《我無啦啦做左道士，仲要係最大粒果個》

呀行成日都有手仔拖

仲有阿泳嫁

推推

跟你推

眼神中仿佛在告訴我千萬唔可以忘記自己現時的身份﹐不是陳行聰而是協會會長。

因為小藍那不知是威脅還是鼓勵的動作﹐我的內心卻開始得到少許的釋懷﹐可以比較冷靜地陳述事件。

「最後無悟完全失控﹐我攞八卦鏡擋﹐點知無悟一下就打暈左我﹐之後嘅事我就唔知。」

「你意思係我地杜神父殺左跟隨自己的修女?之後再殺埋長空﹐最後就再殺埋無悟﹐再將無悟嘅降妖寶杖攞走埋。」

「無悟小師父可能未死呢 ! 」那一個十五六歲的男孩﹐仍然不能夠接受這個事實。

「無為...恐怕嗰具冇頭屍就係無悟住持。」一旁的和尚摸了摸無為的頭﹐神情中亦顯得十分的悲傷。

「瑪門...!」癲狗只是細細聲地說了一句﹐便把腰間裝滿酒的葫蘆一下子摙爆了。

「冷靜啲，癲狗你勁得過長空大師咩？連長空大師都唔係佢對手，以你嘅實力又可以做啲咩。」小藍說出了重點。

「有發現 ! 」在教室內的其中一位身穿保護服的人大叫一聲。

我們全部人都被那一聲所吸引﹐走到身穿保護服的人後方﹐看看到底發現了什麼。

在地上隱約出現了一個圖案﹐身穿保護服的人拿著一支不明液體﹐輕輕一噴本來在地上的一些血跡慢慢變成透明。

那圖案也開始變得清晰﹐是一個五芒星加一個圓形所組成的標誌﹐而在五芒星中間有一隻眼﹐而眼珠是一個時鐘。

「撒旦教 ! 」

live左

聽日仲有

姐係大佬係撒旦

佢依加係「撒旦教」

「雖然同平時所見到的有些少啲唔一樣﹐但應該就係﹐睇黎呢件事冇咁簡單。」教會的神父摸了摸自己的鬍子﹐好像在思考什麼重要的事情。

「咁睇來我都要番去教會睇吓今後嘅對策。」神父一子便轉身離開，也沒有再多說些什麼。

「原來係佢地做！依加我地全力搵瑪門下落，一定要為我兩位師兄報仇，同搵番降妖寶杖番黎。」

「無為...我地走要好好安葬兩位師兄。」癲狗與無為帶著兩位和尚亦一同離開。

在走的時候癲狗在我的耳邊說了一句。

「唔好比我知你同呢件事有咩關係﹐唔係你只有死路一條。」癲狗的眼神之中充斥着滿滿的殺意。

全部人都走了，教室內只剩下我與小藍還有三位身穿保護服的人。

「長空大師、無悟、山度士嘅死係咪都因為神……」小藍瞬間把手指放到我的嘴上，令我沒有辦法繼續說下去。

「小心隔牆有耳，有咩番協會先講。」小藍細細聲地在我耳邊說。.

「天地玄令﹐仙鶴追蹤﹐急急如律令。」小藍在門口瞬間變出一隻仙鶴﹐不一會兒便到了靈異協會。

「砰 ! 」小藍打門關上了﹐仿佛鬆了一口氣﹐直接攤坐在沙發之上。

「小藍點解...」

「我知你想問啲咩﹐你想問點解唔可以係嗰度講﹐點解神器會害死長空大師同無悟。」小藍坐正﹐一臉正經地說。

「頭先的人大多數係一啲外判嘅人﹐唔會知佢地當中有冇撒旦教嘅人﹐就算係平時見開嘅人都可能係﹐撒旦教啲勢力比你想像中啲要大好多好多。所以佢地個個都急急腳咁走﹐只要係牽涉到撒旦教﹐就絕對唔會係現場商量要事。」

「第二就係神器﹐我地冇同任何人講﹐只有你、可可、葉雲、同我四個人知道﹐遲少少我先通知周長老...」在此時﹐會長室外傳來敲門聲。

「叩 ! 叩 ! 」

「邊個度門冇鎖。」小藍大叫一聲﹐門隨之而慢慢被推開。

「呀行...」一把耳熟能詳的聲音傳入我的耳中。

緊隨其後便是一個熟悉的臉龐出現在我的眼前。

「吓 ! 點解你係度 ? 」話都未說完﹐阿泳便一下子衝過來摟著我的肩膀。

「真係估唔到﹐平時咁吊兒郎當嘅你﹐居然係一個道士。你都瞞得我耐啦﹐係咪要同我解釋下呢。」

小藍很快便衝過來分開了我們兩人。

「小姐﹐我地依度唔可以隨隨便便入黎。」小藍一臉的不耐煩﹐一心想趕走阿泳。

「可可去左邊﹐比人亂咁走嘅。」小藍細細聲地自言自語。

「小姐﹐請你出番去。」小藍邊說邊把阿泳向門口推去。

「小藍﹐係我叫佢黎搵行仔嫁。」一位慈祥的老婆婆拿著拐杖﹐從門口慢慢走過黎。

「周婆婆 ~」阿泳立即沖上前摟著周婆婆的手臂。

「佢就係周長老﹐之前同你好熟﹐自己執生。」小藍在我耳邊細細聲地說。

「周長老﹐佢係...?」小藍從未見過阿泳。

「同阿泳一齊叫我周婆婆就得﹐佢係我新收的徒弟。」

「周婆婆你唔係從來唔收徒弟嫁咩 ? 」小藍走到阿泳的身旁。

「你好我係小藍﹐多多指教。」小藍主動伸出手

「你好我係阿泳﹐多多指教。」阿泳亦伸手與他相握。

「你識得我師父 ?點解我好似從來都未聽過師父提起過你? 」

「係呀我地算係青梅竹馬。但好似從來都未聽過呀行提起過你 ? 」兩人同時望向我﹐雖然臉上依然保持著笑容﹐但眼神之中仿佛都在質問我。

我終於明白到什麼是修羅場﹐我也只能笑一笑試圖輕鬆帶過。

「我收徒講求緣份﹐加上阿泳比較特別。」周婆婆向我單一單眼﹐我十分感激周婆婆及時的救援﹐幫我解圍。

「特別嘅地方?」小藍有些好奇﹐單看阿泳又不太感覺到有什麼特別。

「你地有冇睇過西遊記?」大家一至都紛紛點頭表示有。

「而阿泳的狀況同西遊記入面的唐僧有些少相似。」

「係咪我會長生不老﹐定有妖怪會想殺我?」阿泳有些不解﹐同唐僧到底有什麼關聯。

「如果唐僧唔係你地諗嘅咁呢...」

推一下等樓主知道仲有人睇緊

真係仲有人睇

我會靜靜地坐好等睇故
寫得慢寫得少都唔緊要
最緊要你寫得開心
咁樣讀者先會睇得開心
多唔多留言唔重要
最重要係你知道仲有人睇緊
支持你

多謝支持

我會嫁啦慢慢寫

不過有留言會有多d動力

Gchi加速！
每一日都有keep住入嚟

多謝支持

不過星期六日應該都冇文

可以休息下

呢幾日忙到冇時睇，即刻追返

推多野，其實應該多人睇，但少人回覆姐

都有機會

可能好多人草埋一次過睇