314 Like
4 Dislike
墨說
2017-07-09 22:55:55
郭子鋒係咪打錯左
Amy都係
睇到我一頭霧水
打錯咗 我打文即時喺網上打的
佢地叫郭俊龍同amy
啫係淫kay係錯既?
打錯 KAY先係岩 最近成日發呆唔好意思
徐丹青
2017-07-10 02:21:18
墨巴 書展會唔會出現
想買本十四天搵你簽名
憶甜思苦
2017-07-10 02:51:43
墨巴 書展會唔會出現
想買本十四天搵你簽名
丹青都係到
大仆街
2017-07-10 03:36:38
推
墨說
2017-07-10 07:48:00
墨巴 書展會唔會出現
想買本十四天搵你簽名
不太清楚
因為其實我唔係太想去 但都想幫人簽 到時再睇睇
墨說
2017-07-10 08:21:10
「我幫你?」我眼角稍為盯了他一眼。
他呆了呆,笑了笑:「你估你殺手啊‧‧‧?」
「係。」
「哈~」醉醺醺的他把頭托起,才發現我已經居高臨下的站在其面前俯視住他。
「我係殺手。」
這個年頭,不怕有殺人委託,只怕沒人來。
始終生長於香港這個文明社會地方的人,要有無比的憤怒才會敢於將「殺人」這個念頭付諸實行。
平均一個殺手,兩、三個月多才可能會接到一宗殺人委託,半年以上的也有很多,但一年以上沒人委託過的亦大有人在。
之前我能夠快速獲得兩個殺人委託,我深信是「殺狗會」內部有人暗中幫助,派了殺人委託給我,好讓我更快地爬上殺手榜之中。
墨說
2017-07-10 08:42:32
我把醉得走動不了的郭俊龍拉到去鄰近的第二間酒吧,裡面正好是談談生意的事,因為我們聲音再大也會被舞池那群人掩蓋。
「你係殺手‧‧‧哈‧‧‧哈哈哈哈哈!哈哈哈哈哈!」大笑著的他,似乎當作是笑話。
「信不信由你,反正你都係改變唔到Kay唔再鐘意你嘅事實。」我直接道出重點。
「‧‧‧」本來笑得開懷的他,臉部一瞬間變了冰塊般。
「我只係為你提供一個建議,你可以選擇殺死佢男朋友。」我望住沉寂的他。
「一開始就對我講閒言閒語‧‧‧之後趁我同Kay分手個陣‧‧‧就乘虛而入!依種人我當然想殺佢‧‧‧‧‧‧」郭俊龍說著的時候,拳頭握得好緊:「你哋仲好似就快結婚‧‧‧」
「飲完杯酒,再考慮都未遲。」我把手上的威士忌灌入口中。
「你‧‧‧真係殺手?」郭俊龍凝思良久後,第一句開腔的話,是想再三確認我?
「係。」我答。
「如果‧‧‧我指如果‧‧‧我真係‧‧‧‧‧‧要殺佢,殺kay嘅男朋友,咁你‧‧‧要收幾多錢?」他也知道天下沒有白吃的午餐。
「視乎佢喺社會上嘅地位。」
「我睇過Facebook,佢好似係開緊公司‧‧‧」郭俊龍滑起手機。
「Facebook?」什麼來的‧‧‧
「無錯‧‧‧佢開裝修公司,應該講‧‧‧係佢老豆開‧‧‧佢只係掛個名嘅老闆仔,仆街有錢仔!!」發酒癲的郭俊龍突然把手機摔到地上。
大鹿帽
2017-07-10 09:08:16
推
墨說
2017-07-10 09:19:53
「你有齊佢資料?咁就方便。」我放下酒杯。
「你大概要我預幾多錢‧‧‧‧‧‧」我可以觀察得到郭俊龍身子正微微震顫。
「你預咗有可能要過百萬。」我從來不會逃避客戶的眼神,直視住說:「人命好值錢。」
「我‧‧‧我邊搵到百幾萬‧‧‧‧‧‧」
「你總有方法搵到。」
其實除了借高利貸外,就別無他法。
我這句話只是引導他過去思考。
「我‧‧‧我哋再電聯‧‧‧‧‧‧」他死死氣地撿回摔到地上的手機。
如是者,我便成功在舊同學聚會中拉攏到一宗生意。
不然真的會整天在家中發呆過日晨。
墨說
2017-07-10 09:47:06
在整晚結束後,半夜的薄雨時份,有一則不明的來電致電了給我。
「哈佬~」
「你係‧‧‧」半夜打過來,都應該不會是什麼好人。
「毛雲!你嘅生活智慧管家。」他帶點笑意地說。
那個住在石澳、為「殺狗會」做事、子丹的朋友吧?
「喔‧‧‧毛雲?咁夜打嚟有咩事?」我問。
「我個app你覺得點?」
「幾好‧‧‧」我說不出像賣廣告一樣的說話,什麼令人生更加充實了。
「好~其實係咁,子丹托我傳一句話俾你。」毛雲語氣稍為認真了點。
「嗯?」坐在巴士上層的我,望住窗外雨風瀝瀝的風景。
「你最好喺依幾個月內入到殺手榜頭50位~」毛雲繼續說:「因為每兩年,我哋「殺狗會」都會舉辦一個聚會,會邀請殺手榜頭50位殺手出席,至於詳情係點?大概都係一齊討論交流,仲有未來對抗特工部嘅政策之類,總之一句說話,幾月內上到去殺手榜頭50位吧!」
「儘量,有啲事唔急得。」我說。
「唔洗急!儘量快,ok?有咩事再搵我,我係你嘅貼心智慧管家~bye。」毛雲一張嘴說完,便快速收了線。
啊‧‧‧
幾個月內要上到頭50位。
雪糕味雪糕
2017-07-10 11:35:00
粗人敵卡
2017-07-10 12:16:39
咁樣接到新單
墨說
2017-07-10 18:33:57
一陣再出
墨說
2017-07-10 19:14:42
幾天後,正為著生意而苦惱,每天在安全屋中無所事事的我與Agnes,總算回神過來。
因為不久前我親自找上的生意,現在自己找上門了。
「叮噹~」門聲響起。
「嗯嗯嗯。」Agnes過去把門打開。
跟前幾天沒兩樣,頂著平頭、身材不揚的郭俊龍來到了。
「始終都係決定嚟。」在一角站著的我,淡然地說。
「先生,有咩幫到你?」Agnes又帶住生硬的笑容問。
「等我嚟。」我一手拉走Agnes,站到郭俊龍面前。
「我決定咗‧‧‧」他望住地板。
「有冇帶齊佢資料?」我直接問。
「‧‧‧」他點頭。
墨說
2017-07-10 19:42:26
Agnes見是客人,便立即問其資料等等,再一一上報到「殺狗會」網站中,因為私下委託的任務需要親自上報,才能獲得分數上殺手榜。
你可能會問,假若這樣做,一般殺手組織起不是能夠叫自己人給自己委託,再自己完成任務來洗數據?行,但是你必須擁有大量資金。
因為都說過,每一宗任務委託,「殺狗會」都會收取一定中介費,長遠來說沒什麼用。
而且大部份殺手喜歡的還是錢啊,怎會去追求分數這等虛無的榮譽。
登上這麼高的榜位,只會引來政府特工部的注目。
我翻開郭俊龍所給的資料文件,一邊細閱一邊問:「佢就係中學成日笑你,到依家做咗kay男朋友嘅二世祖?」
「係‧‧‧」
「七百八十萬。」我直接道出價錢。
「七百‧‧‧八十‧‧‧‧‧‧」
「無錯,已經收平咗。」我直視住郭俊龍雙眼:「你怪就怪佢背景都唔小,係一間建築公司嘅老闆。」
瞓低一米八
2017-07-10 20:06:15
Lm
陳善盈
2017-07-10 20:06:47
咁易拎到七百八十萬出黎,佢就唔洗搞成咁
大鹿帽
2017-07-10 21:08:00
推
墨說
2017-07-10 21:36:19
「我‧‧‧我會去借高利貸‧‧‧去俾錢你哋。」郭俊龍似乎已經做好覺悟。
「啊‧‧‧你鐘意,反正我只係收錢做嘢。」你的錢在哪裡來,我也不在意。
「你返屋企等消息。」Agnes善意地微笑。
「咁‧‧‧」
「一個星期。」我想了想,答:「一個星期之後佢就會消失。」
郭俊龍見我說得如此從容,便稍為放了心:「咁交俾你‧‧‧」
不清楚當中因由的Agnes,見客人離開後便很自然地問:「你識佢?」
「自己搵番嚟嘅生意,如果唔係等下世都唔洗開工。」我拍拍Agnes的頭,淡笑:「開工,阿妹。」
Agnes呆呆地點了點頭,開始根據客戶所給予的資料去搜尋,找到了目標人物所開設的建築公司──「項德五金有限公司」。
「呢間嘢請唔請人?」我問。
「應該請呱‧‧‧‧‧‧你識五金佬嘅嘢咩?」
「對於一個三十多歲嘅男人嚟講,呢啲冇乜難道。」