［少甜］《平安夜同女神一齊訓 但我竟然變左做隻貓》

照等！

靖累得躺在地上就睡，睡覺的時候還抱着木板。澄坐在梳化上，閉目養神著，聽到我的動靜後，突然開口叫我。

「月，過嚟。」

我跳到沙發上，定了神的看著她。

「如果有咩事，我哋大家可能都會被捕。冇人睇住你嘅話，我好驚佢哋會捉你返去人道毁滅。應承家姐，如果有咩事嘅話，跑上上層，我間房個窗，留咗一個窿仔，你應該可以喺嗰度跳落去。」澄語重心長的說，「我希望你聽得明。我希望你唔好怪我地。知道嗎？」

「唔會、唔會、唔會！我唔會一個人離開。我哋係一家人，齊上齊落，你哋唔喺度，老竇同埋娘親唔喺度，我自己一個喺出面有咩意思？」我搖頭說。

「貓仔你唔好搖頭。爸爸唔喺度，長女為父，要聽我話，知唔知？」姐姐摸着我背上的毛。

「家姐…」

突然，屋外傳來一些噪音，是人群出現以及堆土機開動的聲音。

看來要開始了。

「細佬，叫醒你家姐同埋媽咪。」澄對靖說，我跑過去用肉球拍醒了他。

「…吾…知道了。」靖從地板坐了起來，用手捽了幾下眼皮，然後站起來，跑上樓梯。敏青聽到聲音也自己醒來了，穿起外套，走出房間。

「妹，要嚟啦。」

「…嗯。」

靖還有兩位母親，從樓上走下來之後，過了幾分鐘，開始聽到有人在門外聚集的聲音。不消一會兒，屋外有人用力的拍門。

「砰！砰！砰！」

「根據《收回土地條例》，政府合法而且有權將呢間屋同埋土地收歸，用以發展嘅用途。我哋會根據市價，合理咁樣作出賠償，請你地盡快離開屋內，交出鎖匙。」一個男人在門外說。

澄澄舉起食指放在嘴唇上，做出靜音的手勢，大家不發一言，只站在門後。

「砰！砰！砰！」

「你哋嘅鄰居、呢條村嘅其他村民，大部份都已經非常合作咁樣撤離。你哋呢種釘子戶嘅行為，喺法律上並唔容許，香港作為一個法治社會，好需要市民嘅鼎力合作，先可以繼續正常、健康、有秩序咁樣發展落去。多年來，政府努力經營，小漁港得以躋身成為國際之都，我哋絕不容許少部份嘅害群之馬，將咁多年累積以來嘅成果破壞。」男人的語氣變得強硬起來。

「你講乜撚嘢呀！」靖忍不住大叫還口，澄雖然想阻止，但亦明白弟弟的情緒。

「暴力係冇辦法解決問題，你口中嘅語言暴力都係暴力嘅一種。香港作為法治嘅社會…」

「你收聲！」敏青大叫。

「乜嘢野法治社會？口口聲聲講法治、講法律，你嘅法律合理咩？硬繃繃堆砌而成嘅法例，為左所謂城市秩序粉飾太平，你口中所講嘅秩序，係唔係大部份人所認同？你地有無顧及過住喺呢度嘅居民嘅感受？你地有冇顧及過住喺呢個城市嘅人嘅感受啊？」敏青歇斯底里的反問，我從來沒有見過她如此激動。

「我同大部份嘅市民都相信，發展係正確嘅決定。你哋少數人嘅自私行為，係唔應該凌駕大部份人嘅利益。」男人在門外反駁。

「哈，『大部份嘅市民』，唔講真係以為你哋問過佢哋。」連本來最冷靜的澄澄都忍不住還口。

「正如我頭先所講，大部份人已經接受咗我哋嘅賠償方案，離開咗呢度。你哋只係少數人。」

「以強凌弱、恃勢凌人，被迫屈服嘅時候，就俾你地硬生生咁講成『接受』，唔願意接受嘅人，就俾你哋用暴力、用生硬堆砌嘅罪名屈打成招。你口中所講嘅國際之都、法治城市，就係用星斗市民嘅血肉之軀、夢想、同埋多年嚟嘅奮鬥堆疊而成。見到唔公義、唔合理，想要反抗嘅人，就係你哋口中所講嘅『少數人』、『害群之馬』。咁樣冠冕堂皇嘅說話，你講出口嘅時候自己有冇打冷震？」敏青激動的叫著，一邊說、一邊激動的流淚。

「…」外面的男人沒有說話。

過了大概一分鐘的時間，在外面的人更多了。

「入面嘅人聽住。」一把低沉的男聲說，並非剛才的男人。

「你哋已經涉嫌干犯若干罪行，我比五分鐘嘅時間你哋，如果你哋唔自願走出嚟，我哋會用適當嘅武力，採取合理嘅行動，進入屋內將你哋制服。」

「你俾多五百年我，我地都唔會行出嚟！」平常懦弱的媽媽，鼓起勇氣的大聲吆喝。

「你哋身處嘅係政府嘅土地，我哋有權咁樣做，亦都有法可依。」男人說。

「真係好笑，『政府嘅土地』，你講出嚟自己唔會笑㗎？」澄澄大聲還口，「我話俾你聽，呢間屋，呢條村，係我-地-嘅-屋-企！我俾5分鐘時間你哋，躝-屍-趌-路！」

lm

「警方已經作出適當而且多次嘅呼籲同埋合理嘅警告。屋入面嘅暴徒聽住，我哋下一步將會採取適當嘅武力將你哋全部制服。」

男人像機械人一樣重複。

過了平靜的幾分鐘後，屋外面的人好像找了一些工具，用力的撞著家中的大門，門還有我們釘上的木板，猛烈的搖晃，有一種隨時要被撞開的感覺，看來我們都過分高估了木板的作用。

敏青抱起我，做好隨時要被他們闖進家內的準備。

「砰！砰！砰！」

「砰！砰！砰！」

「砰！砰！砰！」

在門被撞開的一瞬間，澄想要用肉身擋着門，但她作為一個普通女性的軀體，當然沒有辦法抵擋外面一群男人還有工具的衝擊，不消幾秒，澄就整個連人帶門的被撞開，仆倒在地上。

家姐…

「屌你老母！！！唔准打我家姐！！！」靖見狀馬上衝到外面，想要擋住第一群想要衝進來的人，卻馬上被按倒在地上，被群人用棍亂打亂踢。

細佬…

「唔好打，唔好打，求吓你哋唔好打…」敏青的母親跑到屋外，跪在那群毆打弟弟的人面前苦苦哀求着。

正當敏青想要出去拯救自己母親和靖的時候，另一群全副武裝的人衝進了屋內，母親連忙拉着敏青和我上樓梯，自己卻擋在樓梯口，捱著棍打都想要讓我們兩個逃走。

「走啊！上去鎖門啊！敏青、月！」母親用盡最後一絲力氣大叫。

媽…

對不起。

到頭來我還是什麼都做不了。

敏青抱着我跑到澄澄的房間內，鎖上門，然後鬆開雙手讓我離開，自己則用力的背靠房門坐下，一邊哭一邊用盡九牛二虎之力頂着門。

「月，快啲走！窗邊！唔好俾佢哋捉到！」

青，我怎麼可能會逃跑？

對不起、對不起…我的家人，到頭來還是需要你們去保護我啊。

「月，唔緊要㗎，快啲走、快啲走！你已經保護左我哋好耐，而家輪到我哋保護你啦！快啲走啊，我撐唔到好耐！」敏青看著我說。

「我唔會走㗎！！無論點我都唔會走㗎！！」我大叫著。

「砰！砰！砰！」

門激烈的被撞着，敏青用盡最後的力氣頑強的抵擋著。

「可以同到你做屋企人，係我哋一家人幾生修來嘅福氣…多謝你呀…月…雖然做屋企人嘅時間好似唔係好長，不過係我咁多年嚟過得最開心最開心嘅日子…」敏青哭成淚人。

「敏青…」

「無論點都好，我哋永遠都係一家人！」青說，然後閉上眼，屈曲起腳，好像等待死神來臨一樣。

「記住呀，月，我哋永遠都係一家人！！！」

「砰！砰！砰！」

時間無多了…

可惡啊！！！！！

為了我的家人，我大概只剩下這件事可以做了。

我跳到澄澄軟綿綿的絲綿床褥上，閉上眼，屈曲着身體。睡覺吧。

用力的，睡着吧。

「砰！砰！砰！」

睡啊！！！！

是日也好、月也好！！！

睡啊！！！

快點睡著！！！

為了敏青、為了父親母親、為了家人，日，拜託，睡着吧。

用貓咪隨時睡覺的體質，盡情的睡着吧！

睡…著…….

最後一個願望

又搞喊人

cd rom 本來無諗住講嘢 但好多謝樓主畀咗呢個故我哋 勾起咗一啲回憶 你要加油 大家都要加油

推

呀日要屈服
睇到好有感覺

睇到好大感觸
好希望日幫完敏青去拯救佢屋企，之後可以比一個屋企阿綠

謝謝大家嘅留言！

推

推

今晚有冇文

有晏少少

「你嚟啦，黑貓？」黑貓靈變得比平常更巨大了，像巨人一樣站在那片貓靈世界的草地上，不知道是比例問題，還是他真的變巨大了。

「第三個願望！」我說。「快！」

「砰！砰！砰！」

「砰！砰！砰！」

夢中傳來現實的震動，天空猛烈的搖晃着，一條條裂痕漸漸在上空出現，一塊塊奇怪的物體像穿過時空裂縫的在這個假的天空中跌下來，天崩地裂應該是在幾秒內會發生的事，我必須要儘快許願。

「隨時凖備好了，請講。」貓神說。

「我希望，收地呢件事唔好出現，父母、敏青、嫲嫲、屋企人，可以一直住喺到！我希望，呢一啲唔公義既事情唔好再降生喺呢個城市！我希望，無其他人會再因為呢啲不公再喊！」我跪在地上說，

「我知道，我變唔返做人，根據規定，我要成為你既貓奴才或者半貓靈。我願意！我願意，黑貓靈，只要你答應我，我咩都願意！」

「嘿嘿，你地人類啊。真係太有趣啦。」黑貓靈笑著說。「可惜啊、可惜啊。」

「唔好…唔好可惜…唔好…求下你，求下你，俾我願望成真，只有咁樣，我先可以救到佢地，求下你，求下你！」

仆街黑貓靈

推

F5

睇嚟大家都好鍾意呢part
但係我睇到好出戲
可能因為我無見過咁樣收地

雖然都知樓主背後想講咩 但覺得有啲為講而講

Push

吓，我見過咁收地喎，最pk 的方法都有.

我哭著跪在地上，頭伏在草地上哭著，此時我才發現，自己是以人類肉體與黑貓靈對話。

「砰！砰！砰！」

「砰！砰！砰！」

夢境中一直傳來現實中的敲門聲。

「覺得可惜既唔係你，係我啊。你咁聽話既奴才，係不可多得既人才啊。可惜、可惜！」貓靈說，「你既願望將會成真。」

「不要再見了，日，嘿嘿、嘿嘿。」

說罷，天空停止了搖晃，拍門聲也隨之而停止。但上空的裂縫不但沒修補起來，反而愈擴愈大，我抬頭看着天上掉下來的物體…不，與其說是「物體」，其實是像碎片一樣的東西，碎片愈跌愈多，甚至跌在我的身上。碎片沒有任何重量。我望著跌到地上的這些碎片，突然發現這些碎片上印著不同的影像 —

敏青在平安夜抱我回家、被車場貓欺負、第一次從帳幕內遇見綠、敏青抱著我睡、電話充電奇遇記、綠第一次帶我回家、見到失明的嫲嫲、敏青和家人為找我徹夜未眠、白衣人的侵略、雨中與父母的告別、以人的模樣與他們告別、抱敏青睡、靖對胖妹的執念、澄對愛與被愛的渴望、漁農處的逆襲、橙和她最重要的人、貓靈世界的火車站、挪威森林的木屋、主人八半點點還有僕人電波、結他的和弦、綠的紋身、雪國的日出、貓巴士茶茶、淺水灣的夕陽…

變成貓這兩個多月的影像，像雨一樣不停的從天而降。這些記憶拼圖跟著時間的順序掉落，在草地上、在我的手上，似雪花般溶化、蒸發，就像這些回憶片段從來沒有存在過一樣，而當最後一塊碎片跌進我的掌心裏之後，我抬頭望天，夢境裡的天空已經完全消失。

而當我回過神來，渾然發現，四周已經變得漆黑一片，黑貓靈早已消失得無影無蹤。我望着手中最後的碎片，碎片並沒有像其他回憶在一瞬間消失。