《我無啦啦做左道士，仲要係最大粒果個》

文呢

今晚有啦

「即係點?咁複雜嘅﹐老老實實我一句都聽唔明。」我一點也聽不明到底他在說什麼﹐只能問小藍有否聽明白。

「簡單啲講就係﹐佢做左野你地就要比錢﹐唔比佢就放番隻鬼出黎。」小藍特意放大聲線﹐讓眾人都能夠聽到。

「唉！就當我地唔好彩﹐大家夾都係少少姐。當係破財擋災﹐破財擋災。」眾人都一致認同﹐用錢解決問題。

「咁我地就收左呢隻女鬼。」。

「遲啲賬單會加上呢筆費用。」俊仔立即把道袍放到道壇之內﹐而道袍的聲音亦消失了

「三一一轉, 乾坤一開。玄天大帝指令一開, 七色令旗開哂佢。牛鬼蛇神, 是非小人走哂佢。」張天師再一次在法壇上念起咒語。

「小藍你啱啱有冇見到女鬼?」我輕聲問道。

「你睇唔到咁可能係道行未夠。」小藍輕輕彈了一下我的額頭。

「咁即係佢真嘅道士。」我有些驚訝。

「哈哈~不過我可能都未夠﹐因為我都見唔到。」小藍原來只是在開個玩笑。

「鈴~! 鈴~ ! 」突然在天井之中清脆悅耳的鈴鐺聲傳入眾人的耳朵。

「黎啦。」小藍的臉色突然變得十分凝重。

「天靈靈﹐地靈靈﹐太上老君速速顯靈...」張天師亦開始加快了念咒的速度。

天井內突然陰風陣陣﹐緊張感絲毫沒有比黑殭出現時低。

再摩牙摩牙

就快有

「他的眼光...他的眼光...好似好似星星發光﹐ 睇見睇見心慌慌...」突然有一個令人毛骨悚然的音樂響起。

「踏...踏...」腳步聲不斷徘徊於天井之中。

「大膽妖孽敢在本天師的眼前裝神弄鬼﹐速速來到本天師的跟前領死。」張天師手持桃木劍走到法壇之外。

但天井之中除了那不斷徘徊的腳步聲以外﹐便再冇任何動靜。

「大膽妖孽速速現身。」張天師再一次向著空氣大叫一聲。

張天師立刻給了俊仔一個眼神﹐俊仔隨即便拿出了手機。

「哇 ! 二樓。 」其中的一人大叫一聲發現了殭屍。

張天師先是看了一眼殭屍﹐便再次望看俊仔﹐俊仔馬上回了他一個OK的手勢。

「殭屍速速前來受死。」張天師向著殭屍大叫一聲﹐而殭屍亦留意到張天師了﹐慢慢回頭看著地上的張天師。

殭屍輕輕一躍﹐一下子跳到地上。他的動作十分輕盈﹐像是飄下來的一樣﹐從二樓跳下﹐地板上亦絲毫沒有裂痕。

殭屍與電影中所見的中國殭屍有截然不同的感覺﹐沒有身穿清朝官員服飾﹐也沒有總是向前伸直的手臂。

殭屍的皮膚發紫﹐全身僵硬，指甲發黑尖銳，有銳利犬齒﹐唯一相同的地方便是同樣是以跳躍前進。

「本天師今日就替天行道收左你。」只見張天師一個弓步上前﹐桃木劍一下子刺向殭屍心臟。

見殭屍絲毫沒有反應﹐便從兜裏取出符紙。

把符紙直接貼在殭屍的額頭之上﹐之後緊接著一個後空翻﹐跳回法壇之內把糯米灑到滿地都是。

特登隔成個月返嚟再睇 磨牙

隔咁耐

有無諗過係因為你出文真係好慢
利申：無惡意坐定定等你出文

我盡快嫁啦

不過係打唔到咁多

其實真係偏慢，不過有時冇靈感

我又想大約固定每日差唔多

唔會一日太多一日太少

等睇神棍慘死

可能唔係神棍呢

佢咁勇

「本天師在此﹐一定唔會比你係度橫行無忌。」張天師向著殭屍大叫一聲﹐再次手執桃木劍沖向殭屍。

「三七氣流一轉﹐乾坤一開﹐開晒佢。」張天師一刀斬向殭屍﹐緊接其後便再一次貼上一符。

「喂 ! 乖乖地企係度唔好郁﹐再郁冇錢嫁。」張天師在殭屍的耳邊輕聲說了一句。

「天靈靈﹐地靈靈﹐封鬼於五行。 封 ! 」張天師再一次急步走回法壇。

「吼～」一聲震耳欲聾的低吼從殭屍的口中傳出﹐殭屍顯然開始表現出不耐煩。

「俊仔搞咩呀 ! 今次搵啲咩人番黎。」張天師怒目而視。

「我都唔知﹐今次第一次合作。」俊仔一臉無辜﹐完全不知發生緊什麼。

「你最好比個解釋我。」張天師拿好法器再一次沖出。

「叮 ~ !」俊仔的手機收到訊息。

都話係神棍喇

好啦比你發現左佢真係神棍

「我地到左不過出面有個女人﹐話入面發現左爆炸品﹐所以唔比我地入走。今日係咪取消 ? 不過取消我地都會照收70%費用。」-訊息上寫著。

「吓 ? 你地唔係已經有人係度啦咩?」俊仔回覆訊息的另一方。

「冇可能﹐我地根本都入唔到去。」訊息的另一端再次回覆。

「咁...」俊仔看著眼前的殭屍﹐雙手慢慢下垂﹐電話亦隨之而掉落。

而張天師依舊在與殭屍演戲﹐但與平時不一的是要用盡全力才能勉強躲避。

「吓 ! 」張天師看到殭屍皮膚下有些蛔蟲在蠕動﹐便心知不妙。

「喂!你玩完未呀﹐再郁唔好諗住我會比錢。」

「師父 ! 走呀！真野黎嫁。」

張天師手中的桃木劍一下子被殭屍捉實﹐不管張天師用多大的力氣﹐桃木劍依舊紋風不動。

「大獲 ! 」張天師把糯米直接曬到殭屍的身上﹐但殭屍絲毫沒有受到傷害。

「俊仔仲有冇米。」張天師大聲叫聲。

「有 ! 」俊仔從法壇之中拿出一包「金象米」。

張天師一個轉身拿起一把米便再次曬向殭屍。

「你玩我呀 ! 我要糯米呀。」

「你話糯米難消化一早轉曬啦。」對於俊仔所說的一切，張天師一面的難以置信。

應該下一秒神棍就gg

出黎搵食點會冇一兩招防身

「今次比你害死﹐我學過下法﹐老師父話過黑狗血對殭屍有奇效。」張天師拿起法壇的另一把桃木劍﹐一下子浸到法壇下的一罐紅色的液體。

「依度我頂住先﹐你去疏散人群快。」

「等陣...」俊仔話還未說完﹐張天師便一躍而起。

「果啲唔係黑狗血黎嫁 ! 只係普通紅色顏料。 」但張天師已經走到殭屍的臉前﹐一劍斬下顯然沒有效果。

「我唔係叫你搵黑狗血嫁咩?」張天師一個翻身再次跟殭屍拉開距離。

「係香港根本搵唔到黑狗血﹐新鮮嘅仲會比人告虐狗。」俊仔一邊疏散人群一邊回應張天師。