《覺能之戰》

推。

自推

推。

「喂！唔好意思！我忙緊搞貳骨啲嘢！我驚佢同人打起上嚟！」壹雄坐下

「呢份你嘅！」Lina把剛才多買的餐推給壹雄

「嘩！炸雞脾薯條！都係你呢個妹最知我心，最唔使我操心！」壹雄開心的用起餐來

「邊係……上次百核單嘢，我差啲衰咗。雖然最後都叫防止到『獨』，但我都畀人發現咗……」Lina一臉歉疚的道

「唔緊要啦！我知你盡咗力，本來都唔係你做嘅！係浩政搞唔掂咋！」壹雄安慰道

「我覺得我係咁多兄弟姊妹中最差，所以先得大哥你一個理我。」Lina繼續一臉歉疚的道

「唔好意思！我仲係度，我使唔使轉一轉位畀你地告解？」梓旻吃著飯說

「咁又唔使！你已經係我地嘅人！」壹雄笑言

「閘住！我唔識你地，唔想無啦啦成為你地一部分。你地究竟想點？」梓旻決絕的道

「幫你囉！」壹雄說

「咁幫我解開心中疑問，點解要殺百核？」梓旻問

「唔講得。」壹雄回

「點解你師傅要同『角』聯手？佢咁勁，大可以自己對抗？」梓旻問

「唔知道！」壹雄回

「又係唔知同唔講得……」雖然梓旻早有預料，但仍有點失落：「咁點解你地稱兄道妹咁，明明你明顯比較年輕。」

「呢樣我答到，因為成為徒弟就係一次重生，而且師傅要求我地愛大家，就好似兄弟姊妹一樣咁，咁根據重生次序叫我之後加入嘅人做弟妹好平常。」壹雄解釋

「其實師傅冇提過『愛』字，但有要求大家互相照顧，同唔允許我地傷害大家。」Lina補充

「係！一打算傷害大家就會頭暈到嘔。」壹雄說

(待續)

佢師傅係耶穌？ 定暗喻耶穌？
又重生又兄弟又幫助？

哈哈 我完全冇諗過呢點

推。

「呢啲唔係洗腦咩？有冇諗過佢洗你地腦要你地幫佢做嘢？」梓旻問

「我地好願意畀佢洗腦。」壹雄臉上仍掛著笑容，梓旻不解的望向Lina，尋求比較「正常」的答案，但換來的是Lina點頭表示同意壹雄

「唔明喎？點解你地同意？一陣佢叫你做一啲可能傷害自己屋企人嘅事咁點？」梓旻追問

「唔會啦！都死曬！」壹雄用輕鬆的語氣回答，梓旻不知如何反應，Lina也沒有表示。眼見餐廳人開始多，壹雄收拾用完的餐具打算離開，道：「如果唔係點叫重生？」

梓旻再沒有說話，只是默默的收拾餐具，跟著他倆離開。怎料，一個不留神，梓旻不小心碰撞到某人，而不幸的是這人剛好是珈純。未等梓旻道歉，珈純便張口說：「一群害蟲污染地方……」

此話一出，梓旻更不想道歉，在旁的壹雄問：「呢位係？」

Lina在壹雄細聲說了些什麼，壹雄便露出燦爛笑容道：「哦！珈純！久仰大命！」

「你唔……」珈純話未說完便倒在地上，口吐白沬的抽搐起來

「珈純！」在旁的人大叫

「你做過咩嚟？」Cade抓著的壹雄衣領問

「你睇到我做咩？」壹雄張開雙臂笑問

「發生咩事？」孔sir在看熱鬧的人群裡走出來

「佢攻擊珈純！」Cade仍抓著壹雄衣領

「等等！你邊隻眼睇到我攻擊佢先？」壹雄仍在笑

「又係珈純……」孔sir低聲道完望望梓旻，梓旻嚇呆了。孔sir再望向Cade：「放開佢先！」

Cade很不願意的放開手，孔sir再問旁邊的亞點：「你睇到咩？」

「O隊呢位成員講完『久仰大命』四個字之後，珈純就暈低。」亞點回答

「仲有冇睇到佢做咗咩？」孔sir指著壹雄問四周的人，但所有人都搖頭，然後望著壹雄警告：「冇人睇到，就冇證據。不過你唔好咁得戚，下次唔好畀我睇到！」

「唔會，因為以你嘅能力都唔會睇到。哈！」壹雄大笑

「你！」孔sir震怒

「唔好你喇！打過囉！」壹雄挑釁，圍觀的P隊成員起哄

「我話你聽！唔使隊長出手！我都可以打低你！申請運動館對決訓練啦！」Cade大叫

「我都要！」數個P隊的成員大叫，但梓旻看不到由誰說，只見Lina在旁喃喃自語

「好，你地揀日子啦！怕你地輸咗賴唔夠時間準備！仲有，我要求閉門對決！」壹雄繼續挑釁，而Lina的臉色愈來愈難看

「好！怕你輸得難睇！就聽日晏就啦！你今次死硬！」Cade說完，壹雄便笑著離開，梓旻及Lina跟上

(待續)

推。

推。

三人走到技能訓練室，今次室內什麼都沒有，梓旻完全預測不到訓練內容。此時，久久不發一言的Lina終於開口：「大哥呀！你咁挑釁人，會好麻煩㗎！」

「唔煩！唔煩！打幾場唧！最多我唔出全力洛！」壹雄輕鬆道

「但你每打一場我就要寫一份報告呢！」Lina每來在介意行政手續上的事情

「一次！最後一次！」壹雄雙手合上道

「你頭先其實做過咩嚟？」梓旻問

「我只係向佢施加壓力，亦都係今日我想同你練嘅嘢！」壹雄說

「即係要用力壓一啲嘢？我都識啦！」梓旻想起過往的訓練及比賽

「我有睇過你表現，係就係做到，但唔夠力，而且唔夠快，亦都唔夠集中！完全係浪費咗個能力，陸楠細個個陣用AP都冇你咁廢，所以一定要練！」壹雄走到房盡頭，輕拍那紅色牆，道：「呢道『紀憶牆』係用嚟畀你地估計自己可以打到幾大力，最多十度，一度代表大約一尺石屎牆，打完落去會維持一陣先再還原。」

「要等咁麻煩……」梓旻低語

「冇機械咁易壞，唔使維護，慳好多。」Lina在旁回答

「嚟嚟嚟！打嚟睇下！」壹雄招手叫梓旻過去，梓旻走到那道牆前，壹雄做出用力打的動作：「用埋AP，唔好留力！」

梓旻深呼吸一下，把所有力量集中到拳頭上，一邊大叫，一邊打出拳頭。拳頭一出，牆輕輕凹陷，壹雄問：「有冇一度？」

「好似半度都冇。」Lina小聲回，這讓壹雄捧腹大笑

「就……就算P隊都……都可能得半度……」梓旻紅著臉說，他想起楓好像只能打破半度水泥牆

「唔係吖？」壹雄笑著問Lina，Lina點頭。接著，壹雄失笑道：「哈……哈……返屋企打公仔啦！哈！」

「咁你試畀我睇。」梓旻走到Lina旁

「好！」壹雄擦擦眼淚

「哥！」Lina大叫

「得啦！」壹雄走到紅色牆，豎起食指輕點牆壁，紅牆明顯凹陷起

「幾度？」梓旻問

「一度。」Lina的回答令梓旻驚訝，明明他只是食指輕輕一碰紅牆。Lina見狀，安慰道：「得大哥做到，唔使太自卑。」

「你呢？」梓旻問

「拳頭勉強去到六。」Lina說

「你地唔會整傷肌肉咩？」梓旻問

「P隊可能會有呢個問題，但佢地只要識用AP護體唔會有問題。」Lina解釋，然後壹雄接著道：「但我地冇咁麻煩，我地打出去個拳就好似發射炮彈一樣，似打非打，只係用拳頭形式射出去咁。只要識點用，你用鎚打人就唔會次次都好似冇乜功效咁。」

「咁我如果可以打到你咁，我使乜用鎚？」梓旻問

「係！你打到我咁就唔使用！」壹雄自信回答

「佢的確唔需要武器輔助。」Lina補充：「不過某程度係佢做唔到相對細緻嘅操作。」

「咁……你地都打到咁，勁過曬啲P啦！」梓旻說

「本來就應該係最勁嘅能力！當然勁過佢地啦！」壹雄有點疑惑

「P隊比我地更加擅於控制力道，如果要救人，佢地可以微調，但我地多數會壓死要救嘅人。」Lina在旁解說，梓旻大概明白為何Lina要陪同訓練

(待續)

推。

晚推。

「咁我要點練？」梓旻問

「打我！」壹雄雙手交疊胸前道，梓旻望望Lina，Lina點點頭。梓旻把力量凝聚在拳頭上，再擊在壹雄的心口。雖然那一拳狠狠的撃在壹雄的胸口上，但他臉上仍掛著大大的笑容：「垃圾！再嚟！」

梓旻接下來又打了幾拳，壹雄完全沒有受影響，但梓旻卻開始喘氣。壹雄搖搖頭道：「唉！廢柴！Lina開治療氣！」

Lina走到開關燈制的地方一按，整個天花板的四邊噴出氣體，壹雄大叫「嚟啦！」示意他攻擊。梓旻馬上知道發生什麼事，這與入隊訓練的最後數日一樣，他將要一整天進行同一樣的訓練直至有進步為止。直到晚上十時許，梓旻也被迫攻擊壹雄，而壹雄由始至終也沒有受到任何傷害。

當他們離開的時候，梓旻分不清自己究竟疲累或是精神。分別前，壹雄要求梓旻明天再次自主訓練，這令梓旻不理解：「既然我可以打道牆就得，做咩要我打你？」

「打人嘅感覺唔同嘅！」壹雄解答

「佢只係想做就做，冇乜特別原因。」Lina補充，這讓梓旻無言

「我想睇你打P隊！」梓旻要求：「睇實戰都可提升我戰鬥力！」

「閉門呀！你究竟知唔知咩叫閉門對決？」壹雄大叫

「冇參考價值，你唔使去。」Lina明確的道

那夜，梓旻雖然沒有失眠，但也很晚才睡得到。第二天上午的自主訓練非常順利，梓旻頗滿意自己的進步。午飯時，他再到餐廳用餐，奇怪的是人流比平日少了一半以上。當梓旻拿著餐點找位置時，亞點招他一起坐，同席的還有亞宏。

「搞咩今日咁少人？」梓旻坐下時問

「P隊啲loser冇胃口食飯，走曬去加操。」亞點笑言

「聽聞T隊都係，M隊就純粹平時都少落嚟食嘢。」亞宏問：「亞點你唔係P隊咩？唔跟？」

「我個人理智嘛！正常都知打唔過啦！呢班人連Buck都忌佢地三分，我就唔會亂嚟！」亞點說

「你唔畀係Buck有偏見？」亞宏笑問

「傳開曬啦！亞塵明言小心佢地喎！」亞點轉向梓旻問：「你有冇啲嘢爆？」

梓旻想了一想，突然頭一暈，他知道他不能說什麼：「落咗封口令，唔講得。」

「唉，都知！」亞點有點失望

「其實我唔知太多，我連新高級隊長係咩人都唔知。」梓旻立即道

「我聽講係個心狠手辣嘅人，視人命如草芥。」亞宏說

「我就聽講係個悠手好閒嘅人，亞常就話係個心軟友善嘅人。」亞點的形容與亞宏的不同

「好唔同喎！」梓旻皺眉

「我聽聞甘生就形容係不受控但可信任嘅盟友。」亞宏再補充

「究竟係好人定壞人？」梓旻望著天思考

「反正我就會提防，你睇你隊個七個？冇一個得人鍾意。」亞點飲著奶茶說

(待續)

推。

推。

對於「新高級隊長是個怎樣的人」這一問題，梓旻已沒有奢望得到更具體的答案，他決定暫時放下這個問題，專注於眼前的事，亦即是提升能力。當壹雄展示他的能力時，梓旻已明白自己根本望塵莫及。為了提升實力，他只能把自己困在技能訓練室內不斷進行訓練。

除了第一次訓練外，之後的一個月裡，壹雄也再沒指導梓旻。原因有二，一是梓旻的進步非常緩慢，根本不需要進一步的指導；二是壹雄與其他隊的閉門對決變成了每常對決，聽聞是甘先生及亞常要求隊員戰勝壹雄不能停下，可憐的Lina再次回到以前研究主任的狀態。

某日梓旻及鄭子謙負責留在辦公室接電話，Lina不斷進出高級隊長室，曾經一度消失的黑眼圈又再掛到臉上。相反，降為隊長的浩政卻可以哼著歌回到辦公室，看起來十分悠閒。

「浩政，你都幾悠閒。」梓旻有點可憐在努力工作的Lina

「自從由高級隊長降落隊長，呢個世界唔同曬！原來可以咁幸福！」浩政聲音中充滿喜悅

「你唔幫手？」鄭子謙指指高級隊長室

「唔使啦！佢搞得掂！」浩政坐在電腦椅上伸了一個懶腰：「真係期待新高級隊長返嚟，咁就完美！」

突然，Lina大力打開門，狠狠的瞪著浩政：「你！點解可以咁得閒？」

「我……你搞得掂，唔使幫？」浩政的聲浪愈收愈小

「你明明係隊長！啲嘢應該你負責！同我躝入嚟！」Lina真的被惹怒了，她用AP移動浩政的電腦椅，把他推進高級隊長室

與此同時，壹雄剛完成了上午的閉門對決回到辦公室，剛好看到浩政被扯進高級隊長室，閉上門的一刻。壹雄一臉疑問的：「咩事？」

「Lina畀你迫到就死，而家搵人陪葬。」鄭子謙解說

「唔關我事，唔係我要求繼續！」壹雄搖頭

「但你係始作俑者。」梓旻想了一想：「話說，浩政唔係你地七兄弟之一，咁佢係你地師兄定弟？」

「嗯……我連佢幾時加入都唔知，兩樣都唔算。」壹雄拿起朱古力味薯片吃

「你地冇溝通？」梓旻追問

「冇，只知佢嘅存在，同埋知道佢嘅任務。其餘乜都唔知，樣都係近排先知，師傅非常憎佢，所以師傅好少見佢，自然我地都少見。」壹雄邊吃邊道

「憎？但頭先佢好似幾期待你地師傅嚟喎！」鄭子謙表示不解

「係，憎到唔太想提起佢。不過佢好有用，所以師傅先冇特別掉走佢。」壹雄說

此時，鹿仔回到辦公室，他一看到壹雄便黑起面來，裝作看不到他般，與梓旻及子謙打招呼後走到咖啡機調制咖啡。正當梓旻想問鹿仔發生什麼時，Kiki忽然衝進來，望向壹雄，高聲道：「壹雄！你上次介紹個朱古力特飲好好飲！我地好幾個女仔都好鍾意！」

「係？咁咪好！下次帶你去一間食朱古力蛋糕嘅地方！佢地將朱古力蛋糕整成一隻貓貓咁，好食又可愛！」壹雄笑容愈燦爛，站在咖啡機前的鹿仔的臉就愈臭，梓旻大概也估到發生什麼事了

「花生？」子謙應該也察覺到什麼

「多謝，但我今日想食爆谷多啲！你食唔食？」梓旻拿出了一小桶未開的爆谷，子謙立即點頭，二人就這樣邊吃邊觀察著話題似乎滔滔不絕的二人及那孤獨且帶著憎恨眼神的那一人

(待續)

live咗

推。

推。

不知不覺，運動場的閉門對決舉行了一個月也未見有任何人勝過壹雄，壹雄也開始有點厭倦，每天也在辦公室喊悶。不知是不是甘先生等人也知道這樣下去只會令壹雄更無心對決，終於在某週末派出了搜救行動讓他醒神一點。

那天早上，梓旻同樣收到搜救出動請求，他快速的換上制服跑到召集處。這次的搜救行動位置是愛妻池，那裏是假日一家大小常到的行山及燒烤熱點，而是次目標是一隻中等體型大小的百核。任務的複雜性也頗高，附近也有一些小圍村，總部決定派出一隊主攻擊隊和兩隊救援隊。

壹雄當然被派往主攻擊隊，意想不到的是梓旻也同樣被派到主攻擊隊，這讓梓旻既興奮又擔心。在出發前，工作人員如常以極快速度為他們檢查裝備，Lina同時為梓旻檢查武器的情況。

「旻，細力啲！」Lina邊提醒邊交還武器給梓旻

「得啦！我唔會整爛佢喎！」梓旻接過武器，把它掛回自己的腰間

「我叫你出AP個陣輕手啲！你經過訓練，大力咗好多喇！打到啲樹木唔緊要，你打到人，我又要寫report，你知我近排幾忙啦！」Lina說寫怨恨的望向壹雄，而壹雄則傻傻的笑

「喂！亞旻！同……同事嚟集會喇！」亞點走過來叫他們，但她不覺得壹雄的名字

「我叫壹雄呀！師姐！」壹雄笑著自我介紹

「我叫亞點，P隊嘅！」亞點一邊自我介紹，一邊走到Albert面前

「Albert！」梓旻大叫起來，他覺力戰後也沒有什麼機會見到Albert，所以十分興奮

「Hi，亞旻！Hi，我叫Albert，T隊隊長！」Albert伸出手自我介入

「Hi，我叫壹雄，O隊見習隊員，多多指教呀！前輩！」壹雄也伸出手握著Albert的手

「唔好玩啦！你指教我就真啦！好！夠人！出發！」Albert大叫

「四個人？」梓旻問

「夠啦！再多就多得濟喇！」Albert說完便走上Horn Bus – II

由於人數少，他們都坐得很鬆動。當Horn Bus – II起飛時，Albert開始講解行動：「我地主攻擊隊會係最近百核嘅高空降落，我會同亞點一架T-Bike，你地兩個一架。攻擊隊任務好簡單，打死百核分身，回收百核核心就得。盡量唔好毀壞環境……大家都知呢句有啲廢話，但我今日都要特別提醒新人。仲有，我地係搜救行動，盡量唔好有人命傷亡。我知近排耐唔耐會有啲AP犯出沒，但唔好殺！生擒！就咁多。」

Albert說「唔好殺」的時候，語氣特別重，亦明顯在針對壹雄，而壹雄一如既往的在傻笑。不久後，他們到達了目的地，梓旻負責駕駛，把壹雄載到行動位置。他們著地後，梓旻把T-Bike放在比較隱瞞的位置，待任務完成後回收。接著，他們快速地向已知的百核位置跑過去。幾秒間，他們已到達現場，而百核的分身已擠滿整個樹林的位置。

(待續)

多謝支持

推。

推。