面啲人會好主動跟隨。」楓補充資料

「聽落係啲好熱血嘅角色，唔想對佢哋。」美慧對熱血類型的人不太在行：「其他兩隊呢？」

「狗公加八婆隊。」詡又再說出他的偏見

「咩意思？」美慧不明白

「四隻狗公加Kristy。Kristy係個唔識正常著衫嘅八婆⋯」詡補充他的偏見

「Kristy係M隊，比較鍾意性感，所以就算T shirt都會盡力做到露池或露膊。」樺解釋為何詡有這種偏見

「而同佢同隊嘅四個男隊員都係P隊，成日係佢附近獻殷勤。」梓旻補充

「嗰四個人好似都係好大隻，但動作比較慢，都唔見得好勁，好似最多一拳打爆一道牆。」楓說

「四個都廢㗎！我同楓加埋美慧三個都搞得掂。」詡繼續他的偏見，楓點頭

「既然你兩個都覺得三個就搞掂，呢隊好似幾弱， 但四個P，點都留意一下好。仲有一隊呢？」美慧問

「好似係三M兩T。」樺回

「三個M？啲攻擊力咪好弱？」美慧驚訝

「其中一個M，叫亞宏，係最強M隊成員，但完全治療或增強唔到其他人，只能自療，同埋降低被觸摸嘅敵人嘅能力。而佢本身體格體能唔錯，經常接受近身攻擊訓練，變成打不死又善於近身戰嘅人。」樺說

「嘩，咁要留意下，咁其他呢？」美慧繼續問

「一般。」樺回

「冇記憶。」其他人都搖頭

「咁希望今次打得唔太辛苦啦⋯⋯我哋差唔多落去查下第幾區。」美慧說完，四人便起行到會場

(待續)

「你哋係D1區，請到D1區報到。」職員道

等待區的休息室與一般體育館的休息室相似，但設施明顯嶄新先進，可見用了不少錢裝修。大型的置物櫃、軟硬適中的沙發、新型按摩椅、牆般大的電視及著名品牌的音響設備，美中不足的是他們待半小時就離開，根本沒太多機會用，亦緊張得沒心去享受設施。

「究竟D3係邊隊？幾時知？」楓問

「螢幕顯示仲有一隊未報到，我諗到齊就顯示。」樺指著電視

「吓，仲未到？咁有自信？仲有半個鐘開始，心理準備都要掛？」梓旻到休息室的時候已經有點緊張

「咁可能人哋覺得我哋太緊張。」詡說

「邊有人好似你咁開打前玩按摩椅咁輕鬆㗎？」美慧盯著他

「都話你太緊張！」詡停下了按摩椅

「好喇！唔好開場前嘈，練下AP好過啦！」樺大聲制止他們再爭吵下去

眾人專心做AP訓練，約十五分鐘後，突然出現比賽的聲效，螢幕突然轉畫面，出現了比賽場的平面圖，及一些資訊，如觀眾人數、場地溫度、比賽人數及隊伍位置等。

「D3係Kristy一組！」楓大叫

「Yes!」詡隨著大叫，再說：「至少唔係啲死唔斷氣嘅隊伍。」

「但唔好輕敵！」梓旻提醒，他愈來愈緊張，沒有因知道對Kristy 一組而感高興

「假如⋯我哋真係⋯好早完咗⋯咁應該幫邊隊？」樺問

「緊係幫手打尚華個隊，如果我哋晉到級，我都唔想有機會對佢哋！」詡回

「佢哋喺⋯A⋯3⋯」楓望向電視

「唔使記位置啦，假如佢哋同我哋一樣打距離近個隊，咁就應該會係A2搵到佢，如果唔係，都唔會喺原本位置啦！」美慧說

「你又啱喎！」楓恍然大悟般

「好喇！我諗都差唔多，帶好錶準備出去，梓旻準備升起我！」美慧的一句，眾人立即檢查自己的裝備

在倒數十分鐘時，工作人員把休息室的門打開，催促他們進入會場。梓旻立即用AP包圍美慧的腰部，眾人緩慢地移動至會場內。進入會場的一刻，梓旻的五感頓時變得敏感，觀眾的掌聲及歡呼聲四起，攝錄機對焦及移動的聲音也吸引到梓旻的注意，參賽者進場的音樂聲在梓旻耳裡變成了扭曲的音調。他的呼吸聲愈來愈大，他從呼吸中感受到空氣中的濕度，感受到他漸漸泛紅的臉，愈來愈響的心跳聲，隨之而來的是一陣頭暈，再來是一種噁心的感覺從胃部向食道延伸。

「梓旻！梓旻！冇事吖嘛？」美慧在梓旻面不斷揮手

「冇⋯冇⋯我⋯有啲想嘔嗻⋯」梓旻一身冷汗

「果然企喺賽場嘅感覺係唔同啲，雖然觀眾席離呢度頗遠，但都聽到好大聲歡呼聲。」詡看起來一點也不緊張，像來玩一般

「梓旻，冇事嘛？啱啱樺嚇到呆咗。」楓走過來問。

梓旻望向樺，她一臉蒼白的，他完全明白她的感受：「我⋯冇事⋯」

「詡，倒數就開始喇！我哋要準備跑，愈近佢哋區域開戰愈好！」美慧指向D3

「喂！你哋仲唔嚟standby?」楓在揮手，她已經走得遠遠

「點解佢可以咁輕鬆？」詡側側頭，然後就跑走：「嚟喇！」

對梓旻而言，他們三人也異常輕鬆，就像這不是第一次出戰般，唯一較正常的就是他身邊的樺。面色蒼白的樺有點顫抖地安慰梓旻：「梓旻守住，一陣我加強完佢哋，就會陪你守住！」

（待續）