重口味古人筆記

1001 回覆

1162 Like 13 Dislike

第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁第 41 頁

普西佛齋娜 2017-11-12 17:40:25

壽桃牌喇沙麵 2017-11-12 17:40:27

壽桃牌喇沙麵 2017-11-12 17:41:49

〈兩個賤人〉[0]

晉撫[1]題[2]賈根應兒，先被韓幅有哄誘雞姦，乗隙續姦，不記次數。僅與酒食，並未給過銀錢。後經賈根應兒之母——賈段氏聞人談論，向伊子盤出姦情、毆詈[3]，賈根應兒卽愧悔拒絶。

嗣[4]韓幅有往找賈根應兒外出，經賈段氏回覆，韓幅有卽向賈段氏調戲、被罵逃避。賈段氏欲控，經郭根勸住令韓幅有搕頭陪禮。賈段氏聲稱韓幅有以後不許再與伊母子（氵柔）繞[5]。

各散迨後，韓幅有因見賈根應兒在鋪前經過，邀令進鋪飲酒，欲行續姦。賈根應兒嚷罵韓幅，有取刀撲砍，賈根應兒閃避奪刀，砍傷韓幅有，額顱倒地。韓幅有聲言傷痊定行設法强姦，賈根應兒氣忿起意致死，將韓幅有疊砍致斃。

該撫將賈根應兒依「男子拒姦殺人」。死者雖無生供，而年長兇手十歲以外，確係拒姦起釁。兇犯年在十六歲以上，無論登時[6]與否，照「擅殺罪人」律，擬「絞監候[7]」，聲明入於「可矜」等[8]。

因臣等查「男子拒姦殺人」，分别年歲，照「擅殺罪人」擬「絞監候」之條，係指未被姦汚之男子，拒斃圖姦未成罪人而言。若已被姦在先，後經悔過，拒絶復被逼姦，將姦匪殺死，卽不得與「未被姦汚之男子拒姦致斃者」並論。

第[9]既悔過自新，若仍依「謀故鬬[10]殺」本律問擬，則與未經悔過拒絶，恬不知恥者，無所區别。衡情定讞，自應照「擅殺罪人」律科，斷以昭平。允至「擅殺」雖包「謀故」，而秋審[11]時，「擅殺」中則「謀故」殺之案例，不擬「矜」，止應入「緩」。

今該撫將該犯依「男子拒姦殺人」例，問擬罪名。雖無出入引斷，究未允協。應將賈根應兒改依「罪人不拒捕而擅殺」，以「鬬殺」論。「鬬殺」者「絞監候」律，擬「絞監候」。所有該撫聲明，將該犯入於「可矜」之處，應毋庸議[12]。

臣等再查「男子悔過拒姦」例，無治罪專條，各省辦理，難免兩歧。應俟命下，卽於例内，添纂明晰，以資引用，等因題准。

道光四年通行巳纂例。

--- 清　祝慶祺《刑案匯覽》卷二十七

壽桃牌喇沙麵 2017-11-12 17:42:10

[0] 原本擬定題目係〈你以為屌完後悔就可以告人強姦？〉。一念之差無用到。
[1] 晉撫：山西巡撫
[2] 題：通「提」
[3] 詈：加個「刂」就知咩字
[4] 嗣：解作後續、承繼。如：「嗣位」、「嗣業」
[5] （氵柔）繞：即騷擾。（氵柔），有興趣就望下：http://dict.variants.moe.edu.tw/variants/rbt/word_attribute.rbt?quote_code=QzA2MjY0
[6] 登時：當時、立即。無論登時與否：無論當時夠唔夠十六歲
[7] 絞監候：「絞監」，死刑。「候」，緩期執行。有興趣就望下：https://baike.baidu.com/item/%E6%96%A9%E7%9B%91%E4%BE%AF
[8] 聲明入於可矜等：「可矜」，即係值得同情。講明哩單案係值得同情既級別。有興趣就再望下：https://baike.baidu.com/item/%E7%A7%8B%E5%AE%A1
[9] 第：作副詞解「儘管」
[10] 鬬：通「鬥」
[11]秋審：見注8 link
[12] 應毋庸議：不必再討論、不准所請。

壽桃牌喇沙麵 2017-11-12 17:45:36

山西巡撫上奏：賈根應兒，先被韓幅有呃左菊花，後來又不斷乘機再屌。韓幅有正仆街仔，屌完唔畀錢，求其請人食餐飯就算數。後來，賈根應兒老母聽人講哩單野，咪審個仔囉，~~鬧佢做鴨唔收錢正憨鳩~~。個仔又衰呀，被老母鬧兩鬧，就話咩好後悔，以後唔敢，唔再做ptbf，~~你明明有份爽架，臭鴨。~~

後來某日，韓幅有又諗住搵賈根應兒出去爆房，老母梗係話唔得啦，要屌就畀錢先。韓幅有見賈母都幾索下，就索性邀請埋老母，~~諗住食親子丼。佢地梗係傾唔岩價啦~~，韓幅有被賈老母罵死，仲想話報官。後來隔壁老王郭根黎勸交，叫韓幅有搕頭謝罪先無搞大件事，賈母就叫韓幅有以後唔準黎騷擾佢兩母子。

又有一日，韓幅有見賈根應兒行過自己間舖，就以為賈根應兒菊花深處痕癢，所以邀請佢入舖飲酒，順便止痕。嘩屌，賈根應兒竟然大鬧韓幅有，~~仲想追返過夜數~~。韓幅有體內可憐的血液，不斷來回穿梭上下兩個頭。正所謂：我得唔到既，其他人都唔可以得到。韓幅有就攞刀斬人，點知賈根應兒訓練有素，打得丁多雙手敏捷，一閃搶刀，再反砍韓幅有。韓幅有話我一定會再屌你。賈根應兒聽到就火起，索性斬死韓幅有。

山西巡撫將哩單野依「男子拒姦殺人」既律例處理。死者雖然死左，無得供認，不過佢大過兇手十年以上，件事又的確係因拒姦而起。至於兇手已經年滿十六歲，無論佢當時夠唔夠啦，都係計佢「擅殺罪人」。按法律就判佢「絞監候」，歸入「可矜」級別，再等候處理。

我地刑部就查過，「男子拒姦殺人」哩條罪，就有分年歲既，而哩單「擅殺罪人」判死緩既條例呢，就係指未被屌既男人，抗拒之中殺強姦犯。如果一早已經屌左，之後又話咩後悔，唔肯被人屌，仲將人殺死。咁樣係唔可以同「未被屌既男人，抗拒之中殺強姦犯」既案情相提並論。

儘管罪犯改過自新，唔再hehe，若果再依「謀故鬬殺」律例擬罪，就同死不悔改既無恥hehe 無分別。不過，根據案情定罪，就應該按照「擅殺罪人」律例審判。講到「擅殺」罪，雖然包含謀殺，但係根據秋審案例，「擅殺罪人」律入面，「謀故鬬殺」係唔會納入「可矜」既級別，只會歸入「緩刑」級。

今次山西巡撫以「男子拒姦殺人」既律例處理。雖然審判上無問題，但始終唔多妥當。應該將賈根應兒改依「罪人不拒捕而擅殺」，以「鬬殺」論罪。而「鬬殺」罪犯，就判以「絞監候」。所有山西巡撫將犯人列入「可矜」級別既論點，都予以駁回。我地刑部再查「男子悔過拒姦」既案例，係無相應既刑罰。各省辦理，難免會有出入。而家等皇上下旨，就將哩單野列入案例，以後大家都清晰，可以引用。

後來道光四年，哩單野就成為案例。

Cesc_Fàbregas 2017-11-12 17:46:58

福山じゅんじゅん 2017-11-12 17:48:55

留名慢慢睇

壽桃牌喇沙麵 2017-11-12 17:50:46