第二章──舊同學聚會
在第一件任務完成幾天之後,我們又從「殺狗會」中接到了一份生意。客戶是個臉部曾被嚴重燒傷、頭髮稀疏的中年男人。
就尊稱他為李先生。
在上門後,我們了解到他要殺的目標有三個,而且清一色是女性,似乎對他們懷著強烈的恨意。
「所以,你要殺呢三個人?」Agnes收下李先生給予的可提供資料。
「係‧‧‧‧‧‧要殺死佢哋,我仲想喺佢哋死前出現,俾個震撼佢哋。」李先生說得咬牙切齒。
「為咗令你有不在場證據,你係唔可以出現喺現場。」Agnes提醒。
「我‧‧‧我想令佢哋後悔!」李先生說。
「後悔啲咩?」
「後悔點解唔愛我!」李先生開始有點激動。
「所以佢哋唔愛你,你要殺死佢哋?」
「係因為‧‧‧我付出好多,都望唔到成果啊,佢哋一直俾假希望我!!」李先生握住雙手,十分著緊。
「殺三個人,收費你應該知好貴?」Agnes先問。
「多多錢我都俾得起‧‧‧」李先生痴狂一笑,拿起了一個公文袋放在檯上:「入面幾百萬全部都係我老豆老母嘅棺材本‧‧‧我呃佢哋話借錢做生意‧‧‧依家俾哂你啦‧‧‧‧‧‧」