［音響撚］音響Hifi討論區（6）

舊年有 pm7000n 試聽活動推 705 都得
606 相信無問題

信和 CD 舖真係未去過，聽聞信和有間賣碟嘅老闆好惡
我去開 CD Warehouse，添置 12 樓，仲有灣仔有兩間 CD 舖

信和10/f 賣2手碟, 有時會執到寶
添置12/f 係賣咩碟多?
旺角買碟可以睇埋威威店

12 樓 hifi 碟或者錄音比較好嘅碟為主，少量日本碟，歐美就偏向大路，有少量二手碟，新舊黑膠
威威就唔係太想去，我有少許偏見，太多發燒友 hard sell，show off 貼相買咗咩碟唔係問題，但都唔需要下下做到同威威“賣廣告”咁，其他舖頭都要“生存”架

我覺得 Spotify 320kbps 冇大家所講到咁差嘅，Spotify 佢唔係用 mp3 格式，好似用 ogg vorbis，一定比 mp3 好聲

有損串流嚟講，Spotify 音質係可以接受架啦，同無損比較，多數人真係要好細心同耳筒聽，先聽得出分別

Spotify 盡可能用 streamer 或者 chromecast audio 播啦（bit perfect)，直接用PC 播，播放軟件唔支援 wasapi，會經 windows 個音頻處理（唔記得個名稱）先至到 DAC，音質會打折扣

搵support spotify connect 既wifi speaker 係咪會最好聲❓

我樓上10樓行咁多次都正正常常

係，但又睇過隻 wifi speaker 嘅技術規格，係咪 bit perfect，某些平價產品好多時規格上係支援 high res，但實際會 resampling 去某一個 sampling rate 做解碼

自從 hmv 轉手，愈做愈差，舖頭愈縮愈細，最後摺埋，買碟變咗要“分散投資”
以前去 hmv 真係會慢慢睇，慢慢行，花你一兩個鐘都得，慢慢睇到啱心水就買

而家好多時 15 分鐘完事，甚至一入 CD 舖一攞啱隻碟，俾錢，走人

或者互聯網發達，行入舖頭前已經一早知隻碟啱唔啱聽，以前買碟會有種估估下心態買嚟試下好唔好聽

平價有質素，bluesound 應該係首選，外國有人改佢部機轉 LPS 供電，但佢賣塊線路板，未包隻 LPS 都成千蚊，好 Q 貴，睇用料係唔值咁貴

唔會嘅，我好多時都聽Spotify 嘅

Spotify 較到320，佢用ogg編碼，損失率低過mp3, 大部份人唔會覺得分別

我朋友嚟我度，佢有HiFi嘅，識DIY膽機㖭，開Volumio用揀歌播，裏面有24/96, 44.1/16， 48/24，Spotify 320,由於部金仔CD機喺Volumio 下唔會長期顯示，只會顯示1秒半秒，冇得佢睇佢根本分唔出

然後比「意見」我改進音質，300b膽機推35仔最夾之類。

其實BBC boardcast 嘅engineer係建議石機，佢哋戶外廣播都係石機

香港HiFi市場只會越嚟越細，居住環境唔容許你擺套音響，早兩星期去友城買嘢，見到客大多數係買earbuds,earphone 同DAP，hifi部已經縮到1/3舖面

連登post 以耳塞，無線耳塞post推得最快，檯式耳筒post已經差好遠，呢個hifi post梗加唔使講，咁耐10都未到，同市場步伐一致

就算有位有錢買套音響，開嘅時間都係有限，屋企有其他人會影響到，好喇得番自己一個，開得夜又大聲到隔離鄰舍投訴，限制條件多

無所謂啦，自己原有配搭玩得開心就得
跟人意見改善的話，成本都係問題啦，可能到時又唔啱聽

我以前用膽機嘅，就係唔啱聽先換部金仔E600 ，呢啲先係我要嘅聲

我好準時 11 點就熄機，從未俾人投訴過

屋企木門質素好重要，最好實心防火木造（當年房署免費換），木門空隙最好貼隔音物料，會隔到好多聲音

當然低音唔好開到轟轟聲，一定震到上下左右

除非有錢到好似 Coma Tang 花成百萬裝修攪隔音

我都唔係，只係聽音樂 只係有限條件下搞個好啲檔攤聽

而家聽耳筒同hifi比例 10:1可能都有，太太要靜冇得開，佢出咗街先有得正常音量

返到屋企食埋飯沖涼，攪其他嘢好多時都過 10 點，除非好有 mood 爭取時間開機聽，多數都係 head-fi

講吓CD，旺角2間女人街賣CD嘅有時會有特價CD好嘢執，曾經執過3隻日本版bon jovi嘅碟，每隻40蚊，即刻俾錢 1嚿水三隻



另外我都有幫襯信和嘅二手CD，買過好多隻冇問題嘅，不過成個雜貨攤咁，要好有心機自己慢慢搵

啊， 想問下點睇隻speaker 係bit perfect
初玩spesker, 剛入左對wifi denon home 150聽spotify

CD warehouse都會幫襯，我住所附近有，廣東歌，不過今年已經冇買，冇隻專輯可以買嘅，英文嘅而家多數幫襯amazon US，其餘Spotify就算