我每星期都keep住朝早上磅,體脂少左肌肉量多左,但輕左1-2kg
其實我都覺得自己係食唔夠,今日上youtube睇左啲增磅教學,黎緊諗住試下唔用168,變一日食六餐,但係本身冇食開早餐,諗住試下慢慢開始食返增大個胃口,由早餐食兩塊麥包開始,之後第二餐食條蕉,第三餐午餐正常食但係野飲走甜同盡量少澱粉/唔食飯,第四餐食塊麥包加條蕉,之後第五餐晚餐都係類似午餐咁食,最後宵夜淨係食條蕉/即食雞胸/西蘭花之類,平時做gym既日子多數都係放工9點幾先去做,做完飲奶粉再食杯雪糕,之後先食晚餐,唔知咁樣啱唔啱,返工收得夜焗住咁夜食晚餐
求師兄們指點下,新手咩都唔識,有自己睇片研究下,但真係太多野好似好複雜
而家真係標準瘦胖子,胸背都好單薄,手臂幼,但係有肚腩同士啤呔
唯獨係老鼠仔同前臂粗大左少少