入過沙咀勞教中心，你問我答

如果係真既點解無後生仔想告佢地

小欖有個犯比人打左6支針打死左，警察黎到，唔比佢入監獄，然後玩你半日，比警察入黎，拿CCTV既帶，「咁啱部機壞左bor」。盒帶交到上法庭，成盒帶正常，出事個一個鐘變晒雪花，佢地解釋，咁啱個個鐘部機壞左，咁你吹佢賬呀！

Detail?死左人咁點解釋支針

坐牢定渡假？

打完操完下次唔敢犯

未必係壞事

咪係
入去緊係打到你驚 唔係放返出黎又搞事

成班傻西講到好唔公平，冇錯係入面係冇公平。 但唔諗下點解對yp要咁？ 成班都係腦袋未發育o既暴力撚，唔極權，唔高壓根本震唔住，更加冇效果。 要比，無論美國日本南泡同台灣，香港yp倉已經係算最文明個個。
比起日本同美國，有命出返黎算唔錯。
以比率而言，入得yp大多係咩青年？ 唔通會係一般鍵盤戰士？ 係入面磨，還是出街比人砍開18碌好？ 定以為爛仔世界會同你講人權？ 還是同一個10幾歲臭飛講大愛？ 神愛世人之類？

成人倉唔係唔想教，係冇得教，你打撚死佢都冇用。 yp之所以咁慘，都係希望嚇到一個得一個唔再走回頭路。

如果仲係堅持yp倉要講人權，咁不如落爛仔區感化佢地。

麥以馬係咪真係衰襲警?

紋身師被控強姦女侍應
酒吧內認識　往的士高消遣

【本報訊】將軍澳景林發生懷疑輪姦案，一名酒吧女侍應與相識男友人在的士高消遣，飲酒後神志不清，遭人帶到景林輪姦，警方拘捕一名懷疑涉案年輕紋身師，他昨被解到觀塘裁判法院提堂，被控一項強姦罪名，案件押後至本月25日再提訊。
被告麥以馬現年23歲，報稱職業為紋身師，身材瘦削矮小，一頭長金髮，面容憔悴，他被捕後一直被羈押，昨被解上庭時木無表情，暫時毋須答辯，被告一度提出以二萬元申請保釋外出，但遭裁判官拒絕，須繼續還押警察看管，以進行認人手續。

http://hk.apple.nextmedia.com/news/art/20070422/7027275

講乜春呀

我12年11月判入去，13年5月6日出返嚟，衰偷嘢，當年17歲。
利申嚟緊套《同囚》我都有份參與，你可以當我係電影宣傳我唔介意。但係我係度只會講真話。參與呢套戲都係想入面既痴線嘢多d人知。
依家d觀眾睇完電影預告已經覺得係戲劇效果，但其實套戲既內容已經比現實冇咁恐怖。等如我講出嚟可能你都唔會信。
佢地依家唔敢講係真人真事，因為聽聞已經嚇到懲教署警告佢地。
你地認知既監獄世界，同沙咀比簡直係天堂。唔止皮肉，仲有精神折磨。

你係馬仔？

原本答一個post,而家要答二個，

想問吓樓主班离獸打人通常點打法，批肘係批邊個位？多唔多打頭？

有幾款既
快車、雞翼、刨冰、芥蘭、電指神童
快車係用間尺、木板fit手板
雞翼係係背脊度落掙
刨冰係整個指骨刨你肋骨、心口
芥蘭係落膝挫你大脾
電指神童用原子筆好似十大酷刑咁夾手指

但點解冇做錯野都會無端端打你？

因為勞教中心就係咁呀麻，就係你係出面好難教，個官咪判你入去比人打到你怕，打到你死狗，唔好以為自己係大佬。