［音響撚］音響Hifi討論區（6）

Duncan（燈伯）。

睇下佢同國仁，會了解音響世界多啲知識，唔會好似水魚咁，落旺角俾人呃。

咁又係由比成個旺角呃到只係國仁呃

睇國仁有時都睇得出係假讚

我剩係睇到佢收錢扮試野

唔係全部片都係廣告咩

錢就一定有收架啦，話晒全職寫手，評論員，人地要搵食養家，交租，出糧俾員工，除非佢好有本事靠老婆養

有時介紹嘅產品真係不值一提，但冇計，收得人錢唔可以數到咁盡

呢 d review 片，介紹功能，用料係 ok，評價方面就...只作參考啦，始終隻耳仔係你

各位ching你好，想問一問肥花d二手喇叭買唔買得過？諗住買多個二手smsl擺住宿舍用

國仁有自己俾錢買果啲，唔會太差

邊度買二手都有風險

呢個當然啦，佢買得嘅一定試清楚晒

最重要係先唔講器材平貴，佢最大優勢差不多全行都知佢做 review，知佢係邊位，老闆直接招呼，唔需要受 sales 氣

有間樓上舖幾個 channel 都有介紹過同拍片試聽，片中老闆係幾 nice，但下面班 sales 寸過馬撚

認同

試過去原音，想試下JBL細喇叭

屌，個老鬼話個喇叭係垃圾黎，唔肯駁機

其實試入門嘢最好去連鎖店，雖然折扣可能冇出面舖頭咁高，至少 sales 態度冇咁極端

認真，AV LIFE有既貨，我多數都係果到試
錢唔差得遠，最少唔會黑面先

jbl 細喇叭我估喺佢地角度只會用嚟做 AV surround 系統，玩 2ch jbl 至少都用 43xx 等 studio monitor

鍾意 jbl 嘅話唔知你有冇睇過細井研志個 channel，佢 d jbl 真係好好 J

始終原音主打高消費能力客仔，我試過入去地舖買平嘢，求其嗱嗱聲買完就打發你走咁

地鋪果d你唔係買十幾萬野都當你你乞兒
反而觀塘尖沙咀樓上細鋪多數好好態度

我想試果對係JBL 4312MK2

4312M ii 的話，真係賣樣多過賣聲，雖然講聲都未至於垃圾嘅

之後行多一個圈，試左proac tablette 10 signature，問佢價錢，都係報返代理價錢，勁hea！

可能唔係大生意，原音都唔放在眼內。

proac 的話去返Michael Audio 好啲

細房聽 有無細隻喇叭推介
int. amp 用緊Rega Brio-R

介推就唔敢啦，唔熟悉 rega，係咪偏厚聲？
穩陣 d 嘅話試下夾返新款英國喇叭？wharfedale, B&W?
近期某些英國喇叭著重咗分析力又不失自家品牌嘅調聲

如果呢兩個喇叭牌子你上 price search 返你部 amp，一間賣 rega 同時有賣 wharfedale，另一間有賣 B&W，去舖頭試聽下

或者有對入門級嘅 focal，國仁有介紹過，自己望一望

感謝巴打回覆
聽過Focal 覺得都ok 呢個牌子算係冷聲？
klipsch 有無喇叭會同rega amp 夾聲？

focal 睇下點夾啦，或者厚聲 amp 會夾，夾得好嘅話聽人聲勁正，幾獨特，個種韻味難以筆墨形容

Klipsch 就我粗略聽過，但唔知邊一款型號，只係去某間舖頭睇嘢時，舖頭用緊 klipsch 播歌
易推，就算開得細聲都俾到唔錯效果，冇記錯聲音速度快上快落，睇你係咪分析力狂熱份子啦，佢個高音 horn 唔係我口味

我雜食 有時會聽電子嘢 / band sound
好怕啲bass 收得太慢 低頻水浸咁