買左新書,今晚出課金報告
〈陽丹訣〉
冬至後齋居,嘗吸鼻液,漱煉令甘,乃嚥下丹田。
以三十磁器,皆有蓋,溺其中。已,隨手蓋之。書識其上,自一至三十。置淨室,選謹樸者守之。滿三十日,開視其上,當結細砂,如浮蟻狀,或黃或赤,密絹帕濾。取新汲水淨,淘澄無數,以穢氣盡爲度,淨瓷瓶合貯之。
夏至後,取細研棗肉丸如桐子大,空心酒呑下,不限丸數,三五日後取盡。夏至後,仍依前法,採取却候冬至後服。此名陽丹陰煉,須淸淨絕慾。若不絕慾,真砂不結。
--- 蘇軾《東坡志林》 卷一。
冬至之後,自己一個住,清心寡慾,唔好打丁。試下吸返自己既鼻涕,用黎「朗」口,「朗」到有甜味出,再吞返落肚。
之後搵三十個有蓋磁桶,痾尿落去。痾完就掩蓋,寫返低邊日痾,一至三十。再搵間乾淨房,叫個憨鳩幫你守住啲尿。等夠三十日,正呀喂,間房應該同陳寶珊一樣咁香。 到時,你開磁桶蓋睇,應該會有層細砂浮下浮下,可能黃色,可能紅色,視乎你有幾重口味,再搵條黑絲做filtration。過濾之後,用新打返黎既水,沖乾淨啲尿砂,要沖到無尿味先得,再搵個瓷瓶儲埋佢。
夏至之後攞出来,磨成粉,加啲枣泥整到桐子咁大,空肚送酒吞,中意可以食多幾粒,總之就要三五日內食哂佢。夏至既時候,都可以用同方法整,等到冬至再食。哩啲叫陽丹陰煉,煉既時候,唔打得飛機,你一打啲尿就唔起砂架啦。
喺二手書店買的書。大家有咩就多謝飛機巴打
哩兩三日哩度會停一停,我會開個極短post講一塊秦代碑文
喱篇同樣係承接#319 〈兔兒神〉既
〈傲嬌受.齊景公〉[4]
景公蓋姣,有羽人視景公僭者。
公謂左右曰:「問之,何視寡人之僭也?」
羽人對曰:「言亦死,而不言亦死,竊姣公也。」
公曰:「合色寡人也?殺之!」
晏子不時而入,見曰:「蓋聞君有所怒羽人。」
公曰:「然。色寡人,故將殺之。」
晏子對曰:「嬰聞拒欲不道,惡愛不祥,雖使色君,于法不宜殺也。」
公曰:「惡然乎!若使沐浴,寡人將使抱背。」
[1] 姣:樣靚。所以話人姣,即係話人靚。如果聽到港女鬧人姣,即係佢妒忌人靚。
[2] 羽人:官名。字典話:周代設置,掌按時徵鳥羽的事。斷估係收集羽毛既官,唔肯定。
[3] 僭:不敬。何視寡人之僭也:做咩望我望得咁不敬。
[4] 實在太欣賞自己喱個標題,忍唔住想話畀大家知
--- 晏子春秋.外篇下.景公欲誅羽人晏子以為法不宜殺
齊景公好靚仔,某日有個羽人小官,兜口兜面望住景公,咁係不敬之罪黎。
景公就港女上身,同啲跟班講:「挑那媽,問條仆街做咩望我!」
羽人答:「講又死,唔講又死。其實,我,丁,緊,你。」
景公話:「J寡人?9527,殺佢!」
晏子咁岩到,就話:「聽講大佬你發緊火喎。」
景公話:「岩呀,鹹濕到連我都夠膽敢丁,喱啲變態一定要殺。」
晏子就答:「我聽講唔畀打丁 (抗拒慾望) 不人道,請人食檸檬 (拒絕人示愛) 就唔老黎。雖然佢係J 緊你,但係J 下人唔洗死既。」
景公就突然小受上身話:「好衰架,既然殺佢唔到,就罰佢同我一齊沖涼,幫我刷背啦 ~ 」
公曰:「惡!然乎!若使沐浴,寡人將使抱背。」
巴打可唔可以解詳細d li句,就咁睇以為佢驚俾人執番梘
無乜重口野喎
巴打有無講腳ge文,聽聞以前好多腳膠,好想知佢地點描述