266 Like
6 Dislike
感性老母(有鳩)
2022-01-30 01:06:52
原來係隱性gay
Hernandez
2022-01-30 01:28:34
日之呼吸
尋羊冒險記
2022-01-30 10:38:15
撞
推
Chicharito_14
2022-01-30 12:10:13
Push
尋羊冒險記
2022-01-30 13:24:59
晏啲會有,啱啱起身
關愛龕位
2022-01-30 13:39:20
又咬
尋羊冒險記
2022-01-30 16:12:18
好吧,現在除了司機以外,其他所有假義工已經暈掉了。司機被包圍在貨Van附近的浪浪以及我和綠在後座的表演嚇怕,轉了綠燈然之後也不敢前行,只是舉雙手,然後開了車門跪在地上投降。
我咬開貨Van的尾門,跟綠跳回地上。
「辛苦啦手足。」正在圍著貨Van司機,想着要如何懲罰他的白貓,回頭跟我說。
「辛苦你啦手足。」我回應。是接受我加入他們這個圈子的肯定,我想。謝謝你呀。
「你冇受傷呀嘛?」綠問我。
「冇啊。」我說,然後在2秒之後發現自己的下身在滴血,大概是剛才貨Van拖行我時刮損的。
「…跟我返去,屋企有急救用品。」綠說,我和她兩個一拐一拐的拐回綠家,綠在這段受傷的期間,基本上都住在家中,受嫲嫲照顧。
我跳到她睡房裏軟綿綿的床上、然後躺着身子,臉朝天躺平休息。綠細心的用口撕開急救用品包裝,然後說:「會有啲痛,忍一忍。」
「啊!!!痛痛痛痛痛啊。」她把沾有消毒酒精的棉花往我的下體一刷,整個棉花瞬間變成紅色。
「忍多一下。」綠用口咬住膠布,貼在我下體附近的傷口,如果不是這麼痛的話,我大概會很享受她這個溫柔而且性感的動作。
「辛苦啦。要你受咁多苦。」綠說。
「就算轉彎之後係綠燈,我都唔會放口。」我說。
「我知道啊。」
「如果你死咗,就會得返我孤獨一個。」我說。
「因為你唔想孤獨一個?所以你努力救我?」
「啊,唔係咁!無論如何我都會努力救返你,用盡全力。因為…」
「因為…?」
「因為你係朱茵,我係星仔呀嘛~」
綠「嘿」一聲的嫣然一笑,可愛非常,她平躺在我的身旁休息着。忽然間,我覺得很有安全感的,睡意從四方八面襲來,在綠的床上睡著了。
還好醒來的時候,夕陽還沒有完全落下,綠沉睡在我的身旁,我用肉球輕輕的撥了一下她亮麗、交集着黑黄毛色的頭髮,她綠綠的瞳孔則收藏在眼皮底下,我不由自主的輕輕吻了她一下,然後跳下床,打算從客廳離開。
「你走啦,綠嘅朋友?」失明的嫲嫲說。
「啊,綠?」
「你叫咩名啊?貓貓。我叫左貓女個名做綠,因為佢比我嘅感覺,同我地以前養嘅,叫做綠既嗰隻貓,真係好相似。無論味道定係叫聲,甚至係我眼入面殘影段既動態。所以就…索性叫佢做綠。」
你的直覺很準確哦,嫲嫲。
「可能係我老人家念舊啦…根本冇可能有一個人可以取代另一個人,冇可能有一隻貓可以取代另一隻貓。」她說起來想要哭。
但綠就是你的孫女啊,嫲嫲。
「係啦,言歸正傳,我到底應該叫你做咩名啊?」
「喵。」我說,反正你也聽不懂。
尋羊冒險記
2022-01-30 17:26:05
嫲嫲緩慢的烏下身子,溫柔的摸着我的頭和身體,甚至讓我覺得,如果我也是她的孫子就好了。
「貓仔,綠既朋友,可唔可以再講多次,你叫做咩名啊?」她問,我沒有回應,只是把手遞起,指着屋外的天空,她好像能夠感受到我的動作。
「你係天空上照耀既日。抑或,你係漆黑中發光嘅月啊?」綠的嫲嫲問。
嫲嫲啊,我也不知道呢。
「你同綠,好襯啊。嫲嫲睇唔到,但係直覺好準㗎。」她一邊說,一邊撫摸着我的身子,我呼嚕呼嚕的叫著。
在我和嫲嫲對話之際,綠從房間走到客廳,睡眼惺忪的看着我們兩個。
「你兩個偷偷摸摸喺度講咩呀?」綠問。
「秘密。瞓多陣啦你。」
「你唔記得咗喺我面前係冇秘密嫁咩?」
「你唔記得咗話咗以後唔睇我個心諗咩咩?」我反問。
「哼,小學雞。」
「瞓醒喇朱茵?」我問。
「你係時候返去啦。就快日落。」綠說,「我同你行返去,有啲嘢俾你睇。」
「嗯?」
「跟我嚟。」我跟在綠的後面,她帶我走到停車場附近的天橋處,我們跳到石壆上,仰望夕陽西下。
「一開始變成貓嘅時候,我每一日都會過嚟呢度,每一次日落,我就會喺呢個石壆上面,用貓爪畫一下。我驚自己有一日會唔記得自己係人類。」
我看著她指着石壆上的某處,果然有幾十條貓的抓痕,在抓痕旁邊,還有另外一個寫着「人」字的抓紋。
「當我擁有心靈感應呢樣能力之後,我要記得每一日係咩日子、今日係我變成貓嘅第幾日,變得好容易。我亦都冇再用貓爪記錄。但係無論有記錄也好,冇記錄也好,時間只會一直咁樣向前走,日落日出,人類日出而作,日入而息。秒針滴答滴答。時間越嚟越耐,我變成貓嘅日子越嚟越多。」
「呢段休息嘅時間之後,我更加確定自己好想變返做人類,好想用剩低落嚟嘅時間,陪嫲嫲。特別係,我知道我哋可以住喺呢條村入面嘅日子已經時日無多,而嫲嫲年紀都越嚟越大,隨時有一日就會離開。我唔想去到佢離開嘅嗰一刻,或者我哋要搬走嘅嗰一刻,我哋仍然都係貓。」
「有時候,我只係想簡簡單單咁樣,想做一個有人愛錫既17歲嘅女仔。同屋企人、同我最愛嘅貓、仲有我嘅海邊的人。」綠說。
「我哋可以。」我說,「一定可以變返做人類。貓靈嘅世界,就係一切嘅答案。」
我並不肯定自己所說的是正確,但除了相信以外,好像已經沒有其他選擇的餘地。
尋羊冒險記
2022-01-30 18:08:37
「相信我,綠。」我說,「就好似你今日叫我相信自己咁。」
「我相信你。」
「由第一日見你開始。」
綠說。
(十七 完)
尋羊冒險記
2022-01-30 18:27:56
今晚食團年飯
祝各位都團團圓圓
落豉油唔食燒賣
2022-01-30 19:31:20
各位團團圓圓
尋羊冒險記
2022-01-30 22:21:39
推
偏偏喜歡你
2022-01-30 22:40:43
讀文科乞食
2022-01-30 23:00:24
綠色武裝曱甴
2022-01-31 00:04:47
推
二月二十九日
2022-01-31 00:26:17
推
亞媽係女人
2022-01-31 00:29:23
文殊菩提子
2022-01-31 01:42:32
鐵拳無敵鍾培生
2022-01-31 03:36:57
漁農班仆街成日借啲意殺動物
尋羊冒險記
2022-01-31 11:08:18
肥仔的才
2022-01-31 16:37:37
真
尋羊冒險記
2022-01-31 21:39:26
推
對不起!近大結局,想最後呢三章寫好啲、連貫d
今日應該更新唔到!
文殊菩提子
2022-01-31 21:51:00
你冇野對我地唔住
慢慢寫 我地好等得
西門廿一九
2022-01-31 21:53:42
Live