《覺能之戰》

故事仍會逢二、四、六更，如有變動會盡早講聲

基本用語簡介
覺能 (AP)，覺能劑 (AP劑)，覺能犯 (AP犯)
Awakening Mark (A Mark)
- Eye Mark = A Mark 在眼，Arm Mark = A Mark 在手臂，Ear Mark = A Mark 在耳，S Mark = A Mark 在眼, 手臂及耳以外的地方
黑色怪物 (弱至強)
- 紅核 < 百核 < 角百核 < 角獸

AP可移動工具簡介
運輸機
- Horn Chess – II，Horn S plane - II
小型移動工具
- T-Bike

覺力戰簡介
舉辨時間：一月、四月、七月及十月頭一星期
舉辨場地：
(四月及十月，春秋) 柏德斯加訓練場 – 虛擬訓練場
(一月及七月，冬夏) 耀王城某地方
玩法：領地爭奪戰 / 卧底賽 /變陣

AP特種部隊簡介
先鋒隊
O(零星)隊
高級隊長：李浩政
隊長：宏基 (鼓鼓爸爸) 及富哥
隊員：Crystal, 陳德晉, 菲菲 （雲耳木耳）,亞豪 [已死], Kiki, 鹿仔, 黎達 (Dali)[已背叛], 戴梓旻, 澈硯
見習隊員：吳一詡, 彭麗瑤, 趙阮超

M(醫療)隊
高級隊長：葉天宏（亞塵）
隊長：Rose [已背叛]
隊員： Fay,亞宏
見習隊員：周逸樺, House, Kristy

T(念力)隊
高級隊長：甘嘉雄
隊長：Albert
隊員：盲妹, Lorre
見習隊員：芷喬

P(力量)隊
高級隊長：亞常
隊長：孔sir, Buck
隊員：Cade, 亞點, Edith, Baldwin, 岡仔, 珈純
見習隊員：韋楓香, 凌尚華, Baron

支援隊
支援人員：美慧

研究隊
研究主任：Lina [已背叛]
高級研究助理：澈硯 [兼任先鋒]
研究助理：Taylor

犯罪組織「獨」
楊枳洛, Rose, Dali, 亞傑

其他
鄭子謙

唔記得咗楊枳洛乜水

第十八章發夢發到嘅人，夢中同Dali有關係
同澈硯查到有名冇料到嘅人
個名只出現過兩次，所以唔記得好正常

暫時已出現角色裡面，大家可以估下已出現角色有幾多角色係間諜/有特別目的留係部隊

第二十一章 突襲過後

回到總部，梓旻第一時間想到的是醫院。來到醫院的樓層，情景與他夢一樣。院內全是傷者，傷者都是先鋒隊員，就只有一個床位拉上了分隔病床的布。梓旻走到那病床前，隔著布聽到女性的啜泣聲。他慢慢地把布拉開，首先映入眼簾的是躺在病床上的澈硯，動也不動的，他掩著嘴、流著淚問：「點解會咁？點解會咁？」

「亞旻！亞旻！」樺在梓旻的身後出現

「佢……佢係咪死咗？」梓旻緊咽問

「冇，暈咗咋！同只有少少皮外傷。」樺皺眉苦笑

「吓？咁……點解拉埋布佢？」梓旻停下落淚但仍眼泛淚光的問

「頭先做完檢查吖嘛！」

「吓？哦……」

「放心啦！冇事嘅！」樺甜笑著

「點解你咁放心嘅？」

「做完檢查吖嘛。」樺苦笑

「佢點暈㗎？俾人打？」梓旻從旁邊抽取式紙巾盒內抽出一張紙巾擦走眼淚

「佢……被石撞到頭暈。」

「吓？石撞頭？」梓旻瞪大眼

「可能係佢走嘅時候被啲石屎之類傷到。」

「咁蠢？」

「哈哈……」樺苦笑

「梓旻！啱喇！幫手清理現場，去主研究所個邊！個個出曬去，處理緊災後回復，唔夠人用。」鹿仔突然從身後走出來說

「好！但係……主研究所係邊度？」梓旻從來都不知道主研究所的位置在哪，只是曾經聽澈硯說過甘氏大廈後山的位置

「你落到地面，兜去甘氏大廈後面會見到一片幾空曠嘅草地，草地間得一條石路，沿住走到一個位置就會見到一個用花崗石及青磚疊砌而成嘅拱門同圍牆，嗰度本身係一個古人留落嚟嘅炮台，行入拱門又會見到一片草地。平時嘅話就除咗草地乜都睇唔到，但而家開咗好大個窿，盲都睇到！」鹿仔說完，梓旻便立即回到宿舍換制服，再跟著鹿仔的指示到達地點

梓旻越過拱門，看見一個非常大的深坑，整塊草地下陷出現了一大個圓坑。數名隊員在把坑內的石移動出來，而岡仔站在坑外指揮其他人。

「Hi！我俾人叫嚟幫手！」梓旻走到岡仔旁邊道

「太好，你將個一打同呢一打，仲有個邊個打移到去隔離草地。」岡仔向坑內幾個有碎石的位置

「嘩……要啲時間喎！師兄！如果郁個啲位會上面會冧落嚟！」梓旻看見那些碎石的位置也在比較危險的位置

「你唔係同浩政一樣AP咩？一邊托住，一邊移走啲碎石咪得？」

「冇佢咁勁嘛！」梓旻皺眉頭，但也開始小心移動碎石。

「呀……好啦！唔該曬！個邊有箱水！口渴自己拎！」岡仔說完便離開

「喂！梓旻！我又嚟幫手！」詡在不久後也來到幫手

在黃昏之前終於成功把所有的碎石移離主研究所，修葺的工作將會由支援組及T組人員在翌日完成。梓旻及詡見工作已完成，便隨便找個位置坐下休息。

「估唔到Lina會背叛組織，唔通佢係『獨』嘅人？」梓旻先開口問

「我頭先嚟嘅時候打聽到，佢同Rose同埋Dali打起上嚟。如果佢係『獨』，咁Rose同Dali又係咩人呢？」詡告訴梓旻自己所知的事情

「咁佢可能唔係『獨』嘅人？我都幾肯定Rose同Dali係『獨』嘅人。」梓旻從自己所知的事得出想法

「因為夢？」詡拿了兩樽水，把其中一樽給了梓旻

「係！仲有食堂！」梓旻接過水，說完渴了口

「咁有可能係內訌？」

「因為隻百核？點解係呢隻？因為佢夠大？」梓旻的問題令他倆沉思起來，但很快便被梓旻的手錶打破沉默，他收到要匯報情況的信息

(待續)

敵或友篇第二十一章：突襲過後

打少了

《作者小分享》

之前有提過，我其實用緊香港地圖做故事地圖作參考。而總部我本身就設定係離島區，設計主研究所位置時，想令佢隱瞞啲，又有啲特色。搵搵下發現原來香港有啲地方幾靚，所以就用嚟做參考/寫作素材。

大嶼山分流炮台
［圖片來源：古蹟辦事處］

梓旻又再來到42樓的三號會議室，這次沒有上次那麼緊張，可能因為不是第一次。他進到會議室，其佈置與上次一樣，不同的是窗外變得漆黑一片及少了叫亞常的高級隊長。

梓旻走到中間位置，把手上的水樽放下，再立正大聲道：「戴梓旻報到！」

「聽Lorre講你當時有幫手對付一隻百核，可唔可以詳細啲講講點解你係現場？發生過咩事？」甘先生問。梓旻嘗試把自己所經歷的事匯報出來，包括他的家庭日及那男子的外貌及說話，這匯報內容似乎讓甘先生感到非常高興：「個男人真係講殺死一角以及消滅所有關於佢嘅一切？」

「係！」梓旻對甘先生的反應不太理解，他似乎是第一次聽這件事，但Lorre應已匯報這件事吧？第二，為什麼他會這麼高興呢？

「哈！哈哈！太好！」甘先生開心得拍起手來

「甘！」亞塵不滿的喝止他的行為

「好！你走得！」甘先生停止了，但仍笑著

梓旻一臉疑惑的離開了會議室，走到升降機門前也被甘先生的奇怪反應困擾著，就在升降機門開啟的一刻才想起自己的水樽被遺留在會議室。他只好折返拿回水樽，大概是時間也算偏晚，工作人員都下班了，所以梓旻只好自己扣門。就在他準備扣門的時候，他聽到亞塵在房內大叫：「甘！我唔建議！」

「就算你唔建議，我都會做！」甘先生也激動回應

「佢唔會合作！咁係破壞咗承諾！」亞塵似乎更生氣了

「承諾？楊枳洛已經破壞咗啦！佢講到咁明喇喎！」甘先生提起了「楊枳洛」這個名稱，這下令梓旻更感興趣，他冒著被發現的危險把臉貼近門面偷聽他們的話。甘先生沒有退讓：「你地睇清楚現實！現實係我地再唔拉攏一角合作，我地邊夠打？好似今次咁！只係每區派啲怪物，就可以幾乎癱瘓成個先鋒隊！加埋『獨』自家製嘅AP犯？ 」

「我地只要好好訓練……」亞塵打算反駁

「啱呀！訓吖！你落咗幾多心機係Rose身上？結果呢？我地而家已經出咗三個間諜，未知仲有幾多個係隊內！我地根本唔夠對面打！」甘先生的話讓亞塵無法反駁，看來對話已經完結，也不是好時機拿回水樽，梓旻就此離開

直到第二天早上，梓旻趁著辦公室只有他及詡二人時，梓旻把所聽到的也告訴詡。

「即係要同一角合作？」詡嚇得差點噴水

「我估係！但一隻怪物點合作？」梓旻雙手抱胸

突然，門外傳來聲音，浩政回來了，在自己的辦公室不知做了什麼又跑了出去。這讓梓旻產生疑問：「佢尋日究竟去咗邊？點解得一個高級隊長？咁大件事得甘先生一個？」

「真係唔知，可能係本來以為一個搞掂？如果下下都出曬四個，咁成個先鋒隊都好廢喎！」

「但而家已經唔掂到搵隻怪物幫手喎！」梓旻剛說完，門外又傳來聲音，這次是雲耳木耳，他邊進門邊埋怨：「唔掂呀！今次唔掂喇！點解偏偏係呢啲時間？」

(待續)

文

「發生咩事？」詡問

「因為Dali背叛，我地個日有返工嘅人都要去俾人審，審完仲要去執主研究所，俾人懷疑仲要做嘢！同時因為Lina，成個研究隊啲人都要停職受審！十一月尾喇！佢地仲停職，交唔出個覺力戰場地，邊個做？唔通支援組做？又咪係先鋒做，然後又借走啲大嘅，大嘅啲嘢又俾啲細嘅！你以為我地隊有幾多人呀？五個隊員咋！」雲耳木耳哀號

「冷靜啲！隊員應該仲有我！我應該到時分擔到啲嘢！」梓旻安慰道

「亞旻！」雲耳木耳感動道

「等等！你話成個研究組，咁我件武器呢？佢地前幾日叫我聽日攞！」詡緊張問

此時鹿仔回來辦公室，一臉倦容的答話：「你慢慢等啦你！不過，應該唔使等一星期嘅！所以耳耳都唔使太擔心。」

「我想知點解仲要舉辦覺力戰，發生咗咁大件事！先鋒隊有間諜喎！」梓旻不滿的問

「因為錢！」鹿仔重語氣道：「冇人贊助，你同我都食得屎！我都講過啦！覺力祭目的係讓大眾監察部隊嘅進度同為城市增加旅遊景點，而家停咪即係話俾人聽有事發生？而且，你講嘅間諜已經俾老闆冚曬啦！」

「冚曬？點冚？」梓旻問

「用錢囉！你一定冇睇今日報紙啦！」鹿仔從文件櫃上拿起一份報紙讀：「『先鋒隊行動迅速 獲市民力讚』。入面一啲都冇提過Rose同Dali，Lina都冇！呢啲就係錢嘅重要性！」

「我想問，其實個日發生咩事？」梓旻非常想知道當日情況

「個日我好快就俾人派咗出去。當我地開始移動隻百核核心嘅時候，出動警報就響起，好快就叫咗好多人出動，冇機會知發生咩事。不過M隊亞宏應該知多啲，佢係少數俾人留落嚟嘅人，加上佢識治療自己，應該比較少機會受影響。」鹿仔放下報紙，走到咖啡機前準備沖咖啡

突然，幾名先鋒隊隊員走進來，當中包括亞宏。帶頭的人是一名滿臉鬍鬚、雙眼琥珀色及看起來有點嚴謹的短髮中年男子，他用那有點雄厚的聲音問：「請問戴梓旻係唔係度？」

「我……我係。」縱使未知發生什麼事，但梓旻也知道這不是一般事態

「你好！我係T隊隊長Mark，因為懷疑你同Lina有關，所以希望你協助調查！」

「吓？係咪搞錯啲咩？」詡驚訝地叫起來

「冇！我地發現佢地嘅武器相似度好高……」

「咁佢嘅武器係由Lina設計，相似度高都唔奇！」雲耳木耳插話

「所以我地要收起佢嘅武器做檢查！而且，我地發現佢地A Mark一樣！」

「A Mark一樣？」眾人驚訝道

「係，所以浩政啱啱都已經被邀請協助調查！」Mark看著梓旻：「所以請你都同我地合作！跟一跟我地去接見室傾下偈！」

Mark伸出手，看著梓旻腰間的鎚子抬抬頭，示意他交出武器。梓旻不太情願的交出鎚子，Mark接過鎚子後遞給身後的某人，那人把鎚子帶走了。接著，Mark便轉身帶頭離開，梓旻跟著離開時也不禁向詡等人投出求助的眼光。

(待續)

來了明晚加更

雖然夢中曾到過接見室審問Dali，但現場還是第一次來到接見室。他被帶到甘氏大廈五樓的位置，正式入伍後第一次回到五樓，那緊張的感受與當時第一次來的緊張截然不同。當時他帶著興奮且期待的心情探索新地方，今天他帶著恐慌且無助的心情來到他之前從未來過的接見室。

接見室與面試室相似，同樣以黑白色調為主，房間燈光同樣暗，只有一張五角形的枱、一部小電視機及一大部錄影設備在旁。不同的是，這裡膠椅有數張，其中一面牆為單面玻璃，明顯會有人在玻璃的另一邊觀看整個調查過程。

梓旻進門後便看見浩政正坐在其中一張椅上，他明顯心情煩躁，雙手抱胸前，擺著一副臭臉在抖腳。當看見梓旻進房後，浩政便破口大罵：「發神經？連佢都捉埋嚟？」

梓旻雖知浩政不是在罵他，但也不禁嚇了一跳。在梓旻前面的Mark冷靜回應：「冷靜啲！搵佢嚟傾下偈唧！冇事咪放返你地出去囉！做乜咁嬲？嚇親小朋友呀！(望望梓旻再指著浩政身後的位置)你拉張凳去佢後面，背貼牆坐啦！」

梓旻乖乖照做，浩政沒有看他一眼，怒視Mark道：「做乜咁嬲？你試下幾個字前我仲俾你老闆點去做嘢，幾日冇乜瞓過覺咁完成佢叫做嘅嘢！一返嚟唔夠半個鐘叫我嚟審我？仲郁我隊啲人添？你有病呀？」

Mark仍舊冷靜的，沒有立即回應浩政，他從其他人手中接過文件，再命令其他人離開後才緩緩坐在浩政的對面，說：「浩政，我地唔係懷疑你呀！」

「唔懷疑叫我入嚟托呀？唔係我辦公室傾？」浩政絲毫不留情面

「程序上係要咁，你合作嘅話，好快走得！」Mark打開文件，指著一幅圖，圖上可見是某人的背部中心有一片黑色葉的紋身，在情況下估計那就是Lina的A Mark。Mark繼續說：「有熟悉花草嘅同事話呢個係廣藿香嘅形狀，Lina嘅A Mark同你兩個一樣，當然會有人奇怪啦！尤其浩政你同Lina咁friend，同時聽同事講你都曾經想殺死隻百核……唔係懷疑你，但想知發生咩事唧！」

「我覺得隻百核大巨大！太危險！唔留得！就係咁多！至於個A Mark我鬼知咁多！」浩政理直氣壯的回應

「同你一樣喎！」Mark繼續懷疑

「嚴格嚟講唔一樣！我嘅圖案唔係草！係花！使唔使除衫俾你睇？」浩政道

「唔使！我都有你A Mark嘅相，梓旻都有！你就沙漠玫瑰，佢就百合！」直至現在，梓旻才知道自己身後的是百合花的A Mark，Mark說：「但圖案一向都唔重要！重要係出現嘅位置，所以我們絕對有理由……去向你地了解情況。」

「即係懷疑啦！咁多廢話！」浩政仍口不饒人

「梓旻，希望你唔介意我咁叫你……你點睇？你連武器都一樣。」可能覺得已不能與浩政溝通，所以Mark繞過浩政問梓旻

「我……我唔知，我連點解自己A Mark係背脊都唔知……至於武器，我未見過佢嘅武器，而且我武器又係佢設計，我真係唔知。」梓旻膽怯又無助

「咁……冇辦法喇！係有新指示之前，你地要留係呢間房等待調查結果！」Mark把黑色文件夾合上及留下來，自己轉身離開

(待續)

留喺接見室？唔係應該喺拘留室？

唔係拘留室，因係冇懷疑過佢地只係留低佢地協助調查

而接見室呢個字其實我唔太肯定
我上網搵有稱呼叫「審訊室/審問室」，但好似唔係香港嘅稱呼，可否請教下大家，香港叫嗰個室叫咩

「即係變相困住我地，蹝氣！」浩政說完便駝著背趴在桌上睡去

接見室內沒有時鐘，梓旻沒辦法知道自己被困了多久，加上自己與浩政並不是那麼熟絡，令他不太敢亂動。梓旻在角落靠牆小睡了一會，他醒來時，見浩政還未醒，他走到桌前打開文件夾。首先看到的是Lina的A Mark，然後看到的是她的武器，那武器其實與他的武器不一樣，那根本不是鎚子，那是一把鐮刀，但外型與梓旻的鎚子非常相似，只是鎚頭變刀刃，而用料則是一樣。

「咔嚓」門開了，梓旻放下文件夾，走進來的是Mark。他看看梓旻，再看看桌上的文件夾，道：「點呀？啱啱睇完份文件。」

「根……根本唔係鎚！佢嗰個明明係鐮刀！」梓旻嘗試反駁，但換來Mark的恥笑聲：「哈！哈哈！唉！好喇！上頭話你地走得，武器都攞得走喇！」

「曬時間！」浩政站起身準備離開

「我都唔想嘅！你知啦！程序嘅嘢！」Mark似乎想推卸責任，浩政沒有理會Mark直行直過，梓旻跟著離開。當浩政和梓旻正從其他隊員手上拿回武器時，Mark再說：「上頭話近排唔會安排咁多嘢你做，好好休息啦！(斜眼望一望梓旻) 同教教個新仔用佢件武器啦！」

當然浩政沒有理會他，梓旻非常希望浩政解釋Mark的說話，但明顯不是時候。浩政一直走到露天花園，梓旻不知他應否繼續跟著浩政因為天色已黑，這應該不再是他的工作時間，而且他被餓了一整天。突然，浩政嘆了一大口氣，說：「旻，攞你個鎚嚟！」

梓旻把鎚子交給浩政，浩政沒有把鎚子伸長，他看了兩眼鎚子，然後用力握實鎚子，明顯在運用AP。鎚頭的形狀慢慢改變，它變得愈來愈扁，愈來愈長，接著它變成了一把直且細長的尖頭劍。浩政向著草叢以AP揮了一下，那草叢被削平了。最後，他把劍還原成鎚子，再問：「你聽日有冇嘢做？」 **粵語小知識：我上網搵「聽日」(意明天)嘅粵語正字應為「停日」，但我見比較少人咁用，所以都係用返「聽日」

「聽……聽日？如果其他人冇咁忙，有人喺辦公室聽電話，我應該冇乜嘢做。」

「咁叫其他人當值，聽日九點五樓技能訓練場見！」浩政說完便離開了

梓旻乘搭升降機到食堂買晚餐回宿舍吃，由於時間尚早，食堂也頗多人，梓旻也不擔心再遇到上一次Dali的事。他拿著外賣回到宿舍時，詡、楓及樺等人在他門前等他，這久違的組合。

「咁耐㗎你！」楓不滿叫道

「我以為你放咗出嚟會第一時間搵我！」詡埋怨道

「我太攰喇！你試下俾人困接近十個鐘吖！」梓旻邊開門邊回答

「咁我地會唔會太打攪你？」樺有點不好意思

「點會呢？入嚟啦！我都仲要食飯！」梓旻開門招手讓他們進門

(待續)

一早有文睇

今日冇文，自推一下

設計緊各角色嘅武器，發現要設計得有用又有個人特色都幾難

第二十二章 重組案情

翌日，梓旻九時準時來到柏德斯加訓練場的五樓技能訓練場，這裡是上次他練瞄準射擊的訓練場，但不同的是這次沒有箭靶。

「今日我地用呢個波練！」浩政舉起一個銀色的小球

「又波？」

「係！又係波！但呢個波同之前嘅唔同，佢係由特別物料製成，同我支筆、你個鎚同Lina嘅鐮刀一樣。」浩政輕輕一拋那小球，看來小球有一點重量。浩政繼續道：「我諗你都有玩過泥膠，我地做嘅訓練就要當佢係泥膠一樣搓完㩒扁。放係手上面，想像要壓扁佢。」

他拿起小球，球在他手中升起，慢慢由圓形轉成平面。他解釋道：「你一定要慢慢壓扁佢，而且一定要力道平均啲，如果唔係就會變到彎彎曲曲，試試佢。」

梓旻嘗試把小球壓扁，可是別說壓扁，連形狀也變得奇形怪狀，活像被一手掐住泥膠而成的不規則形狀。他不禁偷望浩政一眼，浩政有點皺眉，梓旻繼續嘗試了多次也不太成功，這讓浩政有點不解。

「點解會咁呢？應該唔會格……」浩政摸摸頭

「可能因為……」梓旻想到的只有自己的資質比浩政差

「因為佢唔係你吖嘛！」Albert從門口走過來，向浩政道：「聽聞你尋日比人捉咗，仲俾人冷落喎！」

「諗起都嬲！」浩政憤怒道

「Mark都唔想嘅，試問隊內有幾多人敢招惹你吖！」Albert從梓旻手上拿走小球，小球以非常緩慢的速度改變形狀，由奇怪的形狀變成了上下平面的柱體，他解釋：「雖然我唔似你地咁有力量，但我都知原理。梓旻未太習慣用AP包圍物件，未有呢個習慣係好難有下一步。你試下先用AP包圍物件，用AP限制物件被擠壓嘅範圍。如果你唔用AP包圍，情況就好似擠牙膏咁，冇被限制嘅位置就會不受控咁擠出；但用AP包圍之後就可以好似做蛋糕時用模具一樣，變成你想要嘅形狀。試下！」

梓旻跟隨Albert的講解，先用AP包圍已非圓形的「小球」，再想像其「模具」，終成功造出極扁身的圓柱體。梓旻興奮的道：「得喇！我做到喇！」

「用太多時間喇！」浩政說

「唉……多啲鼓勵得唔得？梓旻做得好！你跟住要加快速度！」Albert溫柔道

「我冇你咁有耐性。(望向梓旻)如果你要變成刀刃，你要將啲邊壓得再扁啲！」浩政說完，梓旻又再試試，雖然成功壓扁，但有微微的彎曲

「嗱嗱嗱！都叫咗要力度平均啲！」浩政不滿道

「好喇！你係度只會令佢更加有壓力！難得放假就同我地班同期食下飯啦！我地好少咁齊人！走喇！」Albert這就離開了訓練埸

浩政顯然不太想離開，但又覺得Albert說得有道理，最後都決定離開，離開前也不忙交低功課：「你練快啲，如果你想試其他形狀，可以上網參考下唔同武器嘅結構，亦可以自己設計新形狀。你……聽日？練好三個形狀俾我！」

「時間太少……」梓旻擔心自己做不來，多些時間會比較好

「咁……後日啦！記住！想像力好重要！」浩政說完便離開了

(待續)

CLS老細

連續兩天時間他也在訓練場努力，他集中練習鎚子、直劍及斧頭的形狀。於第二天的中午，詡終於成功得到屬於自己的武器，他很高興研究組的審問比想像中快完結，這下雲耳木耳也應該放心不少。

在交功課給浩政的那天，梓旻雖心情緊張，但表現也不錯。完成了形狀的訓練，浩政再要求梓旻嘗試把增加其攻擊性，想像變得更堅硬及更鋒利，這次梓旻終於習慣使用AP包圍武器再完成浩政的課題。本來浩政要求數日後再交功課，但他的工作又再回來，梓旻再度要自己一人訓練。

就在訓練的第五天，澈硯終於醒來了。他的身體狀況不錯，留多一天醫院就可回宿舍去。梓旻也在他回到宿舍當日探望他，雖然他看起來尚算精神，但明顯憔悴。

「你得唔得吖你？」

「得！做乜都得！係有啲肚餓唧！」

「幫你買嘢食？」

「咁又唔使，未想食嘢！係呢！我暈之後有冇發生咩事？」

「你暈咗之後，總部搵咗好多人審問，但唔見有咩新情況。我想知究竟當時你發生咩事先！」

澈硯開始講述事件。

***

澈硯當時如常回到主研究所，他到了炮台的草地中心，由於當日有押送鄭子謙及核心的行動，被草皮掩蓋的地板門早已打開。他經過身份認證等程序便回到負一樓，主研究所每一層的面積也非常大，澈硯通常會於負一樓的小型AP實驗室工作，那是離入口較遠的地方。鄭子謙及百核會被押送至安置區，安置區是用來暫時安置AP犯及怪物的三個不同大小的玻璃監倉及玻璃特制獸籠。

押送AP犯的程序通常是把AP犯帶進小型玻璃監倉，然後按動機關就會把整個小型玻璃監倉送到指定樓層。而紅核及百核則使用大及中型玻璃特制獸籠，把核心從核瓶中釋放至特制獸籠內，等待牠們的新軀體長成，在牠們第一次吼叫後就會按動機關就會把整個特制獸籠送到指定樓層。

在小型AP實驗室處理好日常維護的工作後，澈硯便開始查看誰是董葦萁。他很快便查到董葦萁的Rose，並立即打給梓旻。就在這時，一名研究組同事叫他一起逃離現場，他便立即離開。剛好Rose等人在安置區打過來到小型AP實驗室門前，澈硯等人立即躲避。當時他根本沒時間留意戰況，為了保身只好拼命逃跑，本來也算安全，但他發現了在現場的逸樺。眼看一塊大磚正掉到樺的頭上，為救他的女友，他選擇了折返拯救樺，最終被大磚撞暈。

***

「你意思係樺當時係現場？」梓旻記得樺沒說過自己在現場

「係，我暈之前仲抱住佢添！」

「澈硯，我想再問你多一次，你係咪孤兒？完全冇屋企人？監護人都冇？」澈硯及樺的口供不對令梓旻記起楓曾說過樺與澈硯的家人聯絡

「都有嘅……」澈硯猶豫地說

「係？」梓旻很高興澈硯的回答令他不用懷疑樺

「亞塵囉……佢約莫六年前開始照顧我，最似屋企人㗎喇！」澈硯的答案令梓旻失望了，亞塵根本不需要樺的匯報。澈硯察覺了不妥，問：「做咩？」

「冇嘢。其實之後Lina加入戰鬥，將Rose同Dali趕走，而且殺咗百核。」梓旻認為始終不是由樺親口告知聯絡澈硯的人，未確定的事還是不要提比較好

(待續)

待眾人的動作也停止了，Rose才慢慢收起水槍，埋怨起Dali：「你根本一出嚟就應該叫停佢地！俾人打啦！抵你死㗎！」

「你以為易㗎？少用會好痛㗎！」Dali伸出舌，活像一隻醜陋的狗在伸出舌頭散熱，他的舌中位置有一個黑色階磚圖案，跟Kiki一 樣的A Mark。再細看Dali的眼睛，本來淺啡色的左眼變成了黑色，大概他一直都在偽裝成A Mark的人

他們悠然到開始操控控制台，但他們低估了Buck的拼死個性，Buck很快就動起來，用最大力道發出AP打向他們。他們反應快避得開Buck的AP，令AP錯誤地擊到天花板。天花板的碎石落下差點擊到不知何是站在那的樺，幸好澈硯救下她。

Buck雖然成功發出AP，但他未完全恢復，加上在Rose及Dali的雙重夾攻下，最終也倒下。就在此時，一下AP形成的刀風擊中兩人背部，可二人未有即時倒下。Rose用水槍射出含麻醉的AP液，Lina把鐮刀變成巨大的匙狀，把AP液裝起來，再灑在Rose身上。

Dali見狀再次大叫「停」，可Lina只是稍稍停了一下，很快就把匙變回鐮刀行在Dali頸上，威脅他：「你地係『獨』嘅人？」

「係……係……你係咩人？」Dali伸著舌頭問

「你唔使知！謀呢隻百核嘅人都要死！」Lina說完便把鐮刀拉後，虛弱的Rose趁機拉走Dali逃離現場

亞宏及Mark因Dali離開而可再度行動，但未有即時把Lina當成同事，因為她隱瞞了總部她有AP的事實。她也似乎未有理會，輕鬆打開玻璃特制獸籠，就在百核發出第一次吼叫的時候，用鐮刀精準地向其核心位置揮下，百核就此倒下。

同時，甘先生因Buck發出的強大AP及建築物被破壞的巨響而對現場查看，Lina走出玻璃特制獸籠放下武器，舉手投降。

***

聽完亞宏的經歷，梓旻可以確定幾件事：第一，樺在說謊，她當時在現場；第二，Lina不是「獨」的人，但似乎又不是部隊的敵人。接下來的問題是，樺為什麼說謊？「澈硯的家人」是誰？Lina是什麼人？為什麼要殺百核？Rose及Dali又為什麼要那隻百核？他又能跟誰說呢？

午餐時間完結後，梓旻又回到辨公室開始沉悶的下半場，但這次阮超也沒其他事做，二人拿出棋子來消磨時間。

「旻，今次你地又四個先鋒一個支援組一隊呀？」阮超一邊放棋子，一邊問

「咁快打聽其他隊？」梓旻笑道：「今次支援組嗰位唔參加，轉成澈硯。你呢？」

「我同麗瑤被Kiki、鹿仔同富哥邀請組隊，我地都應承咗。」阮超下了一步棋，沉默了數秒，再說：「其實有啲沉重……」

「佢地唔會要求你做亞豪嘅角色嘅……」梓旻偷望一下阮超，他看起來尚算平靜。梓旻下了一步棋問：「你覺得……點解總部要設計卧底賽同變陣賽？」

「唔知呢……可能就因為預想到有Rose同Dali嘅存在卦……」阮超或許沒有打算加重梓旻的不安，或應說梓旻根本不用問也想到差不多的答案，只是他不想相信覺力戰的設計背後原來包含那麼實在的用途，更害怕他需要運用比賽內所學或所經歷的在懷疑身邊人身上，尤其是樺身上

(待續)

差啲唔記得今日星期六

第二十三章 賽前準備

「點解你唔幫佢？話我知點解你唔幫佢？」梓旻又再次發起「預知夢」，他夢到自己在某人的辦公室內破口大罵某個人。這「預知夢」比以前不同的是他這次非常清晰地知道自己在發夢，以及這個夢並不如之前般完整，這辦公室只有一半是可見的，夢中被他痛的人、其聲音及所站的那半個辦公室都是漆黑一片。

「我知你可以救到佢！點解唔救？」夢內的梓旻似乎聽到一些難以信服的解釋，開始痛感：「我唔信你！佢地個個都話你最熟識AP嘅嘢！你仲要係部隊最後王牌級人馬！你一定救到……你明明一定救到……」

夢內的梓旻跪在地下痛哭，似乎那個某人打算伸手安慰，他拍走那人的手，吞口水道：「佢係我最好朋友！最好拍擋！既然救唔到佢，我唔會俾佢未婚妻出事！」

夢內的梓旻打起精神擦擦眼淚，說：「我知你打算利用樺幫你做嘢！我知你利用緊佢想復仇的心幫你做啲危險嘅嘢！立即叫停佢！」

對方似乎不願放開樺，夢內的梓旻走近對方說：「交換！你唔係一直要我加入你個隊㗎咩？我同樺交換！只要你唔叫佢做嘢！我就加入你個隊！」

沉默了一段時間，對方似乎作出讓步，夢內的梓旻說：「好！我接受！」

***

「亞旻！搞咩？全日渾渾噩噩咁嘅？」澈硯在工作時間找正為隊伍間速遞工作的梓旻

「冇……冇……」梓旻本來在沉思昨日的夢，被突然出現的澈硯嚇一跳

「又因為……夢？」澈硯問

「冇，邊有咁多夢。」梓旻不太想讓澈硯知他的夢，始終有關樺的部份，他知道也沒有好處

「明顯有關喎！」澈硯不信道

「冇，你跟嚟做咩？聽日先復工唔係咩？」梓旻嘗試轉移話題

「冇，樺話今晚去詡到傾覺力戰啲嘢喎！」澈硯想起來意

「點解你知先過我？仲有，點解唔用手錶手機？」梓旻有點不開心

「因為我想搵你傾偈囉！好悶！」

「你睇唔睇到做緊嘢？」

「梓旻！」許久沒見的尚華在P隊辦公室外向梓旻揮手

「尚華！好耐冇見！」梓旻非常高興

「好耐冇見！我地好耐冇一齊練嘢！」尚華開朗道

「約個時間咁一齊？你應該都攞咗武器啦？」梓旻有點興奮

「攞咗，P隊嘅武器特別悶，全部都係拳套。」尚華拍拍掛在腰旁的拳套

「我……係個鎚仔，O隊武器係特別啲。」梓旻把文件暫時飄浮，拍拍掛在腰旁的鎚子

「明嘅！呢位……一定係澈硯！好高興認識你！」尚華友善的伸出手

「我都係，你一定係Buck個細仔！」澈硯有點不爽的握尚華的手，他因梓旻對尚華的反應而不快

「咩話？」梓旻驚訝望向澈硯

「呀……係……好少人知，唔好講俾太多人知！」尚華有點尷尬

「居然？」梓旻驚訝望向尚華

「的確唔多人知你仲要係岡仔同Crystal 細佬。」澈硯明顯故意說

「吓？真㗎？」梓旻雖對尚華的家人身份感到驚訝，但對澈硯的不禮貌更反感：「你係咪特登？明知人地唔想咁多人知！」

「你都好想知㗎！」澈硯笑言

「希望你地唔好講出去，爸爸唔想我靠佢。」尚華有點為難，梓旻有點不好意思

「唔止，唔想認添啦！未同佢反面得你一個咋！」澈硯似乎不願停下

(待續)

有加更 推