我女朋友仍住我同ex有嘢

我同女朋友一齊咗一年半，因為ex嘈過無數次，我一路都同佢講我已經對ex冇任何感覺，依家愛嘅人只有佢，但佢依然仍住我同個ex有嘢。

其中一個同佢嘈ex嘅位係，佢覺得我仲用緊我ex送俾我嘅嘢就等於掛住個ex。我嘅銀包、手機殻、背囊等等好多都係當年我ex送俾我。我最初冇諗住主動同佢講，但後來佢有次問完我啲嘢邊到買然後嬲咗我。我同佢解釋，嗰啲對我嚟講只係一件物件，我用緊嗰陣係完全唔會諗起個ex最後嘈完場交我妥協，當然佢都冇送返新嘅比我，最後係我出錢重新買返哂啲嘢

仲有一單係，我ex間中會搵我打機，係成班人咁打，我地各自拍咗拖之後都有避忌冇單獨出過去，對話內容都好正常。咁有日條女㩒㩒下我手機見到我ex send msg問我打唔打機，佢就嬲爆爆咁搶咗我手機覆佢，叫佢唔好再煩住我最後我發佢脾氣係因為佢問都冇問就攞我手機去覆人，佢堅持自己咁樣冇問題，講咗好多非常難聽嘅說話鬧我地狗男女，我同佢嘈又比佢話我係想維護個ex

我地一齊咗年半，長期比人質疑嘅感覺真係好難受，諗過分手但同時又唔捨得到底有咩方法可以解決到依個問題。

真係無咩理由唔質疑你

師兄可唔可以講多啲，想知佢點諗

同巴打 差唔多case。但無你女朋友咁恐怖。


Btw，錯不在你。分左手，就唔比做朋友？ 都on撚9

o係你的女朋友角度睇的話你地成班朋友打機應該冇問題,
但你地私下message約就有問題,
如果係其他一起打機的人約你就應該冇問題

又用ex送嘅嘢又同個ex繼續打機囉
送嘅嘢如果實用嘅話個人覺得繼續用都ok嘅，但係仲同ex有聯絡就⋯
你話你同個ex有避嫌唔單獨約出街，但係你又同佢打機仲有聯絡
雖然話信任係好緊要，但係你易地而處諗下如果今日係女朋友同個ex繼續保持來往你係咪都ok100%信曬對方唔會有條刺先
你條女又唔係24小時望住你同你ex嘅對話，點知你係咪真係純打機

唔明點解做朋友一定係掛住，最好笑係佢自己都有異性fd

佢自己嗰日都睇到剩係約打機，攞我手機覆我到依家都仲覺得好過份

佢有解釋佢送俾我嘅嘢仲冇穿冇爛我先繼續用但佢都好似唔明咁
佢同ex傾我冇所謂，冇過界咪得，我會信佢呀。

好羨慕你 我條女識咁諗就好

係咪佢想我冇哂社交我都要照做先講真我一路都已經有讓步，我愛條女係咪代表條女叫我食屎我都要照食？

可能佢自己係一定唔會聯絡ex嘅人，所以佢都expect咗你唔會聯絡ex
只可以講每個人條線都唔同，好多時候都係睇你地兩邊都可唔可以為對方退讓一步
例如你睇下有無得一大班人打機就照舊打，但係同ex講到明唔好再單獨聯絡咁
始終ex呢個身分同普通異性朋友唔太一樣

就算係只打機都應該避嫌,
你避都唔避變相係對女朋友唔尊重je

佢拎你手機覆一定係唔o岩,
但都唔代表你係正確,
某程度上係你顧好佢感受於是佢痴Q左

高招

我ex自己都有男朋友，嗰陣我條女鬧完佢佢都唔開心咗幾日，佢私下搵我我仲唔覆佢=我要預會冇咗個fd

野可以繼續用
機就唔好繼續打喇
BTW
你女朋友咁kam千祁唔好放返出嚟