墨說
2017-07-04 00:29:24
見我愕然的表情,他便邪氣地面帶笑意:「人間兵器‧‧‧下次再見。」說罷,他就掩住刀傷慢慢離去。
因為下身麻痺而無法繼續追擊的我,則透過餘下的腳力帶點虛浮地回到房車中,被躺在後座上休息。
「你真係險~」那司機說著,便開車。
「下半身郁唔到‧‧‧」我說。
「依家帶你去睇黑醫。」
我望向倒後鏡中的司機,發現他是一個面相俊俏的男生,他就是子丹派來的人?
「子丹派你嚟?」我問。
「嗯~我叫毛雲,因為你經理人通報咗俾我哋協會聽,你有兩個目標人物未落手之前就死於他殺,而我哋派人去調查後發現係「八荒極殺」所做嘅事~基於「殺狗會」俾咗一個重要任務你,所以我哋都有必要儘可能保護你~」
「‧‧‧點解佢哋知我其餘兩個目標人物嘅資料,仲有要搶先一步殺咗佢哋?」
車終於駛出了停車場。
「可能係挑釁~?」毛雲挖一下鼻孔,然後用手指彈到出車窗外:「總之大概已經確認,「殺狗會」入面有內鬼,因為一般人係唔會知道協會內部派遣嘅任務,可能係有二五仔幹部。」
墨說
2017-07-04 23:31:37
「點解選擇嚟沙灘住?」我望住其牆上掛著的照片,上面都是毛雲他在海上捕魚的相片。
「冇乜人會咁問。」毛雲覺得有點點訝異:「因為夠輕鬆呱~」
選擇以環境來減輕自己的壓力嗎?原來如此。
士多的內部不大,但說得上五臟俱全。門上掛住一些海洋動物的小玩具、沙發與電視距離只有幾步近,牆上隨了照片還掛著多塊滑浪板,似乎毛雲他的性格都比較傾向自由,喜歡無拘無束。
「聽講你係個老殺手?」毛雲把一張摺椅放到我面前,坐下:「搞乜身手咁不濟。」
「我諗係‧‧‧‧‧‧無出手幾年,動作稍為一大都好似扭傷腰骨‧‧‧」我按一按腰部位置。
「哈哈哈哈哈~」毛雲給我一個可行的提議:「你試下去Gym Room健下身?」
「Gym room?」
「係啊~健身室,出一轉鬧市都有幾十間,喺個到鍛鍊番體能係最好選擇~」毛雲喝一口剛才自己調配的黑冰咖啡:「呼~正。」
「健身室我一次都未去過。」這種地方,我也遇過不少街上推薦員介紹我去。
「咁就更加要試下。」毛雲拍拍我的膊。