《覺能之戰》

有文
推

好開心見到你留言

第二十章 突襲

「我需要嗰隻最大嘅百核！」在漆黑的房間內，只有一電腦螢幕在發亮，螢幕內的黑影以命令的口吻向螢幕前的人提出要求

「但……但係我……我冇機會入到實驗室……」螢幕前的人戰戰兢兢的說

「你地兩個就趁佢地轉移隻百核去主研究所嘅時候突襲佢地！我會安排人去幫手！」螢幕內的黑影指示

「但……但咁樣……我地……我地就唔可以進行原本嘅計劃。」

「唔需要！我已經安排咗其他人！我需要個隻百核！如果唔係啲廢物守唔住，我根本唔需要出動你地！總之我唔理點樣！同我將隻百核帶返嚟！」螢幕內的黑影說完便把通訊關掉

「唉……」螢幕前的人嘆了口氣，面對自己上級的命令，他不能反抗也無意反抗，只能說這是自己不幸。突然他的房外傳來嘈吵的聲音，他擦擦眼睛把筆記型電腦關上，從電腦椅上站起來，東搖西擺地走到房門前把門打開

門打開後映入眼簾的是梓旻及澈硯，他們看起來非常開心。澈硯握緊拳頭仰天大叫：「我地得左喇！兩次就得左喇！」

「得喇！得喇！成層都知喇！」梓旻笑言

「有乜所謂？成層得我同黎達！Yeah！」澈硯再次握緊拳頭仰天大叫

「咩事咁開心？」Dali在自己房門問，梓旻立即打起精神，因為他是害死亞豪的兇手及疑似犯罪集團的間諜

「我地畢業試合格咗！要升上正式隊員喇！」澈硯沒有戒備他，表現輕鬆的

「咁真係可惜，我地做得一個月鄰居，你就走。」Dali說完，澈硯更興奮

「係呀！我地跟住會搬上三十七樓！你都要加油！考好個畢業試！下次幾時考？」澈硯問

「唔知幾時lu！因為我派咗去支援組直至另行通知嘛！」Dali尷尬地笑起來

「咁你努力練習喇！下次畢業試一定要得！我地走先！」梓旻隨意說了一句把對話結束後便推著澈硯走。

「好……好！」Dali也關門回房，門關上的一刻，梓旻聽到Dali用極細的聲量說：「如果有下次嘅話……」

由於先鋒隊隊員的人數日漸增加，大多數的隊員也需要與其他隊員同住一室。而O隊的隊員較其他隊少，所以所有人也可以自己住一間房。因此，梓旻及澈硯也可以獲得一間只屬於自己的房間，他們的房間正好在旁邊。梓旻先助澈硯搬行李回到近房間，然後澈硯再幫梓旻搬行李。

梓旻的新房間沒有比以前的房大，但作為隊員的生涯一定比作為見習的長，換句話說，只有O隊的隊員不是大量增長，這會一直都只屬於他一人。在那天晚天，梓旻把楓、樺及詡三人邀請到他房間去，本來不打算邀請澈硯，但他趁機滑進他們的房間。

(待續)

推

「你！知唔知你真係好黑人憎！」梓旻生氣罵

「知！但新鄰居喎！我地仲可能要合作好長一段時間，要增進下感情喇！」澈硯衝進房內坐在雙人小沙發上

「唔緊要啦！多個人都開心啲！食唔食芝士薯圈？」詡向澈硯遞上一包芝士薯圈

「唔使喇！留返俾亞旻食啦！佢鍾意！」澈硯拒絕了

「點解你對佢咁寬容？俾包核桃佢啦！佢最愛！」梓旻雖然不喜歡，但既然其他人不反對就算了

「嘩！你地……好似知道曬大家鍾意啲咩喎！感情好好咁，唔通……」楓古惑的笑起來

「我同佢感情一啲都唔好！」梓旻一如既往地反對與澈硯扯上關係

「我地係好戰友！感情幾好……都唔及可愛嘅女朋友好啦！」澈硯拉著樺的手，樺害羞的低下頭

「咩話？」其他三人齊聲問。

「幾時？點解？發生咩事？冇可能㗎！」梓旻不能接受這事

「就係……我地一齊訓練，你成日打傷我，我只好搵人醫啦！可？」澈硯吻在樺的手背，這讓梓旻感噁心

「唔怪得你明明可以避開曬啲攻擊最後都要故意傷一傷啦！」梓旻把枕頭掉到澈硯頭上，澈硯笑著接，那夜他們說說笑笑的很快就過了

***

那晚，梓旻再次發起「預知夢」。他夢見自己穿著滿佈血跡及泥濘的制服，在總部醫院內走動。院內全是傷者，傷者都是先鋒隊員，就只有一個床位拉上了分隔病床的布。梓旻走到那病床前，隔著布聽到女性的啜泣聲。他慢慢地把布拉開，首先映入眼簾的是躺在病床上的澈硯，動也不動的，看著所有維生機器也已除下，情況也一目了然。

他低下頭望向坐在床尾的女性，是逸樺，她聲淚俱下的：「亞旻！亞旻！點解會咁？點解會咁？」

「對唔住……對唔住！」梓旻愈說愈激動，開始哭起來：「我……我已經控制咗場面！嗚……我已經牽制住敵方！但係……但係……佢突然發作，佢……俾自己嘅能力……俾自己嘅能力……」

樺哭著上前抱住梓旻，梓旻回擁樺：「醫生都解釋唔到！亞塵都唔明！上面冇一個知點解會咁！」

「如果唔係黎達同嗰個董葦萁唔肯支援，佢唔會死！」梓旻抱緊樺，咬牙切齒道

***

這次的夢境比過去兩次都清晰得多，梓旻清楚記得澈硯躺在床上的樣子、樺哭天喊地的悲痛及自己對黎達及董葦萁的恨意。他坐在上擦去臉上的淚，嘗試以深呼吸穩定他那悲傷且怨恨的情緒。儘管他不知道誰是董葦萁，他此刻只想向此人報復。

情緒平伏後，梓旻伸伸懶腰，梳洗後穿好制服便出去。門一開，他便看到澈硯在走廊中心仰天痛哭。梓旻立即感到非常驚慌：「咩事？發生咩事？」

「死咗呀！死咗呀！」澈硯痛哭大叫

「邊個？邊個？」梓旻手足無措的，不久前才「經歷」一次澈硯的死亡，這時把「澈硯」及「死亡」連在一起令他更為神經緊張

(待續)

煩膠澈硯準備收皮
可以代佢照顧未亡人逸樺

會唔會加更

會，小驚喜

「冇牙仔呀！冇牙仔……」澈硯仍在痛哭大叫，但這奇怪的答案讓梓旻冷靜下來：「牙仔？邊個嚟？」

「冇牙仔！我養個隻紅核呀！」澈硯終於停下來，好像有點氣梓旻不知道他的紅核叫冇牙仔一樣

「啪」梓旻狠狠地拍打澈硯的後腦，憤怒地道：「妖！為隻水蛭喊！」

「咩喎！我同佢已經有咗感情，一個月就好似親人咁有愛！我知冇人好似我咁用心養！」澈硯眼泛淚光道：「但居然俾我啲血毒死咗！」

「俾你啲血毒死？」這梓旻回想夢裡曾提起過澈硯的能力，如果澈硯的能力對他人有毒的話，對他自己又是怎樣？澈硯的能力是如此特別，就如暴走的鹿仔也可輕易解決，想到這裡，究竟他曾否暴走呢？這是需要弄清楚的問題：「你有冇暴走過？如似鹿仔同鼓爸咁。」

「冇，不過亞塵有提起過我嘅能力強到好似暴走過一樣。」澈硯的答案令梓旻沉思起來，澈硯知道梓旻有點不妥：「咩事？又係夢？」

既然被澈硯估中了，梓旻也不打算隱瞞，盡量把夢的每個細節告訴他，唯獨樺為他哭這點沒有提及，因為他不想澈硯太高興。澈硯聽完神色凝重的，這始終也是關於他的死亡預告，梓旻開始擔心這會影響他的心情，但不需數秒梓旻就後悔為他擔心這件事。

「即係我嘅血可能有研究價值喎！」澈硯張開雙手，看著自己雙手的眼神就如發現新大陸一樣

「白擔心一場……」梓旻碎碎唸，開始走向升降機，是時候回辦公室當值

「你！你擔心我？」澈硯一副虛偽的感動相，跟上梓旻

「收聲！作嘔！點呀？上次話查個人查咗去邊？」梓旻推開澈硯

「問得好！我搵到喇！有名……但冇資料！」澈硯很有把握的道

「咁咪即係搵唔到？」梓旻皺眉

「你識唔識㗎？就係乜都冇先代表呢個人有嘢！有乜可能有名冇料到？」澈硯反問，這令梓旻醒悟過來。澈硯繼續說：「即係！證實咗你嘅夢含有一啲好重要嘅線索，而可能係你知道或見過，你又唔記得……」

「我冇唔記得！我重覆一次！呢啲事我係唔知，亦冇可能見過遇過！雖然我承認有諗過想你死！」梓旻不耐煩地說

「嗱嗱嗱！承認喇！」澈硯笑著手指指

「收聲啦！」梓旻非常煩躁的道

「好！講返正式嘢！我對董葦萁呢名有印象，但要再搵搵，因為比較少聽到有人用全名。」澈硯突然正經道。這時二人已回到辦公室，經過休息室，打開往辦公位置的門，第一眼看到的是在沖咖啡的鹿仔。

「喂！早晨喎！恭喜你地考試合格！」鹿仔舉高杯子，做出碰杯的動作

「係，開心咗一晚，就有人為咗啲無聊事係我房門口大喊！」梓旻盯著澈硯

「咩無聊？好大件事㗎！冇牙仔……」澈硯似乎想再解釋一次他那紅核對他而言多重要，但梓旻沒給機會他：「係係係！有你做拍擋真係煩！」

「咁你唔使煩喇！因為聽日會有大嘢要做，非行動成員要強制返屋企放假，而你就係其中一個！」鹿仔氧著咖啡回到自己座位去

「大嘢？」澈硯立即興致勃勃的快步走到鹿仔桌前坐下：「講下咩事呀！」

「係將個隻百核同埋鄭子謙轉移到主研究所嘅大日子！」鹿仔笑著喝下咖啡

(待續)

極度懷疑因為更新太慢所以無咩人睇

文呢

「吓？咁突然？」梓旻驚訝問

「可能係因為今次搬運目標比較重要，所以盡量都唔會set定時間表，突發啲會比較好。而且，上級好似唔想隻百核死，除咗運送之外，仲要係主研究所內喚醒隻嘢！總之就難搞，連不嬲唔多出手嘅甘生都要出馬，仲安排咗所有隊伍嘅隊長幫手，當然仲有一打隊員啦！包括我！」鹿仔詳盡的講出明天的重要任務

「可惡！我要係主研究所當值！我一定要搵機會去睇下！」澈硯好像很不服氣

「喂！我仲慘啦！做咩要強制我放假？之前幾個月都唔見有叫我放？」梓旻比澈硯更不服氣

「就係收到你冇乜放假！勞工法例保障員工要放足夠嘅假！公司都係為咗你健康好！」鹿仔隨手拿起一本新人守則拍打梓旻的頭頂

「我從來都唔覺公司緊張我地喎！緊張就應該取消個俾人知道我地實力嘅覺力戰啦！」梓旻摸摸頭頂

「我都唔覺㗎！就好似員工指引有一條叫為咗我地及他人安全唔好衝紅燈一樣嘅警告！我因為呢條守則俾人扣咗好多積分！佢地講要做就做㗎啦！鬼叫你唔係老闆？同甘生傾囉！」鹿仔打開新人守冊讀起其中一條守則

「吓？咁如果對面崖隻怪物食緊人點算？」澈硯好奇問

「聽聞啲怪物識睇紅綠燈，係睇黃燈差啲。」鹿仔坐下把玩著一個扭計骰

「吓？係真㗎？」澈硯驚訝問

「假㗎！」鹿仔迅速回應

「唉……」澈硯非常失望

「好明顯假㗎啦！唔係！我唔明，可以遲一日放都得吖！點解偏偏有大嘢先叫我放假？佢地都要人㗎！放遲啲都得格！」梓旻仍然接受不了

「咁你問鼓爸同浩政，但咁啱佢地又好忙喎！冇LU！拜拜！」鹿仔笑著向他揮手

「你放棄啦！我聽日打電話話你聽過程！」澈硯奸笑

「你地就好……」梓旻非常妒忌他們

「唉！」鹿仔站起來，搭著梓旻肩膀道：「嗱！放假呢！就盡量休息喇！作為前輩都要提醒你，雖然話就話放假，但武器同手錶就要跟身。仲有，如果出街呢……就要著得適合運動多啲！你知啦！一有突發情況都需要人幫手㗎嘛！」

梓旻兩眼發亮，鹿仔繼續說：「如果要你幫手呢！用AP護體，可以頂到下攻擊嘅！要跑嘅話，千祈唔好只強化腳部咁傻豬！要想像對腿好似火箭咁，由腳板噴出AP推自己向前！不過，都係個句，有得抖就抖，唔好只識衝！」

「唔怪得上次追唔到啲前輩啦！」梓旻回想上一次跟不上大隊的情況

與鹿仔對話結束後，三人便各有各忙，讓梓旻感安慰的是他發現楓及詡也被強制放假，心理上也平衡一點。他那晚久違的回家，與家人共享晚餐，分享自己在隊內的各種趣事，聽得家人又驚又喜。

第二天早上，看到的是高架床上層的床板，不知為何有點不習慣。那日他與父母及姐姐到中部盛洛地區吃了個豐富的午餐，看了一場電影，但他完全沒有放下總部的事情。他一直等待著澈硯的電話，過了半日也沒有一個電話，這讓他心裡咒罵了澈硯上千片。

就在他看完電影，走到戲院門口時，手機及各大公共警報器響起警號：「AP危險警告！AP危險警告！請大家立即到安全地方暫避！請大家立即到安全地方暫避！」

(待續)

啱啱先返到屋企

努力緊，追緊進度
放假日日都有努力寫
多謝支持

加油

人群立即退回戲院，梓旻及其家人也在較後的位置，各人也感到慌張。此時，澈硯終於打過來：「亞旻！你有冇事？」

「有事！我係中部盛洛，響緊危險警報！」梓旻嘗試防止家人被人群撞倒

「唔止中部，多區都出現怪物同AP犯，好多人都俾人即時派出去，甘生都出咗去幫手！」澈硯緊張的說：「先唔好理呢啲！我查到邊個叫董葦萁！係Rose！」

「Rose？我識嗰個？M隊嗰個？」梓旻嚇得停了下來

「你做咩呀？行啦！」梓旻的姐姐拉著梓旻，但他完全沒有動

「係！居然係佢……」澈硯聽起來也難以相信這件事

「佢……佢係隊長……鹿仔話過全部隊長級都會參與行動……」梓旻回想起昨天的對話

「咁咪……」澈硯話未說完，電話裡傳出緊急警鈴的聲音，然後傳來一個不知是誰的聲音：「澈硯！走呀！Rose同Dali叛變呀！佢地突然攻擊自己人呀！」

「好！好！」澈硯立即回應

「喂！喂！澈硯！澈硯！」梓旻怎叫也沒有人回應，但電話似乎沒有掛上

「澈硯！呢邊！呢邊走呀！」電話傳來非常緊急的聲音

「好！好！嚟緊！呀……佢地打到嚟喇！呀！等等！呀！呀~~」澈硯大叫後，電話便斷線了

「喂！喂！澈硯！澈硯！」梓旻心急如焚的叫起來，但已經沒有用。他本想回電澈硯，可是他沒有機會按下回電的按鈕，因為他聽到戲院外傳來慘叫聲，而且愈來愈近。他探頭一看，是一隻體型如大象的怪物在追趕人群，雖然沒見到分身，但根據簡介介紹紅百核的體型大小，那無疑是百核。

「旻！入去避難！」姐姐大叫

「我……」他從背包拿出鎚子來

「唔好！你啱啱過咗考試咋！」姐姐嘗試制止他

「但係……」他來回看著自己的鎚子及姐姐

「求你！求你一齊避難啦！唔好要爸媽擔心！求你！」姐姐擺出哀求的姿勢

梓旻看著鎚子靜了一會，再道：「對唔住……」

「唔好呀！」姐姐向著梓旻的背影大叫，梓旻沒有理會，只是一直跑。

聽從鹿仔的教導，先把AP包圍身體作保護之用，再把鎚子伸長，然後用AP強化腿部及由腳掌噴出AP前進。整個戰鬥過程也有點阻滯，這讓他以親身經驗學會了一些城市戰鬥的重要知識。

在他衝向百核時，腳掌與地面平行噴出AP，這讓他打了好大個後空翻，再面部朝地面倒下。他立即站起及調整腳掌與地面的角度再往前衝，這次他成功加快並到達百核的數十米範圍內。但那怪物沒有理會他，它把觸手伸進地面店舖內，就像一隻食蟻獸在樹洞內找食物一樣。

梓旻馬上擺好姿勢，把鎚子向後拉，再用力揮出，向百核發射AP炮。雖然擊正中百核，但AP炮穿過百核身體，擦過百核身後建築物的頂層，這讓梓旻吃了一驚。他領悟到自己既然不能控制或預測射程距離，他便需要好好地把握發射角度。幸好他正處身於比較寬闊的大馬路上與百核對抗，否則誤中流彈而造成傷亡的機會可能很高。

受傷的百核終於注意到梓旻的存在，牠利用梓旻分神留意被流彈擊中的建築物的數秒鐘把傷口癒合，再衝向梓旻作出攻擊。梓旻立即反應過來，弓起身腳向地面發出AP，整個人向後避開攻擊，但由於沒有預計著地方法，整個人掉在地上。

(待續)

百核當然沒有放過良機，牠立即追前去，但梓旻因身體擦地造成的皮膚破損感到疼痛不堪，他沒法立即站起來。眼看百核愈來愈近，他必須避開，用力向地面發出AP，再在空中飛行嘗試換來數秒回復時間。一會兒後，他再次舉起鎚子，這次他決定加固鎚子，由高空衝向百核直接打下去。而這時候百核也向他跳過去，鎚子與百核相撞的一刻，梓旻更勝一籌，成功把百核擊倒在地上。

百核未能立即爬起來，口吐出深紅色的液體，梓旻的攻擊大概傷及牠內臟了。吐出液體後，百核仰天大叫，與紅核的叫聲不同，牠的叫聲更像一隻怪物應有的聲音，讓梓旻少了上次心寒的感覺。突然，百核全身抖動，數秒間分裂出一隻籃球般小的分身。與分身戰鬥過的梓旻清楚知道若再讓牠繼續分出更多分身，情況將一發不可收拾，他必須立即解決本體。

現在情況緊張得一刻也不能再猶豫，梓旻再次舉起鎚子，準備發出AP炮。可是他遲了一步，分身與本體迅速分開，牠高速旋轉並撞向梓旻，梓旻用鎚子的棍棒擋下，但仍被撞到地上。分身沒有慢下來的意思，梓旻吃力的用鎚子阻礙攻擊，同時眼角看到本體再度分裂出兩個分身，令他更心急。

「呀！」梓旻嘗試大叫換來多些力量，但也只是勉強推離身多一點點，

眼看兩新分身在本體身上停下了動作，看來已經分裂完成。梓旻也想像不了其他兩隻分身跳過來的話，他會變成怎樣，因為他清楚知道自己絕對承受不了多一隻分身的攻擊。就在那兩隻分身跳起一刻，梓旻已打定輸數。

「O隊新仔！」一把極具通透感的中性聲音從遠處傳過來，接著一支扁身上闊下尖的銀針飛來插在分身上，突然針如摺扇撒開成圓形把分身切開兩份，其他兩隻分身也相繼掉下

「Lorre！」梓旻大叫，喘著氣站起來：「點解咁耐都冇人嚟？」

「全城十八區都有怪物出現，呢區有六個人算多，我地算係牽制到突然出現嘅怪物。」Lorre邊說邊拾回那些由銀針展開的圓形武器

「Lorre！」Baldwin從遠處追過來：「個邊三隻紅核搞掂！你咁快手鎖死隻百核嘅？」

梓旻看看百核的觸手已被Lorre的銀針釘死在地上，Baldwin跑到梓旻旁搭著他的肩膀說：「Lorre嘅吹箭厲害呢！」

Lorre的武器由一支管分差成三支小管，看起來像是一枝黑色的三叉戟。Lorre抓抓頭道：「唔係我，係新仔做！」

「咁叻仔？叻仔！叻仔！」Baldwin邊說邊抓亂梓旻的頭

「唔係呀！係Lorre阻止咗佢分裂先冇事！」梓旻笑道

「咁你冇怯場已經好叻仔！」Baldwin繼續抓亂梓旻的頭，梓旻把他的手推開

「呀！」百核突然大叫且不斷掙扎

「快啲搞掂埋佢收工！」Lorre指指百核

「好！等我嚟啦！精神！」他一躍而上，跳到百核身上，就在高舉拳頭準備打下去那一剎，「啪」一聲，Baldwin撞到旁邊的大廈去

「Baldwin！」梓旻大叫

(待續)

早晨！成晚瞓得唔好，一朝早醒咗瞓唔返就打下文，執下人物簡介
今日早起早up文，因為進度良好，聽日會加更
發現出場人物已有四十幾個，如果真係唔記得某啲人物，歡迎嚟我ig (https://www.instagram.com/coerrol/) 搵返睇睇。
完咗呢章，對角篇就完，今次唔會有插曲，因為寫得幾順就唔想中途分心寫其他
對角篇完咗，我會up一次啲簡介，俾大家易跟啲入面嘅setting
近日好開心發現各平台都好似多咗讀者！希望各位繼續支持！留言正皮都可令我更有動力寫落去多謝大家！！

落大雨係朋友的家冇嘢做又唔走得住
隨手嘗試畫畫自己小說中的武器
第一張：T隊Albert 的武器
第二張：O隊浩政的武器
第三張：O隊富哥的武器
第四張：主角梓旻的武器
第五張：T隊Lorre的武器

https://instagram.com/p/Ct3wej0yw0N/

冇嘢做又唔寫文

「新仔！」Lorre叫喊著，梓旻立即看回前方，他又再忘記自己不能從敵人移開視線。

當他視線集中回敵人時，第一時間看到的是那如蛇般纏繞著雙腿的深色紋身，再向上看那男子的臉，那是當時被一角殺死的男子。

「你地……唔走？」男子說出與上次一樣的話，一樣單腳站著，一樣露出令人心寒的笑容：「呀！嚇到走唔到呢！」

「點解你未死？」梓旻驚訝得問出口：「上次明明已經俾一角……」

「點解未死？一角？哦！認錯人喇，哥哥仔！上次死嗰個係一件失敗品，樣一樣，AP一樣，但我有能力好多！」男子奸笑著：「我叫亞傑，記得呢個名喇！我先係正牌貨！」

「新仔！唔好同AP犯講咁多！打啦！」Lorre拿起吹箭準備放到口時，被百核觸手打走，名叫亞傑的男子不知何時已把所有銀針拔掉

「等等呀！BB，唔好亂郁住！」亞傑站在百核身上拍拍百核的背，但百核明顯沒有聽他說的，打算用觸手打走亞傑。亞傑見牠不聽話就一舉起腿，用力踏下去，再把手伸進百核體內，將核心掏出，再道：「都叫你唔好郁㗎啦！仲有你……」

亞傑一下子把梓旻的鎚子踢走，快得肉眼也看不到。雖然他們的武器也沒了，但亞傑沒有攻擊他們二人，把玩著手上的核說：「我唔係嚟開戰，係嚟回收返啲未死嘅百核。呀！仲有帶個口訊俾你地上頭知！我地『獨』正式同你地『角』宣戰。仲有，你頭先好似有提起一角，我地係絕對……唔會受制於一角，我地『獨』要殺死一角以及消滅所有關於佢嘅一切，我大佬話嘅！哈哈！」

笑完後，那男子以肉眼看不到的速度跑走了。Lorre拾回武器後第一時間去查看Baldwin的情況，Baldwin似乎多處骨折而陷入昏迷，但情況穩定。梓旻把鎚子拾回後立即拿起電話打給澈硯，但沒人接聽。他跑往Lorre身邊問：「總部情況點樣？」

「我嘗試聯絡緊，由頭先打紅核個陣已經唔係好收到總部信息，未試過咁靜。」Lorre手錶上按了幾下，再說：「喂？喂？咩情況？吓……好！我立即返嚟！」

「咩事？」梓旻非常緊張的問

「Rose同Dali背叛咗我地，逃走咗……而Lina趁機殺死咗隻巨型百核，而家被囚禁係主研究所。」Lorre續說：「Lina明明應該冇AP……」

為了解澈硯的情況，梓旻沒有與Lorre等人處理災後復原的工作便離開回到總部去。

(對角篇完)

圖都好重要嘅
其實係電腦唔係身，唔記得作到邊

有加更 算你啦