葉開葉開
2022-04-15 16:09:00
三百五十八
自從果晚既電話談話之後,大表姐就冇搵我做過愛。
睇黎佢係因為知道我鍾意秋兒姐姐,所以自己抽返個身出黎,同時亦都想我修心養性,唔好再亂搞男女關係,等我如果真係同左秋兒姐姐一齊左既話可以挺起胸膛。
唉,但以前既事發生左就發生左,就算而家唔再做,前事都冇可能一筆勾銷。
再講我而家仲拖住左個鄭穎琳。
所以就算大表姐冇再同我扑野,我都仲有個對象比我屌。
但星期六果晚係咪我同大表姐最後一次扑野?
唔話你地知住,不過我同大表姐既關係,仲有小小後續。
至於我同秋兒姐姐既進展係點?
我有冇聽大表姐講主動出擊?
……
……
……
冇。
我都唔知點解。
或者係因為罪惡感?
又或者係覺得自己冇資格?
甚至係因為覺得自卑?
而家大個左諗返起,如果當時有表白既話,就算未必即刻成功都好,都可以避免左之後發生既一連串事件。
*
唔經唔覺,中三就進入尾聲。
次次考試之前我都驚到標屎,但除左中一上學期果次之外,次次都比我狗屎撞棍合格咁升到班。
阿必同樣都係好好彩咁次次都升到班。不過與其話佢係好彩,不如叫佢多謝八婆儀仲好。次次差唔多考試之際,八婆儀就會主動捉佢係自修室或者麥當勞溫書。
「救命呀球星!」每次阿必比八婆儀捉走既時候都鬼殺咁嘈。
「拜拜喇~」我每次都面帶微笑咁舉手歡送佢地。
但係真係多得八婆儀幫佢惡補,阿必雖然有啲科唔合格,但總算勉強升到班。
不過有人歡喜有人愁,鄭穎琳就算今年留過班,響佢第二年考中四既期末試,佢都考得非常差。
雖然據佢所講,成績係有啲進步既。
唔知係咪因為咁,學校好似會比多次機會佢補考。
不過以中四黎講,會比學校安排補考,我都係第一次聽。
「點算呀余正熙...」考完試之後既其中一個星期日,我地去到好遠既地方拍拖,但食飯既時候佢仲係愁眉苦臉。
其實我心入面都好愁眉苦臉,因為我地今日又冇地方扑野。
題外話,就算係我地拍左兩個幾月拖,我地都仲係以全名稱呼對方。
「咁咪幾好?妳留多年班我地咪可以同級囉。」我笑笑口咁講。
「妖。」
不過就算妳向我救助我都幫妳唔到。
第一我讀緊中三,而且成績又唔係特別好,我教唔到鄭穎琳。
第二我唔係好識人可以幫到佢手教佢,就算心目中有人選,但Jessica都同佢有仇,而秋兒姐姐都因為咁未必肯幫。
再講我都唔想有人知道我同鄭穎琳既關係。
所以鄭穎琳,妳要靠自己喇。
至於秋兒姐姐,校內試一向無敵既佢,有Jonathan既讀書會同補習notes幫手之下,成績似乎更進一步,總成績係全級第一,比起理科班既中六同學更好。
據聞老師們已經講到明,只要秋兒姐姐唔再響公開試失手既話,佢就算想入港大法律系都冇問題。
我有問過秋兒姐姐想讀咩,但佢話自己都未決定,要拎多啲資訊再考慮下。
我都幾矛盾。
我一方面梗係想秋兒姐姐成績更好喇,但又唔想佢再借用Jonathan既力量。
偏偏秋兒姐姐成績變得更加好,Jonathan舉辦既讀書會同提供既補習notes應該幫左佢唔少。
唉。
我對秋兒姐姐又繼續無為而治既策略,眼白白咁睇住佢考完試都繼續出席讀書會。
唔好話秋兒姐姐只係當我係佢細佬,就算真係好似大表姐所講咁,秋兒姐姐至少係對我有啲意思,但幫到佢讀書既機會,唔通唔比佢去咩?
我就係咁,眼白白咁睇住佢地可能會感情升溫。
不過好彩既係,至少我睇唔出佢同Jonathan有拍拖既跡象。
我係咪應該放低自己既過去,聽大表姐話主動出擊?
但過去冇可能抹走,正如潑出去既水一樣冇可能收返。
就算我同到秋兒姐姐一齊,仲要終日提吊膽咁比佢發現我既黑歷史,然後又驚佢會因為咁而分手……
唉。
好多野煩。
然後響呢個時候,又發生左另一件大事,令我更加冇時間去思考同秋兒姐姐既事……
(待續)