【我與你不曾相見,但請你就此安息】《殺手榜》

971 回覆
314 Like 4 Dislike
2017-07-05 07:48:11
墨巴真係信心保證


什麼保證?


好故


感謝

錯字保證
2017-07-05 08:58:15
墨巴 幾時出個戰鬥力表?



好難出,雖然我心中有一個答案
2017-07-05 08:58:31
墨巴真係信心保證


什麼保證?


好故


感謝

錯字保證


2017-07-05 09:10:28
我眼神稍為放空,想著健身室那些東西‧‧‧‧‧‧


毛雲見我思考著的模樣,就拿出手機來:「有冇興趣用呢個App啊?」


「App?」我望向他,他在說英文嗎?


「即係手機軟件啊,連咁都唔知,睇你都同社會幾脫節下‧‧‧‧‧‧」毛雲打量住我一陣,又問:「你平時返到屋企會做啲咩?」


「‧‧‧我?」我倒是認真地想了一想:「賭馬‧‧‧飲酒、食煙,仲有訓覺。」


「哇‧‧‧」毛雲以手托住下鄂,思量著:「以我推測‧‧‧‧‧‧你都係患咗『退隱殺手後遺症』嘅人~!」


「吓?」退伍軍人症我倒是聽過‧‧‧‧‧‧


「係一種心理病。一個經常處於生死邊緣、每日殺如麻嘅殺手,要佢突然過番啲正常人嘅平穩生活係十分之困難~所以佢哋都會靠嫖、酒、賭、煙呢幾樣不良嗜好去麻醉自己嘅不適。」毛雲說得層層是道。


「‧‧‧可能我真係有咁嘅問題?」我想一想自己的生活,的確是看似正常,實際上也不太正常。


「所以呢~我推薦你用呢個app。」毛雲把手機放到我面前,說:「個app叫『天天向上』!佢係「殺狗會」因為想協助退隱殺手過番正常生活,而要我設計嘅一個軟件‧‧‧‧‧‧既然兵器大哥你有呢種問題,一於就俾你用!」


「等陣‧‧‧」我有點愕然:「已經推行過認可咗?」


「哈哈哈,未啊~」毛雲抓抓後腦,說:「正好啦,搵你試下係咪有用。」
2017-07-05 09:24:52
「有咩用‧‧‧」我對它的效用很感疑惑。


「佢係一個生活系統,例如每日可能會俾啲小任務你,可以係叫你去行下街、睇一套戲、約人出街食個飯,完成之後就會有積分,啲積分儲夠一定數量就可以搵「殺狗會」要禮物架啦~」毛雲一邊笑著說,感覺十分不可靠。


「個軟件即係咁?」我說。


「當然~仲有第二啲用途,例如你去做一次gym,你記錄低佢就會根據你嘅訓練,講俾你聽身體依家強度有幾級,十級係最高,零級係最低。」毛雲又忍不住笑了一下:「仲有如果有人求你,或者拜托你一件事情,佢從聲音感知得到,都會自動叫你以任務方式完成佢,當然完成後都會有積分啦!其實最終目的都係想啲殺手能夠過番正常人應有嘅生活,慢慢俾佢哋試下接觸適應姐!總好過有啲殺手因為擺脫唔到從前‧‧‧最後變成咗連環殺人魔。」


「聽落的確係幫到生活過得好頹嘅人‧‧‧‧‧‧」我認真地望住手機上那個軟件的圖案。


「呢個年代~邊有話殺手一定要過得獨行、生活離唔開打打殺殺避警察?」毛雲伸手出來,說:「嚟喇,阿兵器大哥,俾你部手機我,我幫你放個軟件入去。」


我半信半疑地把手機交了出來:「‧‧‧」真的信得過嗎?
2017-07-05 09:32:26
過了一會兒,毛雲便把手機交回到我手上:「已經用得~試下打開嚟睇下。」


我把手機那個軟件打開,一開就有分「體能」和「任務」兩個介面。


「去做Gym啦!有益身心啊!兵器大哥。」毛雲這麼一喊,手機便自動納入了一項任務入去。


我按過去看一看,發現裡面有一則任務:


去做Gym啦!有益身心!


「喔‧‧‧?」我望住手機的畫面,感到一點訝異:「咁神奇?」


「唉~咩年代啊大佬,語音感應好普及嫁啦。」毛雲再三特顯自己的年輕。


「所以我真係走去做gym,佢就會俾積分我?」我問。


「當然,不過仲係研發階段,所以完成任務後你要自己記錄番先拎到積分~相信你唔會呃積分嘅?咁做就無咗佢嘅意義。」毛雲答。


「唔‧‧‧」我點點頭,說:「或者真係值得一試。」

「好啦,唔阻大佬你休息~」毛雲站起身:「好好訓番覺,聽日去番自己到。」


「嗯,你都晚安。」我說。


然後,躺在沙發上的我就繼續望住手機中那軟件‧‧‧‧‧‧不知不覺入睡去。
2017-07-05 11:07:35
app都有埋
唔驚俾人track到?
2017-07-05 11:09:10
app都有埋
唔驚俾人track到?


唔驚 
2017-07-05 11:20:02
高級野
2017-07-05 12:14:19
加速
2017-07-05 12:15:50
別朝一醒來,毛雲還似乎在士多樓上呼呼大睡。我沒有去打擾他,只去了洗手間稍稍洗一下臉便靜靜離開。


只有住在近海的人,才能特別感受到天氣的好。


住在都市的人,永遠對著的天氣好像只有一款。


但是住在偏遠的清優之地,總是能感受到它的美好。哪裡怕下著毛雨、風大了一點、陽光比昨天溫和了,都能夠用皮膚去感受得到。


灰白的天空中,唯獨有一道被劃破的藍空,彷彿兩旁雲路中夾流著一條清澈小河流,空氣亦帶著一點海味。


我想,已經知道毛雲選擇住在這裡的原因。



要從石澳回到市區,就必須乘搭小巴,因此我自然地走去等車。跟我等著車的人十居其九也是握著手機,都市病彷彿被他們感染發作,自己也拿出手機來觀望,明明手指滑來滑去都只是那幾樣東西‧‧‧‧‧‧


百無了賴的我打開了毛雲的「天天向上」軟件,一打開軟件便用機械式的聲音跟我說了聲「早晨」,令我有點兒不習慣。


之後它根據我處身位置,得知我正在石澳海灘附近,便給予了我一個任務:


試著跟一位陌生人搭訕吧!朋友,能令你世界變得不一樣。


「吓?」我望住手機發呆。


然後關掉軟件,直接無視。
2017-07-05 12:26:00
坐上小巴後的我,沿途一邊觀望著風景,一邊眼睛半合地休息著。待小巴駛到了市區,我才真正醒來。


「旺角到站,落車啦各位!」小巴司機大喊。


我按一按有點兒酸的肩膊後,便落車。


雖然還早,但眼前的旺角已經人山人海,可能是位於香港的中心處,這裡無論早、午、晚都一樣人多。


走在街道上,一大早就一堆人在進行推銷介紹,猶其是我正處身的旺角行人專用區,什麼電話服務、咖哩飯、地鋪買樓,都為著口飯而努力工作著。


外觀向來身無分文的我,從來不是他們的推銷對象,可今天就是有位穿住小背心的短髮肌肉男走到我面前,擋住我的去路。



「喂~哥哥仔,想唔想練下嘢咁啊?」短髮肌肉男向我問。

「唔?」我抬頭望向他。

「睇下我呢身肌肉!」說著,他便亮出引以為傲的兩頭肌。
2017-07-05 12:33:51
「‧‧‧」看上去又的確有點真材實料。


「上嚟吧!有好多師傅會教識你咩叫真正健身!!」肌肉男和樂地說。


本來我想拒絕,但隨即想到手機中「天天向上」軟件有一個任務,是叫我試一下去做gym。


如果真的能夠把我的人生改變,那我試一下也無況?


好吧。


「洗唔洗錢?」我直接問重點。


「當然唔洗~!見你咁靚仔,俾你試足三堂!」是我眼花嗎?那肌肉男怎麼好像淫邪地笑了下。


「好,咁你帶路。」我點頭。


於是,我便跟著肌肉男他去到了鄰近的樓上健身室。


一打開門,便是充滿男子氣概的大叫聲,似乎裡面的人正努力地健著身啊‧‧‧‧‧‧


「我可以點稱呼你?」肌肉男問。


「呃‧‧‧右先生吧。」我答。


「嗯!」他如同少女微微地點頭:「咁請你入去,第一堂會教下你咩叫真正嘅健身先。」
2017-07-05 12:41:43
WCF?
2017-07-05 12:43:17
我點點頭,步入室內:「啊‧‧‧明白。」


健身室中,有著不同的健身器材,給人感覺整潔不會太花巧,整體感觀不錯。真的要批評的話,只能說這裡的教練都Gay味十足,似借機摸人多於附助著學生。


「右先生!請問你想訓練邊一到?」肌肉男首先問我。

「呃‧‧‧」

「不如就由雙臂開始?」他根本沒有在乎過我會答什麼‧‧‧‧‧‧

「好。」但既然是試堂,那也無所謂吧。


肌肉男由推銷小子,瞬間榮升為我的健身教練,前後也只是數十分鐘的事。


「請你拎起個啞鈴。」他把啞鈴交給了我。


我握住,然後根據他指示的開始舉高、放下,不斷重複幾次。繼而又換作不同的姿勢,繼續訓練,每組動作約十次左右。



「哇~右先生真係好有成為健美先生嘅潛質!」肌肉男讚賞道。


我心想,這是為了哄我報堂才說的話吧‧‧‧‧‧‧


「健美先生好似要靠食藥維持肌肉澎脹?」我說。


「喔!其他人我哋唔知,但我哋健身學院絕對唔主將學員食藥!!」肌肉男嚴肅認真地搖頭:「健身係要健康!亦都要健心,用藥係十分唔健康,所以我哋唔會推薦右先生你食藥。」


「啊‧‧‧」我感嘆地點一點頭:「企業良心。」
2017-07-05 12:46:23
2017-07-05 12:50:38
「咁好啦,唔知右先生對我哋課堂有冇啲咩疑問咁呢?」肌肉男親切地和笑著。


「冇。」我搖頭。


「唔。」他滿意地點頭,又問:「咁唔知你會唔會報我哋嘅堂呢?」


「依層‧‧‧我應該要返去考慮下。」我答。



「啊啊啊啊啊!!!救命呀──」就在下一秒,突然一個四眼男子跑到我們身旁喊救命。


「咩事啊,學員?」肌肉男望住四眼男。


「你哋個教練無啦啦叫我除衫除褲啊!」四眼男喘著氣說,表情充滿驚惶。


「嘻!王生!做咩跑咁遠?」此時,他的教練也趕至。


「你唔好迫我再除乜除乜啊!」四眼男王生嚇得面色蒼白。


「你有誤會啦!!」肌肉男馬上解釋:「除衫除褲係為咗計下你重量,因為你啲衫褲都會影響個傍嘅重量!」


「我唔理啊!」四眼男掩住了頭,大喊:「退番堂錢俾我啊!好恐怖啊!初初嚟又話有靚女教練!!」


聽到這裡,我已經偷偷地從正門離去,躲過一劫。
2017-07-05 13:01:18
落回到樓下後,我更感熾熱。


剛才健完身已經一身汗,現在站於鬧市中,四周圍都是高樓大廈就更不用說。或許做完運動往往都會比較餓,所以我決定先找一間食店醫下肚子。


最後,在云云食店中我走了入一間茶餐廳中,坐到廂座。再者,想著要吃什麼的我,驀然想起了我已經完成了健身,便在「天天向上」軟件中提交完成任務。


然後,畫面就顯示我積分+10了。


‧‧‧雖然不知道用途在哪。



「伙記。」我舉起手,說:「要個炒豬肉公仔麵,加辣。」


「飲啲咩啊哥仔?」伙記大叔問。


「凍檸水。」



平常不餓的時候吃飯會覺得平平無奇,沒有什麼特別。但當人一餓的時候,再粗的飯再油的麵,也頓時成了人間美味,再加上付出了大量的運動量‧‧‧‧‧‧突然覺得這一餐吃得特別香。


‧‧‧吃完後比平時的確更精神了一些!為什麼呢?


我握起手機,望住那個軟件:「‧‧‧天天向上嘅威力?」
2017-07-05 13:12:40
飯後休息期間,Agnes致電了我說明早點回去,因為她怕「八慌極殺」那群人會找上門。


至於他們的目的是什麼,我還是未能從中推測得到。


但似乎‧‧‧


他們裡面的成員,好像是認識我。


那個昨晚持斧的男人,他喊了我以前的名號。


怎樣也好,為了見回左悔,只能夠繼續下去。



「真係賺到!?」我前一排的廂座,有個穿著平傭的男人驚嚇地叫著。


「當然啦~只要你放二十萬落去,包你唔洗好耐就賺啊。」說話的人,是個西裝人。


「但係‧‧‧我驚就咁會一下蝕哂。」


「信我無錯架啦!陳生,倫敦金好多人都玩緊!」西裝男繼續游說。


「咁你等我諗下先‧‧‧」


「好,咁我行出去食枝煙先,你慢慢諗。」說畢,西裝男便步行出去。


好奇的我,望住前排的陳生,他一面苦惱似乎不知如何是好。恰好,我又想起了「天天向上」叫我今天認識一位陌生男子,便硬著頭皮去跟他打聲招呼。


「你睇落好苦惱。」我說。


「哈‧‧‧係啊。」陳生回答了我,這就是茶餐廳的人情味,不認識的人也能搭兩嘴。
2017-07-05 13:21:49
「倫敦金就建議你唔好玩。」我提醒他,說:「係專呃人。」


「唔‧‧‧」他點點頭,似乎沒把我的話放入耳內。


我也懶得再跟他說幾句,付帳後便走去乘坐地鐵回去Agnes的安全屋中。


「叮噹~」我按下門鈴。


「咔」Agnes把門打開。


「有冇人跟蹤你?!」她小心翼翼地問。


「冇人跟蹤到我。」我答。


Agnes把門開後,便馬上回到電腦檯前:「右疚,你琴晚點?」


「冇事,「殺狗會」有人嚟幫我甩身。」


「咁就好‧‧‧」Agnes在鍵盤上敲打著:「我要你去調查啲嘢。」

「係?」


「記唔記得委託我哋殺三個女人嗰個李生?」


「記得。」

「三個女人之中,雖然有兩個唔係你殺‧‧‧之不過佢都理應要交埋下一半訂金,只不過佢到依刻都未入數,明明我已經俾咗限期去要今日內,呢家到差唔多五點,銀行都差唔多閂門,都仲未入數。」
2017-07-05 13:26:00
WCF
2017-07-05 13:26:01
力x健身都出動埋
2017-07-05 13:46:38
唔通左悔成為左連環殺人魔,加入埋八方雲集?
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞