《我無啦啦做左道士，仲要係最大粒果個》

星期一先有

個故幾得意 支持
隔咗幾個月忽然見到呢個po先醒起我有追過

多謝支持

好彩你仲記得

小女孩走到玉藻前的身旁﹐捉起玉藻前絲毫沒有反應的手。

「晴明做咩咁重手。」小女孩抬頭望向安倍晴明。

「我已經輕手左﹐唔係佢一早死左啦。」安倍晴明正在做手腕的伸展運動。

「叻啦叻啦﹐幫我放番佢落黎先。」安倍晴明聽到後﹐輕輕一下捉實鎖著玉藻前的枷鎖﹐稍一用力便把原本開始有裂痕的地方完全撕裂﹐玉藻前隨之而掉到地上。

「晴明知唔知咩叫憐香惜玉嫁。」小女孩有些少的不滿。

「下次先﹐今次比較急。」

「算啦﹐咁要開始啦。」小女孩從口袋之中拿出一個類似酒埕﹐但比起一般的酒埕細十分多﹐大約只有一口的大少。

「喝過一滴忘川水﹐憶起一生鎖碎事。」小女孩把酒埕放到玉藻前的口旁﹐把一滴忘川水滴進他的口中。

玉藻前喝下忘川水後﹐突然醒了過來﹐雙眼無神﹐有氣無力地坐了起來﹐與剛才瘋癲的樣子決然不同﹐平淡得像是沒有了靈魂。

「晴明你依加可以問佢三條問題﹐只有三條喔。」小女孩舉起三根手指提醒安倍晴明後﹐便走到一旁坐下了。

「點解你要封印靈脈 ? 」

「封...印...?」玉藻前開口回答安倍晴明的問題。

「當時我正係香港開緊一個派對﹐我記得當時我飲到昏昏欲睡﹐就諗住上個男人﹐令自己清醒一下。不過好似在場嘅所有人唔係比人上緊﹐就係上緊人﹐我唯有周圍搵下我嘅獵物。就係呢個時候﹐佢出現左....」

「佢同我講﹐我封印嘅技術咁渣﹐一定唔夠膽封印香港條靈脈。我本來完全冇諗住理會佢﹐點知呢個時候﹐佢嘅身後出現左幾個勁靚仔嘅猛男。」這時看起來雙眼無神的玉藻前﹐居然嘴角流出了口水﹐可見那些猛男對他有多大的吸引力。

「佢話如果我肯去試下，呢啲猛男全部都可以任我處置。咁我當然係立即用幻玉去迷惑佢﹐但佢卻完全冇任何反應。」

「喔 ! 居然有人可以抵抗幻玉。」安倍晴明有些難以置信﹐除了他的止水以外還有東西能夠抵抗幻玉。

「咁我只可以去試下﹐反正靈脈就係旁邊﹐來回都係十幾分鐘。我正準備出發嘅時候就比佢攔著我。」

「佢話︰『我想你用呢張...』﹐佢攞出左一張符﹐一張我從來都未見過嘅符﹐不過我冇諗咁多就攞左張符去用。」

「但奇怪嘅係我一去到都未開始用...道符就....就....」

「呀！我個頭好痛！」玉藻前雙手捂著頭，跪在地上異常的痛苦。

「度符點?」安倍晴明十分焦急﹐想知道之後發生了什麼事情。

「晴明﹐呢個算第二個問題囉 ! 」小女孩善意地提醒晴明。

「度符....」

「度符一分為二﹐有一半飛左去靈脈度﹐另一半.....另一半....」玉藻前雙手繼續捂著頭﹐比起剛才更加痛苦。

「另一半點呀?」安倍晴明忍不住口﹐便問了玉藻前。

「另一半...飛左入...我嘅身體入面。」玉藻前此時的雙眼突然散發出強烈的妖氣。

「佢係邊個?」

「晴明 ! ! 」小女孩大叫一聲立即跑到安倍晴明的面前。

「你做咩呀 ? 講好左三條架! 」小女孩馬上推開安倍晴明﹐走到玉藻前的面前。

小女孩捉起玉藻前的手為他把脈﹐玉藻前此時亦攤軟在地﹐口中吐出鮮血﹐毫無任何反應。

「晴明你係度做緊咩呀。」小女孩搖搖頭﹐嘆了一口氣便放下了玉藻前的手。

「一生二﹐二生三﹐三生無限﹐三途河、三生石、三生三世。地府有自己嘅規矩 ﹐我提過幾多次 ! 」小女孩用失望的眼神看著安倍晴明。

「佢嘅記憶已經番唔到黎﹐本身解開佢身體入面度符仲有機會再問。唉~依加...」

「依加點?」

「加埋忘川嘅反噬﹐佢應該會徹底失去呢段記憶。」

「你唔好再去諗啦，比佢好好休息下。」小女孩輕撫著玉藻前的額頭。

年初一特別加多集

大家拜年有多d野睇

【現在】

「呀！晴明我個頭好痛！」玉藻前雙手捂著頭，跪在地上異常的痛苦。

「乖~諗唔起就唔好諗啦。」

「符...」不斷有零碎的畫面出現在玉藻前的腦海內﹐令玉藻前頭痛欲裂。

「呀~!!」突然間口中吐出鮮血﹐攤軟在地不斷抽搐﹐然後便昏迷了。

「第354次...」晴人拿出了一本筆記﹐在筆記上再加上了一筆﹐500年來每一次想令玉藻前記起發生的事﹐都會出現同樣的結果。

晴人進了囚房把玉藻前放回床上﹐便準備離開。

「安倍晴人大人 ! 」突然間一把女聲傳出。

「小雪﹐咩事?」晴人還未看到是誰﹐便已經可以一口叫出他的姓名。

「都話好似以前咁﹐叫我晴人就得。」一個身穿巫女服的女子﹐從樓梯上走下來。
「晴人...我總覺得成人禮之後...你變得好陌生。」

「係因為我做左家主?」晴人把手放到小雪的頭上。

「唔係...係一種講唔出嘅陌生﹐有時覺得你變左第二個人。」小雪推開晴人的手。

「傻瓜﹐我就係我﹐永遠都係安倍晴人。」

「晴人...」

「不過你搵我咩事﹐係咪去你屋企食飯 ? 我都好耐冇食過姨姨煮嘅餸﹐諗起都肚餓。」晴人摸了肚子。

「係香港果邊搵你﹐榮伯話靈脈封印出現左少少問題想你去睇下。」

「封印出現左問題....小雪我地兩個聽日去睇睇。」

「晴人...仲有...長空死左。」晴人一聽到消息﹐先是震驚﹐然後眼角默默流下一滴眼淚﹐一聲不發離開了地牢。

【一年後】

自從經歷完華富邨一役之後﹐這一年來都沒有再像聖伯多祿中學、母子剎般的大型事件發生。

只是偶然會有一些小鬼和殭屍﹐但大多都只是白殭、白色靈體。黑殭更是寥寥可數﹐一隻手指便可數清。

不過最令我意想不到的是﹐我這年來上最多的堂不是在教我捉鬼什麼的﹐反而是語言堂和每個國家的當地捉鬼文化。

沒想到個一個道士居然要精通多國語言﹐更沒想到全協會每一個人都懂得多國語言。幸好很久以前阿泳為了追星﹐強逼我跟他一起學韓文與日文。

當然在這一年再加上小藍的魔鬼特訓﹐我也已經會說多國語言﹐雖然不能精通﹐但基本的溝通都是能輕鬆應付。

而我的捉鬼技術亦可以說得上是特飛猛進﹐雖然靈力上沒有什麼進步﹐但起碼在擺姿勢上有特飛猛進﹐可以騙過不少人。

「早晨。」小藍坐在沙發上看漫畫。

「呀行﹐早晨~」小藍全神貫注地看著漫畫﹐連正眼都沒看我一眼。

「小藍你睇緊咩 ? 」

「呀行你有睇過呢本漫畫咩﹐近排勁流行。」小藍把封面給我看了一眼。

「我看到的未來?」漫畫上大大隻字寫在封面上。

「他畫嘅內容勁準﹐2003年沙士、2011年311 大地震、2017年加州北部山火﹐全部都係現實之中發生曬。」

「神奇嘅係呢本漫畫係2000年畫嘅。」小藍很認真地介紹漫畫神奇之處。

「依加係學校個個都講緊﹐2023年有一個人類的大災難﹐不過唔知會唔會發生。」

「咁準?咁佢咩樣我都想睇下。」

「作者油墨﹐姓名不明﹐年齡不明、性別不明、國籍不明甚至連生死都未知﹐網上所有關於油墨嘅野都係未知。」小藍顯得有一些失落。

「鈴鈴~」門上傳來鈴聲。

一聽到門上傳出鈴聲﹐我們便知道有客到。

門上有一個鈴是用來分別到底是協會內部的人﹐還是外面從大王爺廟中來的人。可可用結界使大王爺廟的其中一邊門與會長室直接相通﹐不會看到靈異協會的其他部分。

當然亦不是每一個人都可以通過﹐通常是有協會的卡片或是有熟人介紹才會由可可判斷會否能進來到會長室。

「小姐﹐呢邊。」門後傳出可可的聲音﹐我已經坐在會長座之上﹐小藍亦站到我的身旁。

一打開門便看到一位身穿各種名牌的女士出現在我們的眼前﹐看起來大約28-30歲的女士。

「小姐﹐佢就係陳會長。」可可為那名女士介紹我。

「小姐﹐呢邊坐。」我指了指我對面的座位﹐示意他坐下。

那名女士輕輕向可可點點頭後﹐便行到座位前﹐可可亦關上門離開了。

「你好陳會長﹐呢位係...?」那名女士指了指我身旁的小藍。

「你好我係陳會長嘅秘書﹐叫我小藍就可以啦。」小藍向那名女士介紹了自己。

「你好我叫袁曉晴。」

原來冇關係

冇諗過新年會有文

暫時應該係冇咩關係嘅

新年仲有加多篇

「袁小姐﹐你好我係陳行聰。」

「叫我曉晴就得啦﹐陳會長我想揾天哥﹐唔知佢係唔係度呢?」曉晴拿出一張看似十分殘舊，開始泛黃的卡片給我。

卡片上寫著香港靈異協會會長 - 陳鴻天。

一看到卡片上的名字先是震驚﹐但又感覺亦不可能是與我想像的一樣。

「張卡片係真嫁。」小藍一手搶過卡片﹐偷偷看了我一眼﹐我卻完全沒有留意到。

「陳鴻天﹐佢退左休之後、我地都搵佢唔到。」

「退左休?」曉晴有些驚訝﹐但也沒多說其他。

「十幾年前就退左休﹐之後我地就冇人再見過佢。」聽到退了休後﹐我便如釋重負﹐知道只是我自己想多了而已。

「咁點算...」曉晴一聽到陳鴻天退休後便默默留下了眼淚﹐留下頭來仿佛快要崩潰。

「得天哥先可以救到我...今次死梗啦...」曉晴雙手緊緊握著掛在胸前的護身符﹐哭泣聲亦開始慢慢變得明顯。

小藍亦留意到曉晴的變化﹐慢慢走到曉晴的身旁﹐拍拍佢的肩膀﹐打算安慰一下他。

「唔好掂我。」曉晴卻有著極大的抗拒﹐好像有什麼東西令他很害怕﹐小藍見狀便沒有再次靠近。

「嘭 ! 」我把水杯用力放下﹐曉晴被這一下聲音所吸引﹐望向我的方向。

「冷靜啲﹐你試下講出黎我地應該都幫到你。」當然曉晴的情況我也有留意到﹐但他已經被恐懼所支配了﹐此時只有令他冷靜下來﹐才能幫到他。

「我地靈異協會﹐唔只有一個會長係有實力嘅。」

「真係...你真係...會幫到我?」

「你先講下發生左咩事﹐幫到嘅我地一定幫。」曉晴聽到後止住了哭泣﹐雙手亦慢慢放鬆沒有再緊捉護身符。

又係姓陳，主角老豆

可能大家同姓姐

同埋佢係退休

聽日先有文

聽日就有