【童話篇】約咗女神玩密室逃脫，點知出唔返黎

出咁大篇聲明
個重點就係報復讀者

做得一個作家，寫得一個故就預左會有正負兩面既評論，當然總有人會留一d惡意既評論

本身都無咁嬲，但見到你出一大篇野，原來只係怪責緊讀者，講緊讀者既不是，然後已故事大綱為故事總結hea讀者報復讀者

唔通咁既行為就係你口中所講既理性

俾番少少意見銀仔
我本身冇睇銀仔其他故，依個密室系列係我第一次睇銀仔嘅故。見其他巴絲話執行者正，可能之後會追。


想分享下一路以嚟嘅感想，我相信大部分忠實讀者都係咁諗，有好大分歧嘅其他讀者可以糾正同補充。

———————————————————————

第一個故我俾80分。題材幾吸引嘅，故事中間見到女主都死撚埋嗰時好想追落去，睇下銀仔你點埋尾

恐怖感一流，隻女鬼嘅嘻嘻好正，毛骨悚然

嗰結局都可以，美中不足係銀仔有時描述啲細節有少少唔清晰，例如有時女鬼又話係走廊，但原來係課室一路坐係主角上面，同警衛嘅對峙等，但未去到話好唔明。

最重要係同讀者間嘅互動好正，你串下我，我串下你咁，氣氛好好，亦都有聽讀者意見，下個故出詳盡啲，我都好期待銀仔下篇文。

———————————————————————

宿舍篇恕我未能滿意，只可以俾50分，僅僅合格。

一開頭都唔錯，但氣氛營造方面相比起第一個估略嫌失色，血腥味重咗但恐怖感少左。但女主萱萱我好鐘意，期待有感情線

不過隨著劇情推進，節奏慢咗，第一個故目標明確，逃出學校，但第二個故係揾番條女條屍，但線索太多，睇睇下劇情都唔多記得，不過都尚算可以接受，亦都有俾讀者們參與解謎。

一上到天台就出事，阻止藍頭人個陷阱唔get想像唔到，藍頭人笑唔get，在天台邊突然見到啲嘢即刻三個人掉頭走唔get，係咪藍頭人游繩爬上嚟捉佢哋？突然彈個roomate出嚟，坐係上面對住主角笑唔get。總之就有好多細節唔明，期待作者解話。

點知突然之間多咗一批haters，屌銀仔出文慢，我都認同進度係有啲慢，但銀仔唔係奉旨要寫文，語氣可以好少少啊，結果銀仔心靈受創，結局非常倉猝，亦都有好多謎留低咗，事到如今我都期待銀仔解話。

嗰故整體相比起第一篇係差少少，節奏慢咗之餘都未算詳盡咗，後面仲多咗位唔明，不過都係因為班haters講野太mean，hurt到銀仔，我可以體諒，而銀仔都休更4日，我都期望銀仔第三篇可以滿血復出，調整下節奏同詳盡度，寫篇高質嘅

———————————————————————

童話篇係好咗，都有70分，恐怖感冇乜，但智鬥非常精采，不斷估邊個係王子。

銀仔你嘅長處係玩家們嘅智鬥，其次係恐怖感嘅營造，期望你之後嘅故多加入呢啲元素，短處係描述複雜嘅陷阱，建議銀仔你之後小心啲寫，構思好甚至晝埋出嚟先寫。

但有樣野令我覺得有啲可惜，就係銀仔唔再同讀者互動，以前有講有笑好正，依家好似每日交差，語氣都見外咗好多，我想見番以前嘅銀仔

同埋又有一個hater出現，令到銀仔省略戰鬥場面。本身對戰食人魚，鯊魚，八爪魚嘅都唔差啊，隱形魚嘅戰鬥場面我都好期待，點知省略咗，之後大戰最終boss巫婆都冇埋，本身講到jake有勁多武器，想睇佢大展身手，萱萱女神樣之外戰鬥力都幾高(綜合2個故描述應該勁過主角)，刻劃人物性格方面，萱萱可以平易近人加戰鬥力雙向發展。主角都有一定戰鬥力，直接飛咗戰鬥場面我覺得好無癮

最後解釋毐男係王子嘅伏筆，我覺得經主角內心獨白形容番會好啲，依家戰鬥場面同伏筆解釋用括號另外解釋，感覺好似睇劇本咁，同有啲電影有大陸字幕，嗰啲咩腳步聲，樹葉聲一樣，睇落好冇癮。

整體幾好嘅，撇除省略場面同互動減少之外，節奏快番，畫面都描述得好咗，起碼唔會睇完文字描述想像唔到畫面，智鬥好正，如果個故加入多啲恐怖元素(例如同美人魚互動)就更好，可改善，但已經有進步。

最後第四篇可以俾個開頭就夠，依家好似劇透得多咗啲，新鮮感少咗。

———————————————————————

其實打咁大篇野，都係想俾銀仔你知，有好多忠實讀者好鐘意睇你出文，同你有講有笑。點都會有啲haters係到亂講野，mean到你，但你唔好擺係心到，亦都唔好為咗滿足嗰10%嘅haters，而刻意改變，咁樣只會苦咗自己同一班真正欣賞銀仔你嘅fans。
大家一齊俾啲鼓勵銀仔好冇

銀仔，你要忠於自己本心，按番自己最舒服嘅style去出文，唔好俾啲haters影響到啊！我哋好多讀者都好支持你㗎。而且你都唔好咁見外，同番讀者有多啲互動啦，好掛住以前好密覆讀者comment嘅你，嘻嘻

Btw銀仔其實係巴？
之前成日叫自己銀妹，等我信咗以為佢係絲

我屌你呀 依d先叫惡意既評論

人地話你寫得唔好 就叫惡意評論？
又唔肯虛心接受，你咁既人比你寫到名著都冇用啦，咁大個人成個小朋友咁

部分讀者貪字得個貧 其實銀仔哩幾篇寫得唔差 建議再唞多排先繼續 如果心情都係未平復到嘅話 放低哩篇文未嘗唔係一個選擇

實係好好睇

其實我係想引你上邊那片，但太長免得浪費大家時間才用這篇。BALLB兄所說的我全部都贊同，亦是我想說的。
說回正題：我都是由一校園篇開始追，第一篇我覺得好有新鮮感，這裡很小這裡鬥智的故事，往往都是打喪屍或愛情故，這種要讀者去一切思考的不多。說實在(我早前都說過) 文筆有時會混亂和錯別字，但始終作者不是全職寫小說及無人幫手校對，我接受到。
第二篇是比較亂的，其實我都期待作者出來解話……
第三篇是我最滿意，我一開始都在估誰是王子，點下標記，可惜可能後來有些事情發生了吧？因我很小去追其他巴絲的留言，只是去找作者的文去看擺了。令到動作或某些情節跳過了，可能作者都有點心灰意冷了，所以只交待文戲就完結。這是令人可惜的，我沒有不開心，無論是什麼理由這個故是屬於作者的，要怎處理作者亦有全權主理的權力，我們這些不用出一分一毫的亦不應太多批評，由其是惡意的。始終善意的批評總比問候人全家的說話好，亦來得開心。
我不期望還會有續篇，如果有當然好，但若然好像第三篇飛劇情，我就情願你出慢點或不要出，我覺得有點浪費個好故事，亦都傷了一班想追看好故的人。但希望銀仔你日後收拾心情重新上路時，可以繼續努力，我覺得你的構思和寫文的安排都很不錯，無論下一個故在那裡出，都不要停止去寫，去尋找一個你喜歡又舒服的平台去發表新文章不要浪費了你現在的。
加油吧！

你有無追留言架 第二篇嗰陣有啲留言係話銀仔on9 無能力先寫到睇唔明 又話咩咁嘅質素都出到書等等喎

我平時都唔鍾意作者因為一兩個差評就棄故 但係今次真係有好多惡意評論喎 有時作故唔係正職 邊有咁多心神應付你班大帝

屌作者+1
點解要拉埋非hater讀者落水
用劇透第四篇同hea寫形式報復讀者
出書保密都係咁話啦好冇品

我覺得有點浪費個好故事，亦都傷了一班想追看好故的人。+1

睇完密室故，首先辛苦銀仔啦
密室係我第一個追既故，題材好吸引

第一篇個懸疑感覺得拿捏得幾好，又要避個女鬼又要搵線索，同埋呢篇有好多互動好正。雖然某d戰鬥同轉場地有少少亂，但個人覺得可以接受，亦期待主角見番黑超男

第二篇一開頭其實都幾好，但中段去到女死者出場開始好似有d變質，同埋真係好多haters，feel到銀仔係灰心，好多位唔明。

到童話篇好好睇，少左恐怖位，但鬥智同估邊個係王子都覺得鋪排好好，戰鬥場面亦好睇，但銀仔已經開始唔回讀者有d sad。唔知邊個提議寫大綱，搞到咁多細節都冇哂，覺得好失落⋯⋯ 同透明怪物戰鬥，萱萱同jake點傾交易，巫婆出場，到8星關短短幾句交代哂。雖然係進度快，但完全冇左睇故個樂趣。覺得銀仔唔好咁在意haters comment，總有人係咁mean，唔洗付出又要求多多，唔等得咪儲幾日一次睇，催到幾句寫完有咩好睇 追故每日邊睇邊等邊推測都係一種樂趣，你有自己寫作風格，好多忠實粉絲支持。唔好為左少數haters令自己同讀者都屈就，期待會出番詳盡版本。

而銀仔如果唔想寫8星關，其實可以暫時喺童話篇告一段落，會好過就咁幾句大綱就寫哂。希望銀仔會重新出發，有番寫故既動力啦

銀仔
我一向好中意你嘅文 相信好多讀者都好中意 但呢度係連登 為咗推行動po我諗未必個個讀者都會留言 但我地的確睇得好開心 我都好希望你可以本住自己寫完自己開心睇嘅心態寫落去 點講都好一定會有仆街死都要踩人 但希望你可以儘量無視 繼續寫啲好嘅文比我地

我通常都skip哂其他留言, 淨係睇故, 唔清楚你地中間互動發生咩事, 突然草草收尾, 確實有D辜負咗讀者, 希望銀仔放低芥蒂, 繼續寫落去啦, 加油!

能力唔夠就一定有批評㗎啦 有批評就一定有惡意批評都唔知咁介意做乜 又唔虛心接受批評 但又要在意惡意批評 俾人講兩句就冇心機寫你嘅寫作之路都幾崎嶇係咪俾人讚過就自大 以為自己係大作家 批評下都唔得？
最後仲要報復讀者玻璃心小學雞 驚俾人批評就自己開個電腦word打文自己睇 唔好放上黎嘛 無人想睇一個爛尾故

正皮係我比

我都覺得樓主好on9

又唔好講到咁盡 好似你叫個fd嚟你屋企打機 你打得唔好佢係咁串你 成件事都唔好受啦 如果你鬧返佢轉頭唔通哩啲又叫玻璃心？ 哩排香港咁亂 嚟睇故都係放鬆下啫 而家兩敗俱傷唔係作者本意嚟

打機係放鬆 點可以拎黎比較？如果佢覺得寫作係放鬆 就唔好放上黎 應該留係自己屋企寫自己睇
放得上黎就預咗會有批評啦仲放乜鬆
作者就係直接搞到兩敗俱傷 咩鬼野唔係本意
俾人批評有2個做法
第一個做法係接受批評然後改善 希望本來批評過班會轉為支持自己
第二個做法係寫個垃圾結尾岀黎報復讀者嘅批評 得失埋本來支持自己過班讀者
唔好同我講話免費睇所以唔好批評咁多野 免費唔代表可以寫垃圾得黎無批評個世界係有批評先有進步

作者何嘗唔係用連登呢個免費平台去宣傳, 之後出書?
既然出得文就預咗有人批評, 咁先有進步

本身見到第三章比第二章好咁多, 以為作者回復狀態, 點知

嘻嘻

我覺得唔係放唔放鬆嘅問題
而係佢放得出黎比人睇
你都係想睇人真實反應啫

樓主成日話好多惡意批評
我由頭追到落尾
又唔覺好多haters
反而好多人認真比意見去改善

銀仔你都唔係新手第一次喺連登寫故
搞乜今次搞到咁

吓 邊撚到唔虛心接受批評先
我記得一開始有人話好難跟上主角行動同位置 之後銀仔逐點解釋 下章又出埋平面圖
我記得自己話過想跟住主角視角解迷 之後銀仔出咗幾個迷係俾讀者一齊解

我都認同銀仔係有辜負忠實讀者 但又唔好屈人唔虛心接受批評喎 定係你眼中既接受批評係要接受埋啲屌你老母吖

好明白第二篇啲人係真係鬧得好難聽
個啲確確實實係惡意批評會令到銀仔好唔開心係好正常
亦都辛苦哂你樹大就必有枯枝 多人睇就一定有啲人係心懷惡意態度唔好的
希望你可以慢慢放低
但希望你睇到呢一篇仲有好多讀者係明事理係支持你
一直追都覺得好好睇 讀者之間又可以一齊討論下咁
但個結局真係唔太開心 係真係比人感受到你想報復讀者咁..唔係鬧緊你但呢個係事實

唔知會唔會有一日你無再咁介懷個啲惡意批評之後可以寫返第四篇同埋一啲miss咗嘅比我地呢？（如果要出書就算啦）
我地都會等你

我每日都好期待睇銀仔一至兩篇文，即使之前有啲內容唔太明當中嘅內容，都會好期待第二日個篇文，直到琴日睇到最後，飛晒好多內容，感覺有啲失望，一直期待嘅結局估唔到只係草草交代

睇到話要報復一啲讀者，我覺得對一啲一直追開故事嘅讀者好唔公平