【一隻壞錶，竟然可以令我回到過去】( 2 )

在線上

唔好意思咁多位，呢幾日身體因為轉天氣唔太舒服同埋工作比較煩，所以無辦法專心寫文，因此未來兩日未必可以出到文，但同時呢兩日內可以如常出到文，我會ig通知大家( 雖然有存貨，但我未滿意 )

睇落去就會揭曉

唔緊要，有講低聲就ok
快啲較返你個生理時鐘啦

早晨，天氣凍咗，大家要保重，小心身體

人間有愛

在線上



趁著有空，因為我改寫了劇情後，便不用與Candy午飯，因此我多了時間打聽真相。

在一個半小時的午飯時間內，我試圖Whatsapp過張悅寧，可是沒有得到回應，然後我嘗試透過一堆零食，正準備收買一位在公司毫不顯眼的肥仔，雖然他的存在感接近零，連老闆或者一些高層也喚不出他的名字，甚至連這個人的存在也無視，正因如此他才這間公司裡安然度過了許多風風雨雨，同時也在不知不覺間聽取了很多情報。

有時候我會在想，到底他這裡當IT Admin還是當CIA？

不管怎樣，他就是這裡的情報天書，而且更重要的是，我和他有共同話題，就是一款在香港算冷門也沒有人玩的遊戲 - Muv…… (說了你們也不懂)

我藉著透過零食和話題，打探一下最近的消息，實情上除了工作以外，我對這間公司的人事關係一無所知，就算成了養老族後，我也本著閒事莫理這種心態，結果.....自己依然成為被欺壓的對象。

當我們聊著遊戲內容聊得正起時，我找準機會轉移話題，而當我用上投石問路的方法提問之際，他好像心領神會的，一邊輕敲著鍵盤一邊答道：

「你係咪想問你條Team要抽一個人轉去Jacky條team單野？」

想不到他竟然會那麼機靈，果然是這間公司的情報天書。

我點了點頭，再嘆了一口氣：

「我覺得會係我。」

想不到他確切地回答：

「唔係你呀，上面話係調Candy去Jacky條team。」

「我知.....Candy唔想去嘛，咁佢唔想去，我阿頭性格又咁隨和又咁錫Candy，咁Jacky要人自然就緊係調我去架啦......」

他伴隨著鍵盤聲答道：

「你阿頭錫佢？都唔係咁。」

「嗯？」

果然問對了人，這場陰謀論是另有內情。

他雙手離開了鍵盤再托了自己的眼鏡一下，用上那把低沉的聲音對我說：

「但....你知我一向唔賣是非。」

「喂，成間公司加埋你班朋友入面，得我一個係同你鍾意一隻Game，加埋......」

他打斷了我的話柄說：

「呢一堆零食加下個月出隻新Game，加埋你上次同我講你買咗嗰隻御劍冥夜隻Figure！答你兩條問題。」

那一刻，我別無選擇於是一口答允這場「天價」的交易：

「好！一於咁話！」

「首先，我聽講咋！Jacky係睇中咗Candy嘅，又靚女又做得野，在公有佢幫手Jacky上位之後就肯定輕鬆，在私.....唔講啦，唔知你知唔知？」

我搖了搖頭，他回應：

「咁下一條問題答埋你。」

「Okay！」

「而你以為好好人嘅阿頭，其實不嬲就係偽君子嚟，呢樣就無咩人知，為咗保住自己可以安然退休，咁呢啲扯皮條嘅野佢就緊係唔介意做架啦，仲可以擦埋Jacky鞋。」

話音剛落，他續說：

「好，呢條係第一條問題，而第二條問題我都估到你想問咩！」

我點點頭，繼續聽取他的情報。

「咁係人都知但得你唔知，Jacky做上司又變態又鍾意屌人，我係講緊不論係用口定用條撚都係，仲會用啲招令你轉唔到工或者寫到你紀錄花一花，但放心呢個唔係佢唔鍾意你至會做，而係佢興趣嚟，但另一邊又狗公到極點嘅人，最鍾意做罐頭刀，年中食唔少intern妹妹！」

「咁以我估計Candy一係唔撈，但佢又未夠鐘走，而家走又好難揾下一份，你知Fresh Grad喎，但如果Candy唔撈又調埋你過去，你阿頭就會變無兵司令，對佢又無著數，Candy同你阿頭兩邊而家都係猜緊對方底牌，反正我聽返嚟，Jacky同上面要人嘅原因係覺得你條Team兩個人就得，唔使三個人嘛，所以我估計如果真係到必要時，你阿頭為咗交差咪唯有派你過去囉，反正Jacky對你阿頭唔可以亦唔會有咩微言，因為得佢兩個知內情，所以如果真係調你過去，Jacky食唔到女就一定唔滿意......你去到應該係做慰安婦架咋。」

這個內情，我好像有點接受不到！

「咁你知唔知而家係調邊個過去？」

「呢個係第三條問題。」

「御劍冥夜都值兩條問題啦！」

他思索了一會：

「又係！送多兩條畀你。」

「咁你答啦，Please！」

「你阿頭Lunch前決定咗調Candy過去啦，而Candy都無遞信，應該係硬食，真係慘，硬食完調Team過到去肯定要硬食埋Jacky條腸。」

「你又知？」

「緊係啦，調Team咁要拎過部新機，我自然會收到E-mail架啦！嗱，兩條啦，問完啦！」

Shit…...

沒錯，我成功改寫了歷史，但聽下去好像害了Candy？

就在那個瞬間，我竟然心軟，而且內疚感開始作祟。

但是，她的確有一開始出賣我的意圖，否則怎會試探著我是否懂得Jacky那邊的工作模式？




待續

在線上
手動正評

唉瘋 究竟瘋婆婆會唔會有日得到救贖 佢嘅懲罰佢嘅“罪”幾時完

應該等我寫完第三部曲就會完

大家一齊等
在線上

在線上

在線上

在線上

前幾日睇 終於追到呢到

在線上

在線上

在線上

在線上

在線上出住一篇，因為呢篇比較複雜.....



我灰頭土臉的問了最後一條問題，儘管不知道他會否回答：

「咁有無方法令到Candy唔使調team？」

「應該無啦。」

聽到這樣的回答後，我無奈地離去，不知該到那裡去，也不知怎的，我的確懊悔不已，明明時差的代價或者電車軌難題，我都能夠了解並無奈地接受這樣的道理，縱使當中也有出現過內疚，甚至會想起自己曾經犧牲過一位陌生人的性格來換取現在的結果，只是最終仍被自我說服，可是.....在這刻的懊悔，卻不能一如以往的自欺欺人。

想著想著，我知道自己該到那裡去，只是不敢去那個地方，去找那個......剛剛被我改變了命運的人。

可恨之人也有可憐之處.....

我佇立在升降機大堂，就這樣緊握著拳頭，然而與我擦身而過的路人突然被定了格，那一刻，我知道每當我迷茫的時候，那一頭會迷惑人，但另一邊廂卻用別的方式指導著我的魔鬼，便會在合適的時機出現。

她說，大部份人就像果籃一樣，經過包裝後擺位奢華，外在看似富有光澤和鮮甜不已，但當把果籃翻到底的時候，內裡的果實可能已經腐爛並發出惡臭。

潘朵拉.....

「你成朝去咗邊呀？」

她笑了笑說：

「觀察下一個人懷住報復嘅心穿越到過去，到底可以犯幾多次錯誤？」

果然是潘朵拉的個性，我應該要收回剛才片刻的感性吧。

未幾，她補上一句：

她說，我們把自己看錯，再把世界看錯了，反說世界欺騙自己。

「即係你話我誤解咗Candy，然後再睇錯我上司？但你唔好忘記，Candy佢的確係對我不忠。」

「至少呢刻你認識嘅佢，佢無出賣你？同埋.....時間會流逝，世界每分每秒都進步，而人亦會因為佢經歷過嘅野而改變，只係你唔會清楚了解得晒，只能觀其果猜其因。」

說罷，她聳聳肩。

「我唔認同呢句說話！唔理個因係點，而結果佢未來都會出賣我。」

「咁所以你而家就出賣咗呢個人先？你咁樣就以為自己可以改寫到個劇本？」

我知道自己在死撐，但在潘朵拉面前，我知道撐不了多久。

她說，錯誤的果，往往建基於自己錯誤的選擇或缺點，只是結果放在別人眼前時，我們總會把結果放大，然後把自己的選擇埋藏，再合理化整件事。

「我唔覺自己有合理化到！」

「你覺得你工作上際遇問題，完全係你上司嘅錯？就算佢係一個仆街，你都仲有大把選擇，佢寫花你紀錄，你可以照走架，就算人工待遇低啲，都好過喺度做狗？好過慢慢變成個養老族，再慢慢放棄自己？畀著我係Candy見到自己個男人咁樣，我絕對都會離佢而去囉。」
話音未落，潘朵拉的身體漸漸變透，我知道時限已到，果然她這個形態只能維持一段時間。

她離去前，拋下了一句：

不能夠每次只用「或然」來正當化「必然」，要以行為本身斷定自己的決定在本質上是好還是壞？

那是.....哲學問題吧？繼電車軌難題後，潘朵拉又給了我另一條問題，也許問題往往就是答案的本身，只是我們卻從答案裡尋找答案，才把答案變成問題。

於是，我決定依照著自己的記憶，去尋找Candy，我知道未來沒錯她會待我不忠，但那是未來的她，正如希特拉在「成魔」以前，他的確是一位有野心的平凡人，不理在假設問題上我殺了他後，總會有下一個，但至少在他成魔以前，我不能用未來的「或然」來正當化當下的「必然」，來扼殺劇本的改變、推論和發展。

也許，一直以來「時差」總會未能如願的原因，正是如此。




待續

在線上

在線上！

在線上