三百七十九
我企左響秋兒姐姐屋企門前㩒鐘。
開門既當然係秋兒姐姐,佢一打開門都估到係我,再加上見到我已經換左屋企衫,歉然道:「啊,熙熙你返左黎喇。我可能溫書溫得太投入,都冇留意添。」
其實係我特登放輕手腳開門啫……
我同秋兒姐姐一齊行入屋,秋兒姐姐微笑地問:「同淇淇佢地去左邊度玩啊?」
我既朋友唔計淇淇同阿必,應該真係冇朋友,所以秋兒姐姐咁估係好正常既事。
啊,其實仲有青年軍班隊友,雖然我地休季之後其實都唔多特登約出黎,但呢個時候我就可以搵佢地過橋。
你地知喇,秋兒姐姐有淇淇電話架嘛,而且佢地又因為黃社而有交流,佢地有交集既機會係有架。
「唔係淇淇啊,我有個隊友生日,出左去玩同食飯咋嘛。」我講大話。
唉,我其實真係唔想對住秋兒姐姐講大話,真係會內疚同有罪惡感。
不過由我同Kitty姐姐破戒果日開始,我暗地裡又做左幾多會令秋兒姐姐傷心既事?
其實我根本冇資格鍾意佢。
「係啊,玩得開唔開心?」秋兒姐姐邊微笑邊坐返響餐枱面前準備溫書。
「OK喇。」唔敢講咁多,驚講多錯多。
好彩秋兒姐姐冇再追問,但又提起另一件事:「係喎,你應承左我話踢完波返黎要開始做下暑期功課架喎。」
係喎!
但而家鄭穎琳響我屋企等緊我返去,萬一我老豆返到黎,我唔敢擔保呢條死港女會做啲咩架喎。
「哎呀…但我出左成日街有啲攰…可唔可以聽日先做?」其實我都想搵個藉口過黎陪秋兒姐姐,但今日真係唔得……
秋兒姐姐笑左一笑,一副慈愛既表情道:「咁你聽日記得要做喇。」
「知道!」我即刻轉身離去:「早抖秋兒姐姐!妳都唔好溫到咁夜!」
或者係我今次來去如風,好似真係純粹打個招呼就走咁同平時好唔同,秋兒姐姐望住我既背影突然開口道:「熙熙,你好似同平時有啲唔同咁既?」
聽到秋兒姐姐咁講,我個身僵直左一下。
其實何止有啲唔同,係好唔同!
我轉過頭扮晒攰咁:「啊,可能因為踢完波仲要去玩去食飯所以搞到有啲眼訓……」然後作狀伸個懶腰。
秋兒姐姐笑左笑,溫柔地道:「咁你返去快啲休息先喇。」
慚愧,我又濫用左秋兒姐姐善良同對我既關心。
不過而家我都係唔好諗呢樣野住,快啲返過去屋企好過,我真係驚鄭穎琳條港女會走出房搞到間屋亂晒籠。
佢個實際年齡係用黎參考架咋,心智其實仲小學雞過我。
「嗯,早抖。」
*
我返到屋企,見到個廳仲係齊齊整整,心下略鬆一口氣,然後先行入房。
「啊,估唔到妳真係乖乖地響房等我喎。」雖然我只係過左去對面好短時間,但放條嬌生慣養既港女響度始終好似放左個計時炸彈咁。
「……」鄭穎琳搵張被冚到自己實晒唔出聲。
我心下奇怪,自己又唔覺得凍,再望一望個冷氣,又冇開到吖。
「妳啱啱唔係話熱咩?」我行過去張床:「做咩搵張被包實自己啊?」
「……」
「喂,問妳野啊!」我一手扯開鄭穎琳身上張被,不滿地道。
「嗯…我好熱啊…」屌,我一扯開張被就見到鄭穎琳全身一絲不掛咁訓左響度,一雙妙目水汪汪咁望住我。
嘿,妳個衰妹。
我望一望床頭個鐘先九點半,距離老豆收工應該仲有一段時間,於是剝左自己件衫,笑道:「妳一陣間仲熱啊!」
*
響老豆返黎之前,其實我都夠時間砌左鄭穎琳兩鑊之餘仲可以一齊沖埋涼。
佢果陣笑得好甜。
甜到我忍唔住又響廁所砌多佢一鑊,之後先著返衫吹埋頭,再同淇淇好快咁傾左陣電話先上床訓。
今日真係又食又拎,但代價就係比條港女響屋企過夜……
「如果日日都可以咁就好喇。」鄭穎琳響張單人床攬住我訓。
屌,講起呢樣野……
「妳聽日諗住點?」我問。
唔撚係諗住繼續住落去下嘛?
(待續)