《我無啦啦做左道士，仲要係最大粒果個》

【同一時間日本】

在一個看似是監獄般的地牢﹐但這有一間囚房內部的裝潢與其他的囚房完全截然不同﹐特別的豪華﹐完全不像是囚禁犯人的地方。

在囚房之內有一個穿著狩衣的女人被囚禁在地牢之內﹐而地牢的圍欄之上每相格數米便貼了兩至三張符紙。

「食飯啦。」另一名同樣是穿著狩衣的陰陽師﹐拿著一個和食便當走到囚房的前面﹐把便當放到地上。

此時那名女子露出了一抹邪魅的微笑﹐雙眼滲透出一絲絲的紅光。

「奴家想食好少少﹐唔想再食呢啲便當。」那名女子以極快的速度﹐近乎是像瞬間移動一般走到那名陰陽師的身前。

「你想做咩....」陰陽師瞬間被嚇到﹐一不小心便把地上的便當弄倒。

那名女子的右眼突然之間變成了白色﹐像是一粒晶瑩剔透玉一樣。

而那名男陰陽師的雙手下垂﹐仿佛瞬間之內失去了靈魂﹐但很快便再次回復正常。

「奴家嘅午餐。」那名女子舔了舔自己的嘴唇﹐並不以為意地跌膊露出香肩。

「我嘅愛人有咩吩咐。」男陰陽師好像是被控制了一樣﹐完全迷上眼前的女子。

「嗚~你整嘅﹐狗仔都識得自己搞番掂佢﹐不過我唔鍾意人浪費食物嫁。」那名女子嘴唇閉合而上翹像是生氣的樣子﹐指著地上的打翻了的便當。

男陰陽師立即跪在地上﹐像小狗一樣開始食地上的便當。

「乖狗狗 ~ 慢慢食唔洗急。」那名女子也蹲在地上﹐把左手放在男陰陽師的頭上輕輕撫摸。

「不過呢~你食左我個便當係咪要比番其他野我食。」那名女子輕輕抬起男陰陽師的頭﹐男陰陽師不斷吐舌頭﹐像狗狗一樣在喘氣。

啱啱發現打錯左唔係午餐係晚餐先啱

「不如你先幫我撕開上面的符紙﹐再將你嘅靈魂交比我。」男陰陽師十分聽話走到符紙前準備撕掉圍欄上的符紙。

「滴嗒~」一下水滴落下的聲音﹐從地牢的另一處傳出。

男陰陽師聽到後便一動不動﹐手中己碰到符紙就只剩下最後一步。

那名女子渾身散發出紅色的氣﹐背後亦像長出了九條狐狸尾巴 ﹐以一個不悅的眼神望向遠方。

「滴嗒~」再一次傳出一下水滴落下的聲音﹐這次聲音發出距離比前一聲近了不少。

再次聽到聲音的男陰陽師﹐立即清醒過來﹐被眼前的一切直接嚇到在地上。在他的記憶之中上一秒他才剛剛弄倒地上的便當﹐下一秒便看到一隻九尾妖狐在眼前﹐而且口中亦全是食物。

一名年輕的男子從暗處中慢慢走出﹐看起來只有十六至十七的一個陰陽師。

男陰陽師一看到便屈膝跪地﹐兩手拱合﹐對前來的男子十分恭恭敬敬。

「晴人大人。」男陰陽師滿口食物﹐不太清晰地講出來。

「你先行退下。」晴人輕輕揮一揮手﹐示意男陰陽師先行離開﹐男陰陽師稍作行禮﹐便迅速離開了現場。

「玉藻前﹐過左咁多年都仲識未反省。」晴人走到那名女子的身前。

「小晴明﹐奴家講左幾多次﹐要好似以前一樣叫O~NE~CHAN~(姐姐)」玉藻前收起了本來的不悅﹐用那白色的眼看著晴人。

玉藻前用手指輕輕劃過晴人的胸前﹐手指慢慢向下移動﹐並輕咬下嘴唇﹐妖艷無比。

live咗

多謝支持

「滴嗒~」 晴人的手中傳出了一聲水滴落下的聲音。

「夠啦 ! 」晴人一下便捉實了玉藻前放在他身上的手。

「難得你有六舊腹肌﹐唔好咁孤寒啦~比姐姐摸下。」玉藻前把另一隻手也放到晴人的腹肌之上。

「玉藻前﹐你知你嘅幻玉﹐係我面前係冇用嫁可 ? 」晴人捉起玉藻前的另一隻手。

「都唔好玩嘅。」玉藻前立即收起右眼白色的眼﹐瞬間變回正常的眼睛﹐轉身背向晴人。

「你有止水係身點夠你玩。」

「不過小晴明﹐我...仲有仲有幾耐先可以出番去玩﹐係度好無聊。」

「距離你五百年的刑期﹐應該仲有兩年。」晴人屈指一算﹐算出玉藻前的刑期。

「仲有兩年呀~」玉藻前伸出兩隻手指﹐嘆了一口氣。

「兩年之後.....咪即係下一個逄魔之時。」玉藻前突然一臉的震驚﹐轉身望向晴人。

「沒錯就係逄魔之時。」晴人給予玉藻前一個肯定的答案。

「小晴明﹐可唔可以叫安倍家安排個兩團氣嘅人比我﹐我...。」玉藻前仿佛在對什麼有一種恐懼﹐甚至連嘴唇都開始輕微顫抖。

「小姐﹐你知唔知依加要搵一個兩團氣的人有幾難。」晴人搖了搖頭。

「依加安倍家培養陰陽師﹐幾年甚至十幾年先出現一個兩團氣嘅人﹐邊有咁易搵畀你。」

陰陽師都出埋

話時話，大比鳥巴覺得佛，道，基督，陰陽，邊個好打啲

「冇理由嫁 ! 三團氣嘅人的的確確好稀有﹐但係兩團氣嘅應該好多先係...」玉藻前不太相信晴人所講的說法﹐畢竟這與他所認知的世界有所不同。

「你仲好講。咪多得你同埋其餘嗰六大罪...」晴人指著玉藻前。

「唉...你仲記唔記得自己點解會比人判五百年的刑期 ? 」玉藻前思考了一會兒。

「因為比你捉到?」玉藻前一臉無辜﹐雖然他說的話沒有錯﹐但並不是晴人想他回答的答案。

「你記唔記得香港果條靈脈﹐你親手封印果條。」

「哦~哦﹐我記得啦。」玉藻前想起了五百年前發生的事﹐十分的興奮。

「嗰次超級好玩 ﹐ 封印之前仲有一個淫亂party~可惜小晴明你冇一齊黎玩。你知唔知...」玉藻前輕咬嘴唇﹐雙手亦放到自身的胸前﹐還對過去的往事一直津津樂道。

「停~冇人想知你嘅淫亂史。」

「吓~明明我仲可以講足三日三夜。」玉藻前顯得有些失落。

「重點係條靈脈 ﹐唔係你嘅淫亂史。」晴人一臉的不屑 ﹐ 而玉藻前亦放棄繼續講他的淫亂史﹐仿佛一個準備上堂的小女孩﹐乖乖地等待晴人說話。

「你地七個﹐分別封印左七大洲的靈脈。你知唔知呢件事有幾嚴重。」玉藻前立即耍手擰頭﹐顯然他不知道嚴重性。

「七條主要靈脈的封印導致整個世界嘅靈氣出現左坍塌﹐靈氣可以話已經所淨無幾。」晴人嚴肅的表情﹐可以看出這個問題比玉藻前想像中的嚴重很多。

邊個好打d呀

唔知~不過我自己鐘意道教同陰陽師多少少

好耐無留言比你,其實一路keep住追, 好好睇, 世界觀暫時又唔錯
只係都係果個缺點,每日篇幅太少, 搞到每次睇都到喉唔到肺, 有時連喉都到唔到
值得推介更多人睇, 但篇幅少可能搞到讀者無乜可以討論,所以先咁少人留言, 留言都只可以同你講聲繼續加油

我會加油多謝支持

其實討論番前幾日嘅都可以嫁

唔洗咁即時

「唔係嫁…咁都應該唔會搞到少左咁多人有兩團氣。」

「就係因為靈氣不足﹐大部分人的身體為咗可以生存，一出生就會將自己所有嘅靈氣，全力貫注於其中一團氣。令體內只得番一團氣嘅存在，而另一團就好似俾人封印左一樣，自己都未必知道有兩團氣。」

「我哋研究左足足400年，都仲未搵到解決方法。恐怕只有靈脈解封之時，先知道到底依加的問題可以點解決。」

「你地解封印應該好簡單﹐冇可能400年仲未解開到封印嫁。」玉藻前想不通明明人類對於封印的理解遠超於妖。

妖所下的封印正式來說﹐對於人類來說仿佛只是紙箱上的封箱膠紙﹐輕輕用開一把小刀便可以打開。

尤其是玉藻前的封印﹐他的封印技術可以說與新人並沒有任何分別﹐恐怕找一個稍為有經驗的陰陽師﹐都能夠輕鬆破壞他所下的封印。

「你記唔記得封印嗰道符?」

「符?」玉藻前嘗試回憶起晴人所說的符﹐但卻完成想不起來。

「你唔記得﹐我都預左嫁啦。」

「孟婆都冇辦法令你諗起嘅事，我都唔期望你依家可以諗得起。」

【500年前】

「呀 ! ! ! ! 放我出去。」一名妖艷的女子被固定於囚房之內﹐四肢均被束縛﹐吊在空中動彈不得。

「呀 ! ! ! 我要殺曬你地! ! ! 」女子不斷怒吼﹐雙眼完全變成了紅色﹐渾身散發的紅氣令人不敢靠近。

「孟婆﹐你點睇 ? 」一名大約四十多歲身穿狩衣的陰陽師﹐問一名看起來只有十歲左右的小女孩。

我都覺得陰陽師會好揪啲

陰陽師有安倍晴明

「睇落佢已經完全失控﹐我又唔打得﹐你整暈佢我先再出手啦。」小女孩搖搖頭。

「安倍晴明！夠膽就放左我！！」女子對著四十多歲的陰陽師大叫。

「安倍大人 ! 枷鎖出現咗裂痕，我地就快困唔住玉藻前。」一名巫女十分慌張地從女子的身旁走近圍欄﹐告訴囚房外的安倍晴明。

「哈哈~等我出到黎~小晴明我睇你保得住邊個。」被困的那名女子便是玉藻前﹐他手上的枷鎖都因為他強烈的掙扎﹐而出現了裂痕。

「全部。」安倍晴明只是淡淡的回應了一句。

「唔得啦~ ! 我地的靈力已經控制唔到佢啦。」巫女大叫一聲﹐眼看玉藻前即將掙脫枷鎖﹐安倍晴明又在房外已經來不及幫忙﹐巫女只有本能地閉上眼睛。

「滴嗒~」在巫女閉上眼的一瞬間﹐聽到一聲水滴落下的聲音﹐心靈剎那間彷彿得到救贖﹐心裡異常的平靜﹐內心的恐懼、驚慌全都隨之而消散。

再次張開眼已經看到安倍晴明出現在他的眼前﹐只是短短的一眨眼的功夫便到了眼前﹐他完全不敢相信此事。

「臨~兵~鬥~者~皆~陣~列~在~前!」安倍晴明邊說邊配合九種手印﹐手中發出了金色的光芒﹐一掌打中了玉藻前。

只見玉藻前稍作掙扎﹐便失去了意識﹐便暈倒了。巫女被眼前發生的一切所震驚了﹐已經不太懂得如何給予反應。

「咯~咯~」敲門聲從巫女的背後傳出。

「姐姐﹐可唔可以幫我開開度門。」巫女一回頭﹐便看到安倍晴明身旁的小女孩站在門後。巫女四處觀見﹐在場唯一的女性除了小女孩便只有他一人。

「係你啦姐姐~我又唔識好似晴明咁瞬間轉移﹐又打唔開度門﹐唯有唔該你吖。」小女孩的拜託是令人無法拒絕﹐巫女馬上跑去為小女孩打開了木門。

留名睇今世晴明同主角合流打大佬

都未知主角同晴明嘅關係

有文有文