《我無啦啦做左道士，仲要係最大粒果個》

星期六日休息

推推推

我跟

「呀行~換衫。」小藍拿出了一件黃色的和服外套給我。

「做咩~?」這我才發現今天小藍的身上也穿上了一件一模一樣的衣服。

「咁多野問嘅﹐你快啲換衫啦。」小藍好像有些急不及待。

「唔係要上堂咩?」我慢慢穿上外套﹐但這件外套一看便知道不是普通的街邊買的貨色。

「今日有少少特別﹐我地今日出去玩。」

「出去玩?」

「寓學習於娛樂﹐不過記得要帶齊野。」我總感覺小藍的表情之中有些陰謀。

我們稍作收拾便走出了協會﹐當小藍伸手截的士的時候﹐我才看到小藍的手指上黐滿了藥水膠布。

「唔該司機﹐華富邨。」

「你隻手冇野吖嘛?」我還是忍不住好奇心問了一下。

「咪就係為左你件衫囉。」

「呢件衫?」我指著身穿的黃色外套。

「唔係仲有邊件。」小藍白了我一眼。

「你自己整嫁?哈哈~不過我都估到嫁啦。」與我想像的相差不多。

「你又知係我自己整?」

「一睇就知手工做﹐啲CUTTING咁「好」﹐又有線頭...」我打算向開小藍一個少少的玩笑﹐其實衣服的手工其實不錯﹐已經可以媲美一些大牌子。

「陳~行~聰 ! 」小藍一拳打落我的肩上。

唔係好夠喎

打緊啦

一直追緊

多謝支持

「我整左成晚﹐你係咪想死。」我的玩笑好似有點過火﹐小藍真的有些怒意。

「唔鍾意咪唔好著囉﹐比番我﹐到時唔好後悔。」小藍想把我身上的衣服脫下來﹐但我才不會還給他。

「後生仔﹐唔好激嬲女朋友﹐親手整件衫俾你﹐咁嘅好女仔好難玩。」司機突然說話。

「哼 ! 聽到未呀﹐我親手整比你都唔識好好珍惜。」

「我聽到..「女~朋~友」。」小藍這才意識到司機剛剛說的是女朋友﹐立即滿臉通紅。

「邊個係你女朋友 ! 」

很快便到達了華富邨﹐一下車便看到了可可。

「陳會長、小藍姐結界已經搞掂﹐不過入面的狀況有少少麻煩。」可可已經設好結界等我們。

「知唔知入面係咩?」小藍開口問可可

「傳聞係跳殭﹐我地已經疏散曬入面嘅居民。」

「咁仲有咩麻煩?」小藍有些不解﹐因為平日最麻煩的便疏散人群。

「你地入到去就知道﹐如果唔係要守住陣眼我都想入去睇下。」

「咁我地睇完再番黎話你聽。」小藍摸一摸可可的頭。
「無極乾坤，三清開我眼。開！」我們一同拿出兩枚銅錢。兩手做出劍指的手勢，把銅錢放在眼上。

我們來到華富邨井字型公屋之中的天井位於﹐向上方看去四面都是樓宇。

「天靈靈﹐地靈靈﹐太上老君速速顯靈。」

華富邨井字型公屋

只見有一個男人身穿道袍﹐站在法壇之上舞刀弄劍﹐口中念念有詞。

「點解我唔記得有叫過人黎嘅?」小藍一臉疑惑。

小藍慢慢走向法壇﹐單手放在法壇之上。

「靈異協會有叫你地過黎先?」小藍質問法壇上的男人。

「你係邊個 ? 夠膽阻住張天師做野。」小藍的背後傳出另一把男聲。

「你係張天師 ? 」小藍差一點便笑了出來﹐但台上的張天師並沒有理會小藍﹐繼續準備手中的道具。

「小姐落番去﹐唔好阻止天師做野。」在小藍身後的男人拉著小藍的衣服﹐要求小藍離開。

「得我自己走。」小藍揈開那男人的手﹐便回到我的身邊。

「張天師果然犀利﹐處變不驚果然有大師風範。」旁觀管理處的人都認為台上的張天師是真正的大師。

「佢真係張天師黎?」我問了一問小藍。

「佢?我唔知﹐不過聽講新任張天師依加先得14歲應該唔會係個大叔。」

「咁姐係佢係假道士?」

「咁又未知﹐睇埋先。」小藍翹埋雙手﹐打算靜觀其變。

張天師喝上一口酒﹐噴出了一個火球。

「乾坤一開，三七氣流一轉，地藏王菩薩請上座，開晒佢，一個亡魂，兩個，三個……」

張天師手持銅鈴﹐右手結印﹐口中開始念咒。

「大膽妖孽﹐敢出黎害人。」過了一會張天師除下道袍﹐以道袍作為武器﹐對大家看不到的東西不斷揮舞道袍。

「三七氣流一轉﹐乾坤一開﹐開晒佢。地藏王菩薩請上座﹐弟子關聖帝君願代天巡狩﹐一切照天理而行﹐如有違背, 願遭天譴及五雷轟頂。乾坤一開...」

張天師突然一個360度凌空翻騰﹐再緊接一個後空翻。

「收 ! 」張天師突然大叫一聲。

張天師把手中的道袍包在自己的腹中。

「俊仔﹐攞捆仙索黎 ! 快 ! 」張天師向著剛才拉走小藍的男人大叫。

俊仔立即走到法壇之下﹐拿出一條紅色的繩索﹐直直地拋給張天師﹐兩人之間合作無間。

張天師用捆仙索牢牢地封住道袍﹐道袍形成了一個像是氣球一般的東西。

張天師滿頭大汗﹐一手便把手中之物交給俊仔﹐自己便慢慢走回法壇。

「你睇下大師真係大師﹐話咁快就搞掂一隻。」一旁管理處的人議論紛紛﹐紛紛對大師讚不絕口。

俊仔緩緩地走向人群﹐向一眾人遞出一張紙條。

「今人的所有額外服務都係要額外收費﹐今日本身只係黎捉拿殭屍﹐但見到惡鬼張天師先出手捉鬼。」

「兩萬咁貴﹐我地又冇叫你捉。」管理處的其中一人大聲叫喊。

留名等睇神棍比殭屍秒

話時話其實小藍中意果個係會長而唔係男主

佢成功捉到野喎

摩牙

「咳~咳。」坐在法壇的張天師咳了兩聲。

「張天師話今日大家相聚於此都係一個緣份﹐決定比個折頭咁多位﹐只收$18888。」俊仔向眾人表達天師的意思。

「咁貴唔洗啦﹐又唔關我地事。」管理處的眾人開始叫囂﹐認為與他們冇關。

「咁好囉 ! 」俊仔便把那道袍放在地上。

突然道袍開始不斷地震盪。

「我要殺曬你地咁多個﹐一個我都唔會放過﹐哈~哈~哈~哈~」突然有把女聲傳出﹐女聲聽起來十分陰森恐怖﹐笑聲更是有回音﹐彷彿響遍了整個華富村。

「嗱~最後問多你一次放啦嘛?」俊仔再一次問眾人。

「放左會發生咩事嫁?」

「應該會追殺我地掛 ? 不過唔緊要我地都有法術護體﹐不過你地就難講啲啦。」俊仔的手慢慢地靠近捆仙索。

「慢住~ ! 比我地商量下先。」在眾人沒注意的時間﹐俊仔的嘴角露出一個奸險的笑容。

「本天師今日收嘅錢都唔係為左自己﹐而係你地。」此時一直一言不發的張天師發話了。

「相信大家都知道咩叫因果﹐今日我幫大家捉拿呢隻女鬼便係一個因﹐我做左野就要收錢﹐而如果大家唔比就等於種下左一個業障。」

「而呢一個業早係捉佢果一瞬間已經種下﹐為左大家唔好有呢一個業﹐我地就只可以放番呢隻女鬼為大家種一個善果。」張天師的一大段說話﹐聽得眾人一頭霧水。

即有

再多啲

聖誕節休息

聖誕快樂