《覺能之戰》

自推

推。

推

亞點離開後，梓旻突然被人拍後腦，轉身一看原來是鼓鼓爸爸。他一臉不悅的問：「你知咩事啦！」

「但我……」梓旻想解釋但被打斷

「但你唔好咁揚！你喺人地宿舍打到人地趴係度！成條巷都睇住佢飛埋牆再瞓低！」鼓爸責怪他做得太張揚，但非指他打珈純是錯的

「嘩！你打到佢趴低？正呀！」詡非常興奮，梓旻也跟著笑了，鼓爸再重重的拍在他們的頭上

「信唔信我禁你出任務？」鼓爸威脅道，兩人笑著搖頭。鼓爸繼續說：「Buck好人，珈純唔著在先，所以先放過你！如果唔係，你呢個浩政山寨版……完全有原因唔放過你！」

「知喇！明喇！」梓旻有點漫不經心

「我同你地講，你地乖乖地做訓練，唔好搞事！如果搞到我OT冇得返去湊女，你地就大獲！」鼓爸指著二人警告他們

「明明明……」二人道，鼓爸雖不太相信他們，但也沒有說教下去

「話說，浩政呢？兩日都唔見佢？」樺問，梓旻眼角看到澈硯不知何時偷偷藏在樺身後，就像做錯事的小孩般，但梓旻沒有理會他

「佢？佢有嘢做！好彩佢有嘢做唔係總部咋！由佢嚟同Buck傾你單嘢？你死硬啦！」鼓爸手指彈梓旻額頭道

「亞豪喪禮喎？」楓問

(待續)

有加更
推

多謝
凌晨自晨

「唉……」鼓爸突然變得有點嚴肅的道：「雖然好似講緊浩政壞話咁，但我作為……你地朋友，我一定要講清楚你地聽。浩政唔會出席任何人喪禮，至少截止今日我都未見過，佢未必好似其他……隊長或前輩咁會關心同伴或下屬，講真平日佢可能有時間有心情會好少少。但同佢一齊行動，你地要有定心理準備佢唔會理你，亦唔會救你。好似好冇人性咁……但佢係咁嘅人。」

「點解咁嘅人會入隊？」梓旻問

「唔知，我都唔太想知咁多，可能……同佢鍾意嘅人有關卦……總之你地唔好搞事！」鼓爸說完便離開

鼓爸離開後，梓旻等人也打算回到辦公室工作，始終也仍是辦公時間。澈硯一直緊跟著樺，好像很想上前跟梓旻說話，但又不敢開口。梓旻沒有理會他，詡觀察到二人奇怪的距離感，他立即低聲問梓旻：「你地咩事？好似啲鬧咗交嘅情侶咁嘅？」

「癡線！你有冇好啲嘅比喻？係……都算有鬧交嘅，今晚嚟我房講！」梓旻低聲道，眼角偷望樺，他現在已經信不過樺了

那晚下班後，詡來到梓旻的房間，梓旻嘗試告訴詡所有他們的經歷。詡聽到之後，一臉凝重的靜了下來，但沒有說一句話。梓旻說：「我……其實接受唔到，我仲好想……亞塵係為咗要我退隊先咁講……」

梓旻說完默默流下眼淚，詡坐近他拍背安撫他。突然，有人拍門，詡幫梓旻開門。門一開，澈硯便快速溜進來，站在梓旻前大聲說：「係……係我錯！」

澈硯居然會認錯，這是所有人都估計不到的事。澈硯站住不動，靜了數秒再說：「我呀……我認我衰，係我唔好……」

「你嚟做咩？你返去做你嘅研究啦！開曬啲棺材續條屍睇，可能唔需要太耐就掀到我㗎喇！」梓旻悔氣的話，澈硯立即嘴角向下彎

「喂喂喂！冷靜！澈硯你又衰嘅！但佢都係想知真相唧！雖然個真相令人難以接受，但……可以防止再次出錯！再次殺人……」詡坐在梓旻旁道：「佢都認錯啦！我地……仲要覺力賽……嚟啦！暫時……暫時原諒佢先啦！」

梓旻知道自己根本不是生澈硯的氣，他只是因不能接受自己是殺亞豪的兇手，而且他仍要覺力賽與澈硯合作，只好點頭再把視線移開。澈硯立即笑起來：「我……我呢！我查咗邊個係吳鈞悅！係入咗隊，但……」

「吳鈞悅？」詡驚訝問：「點解要查佢？」

「『獨』嘅人搵緊佢嘛……做咩咁大反應？你識㗎？」梓旻疑惑的望著詡

「咁啱喇！我搵到呢個人入咗隊，但冇寫邊隊！」澈硯充滿期望的道

「冇！唔識！我見你地查人名都唔同我講，有啲……意外同唔開心。你地仲有冇其他嘢冇同我講？」詡解釋，梓旻有點猶豫的搖搖頭，澈硯也搖搖頭。尷尬沉默了數秒，詡突然說：「冇？定唔講？好啦！你地兩個最friend啦！唔講我聽喇！」

「唔係……」梓旻有點心虛想解釋，但被詡停止了

「玩下咋！我冇嬲，但我聽日返早，未沖涼！走先，有新嘢記得同我講！」詡匆忙的走了

「我覺得……佢有啲嘢……」澈硯充滿質疑的眼神，梓旻反射的點頭，但下一刻想起自己仍未原諒澈硯就故作生氣的趕他走：「你都有啲嘢！躝啦！」

(待續)

聽日打風，大家本身使唔使返工？我唔使

推。

推

打風喇落雨喇

喺屋企有咩做？

寫文啦不如！

晏啲有文！先推一推！

第二十七章 冬季覺力祭開始

接著的兩星期多，梓旻等人也在忙碌中渡過，既要自主訓練，又要幫其他隊做雜務。設立只是一個月的臨時小隊，幾乎十三隊也至少出動一次或多於一次，當中重傷回來的隊員一次比一次多，覺力賽此時舉行已不如之前那麼好氣氛。

如上次覺力祭一樣，甘氏大廈再度變得熱鬧起來，甘氏大廈及柏德斯加訓練場之間的空地又變成了市集及攤位遊戲。甘氏大廈內的商場地下的空地位置也變成了室內市集，每層教育資料館每層同樣設有大電視或投影機直播覺力賽。有點不一樣的是甘氏大廈內的商場擺設及裝飾比之前更誇張而隆重，柏德斯加訓練場的人龍變得更長，這大概因為這次的覺力賽宣傳比之前更多，而且整個柏德斯加訓練場也變成了如電影院的座位，比之前足足多了一整層訓練場的觀眾。

在比賽開始前，浩政再次召集O隊的人到辦公室：「雖然今年大家都多咗機會出動，我亦估計而家我地隊嘅隊員都冇乜機會被要求調到支援組、研究組或退出兼打逆AP劑！但係有留意近排出動嘅消息，都知我地先鋒隊愈嚟愈多人受重傷，我地嘅敵人愈嚟愈強大！大家要當今次係一場真實嘅戰鬥，唔係玩玩下嘅比賽！我雖然今次唔會出賽，但會時刻留意你地出賽嘅場次！記得要好好表演！知道未？」

「知道！」全部人齊聲回應

「好！解散！」浩政說完就走到梓旻前：「今年一樣要做搬人出場嘅工作，你自己同Albert聯絡下點安排啦！」

「亞旻，又要去做勞工？」鹿仔走過來問

「係，你呢？使唔使去M隊幫手？」

「唔使，亞塵叫我休息下，太多事發生喇！」鹿仔一提及亞塵便觸動梓旻神經，再望向鹿仔那整頭A Mark，內心一瞬間充斥著恐懼和不安

「哦……都好吖！唔使做咁多嘢！我聯絡Albert先！」梓旻保持鎮定轉身離開至休息室，深呼吸冷靜情緒後，便拿出手機撥出電話

「喂！亞旻！」

「喂！Albert，浩政叫我打畀你問幫手啲嘢喎？」

「哦！係呀！但今日你應該嚟唔切，因為我地已經係現場準備緊，一係聽日？要睇你邊日唔使出賽！」

「我未睇名單！我晏少少send信息同你講！」

「好！」

與Albert的對話完結，梓旻回到辦公室，看見鹿仔、阮超、詡及澈硯四人談得不亦樂乎，自己內心欲掃興的感慨內疚起來，亞豪的位置已不在了……而兇手可能是自己。

(待續)

咁勤力寫文
推下先

多謝支持
而家努力寫緊冬季覺力賽，我發現原來我之前啲數據有錯，即刻㩒多次計算機

十月覺力賽

總人數為131 129，其中包括一名總長。先鋒隊分隊總人數及每個職位的人數，如下：力量隊 (P隊)總人數為39人，包括一名高級隊長、四名隊長、三十一名隊員及三名見習隊員。
念力隊 (T隊)總人數為36人，包括一名高級隊長、四名隊長、二十七名隊員及四名見習隊員。
醫療隊 (M隊)總人數為39人，包括一名高級隊長、四名隊長、二十九名隊員及五名見習隊員。
零星隊 (O隊)總人數為14人，包括一名高級隊長、二名隊長、七名隊員及四名見習隊員。

十月覺力賽本來有28 33 場比賽

聽日會有冬季覺力賽資料

推。

「亞旻！打完電話喇？過嚟睇出賽名單啦！」詡招手叫梓旻過去，梓旻小跑的走到詡及阮超之間看著桌上的小冊子

AP特種部隊先鋒隊資料

總人數為127，其中包括一名總長。先鋒隊分隊總人數及每個職位的人數，如下：

力量隊 (P隊)總人數為39人，包括一名高級隊長、四名隊長、三十四名隊員。
念力隊 (T隊)總人數為35人，包括一名高級隊長、四名隊長、三十名隊員。
醫療隊 (M隊)總人數為39人，包括一名高級隊長、四名隊長、三十四名隊員。
零星隊 (O隊)總人數為13人，包括一名高級隊長、二名隊長、十名隊員。

六天比賽的賽程
第一天
第1節 10:00-12:00變陣賽 A組 參賽人數為10人
第2節 13:00-15:00變陣賽 B組 參賽人數為10人
第3節 16:00-18:00變陣賽 C組 參賽人數為10人
第4節 19:00-21:00變陣賽 D組 參賽人數為10人

第二天
第1節 10:00-12:00變陣賽 E組 參賽人數為10人
第2節 13:00-15:00變陣賽 F組 參賽人數為10人
第3節 16:00-17:00卧底賽 A組 參賽人數為10人
第4節 18:00-19:00卧底賽 B組 參賽人數為10人
第5節 20:00-21:00卧底賽 C組 參賽人數為10人

第三天
第1節 10:00-11:00卧底賽 D組 參賽人數為10人
第2節 12:00-13:00卧底賽 E組 參賽人數為10人
第3節 14:00-15:00卧底賽 F組 參賽人數為10人
第4節 16:00-17:00卧底賽 G組 參賽人數為10人
第5節 18:00-19:00卧底賽 H組 參賽人數為10人
第6節 20:00-21:00卧底賽 I組 參賽人數為10人

第四天
第1節 10:00-11:30領地爭奪賽 預賽 A組 參賽人數為15人 3隊*
第2節 12:00-13:30領地爭奪賽 預賽 B組 參賽人數為15人 3隊*
第3節 14:00-15:30領地爭奪賽 預賽 C組 參賽人數為15人 3隊*
第4節 16:00-17:30領地爭奪賽 預賽 D組 參賽人數為15人 3隊*
第5節 18:00-19:30領地爭奪賽 預賽 E組 參賽人數為15人 3隊*
第6節 20:00-21:30領地爭奪賽 預賽 F組 參賽人數為15人 3隊*
*每場一隊晉級

第五天
第1節 10:00-11:30領地爭奪賽 預賽 G組 參賽人數為15人 3隊*
第2節 12:00-13:30領地爭奪賽 預賽 H組 參賽人數為15人 3隊*
第3節 14:00-15:00領地爭奪賽 複賽 AB組晉級隊對決 參賽人數為10人 2隊
第4節 16:00-17:00領地爭奪賽 複賽 CD組晉級隊對決 參賽人數為10人 2隊 梓旻
第5節 18:00-19:00領地爭奪賽 複賽 EF組晉級隊對決 參賽人數為10人 2隊
第6節 20:00-21:00領地爭奪賽 複賽 GH組晉級隊對決 參賽人數為10人 2隊
決賽抽籤

第六天
第1節 10:00-11:00領地爭奪賽 決賽 1組 參賽人數為10人 2隊
第2節 12:00-13:00領地爭奪賽 決賽 2組 參賽人數為10人 2隊
總決賽抽籤
第3節 15:00-16:00領地爭奪賽 季軍賽 參賽人數為10人 2隊
第4節 17:00-18:00領地爭奪賽 冠亞軍賽 參賽人數為10人 2隊

咁樣就一更
有D唔夠喉

「你地今次玩埋卧底戰？」鹿仔問

「係，有隊員想試試！」梓旻回答

「如果楓香中咗做卧底，你地就贏硬啦！佢咁蠢！」阮超嘲笑道，眾人笑著點頭

「你地今次唔玩卧底？」詡問鹿仔

「唔玩喇！老喇！休息一下先！但亞超會照玩。」鹿仔望向阮超抬抬下巴

「自己另外再組？」澈硯問

「係，P隊啲FRIEND。」阮超道

「你終於係P隊識到朋友，前輩倍感安慰！」鹿仔譏笑道

「咩意思呀你？P隊只要避開珈純班人就冇咁黑人憎！」阮超說完轉向梓旻，興奮地笑言：「聽聞你打到佢趴係度喎！做得好！」

「欣賞你！學到我啲好嘢！」鹿仔豎起拇指。突然，「啪」一聲，鼓鼓爸爸從後大力拍打鹿仔的後腦：「我聽到㗎！唔好教壞後輩呀！」

「好好好！」鹿仔回應完，鼓鼓爸爸便走去找浩政

「講返賽程，你地卧底賽對Baldwin隊！」鹿仔指一指第三日的第五節卧底賽 H組：「你地嘅第一場比賽！」

「有邊個？」澈硯問

「尚華、芷喬、Baldwin、Baron同House。同上年一樣喎！」阮超讀出人名

「尚華？」梓旻有點小高興

「切！尚華……」詡及澈硯二人不爽的道

「點解佢地咁唔鍾意呢個人？」鹿仔問，但二人沒有回答，而梓旻只是聳聳肩沒有回應

「領地爭奪賽呢？」梓旻查找自己的名字

「第四日第二節B組，對Kristy隊同五M隊。」阮超指一指

「你地好彩喇！呢五M隊九成退賽！年年都退。」鹿仔笑說

「咦？咩嚟？」詡興奮的指著第四日第四節D組寫著「第一隊，Kiki、陳德晉、麗瑤、阮超及鹿仔；第二隊，珈純、Cade、Edith、Fay及亞點；第三隊，Crysta、菲菲、Grace及Stone」

「嘩！好睇呀喂！可以名正言順咁打佢喇今次！」澈硯興奮大叫，眾人立即偷望在高級隊長房的鼓鼓爸爸，他仍在與浩政說話

「係！我今次唔會留手！」鹿仔壓低聲線說

「你上次失曬控啦？有留手咩？」詡同樣壓低聲線問

「你唔好又要我救你就得！」澈硯說完，「啪、啪、啪」三聲，今次是富哥拍他們的頭

「富哥！」鹿仔大叫：「我地錯咩？」

「冇，你地樣衰！」富哥解釋，梓旻和阮超在旁忍笑

「你點睇到呀？明明就妒忌我地可以出賽打！」鹿仔摸摸頭

「係呀！吹咩？我同圓婉玩！」富哥朝休息室去了

「話時話，點解Crystal嗰組得四個人？唔係至少五個人咩？」梓旻問

「重傷嘛！未死得，但最好唔好出住。」阮超繼續說：「仲有好幾個都係咁。」

「好似真係好嚴重。」梓旻皺眉

「你都瞓咗兩日啦！」詡指指梓旻，說起「瞓」了兩天，梓旻突然想起「吳鈞悅」的名字，但看完整個名單也找不到

「比賽名單只有啲稱呼冇全名，咁唔透明？」梓旻煩惱的說

「因為我地係商業機構！知唔知商業嚟講有咩賺錢呀？係明星呀！明星！緊係出啲易記嘅稱呼啦！藝名嚟㗎！」鹿仔又再強調部隊是一個需要賺錢的機構

「喂！大家！比賽要開始喇！」雲耳木耳在會議室投影播放比賽

(待續)

當然唔會冇故事，未待續

推。

今日冇文，自推一下

推。

咩嚟?你係唔係炒咗中學啲賽程表

冇，好差 諗住成個覺力賽程清晰啲

巴打唔好quote文

推