我和鄰居大姐姐的故事（15）

達達：我淨係要Ada

都係打和

用木棍隊屎眼算，唔好整污糟條大麻鳩

諗起之前足球更衣室篇潮文往死裏打

佢仲發緊吽哣

綠茶巴

而家係唔正常既達叔

三百五十四

「你地仲後生，呢一次失敗，係你哋球員生涯入面必經既階段。」陳sir安慰我地：「花無百日紅，你地做左咁耐冠軍，呢場比賽就係要你地明白，你地幾強都好，都會有輸波既時候。記住，呢樣就係足球，充滿變數既運動。」

冇錯。

場波已經完左。

我地而家坐左響場邊賽後檢討。

我地由領先兩球到反輸二比三。

最後階段因為全軍壓上，連埋熊輝都壓晒上埋黎禁區，所以最後既角球被解圍、陳韋拿衝上前場既時候，我地係空門狀態，結果比陳韋拿輕鬆射入空門。

換句話說，由於最後一場贏埋我地都係響積分榜上面落後南○一分，數字上已經唔可能反超佢地，所以我地提早一輪失去聯賽冠軍。

雖然最後球波係因為熊輝沉唔住氣走埋上黎諗住爭頂先會令空門出現，但冇人會怪佢，因為大家都知下場波要南○失分係好難。

而且…

有另一隻代罪羔羊。

「阿達你做乜鳩呀！」康達一入到更衣室，見陳sir唔響度即刻走埋去推左楊舒達一下：「你醒小小既話最後果球入埋喇！必仔斬得咁靚！你搞乜撚野跳都唔跳呀！？」

「我…諗緊野…」楊舒達吞吞吐吐地道。

「你諗乜撚野呀！？」康達怒道：「你而家咪諗撚到輸埋個聯賽冠軍囉！」

「喂算喇。」阿必走去做和事佬：「達叔都唔想既。」

「呢條友啱啱場波由頭到尾都發撚緊夢呀！」康達怒火中燒：「最後果球我地有冇怪過阿輝呀？冇吖嘛！因為佢盡左力！」然後用食指大力點一下楊舒達既太陽穴：「但佢冇啊！」

「Sorry……」楊舒達臉色慘然地道。

「道歉有撚用呀！你問心，自己啱啱漏頂左幾多球！？」康達好大力推楊舒達心口。

我都忍唔住走埋去隔開康達同楊舒達，道：「你夠喇喎！阿達都道左歉喇！」

我諗我會響呢個時候挺身而出，多多少少係因為我都同佢失戀件事有小小關係。

雖然楊舒達唔知成件事係點，但我的確比左頂綠油油既帽佢帶。

當然就算我派唔派帽都好，Ada都會同佢分手，我其實都冇任何影響力，純粹係心入面過意唔去。

賈加華都知楊舒達係因為失戀所以搞到而家咁，所以佢都幫口道：「係踢波既都會有狀態唔好既時候，算喇。」

康達見我地兩個加埋阿必都幫楊舒達，佢先唔忿氣咁坐低，一言不發咁走去沖涼。

阿必走埋楊舒達隔離，拍下佢膊頭：「唔駛理佢。」

阿必響足球既領域真係變左另一個人咁，同佢平時白卡佬形象完全唔一樣。

楊舒達臉色慘白，搖頭道：「唔係，細達佢講得啱，我真係發緊夢。」嘆左口氣，又慘然道：「我聽日去搵陳sir講我以後都唔踢波喇。」

我地全部都大吃一驚。

華爺即刻走上前，道：「踢波個個都有失誤架喇，阿熙都試過單刀唔入喇，係咪？」

屌，呢樣野又好似冤枉我喎。

我自問冇miss過任何單刀波架。

不過我唔出聲喇，當係幫手安慰下達叔。

「我知你咩事喎，女咋嘛，我介紹過個新既比你！」華爺又拍晒心口：「正過你以前果條既！」

唔講猶自可，一講楊舒達突然情緒崩潰咁喊出黎：「但係我淨係想要Ada咋！」

嘩屌。

似男兒當入○既赤木剛○響度爆喊…

但冇計，之後我地成班友就夾手夾腳安慰佢。

最後佢有冇同陳sir講話要退隊我唔知，不過至少佢都仲有繼續練波，據聞係華爺同阿必勸左佢唔少，先暫時勸到佢打消掛靴呢個念頭。

反而我就冇乜出力。

唉。

我其實都對佢唔住，但又冇乜幫到佢手。

始終我性格冇華爺佢地咁照顧身邊既人，所以開唔到口。

此乃後話。

*

隊友都各有心事，結果平時踢完波餐有一半隊友都冇出席。

我都心煩意亂，如果唔係諗住陪楊舒達既話，我應該都想自己返屋企靜下。

雖然楊舒達成餐飯都死老豆咁款。

咁夜，唔知秋兒姐姐返黎未？

佢又有冇留低食飯？

唉，今日真係諸事不順。

我收拾心情，踏上回家既路途。

（待續）

達叔去到大個咗就會醒覺其實無左Ada呢啲女係完全唔值得傷心

新post 加更呢

Push

新post留名

但到大咗又唔會咁愛一個人

絕對係

等緊你地咋嘛

綠茶巴

萬言巴好耐冇見

或者變左做player

三百五十五

拖住疲累既身軀同複雜既心情返到屋企，好彩既係我由秋兒姐姐屋企既門隙見到光，即係秋兒姐姐已經返左屋企。

呢個一定係秋兒姐姐，因為林太唔會咁早返到。

但其實而家都成十點幾，我仲係唔知道秋兒姐姐究竟有冇留低響Jonathan屋企食飯……

我諗住返屋企沖個涼之後，就拎住啲書同功課去秋兒姐姐屋企扮溫書做功課，兼睇下有冇機會八下啱啱個死人讀書會咩環境。

點知響我打開自己屋企既大門時，秋兒姐姐屋企度門打開左。

係秋兒姐姐。

佢應該係聽到我呢邊有開鎖聲所以打開門睇下我係咪返黎。

「熙熙？」秋兒姐姐叫我。

我面如死灰。

「冇事嗎？」

「輸左波。」我好灰，續道：「冇埋個冠軍。」

秋兒姐姐好溫柔咁笑，好似想比溫暖我咁，安慰我：「唔緊要架，盡左力就可以了。」

「嗯。」

「入唔入黎坐下先？」秋兒姐姐問。

哦。

求之不得。

「好啊！」雖然灰，但我梗係即刻應承。

「入黎吖。」秋兒姐姐溫柔咁笑住打開道鐵閘比我入去。

我就唔客氣走入去。

秋兒姐姐屋企張餐枱上面攤開左一本二本既書同notes。題外話，佢同我一樣，睡房入面並冇書枱，因為我地屋企都冇乜錢而且屋企人又夜返，所以張餐枱同時又係我地既書枱。

「飲唔飲湯？」秋兒姐姐問。

有湯飲？

秋兒姐姐返左屋企煮飯？

即係冇留響Jonathan屋企食？

一諗到呢度，我自然會心微笑左出黎，點頭道：「好呀！」

直至飲到碗湯之前，我係完全唔記煲湯係尋日自己煲飲唔晒放入雪櫃既。

不過都唔緊要，因為我見到個外賣飯盒未掉，所以推理到秋兒姐姐係冇響Jonathan度食飯既。

總算不幸中之大幸。

「趁熱飲吖。」秋兒姐姐微笑道：「你今日都辛苦。不過唔緊要架，比賽梗係有輸贏架喇。」

「嗯。」唯有係咁諗喇。

我飲左幾啖湯，秋兒姐姐突然叫我：「熙熙？」

「唔……？」我抬起頭，見到秋兒姐姐一副欲言又止既表情。

「唔…都係冇野…」

佢好少會展露出咁既表情喎，唔通係Jonathan啱啱對佢做過啲咩，但佢又唔想比我知？

諗到呢度，我突然痴左線咁勃然大怒，將今日整日既悶氣爆出黎，企起身怒喝：「係咪Jonathan今日響佢屋企對妳毛手毛腳！我一早知佢唔係啲咩好人，下次我見到佢實要打佢一身……」

秋兒姐姐見到我呢個反應，先係嚇到呆左一呆，再啞然失笑道：「熙熙你冷靜啲先……」

唔？

「你誤會左喇，佢冇對我做過啲咩，今日個讀書會大家都令我獲益良多……」秋兒姐姐澄清道。

「呃...」我呆左咁停響度...

好似好肉酸...

「我知你唔係幾鍾意佢，但其實佢個人真係冇野架。」秋兒姐姐再補充。

唉。

我而家個表情應該好難睇。

不過呢個時候秋兒姐姐又突然甜甜一笑，細聲道：「不過...你會擔心我，我其實好開心架。」

「嗯...」我有啲唔好意思咁尷尬一笑...

講真妳咁講其實我都好開心...不過...

「咁……其實妳想問咩？」我問。

呢個時候到秋兒姐姐個樣唔係幾好意思，但又好似好急切想知道答案咁。

「白太太呢…」秋兒姐姐吞吞吐吐地問。

唔…白師奶…？即係我煮野食既師父？

「佢冇事吖嘛？」我問。

白師奶身體出現左問題？

秋兒姐姐搖搖頭，然後繼續有啲忸忸怩怩。

？

我好似第一次見到秋兒姐姐咁少女既表情同動作。

「佢？冇事冇事。」

我點點頭，繼續望住秋兒姐姐。

秋兒姐姐突然深呼吸一下，再一口氣問道：「白太話買完餸返屋企既時候見到有個女仔響你屋企走左出黎！」

佢問完之後脹紅晒面咁望住我。

係尷尬怕醜果隻面紅。

「下？」我一時反應唔切。

「今日……」

今日？

即係大表姐？

我係早出門口過佢，莫非咁唔好彩咁比班三姑六婆見到？

（待續）

終於

有女上屋企有幾出奇啫

Push

表姐黎咋嘛 怕咩wo

熙哥搵大表姐補生物咋嘛，帽事嘅