在線上
「竟然可以超越限制去到呢個時間,睇嚟一切都係注定。」
「你係?」
「我曾經盜火給予人類,使人類得以照耀黑暗,但最終人類利用火種去墮入黑暗,因此我決定旁觀一切。」
他那種生硬的語氣像極了剛遇見時的潘朵拉,正當我想問道的瞬間,他續說:
「我知道你下一句一定係問我邊個或者到底想點?雖然唔同答案都有唔同嘅發展,不過都唔係改變得好多野。」
該死的,又遇上一位像極潘朵拉的傢伙。
「你到底係邊個呀?」
「態度上可以客氣返少少,昔日喺你就快死亡嘅時候,我出手救咗你,我本意係救你,可惜意外令容器損壞,起初我以為係意外,原來又係另一種安排。」
就是這個人救了我嗎?
「咁點解要救我?」
「因為你唔可以死,原本死亡嘅係另有其人,而你選擇咗戴上容器嘅時候,係要接受時差改變嘅命運。」
「.....但潘朵拉點解無同我詳細提及過?潘朵拉呢?定你係同佢同伴?」
他冷板板的笑道:
「潘朵拉?個名唔錯!至於佢唔同你提及嘅原因,係佢嘅記憶同意識都無呢種認知同答案。」
他一直呢喃著潘朵拉三個字,然後續說:
「神創造潘朵拉同魔盒作為人類盜火嘅懲罰,Paradox就係潘朵拉繼承者嘅稱號,而人類又將Paradox命名為潘朵拉,呃......原來一切都係命運。」
說實的,要不是時間停住了我肯定會率先離去,而且潘朵拉的說話模式套落男人身上的確有點難頂。